|
لو سودان كلو انفصاليين ما بهمنا انفصاليين.......!!!
|
العنوان مستلهم من مورال موغل في المرح والدهشة يوديه جنود الحركة الشعبية لتحرير السودان في الجكات الصباحية ويردد احيانا لو تجيبو دبابات ما بهمنا دبابات ولو تجيبو (######) ما بهمنا (######) وما بين سينالقو والكلمة التي شخطبتها عمدا هي كلمة موغلة في (القلة ادبين)
ولكن اعلاه ليس هو الخبر في راكوبة محاولة فصل روحنا عن دمنا وارسال الجنوب بعيد الشمال في لوحة الجغرافية والتاريخ والسوشل والوجدان
وسنعود
|
|
|
|
|
|
|
|
Re: لو سودان كلو انفصاليين ما بهمنا انفصاليين.......!!! (Re: عبدالكريم الامين احمد)
|
Quote: مــــــــــال مديـــــد مال مقوا
جنتن ... جنتن |
جيباك عماد ديييييييد
نعمل شنو ياعمدة ياااخ ونحن في ظل سلطة مترنحة كانها (بدددددددددق موووو) ودق المو للذي لا يفقهون في الدينكاوية الموغلة في الدهشة هو شراب المريسسسسسة
ونورت البورد يا هندسة وتشششششش ياخ تشششششششش فالغوغائيىة صارت هي الاعلي صوتا يازول ياجاي من الزمن السمح
| |
|
|
|
|
|
|
Re: لو سودان كلو انفصاليين ما بهمنا انفصاليين.......!!! (Re: معاوية عبيد الصائم)
|
Quote: ونيام ليل واويل والفنقو ووديل ورجا وبحر العرب ...بحر الغزال ياخ وتحديدا تحديدا (بسرى)الثانوية واتوير.وشجر الباباى القائم ساااااااى
شبك يابنج |
يا سسسسسسلام يا طوربيد ورميت الروح في بكانا مدهشا بالحيل... بشري- واو وفي ذلك الزمان كانت اديس ابابا علي الورق لم تتنزل علي ارض الواقع وكانت قوات (انانيا) لا تزال في الغابات ولكن توقفت الحرب اول بص عبر المسافة ما بين (واو وجوبا) كانه سائقه ان لم تخني الذاكرة شايقي من نواحي تنقاسي وعلي مرمي انبصات من بشري وفي تلك الطرق الوعرة (فرطق لستك الباص) طااااااااااااخ حوكنا كاسرة نتمتطي صهوة ذلك الباص في طريقنا الي جوبا قادمين من ارض اخري هي المجلد دينقا ام الديار... فرطق اللسسسسسستك طاااااااااخ وامتشقت كتيبة الانانيا التي كانت بالقرب من الطريق اسحلتها (كشششك كشششك) ولكن تيقن القوم بان الامر مجرد لسستك او تااااير كما يقول اهل الخليج
وامتدت لحظات اصلاح العطب لجلسة من السمر والونسة وتبادل الفواكهة وخيرات الغابة
لاحقا سنعلم بان قائد تلك الكتيبة كان هو الراحل جون قرنق ولاحقا ايضا سنعلم بان الرجل الشمالي الذي كان برفقة تلك الكتيبة ويحادث الجنود بلغة موغلة في الدينكا هو عمنا الراحل (عثمان دالو) من نواحي سنار-ودهاشم لقد كان سائقا متجولا ما بين السودان والكنغو متنقلا في حماية قوات الانانيا لقد كان صديقهم وعاش ومات وهو محبا للجنوب واورث الارض الجنوبية اطفالا رائعين صاروا راجلا ونساء ينثرون اينما حلو سيرة التعايش والتراحم وسيرة ولادهم الذي امتشق السلاح في معية (جون قرنق)
| |
|
|
|
|
|
|
Re: لو سودان كلو انفصاليين ما بهمنا انفصاليين.......!!! (Re: عبدالكريم الامين احمد)
|
الباشمهندس كيكي نجحوا وفشلنا يا خوي وانا بشاهد استطلاع في قناة الشروق (اين كانت العينة عشوائية ام موجهه) المهم قدرت تاكد لي الاحساس الشعرته بيهو في آخر اجازة للسودان ان التغيير ما سطحي يا كيكي بل عميق لدرجة اخارج (عفن السنين) في اشكال من العنصرية وتحقير الآخر ومحيط اوسع من الامبالاه القصة محتاجة اذا ما معجرة جهد كبير وكبير جدا في اعادة بناء الحاجة الاسمها الزول السوداني قبل بناء وطن او بيئة صالحه للعيش والتعايش
تحياتي
| |
|
|
|
|
|
|
Re: لو سودان كلو انفصاليين ما بهمنا انفصاليين.......!!! (Re: محمد علي شقدي)
|
Quote: وانا بشاهد استطلاع في قناة الشروق (اين كانت العينة عشوائية ام موجهه) المهم قدرت تاكد لي الاحساس الشعرته بيهو في آخر اجازة للسودان ان التغيير ما سطحي يا كيكي بل عميق لدرجة اخارج (عفن السنين) في اشكال من العنصرية وتحقير الآخر ومحيط اوسع من الامبالاه القصة محتاجة اذا ما معجرة جهد كبير وكبير جدا في اعادة بناء الحاجة الاسمها الزول السوداني قبل بناء وطن او بيئة صالحه للعيش والتعايش
تحياتي |
الف مرحب يا محمد ونعم لقد نجحت دولة ابو دقن التعيس وطيلة سنين وجودها في السودان في شيطنة الجنوب ورمت بكل اسلحتها الدينية والاعلامية والسياسية في تغبيش وعي التعايش وردمو التاريخ بكل قبيح ومقيت وهاهم الان يقضون علي الجغرافية... ونفس هذه العجلة الشيطانية مدورة في جبال النوبة والنيل الازرق ودارفور وفي كل اقليم يقول اهله لاااااااا لدولة الظلم..
