|
|
 هل هدؤ الحكومة الصاخب هذا الذي يسبق السيل العرمرم
|
بعد ان تمادت الحكومة في اظهار نفسها بالمعتدى عليها بدخول قوات الجنوب الي هجليج , واستفادتها القصوى من حشد التأيد الدولي واستقطاب الكل الي الوقوف بجانبها مقابل تعديات حكومة الجنوب التي تهورت وتهيئة الجو العام لتقبل رد فعل الحكومة من اجل الدفاع عن نفسها ضد الاعتداء وحفظت لنفسها طريقة الرد , وبعد ما صدر من البرلمان السوداني بالامس من ارضيات تستند عليها الحكومة للتعامل المستقبلي مع حكومة الجنوب , اعتقد انه في غضون ايام قليلة ستضرب الحكومة جنوب السودان ضربات قاسية ومؤلمة تعيد ترتيب دولة الجنوب من جديد واعتقد ان الحرب ستكون شاملة تجعل من كل الجنوب ارضا للمعركة وهدفا للحكومة السودانية
فتقديم الحكومة لنفسها لكل العالم هذه الايام " بالحليم " يشئ بغضبة هادرة متوقعة
|
|
  
|
|
|
|
|
|
|
 Re: هل هدؤ الحكومة الصاخب هذا الذي يسبق السيل العرمرم (Re: اساسي)
|
اما اذا كان رد فعل الحكومة بعد كل هذا الحشد خجولا وضعيفا , واستمرت في الحرب الاعلامية الكلامية وحرب التصريحات , ومع انقطاع شريان بترول هجليج , فالافضل للحكومة ان تبدا في نفيض " سفنجاتها " فالشعب الذي بدا يتحمس كثيرا لما تهيا له لابد ان يفرغ حماسه في مكان ما , فان لم يفرغ حماسه في استعادة هجليج وتأديب جنوب السودان فهو لن يصبر علي الفاقة التي سيسببها وقف شريان البترول ووقتها لا محالة سيوجه حماسه هذا نحو الحكومة
| |
|
|
|
|
|
|
|
|
|
Re: هل هدؤ الحكومة الصاخب هذا الذي يسبق السيل العرمرم (Re: اساسي)
|
وليس ابلغ دلالة من هذا الحشد انه وخلال ثلاثة وعشرون عاما ولاول مرة يغلب علي المعارضة السودانية صوتا وطنيا عاليا يجعلها تقف مع الحكومة في رد التعدي في خندق واحد
اعتقد ان الجؤ مهيأ للحكومة لقول كلمتها والانتهاء مما يسمى تحالف كاودا العنصري وفك الارتباط الخنوع مع جنوب السودان وتحجيم كل في حجمه الطبيعي
| |
|
|
|
|
|
|
|
|
|
Re: هل هدؤ الحكومة الصاخب هذا الذي يسبق السيل العرمرم (Re: العوض المسلمي)
|
تساؤلك ده زاتو علامه على انو القصه بايظه ... من متين حكومتنا العظيمه كانت بتعمل حاجه بهدوء ؟ لو افتتاح كنتين و لا ماتش في الكاملين و لا حرب
المصيبه الكبيره مش في فعايل الحكومه , المصيبه في نوعك ده - و ملاسي معاك - و آخرون ... المقددنها و شاربنها ... و لسه عااادى يمشوا ماسورة الكيزان ... و لو قلت لى وطنيه و احتلال بطفق وشك العريض ده
اتموسروا براكم ... يمكن الموسره بتريحكم
| |
|
|
|
|
|
|
|
|
 Re: هل هدؤ الحكومة الصاخب هذا الذي يسبق السيل العرمرم (Re: esam gabralla)
|
| Quote: كلام حقيقي يا حمد فان لم تحرص الحكومة علي جنى ثمار هذه المرحلة وقتها سيكون الباب قد اشرع دون مواربة لانتهاء ما كان يسمي بالسودان كليا وسيتحول مباشرة الي دويلات شتى |
بالله دا كلام دا؟
زول يشيل ويحفر تحت رجلينو ولمن تهبرك يقعد ينتهز في الفرص والسوانح!
