الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
من الخرطوم سلام .. شاهد شاف كل حاجة...
|
سلام للجميع
اول حاجة قاعد افتش لي في شقة مفروشة ؛
بيتي مقفول ليهو كم شهر ؛ولقيت الدنيا ملخبطة فيهو ؛تراب وغبار ؛
عشان كده عايزكم تفتشوا معاي ؛والله رقم تلفوني ما حافظو يمكن اعمل حركة كده واكتب ليكم الرقم هنا
|
|
|
|
|
|
|
|
Re: من الخرطوم سلام .. شاهد شاف كل حاجة... (Re: بشير أحمد)
|
اها...
جيت البندر يوم الاحد الساعة 10صباحا ؛ جاي من كاب الجداد عن طريق جبل الاولياء وده بسبب انو جينا باللوري وشايلين فيهو حاجات مباني للبيت والطبيعي بجي من الكاب عن طريق الجديد الثورة ؛
وقفنا في محطة المثلث ما لقينا جازولين وقالوا منتظرين السعر الجديد او قالوا ماعندنا يلا فحطوا .
خلينا اللوري في الجبل وركبنا الكريز بي الف بس لحدي اللفة (الكلاكلة( حركة غير طبيعية في قسم شرطة الكلاكلة دفارات طالعة وتاتشرات داخلة ؛في حين انو السوق حركته طبيعية.
اواصل بارك الله فيكم...
| |
|
|
|
|
|
|
Re: من الخرطوم سلام .. شاهد شاف كل حاجة... (Re: بشير أحمد)
|
يوم الاحد17/6/2012 انتهي بانو شربنا جبنة كاربة في رئاسة مشروع سندس جوار مقابر الرميلة ؛
طبعا اول مرة اركب بص الوالي من الكلاكلة اللفة لحدي لفة الرميلة ؛بصات لا باس بها التذكرة بي الف بس والمكيف فوق راسك الكبير ده؛
طبعا لحدي الان ما لاقاني واحد من الثوار ديل ؛ والمواطنين زاتهم الشفتهم ديل ما عندهم علم بالمظاهرات ؛سالت واحد جنبي قلت ليهو الخرطوم مدورة مظاهرات !!!
ولا قال لي تلت التلاتة واحد.
ـــــــــــــــ شكرا يا شباب علي الاتصالات.
| |
|
|
|
|
|
|
Re: من الخرطوم سلام .. شاهد شاف كل حاجة... (Re: معاوية عبيد الصائم)
|
سلام يامعاوية
سخانة جدة كيف؟
ياخوي راتبي كان 315الف جنيه سنة 2000م شهر 6 غير البدلات والنبطشيات (دي كانت بتغطي حق الفطور والقهوة حقت الضهر ) والغداء كان في الميز (جداد طازج من مكينة تغلف الدجاج في الشركة ) بنسميههو rejected chicken يعني وزن اقل من الاستاندرد. اها هسع دفعني في نفس الشركة بياخدو 1750 مليون وسبعمية وخمسين الف.
| |
|
|
|
|
|
|
Re: من الخرطوم سلام .. شاهد شاف كل حاجة... (Re: بشير أحمد)
|
الحرية لنجلاء سيد احمد.
الكلام ده حصل متين؟
ـــــــــــــــــــــــــــــــ
يوم الاتنين 18/6/2012م احمد ولدي حلف بالتقطعو علا يفطر في كافتيريا زيورخ2 بيرقر جامبو بي 7جنيه (الكتلل) 7جنيه يامفتري!!! انا وامو اكتفينا بي نتشت شاورما زي لفة السجارة الكوبي
ياولدي السوق العربي قالوا فيهو مظاهرات وزحمة
قال لي مابعرف بيرقر يعني بيرقر
طيب اكلم ثوار تورا بورا ديل يدونا اذن دخول لسوق العربشن حقننا عليك امان الله دخلنا السوق العربي مافي زول هبب لينا فطرنا وشربت شاي وشربوا عصير
لكن في بوكس متسوبيشي دبل كبينة جا ماري قفوقنا مليان عساكر (حوالي 7نفر( شرطة 999
ـــــــــــــــــــ
تحياتي يامولانا بدر الدين اسحق وخيرك سابق.
| |
|
|
|
|
|
|
Re: من الخرطوم سلام .. شاهد شاف كل حاجة... (Re: بشير أحمد)
|
بالله ياجماعة قبل ان نتحدث عن ما كتبه الموالي بشير احمد ......... بس انا بسألكم سؤال الم ترو التشابه الكبير بين كتابة بشير وكتابة الموالين الاخرين؟ ماشيفين نفس اللغة والمفرادات والسخرية من نضالات الشعب السوداني ؟؟؟؟؟؟؟ ثانياً يبدو ان بشير احمد حينما يقول Quote: التذكرة بي الف بس والمكيف فوق راسك الكبير ده؛ |
ويتبعها بان ابنه يشتهي برجر"بيرقر" فهو بالتاكيد يسترخص الاسعار وده ناتج لسببن لان الرجل في حالة غيبوبة سياسية تولدت من التايد المنقطع للانقاذ ، ووضعه كمغترب .......عشان كدة ما شايف انو المواطنين مفروض يثوروا اصلاً لان الوضع عادي وهو يبحث عن شقة وبيرجر
| |
|
|
|
|
|
|
Re: من الخرطوم سلام .. شاهد شاف كل حاجة... (Re: ibrahim alnimma)
|
يا ابراهيم النعمة
ياخي انت لسع مكرر طوالي مافي حاجات جديدة؟
ياخوي انا موالي وده خياري وعلي خشمك تحترمو ؛ بعدين تعال هنا انت بولتاريا مسحوق خالص ما اكلت بيرقر يعني ؟ غلطان انا كان مفروض اقول لبتاع الكافتريا الشعب جيعان وانت بتعمل بيرقر وحاجات وحاجات ؟
مفروض يقفل عشان الشعب ماعندو حق البيرقر ياخي قوم لف.
بص الوالي بي الف بس (يعني بي جنيه ياوهم( والحافلة بي خمسميايىه ياخوي اتا مقطوع من البلد ليك كم سنة ؟
يلا ابراهيم يدكمع الثوار ديل عشان تقلعوا الكيزان ؛؛؛
الشعب ما محتاج وصاية من عندكم ؛يوم واحد يمكن يقلع الكيزان ؛ لكن عشان الجايين بعد الكيزان امثالكم ؛ح يبطل يثور.
| |
|
|
|
|
|
|
Re: من الخرطوم سلام .. شاهد شاف كل حاجة... (Re: وضاحة)
|
Quote: ويتبعها بان ابنه يشتهي برجر"بيرقر" فهو بالتاكيد يسترخص الاسعار وده ناتج لسببن لان الرجل في حالة غيبوبة سياسية تولدت من التايد المنقطع للانقاذ ، ووضعه كمغترب .......عشان كدة ما شايف انو المواطنين مفروض يثوروا اصلاً لان الوضع عادي وهو يبحث عن شقة وبيرجر |
هو كذلك يا نعمة .
.......................................................................................حجر.
| |
|
|
|
|
|
|
|