نعم يامحمد انها خيبة كبري وهزيمة جيل واستحقاق يحتاج الي زمن طويل وانهار من الوعي بالانسانية حتي يتم انتشال المواطن المغلوب من سطوة الجبهة الاسلامية التي خربت كل شي شي يا محمد يا صديقي وكل الود
| |
|
|
|
|
|
|
Re: لو سودان كلو انفصاليين ما بهمنا انفصاليين.......!!! (Re: معاوية عبيد الصائم)
|
Quote: من اللحمة .ياتو لحمة ياكيكى ..اللحمة الضان .. الضان ياكيكى.. |
يا سسسسسسلام يا طوربيد ياااخ (ومابك ايها الطوربيد تولع جمر حيي وانا في بلادا تموت من الرمال ذكريات الصبي والعهد القديم في ربوع (نامليل) واراك يا فردتي قد ضربت حباب السرد المدهشة سيرة ذلك القطار (صانع الحياة والتواصل وصانع دراما الوطن الذي يتوجع) وحي 0ميدنغ اويل الغمام وان كنت قد ضربت يا طوربيد هرموني السرد صوب (ميوم واويل والميرم) بالقطار ساكون معاك في هذا البوست انا ايضا وساركب اللواري وقد يكون لوري كولي او لوري الخال الجميل عمر عبدالكريم(عمر عبدالكريم يتحدث لغة الدينكا كان صرته قد قطعت في نواحي بوطة نامورا عند ابيي التي صارت الان في مسمع كل العالم.. فقد ننطلق من ذلك الموقف في نواحي سوق المجلد ونخترق عباب بحر العرب او بحر كير ما يسميه عيال مونج جانق مساويط العرد كما يمدحهم اهالي دينقا...
وفي سيرة لحم الضان (بل حديثك قليلا من شوقي) للحمة منصاص مجيهة من ايادي فتية دينقا في رحلاتهم الاسطورية علي ضفاف (الوادي) والوادي مجري مائي مهيب ياتي من بحر العرب ويغازل الرقاب التاريخية في شمال ابيي
ووكن بالجوار ياطربدة حتي يحلو السفر وندوزن بعضا من عصب الوجدان الذي صار اشترا في زمانات القبح وفي عصر الطيب مصطفي وابن اخته ذلك المجرم الهارب
وسنعود
| |
|
|
|
|
|
|
Re: لو سودان كلو انفصاليين ما بهمنا انفصاليين.......!!! (Re: عبدالكريم الامين احمد)
|
راس السرد وجياده كابسة بالحيل ومهرمنة في كبستها مع حال البلد الذي كبس... فالوصول الي دهشة الجنوب وتلك الجغرافية المرمية خلف حدود 56 ذلك الخط الوهي كان هذا الوصول يمكنه ان ينطلق عندي من عدة زواية كورنرات ولكن فلتكن دينقا ام الديار مسقط الراس هي نقطة الانطلاق...بما فيها من ود نانقول وبكت وعبدالله الجرسون والخال دينق كويت ويل ومحمد جني ماما فتي راجا المدهش وصديقي الراحل احرف مساعد في لوري سفري الماس ضحية كرامة ونانصوج واقي ويينامنا وملاح روب والاطرشان (الاطرش راعي جدنا الراحل محمد مدني...وذلك الاطرش العنيد الصعب المراس خفير دونكي النص ذلك الدونكي العظيم)
وسنعود
| |
|
|
|
|
|
|
|