|
Re: تمرد لاعبى الهلال عند سلم الطائرة وازمة مالية تربك الرحلة (Re: محمد عمر الفكي)
|
يا ود الفكي بالله تبطل مشاكل ودوشة وين أنا تنبأت ليهو بالصعود واللا النزول؟؟؟ قلتا يراودني احساس عجيب ولم أزد.. شكلي كدا حأفتح بوست مخصوص أتنبأ فيهو حقيقة بتأهل الهلال للمرحلة التالية. ولو كترتوهو يا ود الفكي منك له ح أفتح بوست تاني منفصل أتنبأ فيهو بسقوط المريخ من المرحلة دي .. وتزيدوهو تاني ح افتح بوست أقول فيهو حاجات تانية لا قبل لكم بها فشنو أسحن ليكم تخلوا الأخطبوط العظيم طال عمرو ياخد راحتو .
| |
|
|
|
|
|
|
Re: تمرد لاعبى الهلال عند سلم الطائرة وازمة مالية تربك الرحلة (Re: احلام وهبي)
|
ياعمار الجماعة عايزين حقهم لانهم عارفين الصعود للطائرات مامضمون مع توقع طيران الهلال فقالوا اخير نقبض هسه ..
Quote: شكلي كدا حأفتح بوست مخصوص أتنبأ فيهو حقيقة بتأهل الهلال للمرحلة التالية. ولو كترتوهو يا ود الفكي منك له ح أفتح بوست تاني منفصل أتنبأ فيهو بسقوط المريخ من المرحلة دي .. |
انت ياطلحة لسه ماعايز تسيب الغوص بعد كشفتك وفضحتك بجلاجل امام الملأ !!!!
| |
|
|
|
|
|
|
Re: تمرد لاعبى الهلال عند سلم الطائرة وازمة مالية تربك الرحلة (Re: فايزودالقاضي)
|
الهدوء...يسود المكان..اتو يجلس وحيدا وهو يراجع فى داخله اجابة موظف الصرافة عن عدم وجود دولارات هذا الشهر...على مقربه منه كان الفتى (ديمبا)يحسب فى متاخراته التى تجاوزت مبلغ لا يمكن السكوت عليه...وعلى بعد خطوات الفتى(توريه)فى صمت(عميق)!!!
يدخل المعلم ابو صلعه(ابو الرويس)وهو يصفر فى فرح ظاهر....ينظر اليه اتو فى عجب وهو يتجه ببصره نحو ديمبا ...ديمبا يصيح فى سادمبا (ايووو ما انت قابض من عمك)!!!...ابوالرويس يرسم علامات القضب ويقول عمك منو يا بتاع (ماداير)!!!....شنو...عمك منو!!!كمان....طيب نحنا زعلانين انت جاى تصفر يعنى خلاص...لا والله لكن نسوى شنو وانت عارف زولكم دا ايدو (ضاربه)...صمت الجميع وكانهم اعادو تشغيل شريط مبارة الترجى عند منتصف المبارة!!!
توريه(عاقل ورزين)يا شباب الحكاية دايره اتفاق الاوضاع بايظه والدولار طار السماء ومافى ....اتو يأكد على كلام توريه....سادمبا يمسح على صلعته ويقول شباب شوفو...يتجمع كل المحترفين حوله...نحن اسع نرفض ركوب الطياره ونقول دايرين القروش اسع...توريه فى خوف(لكن زولك دااااك)...صمت الجميع...اتو لكن هو مافى اسع...ديمبا (بخبرة السنيين)بضربو لى واسع بجى.....عندها انقطع الاتصال وفقدنا بقية القصه ....هل يوجد تسجيل لبقية الموقعه....ولا شنو...بس
| |
|
|
|
|
|
|
Re: تمرد لاعبى الهلال عند سلم الطائرة وازمة مالية تربك الرحلة (Re: طلحة عبدالله)
|
Quote: يا ود الفكي بالله تبطل مشاكل ودوشة وين أنا تنبأت ليهو بالصعود واللا النزول؟؟؟ قلتا يراودني احساس عجيب ولم أزد.. شكلي كدا حأفتح بوست مخصوص أتنبأ فيهو حقيقة بتأهل الهلال للمرحلة التالية. ولو كترتوهو يا ود الفكي منك له ح أفتح بوست تاني منفصل أتنبأ فيهو بسقوط المريخ من المرحلة دي .. وتزيدوهو تاني ح افتح بوست أقول فيهو حاجات تانية لا قبل لكم بها فشنو أسحن ليكم تخلوا الأخطبوط العظيم طال عمرو ياخد راحتو . |
عليك الله اتنبأ على الاقل بعدين نقدر نقبضك
| |
|
|
|
|
|
|
|