|
Re: الفرق بين واصل علي و خالد عويس (Re: أمين محمد سليمان)
|
ملاسي الـ(س)غِير...
المثل بيقول ليك: " المابتلحقوا جدعو!
أها أقعد جدع في خيار الأخيار والمهنية لامن تلقى ليك "خرريارة" تأكلها وتملأ بيها بطنك. حقيقة أستغرب من أنك تعتبر نفسك صحفي وتسعى لنيل قيد ولأغلال الصحافة الصفراء عبر الهجاء الرخيـ(س)!
واصل وخالد مثال للنزاهة والمهنية التي لا تعرف البصل أو الشطة أو الخيار...
| |
|
|
|
|
|
|
Re: الفرق بين واصل علي و خالد عويس (Re: Mohamed Yassin Khalifa)
|
Quote: إنت يا كعوجة بعد ما إتصورت مع حسين واقف تتبسم و مربع يدينك ... تاني خشمك ما تفتحو في ناس السوداني ديل !! |
ندمتونا عديل كده :)
بعدين يابروف ياخ خلى التعميم المخل ده ياخ صاحبى ده مافى شى مكعوج فيهو لا شكلا و مضمونا غير ايدينو وبس :)
ملاسى سلام مافى حاجة فى الدنيا اسمها كده
| |
|
|
|
|
|
|
Re: الفرق بين واصل علي و خالد عويس (Re: Tragie Mustafa)
|
الأخت تراجي.. ســلامات
لا حول ولا قوة إلا بالله! كفوة شنو لا سمح الله؟ وصنة شنو الطالباني ليها؟
كمان بقينا نردد في كلامهم ونقول ده عندو قبيلة وده ما عندو؟ وده عندو حزب وده ما عندو؟ طيب... ! So what إنو عويس حزب أمة؟؟؟ هل ده بيقلل من مقدراته الصحفية أو من المكانة النالها في الإعلام العالمي؟؟ أم بتفتكري عشان هو حزب أمة ومن المقربين فده سيؤثر على قناعاتنا بكفائته ومهنيته؟ خالد أديب متمكن وصحفي بالمهنة... يضاف ليها إنو سياسي بالإختيار والقناعة الشخصية!
ومنو القال ليك إنو واصل ما إنتمى لحزب (حتى اليوم)؟ موش يمكن عندو قناعات سياسية ما عاوز يشارك بيها الناس؟ وموش من حقو ينتمي أو لا ينتمي لأي كيان سياسي... ولا الحق ده منه مسحوب كمان؟
أتمنى يا تراجي أن نرتقي بالكلام وطرقه فيما بيناتنا.. عشان ما نفهم بعض بالغلط!
| |
|
|
|
|
|
|
Re: الفرق بين واصل علي و خالد عويس (Re: Mohamed Yassin Khalifa)
|
Quote: ندمتونا عديل كده :)
بعدين يابروف ياخ خلى التعميم المخل ده ياخ صاحبى ده مافى شى مكعوج فيهو لا شكلا و مضمونا غير ايدينو وبس :)
|
يا زولة الكلام ده تقولي لزول ما عندو حديدة ... البندر قدس الله سره قال الزول ده مكعوج خلقه و أخلاق ... كمان إنت بتعرفي عصام زي ما البندر بعرفو ؟! بعدين يا سهام في مناضل إسفيري يمشي السودان بدل ما يناضل لينا من أرض الواقع .. يربع يدينو و يتصور مع ملاسي ؟
------------- والله يا عصام ما فضل ليك إلا تتصور مع وهبه !!
| |
|
|
|
|
|
|
Re: الفرق بين واصل علي و خالد عويس (Re: عمر صديق)
|
يا بروف وينك شايفك بي هناك نازل دموع و أشجان ورطويه, قلت ما أزعج رومانسياتك الوطنيه بالدراب ...
Quote: إنت يا كعوجة بعد ما إتصورت مع حسين واقف تتبسم و مربع يدينك ... تاني خشمك ما تفتحو في ناس السوداني ديل !! |
القصه فيها خطط و تكتيكات من الجانبين, الصور هينه جابت ليها لحم ضان و كرامات و كده , شغل تقيل. هو حسين مش فقط كاتب عمود في السودانى و لا أنا فايتانى حاجه :-) , حالتك ما متابع الدرِش الفي الفيسبوك ...
