|
|
 بمناسبة عيد الأم: هل تتفقوا معى؟ كلمة ياحاجة ما سمحة !
|
يوميا اتشاجر مع اولاد اختى :
ما تنادوا امكم يا حاجة
هو انا بنادى حبوبتكم بى يمة او امى
لماذا لا تقتدون بى ؟؟
...
ياخى الكلام دا جانا من وين..؟؟
يا حاجة !
...
كلمة امى مالا؟؟
يمة كلمة تملأ القلب رحمان
امنا دى الله يطول عمرها لمتين ح تكون معاها ؟؟
لماذا لا ننتهز الفرصة ونقول يمة وماما بى سبب وبدون سبب؟؟
...
سألت امى وسألت اخواتى
أيهما اجمل
أن ينادوا بأمى ول بى حجة ؟؟
امى ردها كان واضح بالرغم من إنها حجت بيت الله الحرام
إلا أنها تفضل كلمة يمة
...
كلمة يمة ما احلاها
..
انا غايتو مستمتع بى الكلمة دى جدا
..
حجة كلمة ما صاح
..
زمان كلمة حاج وحاجة كانت شرف للحجاج لانو الحج كان صعب
وكان انجاز ضخم انو الواحد يحج
وكانت عند الساكنين اقاصى العالم كالشيئ المستحيل
الناس كانت زمان بتموت فى الطريق للحج
او بتكتسب امراض من شعوب الدول الاخرى الاتية من بيئات يعلم الله وحده شر الامراض التى كانوا يحملونها
عشان كدا الواحد لما كان بيحج كأنه نال درجة الدكتوراة
لأجل ذلك كانت بتقرن مع اسم الحاج او الحجة
لانو كان وقتها يحسب انجازا عظيما
ولا ننسى عندما كان يكتب على ابواب البيوت
يا داخل هذا الدار صلى على النبى المختار
إفتخارا بالانجاز
بنيل شهادة دكتوراة العبادة والركن الهام من الاسلام
...
اما الان الحج بقى اسهل حاجة
بل اصبح نزهة وترفيه من شدة سهولة السفر
الطيران السهل المتاح للجميع
التطور الصحى وحماية الحجاج
الخدمات المتطورة فى الشعائر
وتسهيل امور الحجيج
لم يصبح الحج امرا صعبا
..
اصبح عبادة مجردة من التفاخر والحمد لله وهو المطلوب
...
فلماذا لا اعلم من أين أتى اولاد هذا الزمان بكلمة اضافوها لاخواتنا البنات اللى لسع صغار وما شافوا السعودية ذاتو
يقولوا عليهم يا حجة
للاسف اولاد صغار بيقولوا لى امهاتهم اللى لسع شابات زى الورد يقولوا ليهم يا حجة
...
انا غايتو اولادى حذرتهم
لانو كلمة ماما ويمة بتريح الامهات
وطالما ريحنا الامهات ح نكسب رضاهن
وهذا فيه اجر
فعليه اعتقد إنو كلما نقول يا يمة او ماما او مامى
او (يو) بالنوبية حتى
بنكسب اجر
..
اتمنى ان اعرف رايكم
وخاصة رأى الامهات بالمنبر
...
محمد النيل
|
|
 
|
|
|
|
|
|
|
|
Re: بمناسبة عيد الأم: هل تتفقوا معى؟ كلمة ياحاجة ما سمحة ! (Re: محمد البشرى الخضر)
|
| Quote: ما فيها شي, بل بالعكس اراها لطيفة وفيها توقير |
راى فى محل احترام أخ محمد البشرى
ما قلنا شيئ..
لكن لما كل الناس ينادوها يا حاجة
ناس الحلة والسوق والاهل وعامة الناس
وكمان اولادها ينادوها يا حاجة ؟؟
الا تستحق ان يناديها ابناءها بيا امى لاعطاءها الاحساس ان هناك من هم ليس من عامة الناس ينتمون لها؟؟
فلم اسمع بأن الجنة تحت اقدام الحج
ولكن الجنة تحت اقدام الامهات
ايهما اشرف ان نناديها يا حاجة ول يا امى ؟؟؟
...
لماذا لا يناديها بناتها بيا حاجة؟؟
هناك سر !
واحد
واتنين
...
السر الاول ان البنت لديها احساس فى عقلها الباطن ان كلمة ام عظيمة فهى ترغب بأن تنادى بها هكذا فى المستقبل..
حتى الام التى يناديها ابناءها بيا حاجة فهى تنادى امها بيا يمة ! لماذا ؟؟
....
السبب الثانى تجد الرجال ينادون امهاتهم ب يا حاجة لانهم يستحون ان ينادوا امهاتهم امام اصحابهم ب يا يمة
إنهم يستحون ان ينادوا امهاتهم بهذا الاسم فى الشارع
It is okay
But
ليه طيب فى البيت بينادوها بيا حاجة
والله انا شايفها ماظريفة
وبتسلبوا الام حق من حقوقها
...
شكرا للمرور وابداء رأيك اخ محمد البشرى
ولك التحايا
| |
|
|
|
|
|
|
|
|
|
Re: بمناسبة عيد الأم: هل تتفقوا معى؟ كلمة ياحاجة ما سمحة ! (Re: محمد النيل)
|
طبعا ممكن احندكك عديل ازيك حبيب
حفيدتى تنادينى امى او ماما بالاحرى
وفى كثير من الاحيان كنت انادى جدتى امى
وكذا كانت وما زالت تفعل ابنتى
فيوم رحلت امى الى بارئها بكانى الناس هنا فى ايوا حيث قالت لهم ابنتى ان "امى ماتت "
وهى تعنى جدتها عموما كلمة حجة ما عندها عوجة لكنها لطيفة على كل حال اتمنى ان تنادينى حفيدتى بحبوبة
| |
|
|
|
|
|
|
|
|
Re: بمناسبة عيد الأم: هل تتفقوا معى؟ كلمة ياحاجة ما سمحة ! (Re: سلمى الشيخ سلامة)
|
Quote: طبعا ممكن احندكك عديل ازيك حبيب
حفيدتى تنادينى امى او ماما بالاحرى
وفى كثير من الاحيان كنت انادى جدتى امى
وكذا كانت وما زالت تفعل ابنتى
فيوم رحلت امى الى بارئها بكانى الناس هنا فى ايوا حيث قالت لهم ابنتى ان "امى ماتت "
وهى تعنى جدتها عموما كلمة حجة ما عندها عوجة لكنها لطيفة على كل حال اتمنى ان تنادينى حفيدتى بحبوبة |
كلام جميل يا سلمى
لكن ما وريتنا رايك
بإيهما تفضلى ان ينادوك
امى
ول
يا حاجة؟؟؟
...
شكرا على مرورك الكريم
| |
|
|
|
|
|
|
| |
محمد النيل
محمد البشرى الخضر
سلمى الشيخ سلامة
فيس بوك
تويتر
انستقرام
يوتيوب
بنتيريست