هلكتنا بي تحليلاتك الفطيرة دي ..
| |
|
|
|
|
|
|
|
|
 Re: هل هدؤ الحكومة الصاخب هذا الذي يسبق السيل العرمرم (Re: تيسير عووضة)
|
لو بتكتب زي كدا من زمان .. كان الواحد بقى مريخابي ..
لكن اقوليك حاجة ..
اناالبوست بتاعي جاهز حق هجليج .. عشان بعدين المناضلين بتاعين الكيبورد ما يقومو يتجرسو ويجرو لي بكري يا بكري اسحب لينا بوست تمبس دا ..
زي البوست بتاع الانتخابات ..
غايتو انا بعد الشفتو الايامات الفاتت دي من تعبية بتزعج ابطال الكيبورد .. رجعتنا لي مربع في ساحات الفداء والدبابين وإلخ ..
ظنيتم بدخلو توووش كدا لحدت يوغندا ..
| |
|
|
|
|
|
|
|
|
|
Re: هل هدؤ الحكومة الصاخب هذا الذي يسبق السيل العرمرم (Re: Hani Arabi Mohamed)
|
بل لو أرادوها سياسة محترفين...
أن يسحبوا الجيش والدفاع الشعبي
وكافة الوحدات الأمنية تجاه المجلد
ويتركوا الحركة الشعبية تسرح وتمرح
وتطرب في هجليج...وتقاتل ابو الدنان..
ويتابعوا هذا الملف ناحية مجلس الأمن
إن نصرهم...فسترجع هجليج كما رجعت الكويت
وسيدفع الجنوب....ثمن هذا الاعتداء غاليا..
وكل جنيه...فات الحكومة سيأتيها في خزائنها...
وإن لم ينصرهم...فالمبرر أقوي لتكون نومولي
هي آخر محطات الجيش...أو ترق كل الدماء...
فتحرير هجليج بواسطة البندقية وحدها لن يشفي غليل الشعب
السوداني المغلوب علي أمره...من دولة ظل يراغبها تتشكل
غصبا عنه ودون إرادته..لتأتيه في عقر داره وتأسر ناسه..
وتقتلهم وتشردهم...وتقطع عليهم مصدر بترولهم الوحيد...
التعامل مع هذا الملف بالحكمة والصبر علي المكاره وكظم
الغيظ أفضل من البنادق....
فأنا لست مع عويل البندقية ومزيدا من القتل...حتي نتساوي
مع المعتدي...فذلك ليس من الفطنة في شيْء.
| |
|
|
|
|
|
|
|
|
|
Re: هل هدؤ الحكومة الصاخب هذا الذي يسبق السيل العرمرم (Re: nazar hussien)
|
اساسى
سلامات
| Quote: هل هدؤ الحكومة الصاخب هذا الذي يسبق السيل العرمرم |
طبعا هذه حقيقة ، الحكومة عاوزة تضمن تحييد المجتمع الدولى وتؤكد له ان حكومة جنوب السودان معتدية وهذه حقيقة اخرى ، بعداك والله عينك ما تشوف الا النور ، الجيش السودانى مش حيحرر هجليج وبس سيكون تدمير الآلة العسكرية للحركة الشعبية هدف رئيسى للسيل العرمرم ، وازيدك حيكون هناك حزام امنى بعمق مائة كيلو متر داخل اراضى الجنوب .
ولو على رايى انا يتم تغيير وازاحة الحركة الشعبية من حكم الجنوب .
| |
|
|
|
|
|
|
|
|
|
Re: هل هدؤ الحكومة الصاخب هذا الذي يسبق السيل العرمرم (Re: صلاح الدين نزلاوى)
|
الشيئ المؤكد أن الحركة الشعبية تنتهج سياسة فتح الجبهات المتعددة ... حيث ستكون الجبهة التالية (النيل الأبيض) حسبما بشّرنا بالأمس
المتخصص فى شئون السودان ( وجه ضاحك) عمار عوض دون أن يرمش له جفن فى الببى سى وما قايلنا شفنا خطبته العصماء فى الحركة الشعبية
وإنابته عن الفريق والفريق فى تأبين الراحل نقد.