Quote: مناضل إسفيري يمشي السودان بدل ما يناضل لينا من أرض الواقع |
ياخى جيت محبط بشكل, و لا اعتقالايه و لا تحقيقايه بالغلط؟ اسه ال سي في الفاضيه دى أمشي بيها وين؟ قربت أضرب لى عبدالغفار أترجاهو بي حق الزماله ... ما عندك لى واسطه؟ بجديه: تعرف كل الناس البقولو انهم مستقلين أو محايدين أو غيره من الصفات الشبيهه ما مشكله أبدآ لو كتبوا مهما كان عن خالد أو واصل أو المعارضه و في ذات الوقت كتبو و أعطو نفس المجهود و الزمن في الطرف الآخر ... بالعكس ده المطلوب أقلام و أصوات مستقله بحق و انصاف تنتقد الطرفين بعدل, لكن ما بتمشي زول يقول هو مستقل و كل وقته و كتابته عن طرف واحد أيآ كان هذا الطرف, و لا كيف؟
Quote: والله يا عصام ما فضل ليك إلا تتصور مع وهبه !! |
وهبه و وليد الشفت ديل بس ما مكتوب لينا نتلاقى - ونتصور كمان - كم سنه بنحاول و ما عاوزه تظبط ... يا زول أنا بتصور مع أى بنى عدا أصناف معينه كده ... أقولن ليك ؟
يا سهام السويتيها بقت الله يكعوج راسك اكتر مما هو مكعوج , و ما عافيها ليك :-) الا يهنق حمار الوادى ...
| |
|
|
|
|
|
|
Re: الفرق بين واصل علي و خالد عويس (Re: Mohamed Yassin Khalifa)
|
الاخ محمد ياسين الخليفه سلامات
كلامي محدد وبتناول شأن محدد وما فاي داعي تقولني الما قلته:
Quote: واصل علي ده زول مستقل لم ينتمي لاي حزب!لليوم حسب علمي! |
كتبت حسب علمي!ورغم ذلك.....
Quote: كمان بقينا نردد في كلامهم ونقول ده عندو قبيلة وده ما عندو؟ وده عندو حزب وده ما عندو؟ |
يا زول هم منو البنردد في كلامهم ديلهم؟! كدي اسال ناس السماني الوسيله البرددوا في كلامهم مش انا!
Quote: طيب... ! So what إنو عويس حزب أمة؟؟؟ هل ده بيقلل من مقدراته الصحفية أو من المكانة النالها في الإعلام العالمي؟؟ |
اهو ده العايز تقولني الما قلته!
وبعدين يا محمد ياسين شغل سلق البيض ده احسن الناس تخليه بالذات معاي!
اولا التناول في اغلبه هنا(اعني في البورد وليس هذا البوست تحديدا) كان عن مصداقية واصل علي ومدى حياده؟!
واصل علي نوع تخصصه ذاته الصحفي ليس تخصص عويس ومعرفتنا بينهم الاثنين!
واصل علي لا قال هو اديب ولا اريب....زول متخصص في الاخبار ومش الاخبار وبس بل خاصي هذا المنبر تحديدا بجهد مقدر!
خالد عويس ما طارح نفسه اخباري بالنسبه لنانعرفه موسميا وفي قضايا سياسيه وبيكتب في حزب الامه غالبا!يبقى لاي متصفح عادي قد لا يعرفه حتى!
اما لو عايز تكسر ثلج لخالد عويس اهو المنبر طويل عريض وعينك لعمر فضل المولى او من يكتب باسمه كل يوم و الثاني فاتح ليه بوست باسم خالد عويس! فافعل مثله! شايفنا بندخل لهم؟!ما هم احرار!
لكن هنا المقارنه اصلا حول الخبريه وطريقة عرض الاخبار!
كونه ملاسي عامل فيها بيكاوي في خالد عويس فهو حر وملاسي بيكاوي نصف المنبر و متخصص في المعارضه لكنه لا كوز ولا يحزنون!عشان نضعه في خانة(هم) ويبقى فيها(نحن)!
