|
الجيش الشعبي البطل يستجيب لتوجيهات الرئيس بالإنسحاب المؤقت
|
الجيش الشعبي مازال في هجليج و سينسحب بالتدريج و بشكل مؤقت استجابة لتقديرات القيادة السياسية التي استجابت للنداءات الكثيرة من قبل المجتمع الدولي و الدول الصديقة. هجليج ارض جنوبية 100% وهو الامر الذي لا يمكن التنازل عنه لكن لا بأس ان ينسحب الجيش الشعبي ليعطي الفرصة للتفاوض و التحكيم الدولي تلبية لرغبة اصدقاء الشعب الجنوبي سيكمل الجيش الشعبي البطل انسحابه خلال 3 ايام ما لم يتعرض لاي استفزاز من قبل جيش نظام العنصري الخرطومي حتى هذه اللحظة انتم خارج هجليج لكن يمكنكم العودة بعد الانسحاب الكامل
ان كنتم بهجليج هاتوا صوركم الان الان
|
|
|
|
|
|
|
|
Re: الجيش الشعبي البطل يستجيب لتوجيهات الرئيس بالإنسحاب المؤقت (Re: Tragie Mustafa)
|
احلاااااااااااااااااااااااااااااااااام زلوووووووووووووووووووووووووووووط
هلل وكبر يا سودان وحي معاي الجيش الظافر هلل وكبر يا سودان وحي معاي الجيش القاهر هلل وكبر يا سودان يا البي فرسانك دايماً ظاهر وقول لي سلفا يا رعديد أوعك أوعك تاني تغامر خبت وخابوا معاك أسيادك وراح تخطيطم تحصيل حاصل وما عارفين انو السودان ليهو المولي دايما ناصر وما عارفين احفاد المهدي الدك حصون السالب وغادر لو قايلين السويتوها ممكن تمشي تفوت بالساهل تبقوا غشامه وناسين انو ابطال كريي السيل الهادر عندهم احفاد اقوي واشجع واصعب من السيف الباتر وبرجع اقول لي بلدي الحره حيوا معاي الجيش الظافر جيش العزة حماة هجليج حماة الوطن البهو نفاخر ومن اعماقي اقول لي رجالنا اسود الكر الما بتهاظر الف تحية كمان مبروك آلآف مبروك النصر الباهر
| |
|
|
|
|
|
|
Re: الجيش الشعبي البطل يستجيب لتوجيهات الرئيس بالإنسحاب المؤقت (Re: علي الكرار هاشم)
|
يبدو لي إنه مصيبة السودان الكبري أن القايميين بالامر في الدولتين عساكر ولذا فهم أقرب لإطلاق الرصاص منهم للتفكير والتحار والتشاور هذه مصيبة سيدفع ثمنها ملايين من الناس السودانيين ولفترة طويلة من عمرهم أجيال من السودان ستعيش شقاء لا مبرر له سوي ان العسكريين (ولتدريبهم وطريقة تفكيرهم) ناويين يواصلوا في حروب من ناحية الحروب أصلا يا ها شغلهم هي ما يستطيعون عملهم ولأجلها أقاموا الكلية الحربية وكلية القادة ومن ناحية ثانية هي التي ستبقيهم علي كراسي السلطة مع إنه للسلطة للشعب يمارسها بإختياره لحكامه لكن كل مرة ناطي لينا عسكري مغامر بليد وندفع نحن الثمن دم ودموع وعرق وليالي من الإحباط والجوع والألم (كل الإنقلابات بتحصل لهزائم الجيش في الحروب، كل الديكتاتوريات بتكتشف أن الحروب وسيلة فعالة للبقاء في السلطة، شفت الحلقة المفرغة كيف؟؟؟)
يا عقلاء السودان ومثقفيه فكروا في أولادكم وأولاد أولادكم وفي وطنكم ومستقبله ما تباروا العسكر ديل مش بودوكم الكوشة بدمروا ما تبقي من شوية إنسانية جواكم وتبقوا صورة مشوهة من (دكتور) نافع الذي صار مستعدا عشان يلحس جزمة المشير البشير في أي وقت لكي يبقي في السلطة وتبقي شوية إمتيازات ########ة لا تساوي كل هذا التملق وكل هذا ماء الوجه المهرق في إسلفت الخرطوم كل صباح لا إحترام لنفس ولا لعلم فكروا بجدية وإتحاوروا فتمامة العقول في العقول
وبعدها ستكون هزيمة الديكتاتورية ساهلة
| |
|
|
|
|
|
|
Re: الجيش الشعبي البطل يستجيب لتوجيهات الرئيس بالإنسحاب المؤقت (Re: فضل الله رابح)
|
العدل و المساواة كانت هناك مع الجماعة و لا شنو زعلان كدا
هجليج حتى لو جنوبية جيشنا رجعا لى ابوها ....... رجاله و قوة عين
عليك الله عارضو المؤتمر الوطنى زى ما عاوزين انحنا المؤتمر الوطنى دا زاتو عندنا فيه راى
بس بعيد من السودان و لو اجندة العدل و المساواة و ما تدعو اليه هى توزيع اراضى السودان لكل من هب ودب بعد استلامها السلطة عبر الكفاح المسلح
ودخول الخرطوم دخول الفاتحين فى يوم من الأيام هى زاتا عدو للشعب السودانى
الله اكبر و العزة للسودان
| |
|
|
|
|
|
|
Re: الجيش الشعبي البطل يستجيب لتوجيهات الرئيس بالإنسحاب المؤقت (Re: حسن الجيلى سعيد)
|
Quote: العدل و المساواة كانت هناك مع الجماعة و لا شنو زعلان كدا
هجليج حتى لو جنوبية جيشنا رجعا لى ابوها ....... رجاله و قوة عين
عليك الله عارضو المؤتمر الوطنى زى ما عاوزين انحنا المؤتمر الوطنى دا زاتو عندنا فيه راى
بس بعيد من السودان و لو اجندة العدل و المساواة و ما تدعو اليه هى توزيع اراضى السودان لكل من هب ودب بعد استلامها السلطة عبر الكفاح المسلح
ودخول الخرطوم دخول الفاتحين فى يوم من الأيام هى زاتا عدو للشعب السودانى
الله اكبر و العزة للسودان |
حسن الجيلي صح لسانك يا اخوي .... الف مبرووك للسودان والخزي والعار للخونة والمرتزقة
| |
|
|
|
|
|
|
|