الرياضيون يقولون: أن خير وسيلة للدفاع الهجوم ... ولكن الخوف من أمثال المدرب محمد عابدين تقوم الحكومة تلعب (10) دفاع ....
وادريس حسن رأس حربة.
ربنا يكضِّب الشينة.
سلامى للجميع.
| |
|
|
|
|
|
|
|
|
|
Re: هل هدؤ الحكومة الصاخب هذا الذي يسبق السيل العرمرم (Re: اساسي)
|
Quote: المسكينة تظن اني احلل وانظر وما دريت ان هذه الكتابة ليس لها علاقة من قريب باي تنظير او تحليل
هذا ما يسمي يا تيسير بالضغط الشعبي علي الحكومات
يبدو اني في تحكيمي قد ظلمت البعض بحسن ظني في بصيرتك يا تايسا  |
أيها الداقس ..
أنا ما قريت كلامك الفوق داك ولا عارفاك كاتب شنو زاتو
لكن راعني وأقض مضجعي أن أجد ملاسي يحيد عن رأيه السابق حول فطارة تحليلاتك
فقمت لفحت آخر سطر وحبيت اؤكد على تلك الفطارة من باب من رأى منكم منكراً
ـــــــ
بصيرة حضرتنا في الحجا والنجا
إنت قايلا هاملة ومبذولة كدا ساي في أي موضوع؟
| |
|
|
|
|
|
|
|
|
|
Re: هل هدؤ الحكومة الصاخب هذا الذي يسبق السيل العرمرم (Re: تيسير عووضة)
|
يا أساسي
سلامات
هدوء الحكومة ده هدوء ساي كده ..
يعني ما ترهق نفسك بي محاولة إستنتاج شي ..
في مدينة سقطت ومفروض يرجعوها .. التعامل أصلاً بي هدوء هنا ما باقي لي مفهوم .. ف شنو ما يعملو فيهو بفكروا وبخططو يعني
وبهيئوا فينا كمواطنين متفرجين لي نهاية مؤثرة .. أو صاخبة ..
لو الجيش (قادر) يرجع هجليج كانت رجعت .. لكن واضح إنو المسألة دي أستعصت عليهو حبتين (او كورس عديل ) ..
ومع طول مدة إحتلال هجليج بيضعف التحليل المتفائل داك بتاع إنو الحكومة دايرة تشحد رأي عالمي أول .. وتستغل الموقف سياسياً ..
وبعد داك تضرب ضربتها الموجعة .. كضب !!
لو في سيل شنو كده ما عارف .. ده حيكون موجه لمواطنين الداخل .. وبراك شايف البعمل فيهو وبقولو نافع ..
ده ياهو سيلهم .. ودي ياها قدرتهم ..
أو زي ما بقول المثل
| |
|
|
|
|
|
|
|
|
|
Re: هل هدؤ الحكومة الصاخب هذا الذي يسبق السيل العرمرم (Re: حاتم كاهن)
|
اساسى
انا احمد ابقوتة بتذكرنى,,,,
تحليل فطير اخر
الذى سوف يطيح بالانقاذليس الحرب انما ابو صلعة
لم اقصد به صاحب الموقع انما الذى من اجله جاءت
جاءت لكى لا يصل الدولار 20 جنيه,,وسعر الدولار الان 6500
خارج البوست
ما عندك ريالات اسلمك سودانى باقى ليك بعت بيتى
وعاوز اتملك شقة هنا
| |
|
|
|
|
|
|
| |
اساسي
حمد عبد الغفار عمر
محمد المسلمي
فتح الرحمن محمد
Hussein Mallasi
العوض المسلمي
محمد عبد الماجد الصايم
تيسير عووضة
tmbis
Omer Abdalla Omer
Hani Arabi Mohamed
صلاح الدين نزلاوى
أبوبكر أبوالقاسم
حاتم كاهن
abuguta
خدر
معاوية الأرباب
فيس بوك
تويتر
انستقرام
يوتيوب
بنتيريست