Quote: ومنو القال ليك إنو واصل ما إنتمى لحزب (حتى اليوم)؟ موش يمكن عندو قناعات سياسية ما عاوز يشارك بيها الناس؟ وموش من حقو ينتمي أو لا ينتمي لأي كيان سياسي... ولا الحق ده منه مسحوب كمان؟ |
انت واصل ده فاكرني ما بعرفه ولا شنو؟! ولا ما ناقشته شخصيا قبال كده؟!كدي اساله؟! وخليك من الاستعراض ده!
ولعلمك بس ومن الآخر كده حتى لو انتمى....ولا عايز ينتمي فهو لم يربط اسمه بحزب كما فعل خالد عويس!
Quote: أتمنى يا تراجي أن نرتقي بالكلام وطرقه فيما بيناتنا.. عشان ما نفهم بعض بالغلط! |
شوف الكلام كان عادي وطريقته كانت اقرب للمزاح لكن ردك لي هو العرفني باجندتك.....وانت عارفني زكيه! وجني وجن حركات الضرب تحت الحزام؟!
Quote: خالد أديب متمكن وصحفي بالمهنة... يضاف ليها إنو سياسي بالإختيار والقناعة الشخصية! |
كسير ثلج في غير محله!
انا لا انتقدت خالد عويس
ولا انتقدته حرفيته
ولا ادبه ولا انتمائه السياسي
ولا المكان مخصص لهذا....لانة لو عايزه انتقده عارفني ما بخاف هو سيده الصادق المهدي بنتقد فيه ليل نهار
فاكرني بخاف يعني لو عندي فيه راي محدد؟!
فاحسن رغبتك في مدح عويس دي تشوف ليه مكان ثاني؟!غير الرد علي!!
Quote: وصنة شنو الطالباني ليها؟ |
!!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: الفرق بين واصل علي و خالد عويس (Re: Tragie Mustafa)
|
سلام للجميع بس حبيت أنبه: نمره واحد مافي زول محايد أصلا"، و ما شرط مهنة الصحفي إنو يكون محايد. نمره إتنين المطلوب المهنية و الإحترافية: يعني يشتغل شغلو حسب الإصول الصحفية و يجودو. مثلا" إذا نزل خبر يفصل بين الخبر و بين رايو في الخبر بي وضوح.
| |
|
|
|
|
|
|
Re: الفرق بين واصل علي و خالد عويس (Re: aydaroos)
|
بشرى الفاضل قال في حكاية البنت التي طارت عصافيرها (فخرجت منها ممتلئا بها ) هذا كان حال حسين بعد تلك الصورة الشهيرة ففتح كم بوست كدا خلتني افتكر انو حسين حصل على الجواز السويسري ولكن يبدو السكرة فكت فعاد الى ركوب عجلته القديمة
| |
|
|
|
|
|
|
Re: الفرق بين واصل علي و خالد عويس (Re: Tragie Mustafa)
|
Quote: أن الأول ينشر باحتفاء أخبار صادقة تناسبه؛ و الثاني ينشر باحتفاء أخبار كاذبة منسوبة "لمصادر موثوقة" تناسبه! |
هذه حقيقة..ولكن الحقيقة -أحيانا كثيرة-تكون مُرّة! تابعت شخصيا تقريره عبر "العربية" صوت وصورة ومكتوبا وتمت ملاحظة"سُحب "حزبية" "كثيفة" مُحمّلة بالتكلّف والتحامُل والميول الشخصية" و"خفة لسان" عجيبة في الأخذ من مصادر سمّاهاموثوقة..بينما تغافل -عن عمد-الرجوع لمصدر الجيش السوداني ليؤكّد له أو ينفي.. لكن خالدا اكتفى بالقول-من عنده-! أن الجيش لم يؤكد أو ينفي موضوع قُرب دخول تحالف كاودا للأبيّض و...!! هذا طبعا رأيي الشخصي في تقارير الرجل وأحسب أنني لا أقول على الرجل جُزافا.. وأتمنى له تقارير أكثر عدلا وتوازنا وصدقية بعيدا عن محاولات تحقيق السبق الصحفي على حساب الصدق الصحفي والعدل مع الموافق والمخالف. شكرا ملاسي
| |
|
|
|
|
|
|
|