ناس الضعين قالوا ما عندهم كسرة عندهم (لقمة*) .. والعروس لازم يكون عنها استعداد تولع الحطب إن شاء اتنين صباحا عشان تعمل اللقمة للضيف "المفاجيء" ... الملاح طبعا بكون ملاح كول يا وضاحة إن شاء الله تكوني بتعرفيه... ---
* ما شفت لي كلمة بتشبه روحها قدر كلمة لقمة... يجيك احساس إنك بتحتاج لساطور عشان تقطعها..
05-26-2012, 03:19 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: يا رمانة ياوهم في ديك (كوز) هناك بياكل في الرملة زوجتو الجدادة جوة البيت. هاكي النضارة دي..lol
في ضفضعة حايمة في اللوحة الرائعة دي ألبسي نضاراتك (قعر الكباية) و ورينا ليها وين?
كوستاوي يا ما ح تنفع معاك نضارة قعر كباية ذاتو والله صدق عليك المثل البقول اب سنينة بضحك على اب سنينتين... هسه الجدادة المرطبة تحت المزيرة دي تشرب في النقاع ما شايفها وشفت الضفضعة؟
والله الرسام جنن تفاصيل التفاصيل ... الكديسة "المدومسة" ولا غمرانة من الحر ما بعرف .. راقدة في "الخشبة" ويدها مهوية من شدة الدوخة .. وتفاصيل السجادة وشجرات الدوم وفتافيت الفحم والرماد جنب الكانون .. وأشياء بارزة من "راس البيت/الحمام" أو ما يعرف بقبو السودانيين ....
05-27-2012, 10:35 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
سلامات يا مر اللوحة دي دار حولها جدل في الفيس بووك قبل فترة في خطأ وقع فيه العديد من الأصدقاء و الصديقات و شايفه بتكرر هنا المرة دي ما عروس جديدة بل ليها سنتين تلاتة من اتزوجت بس مجيّهة و تعتني بي روحها بالإضافة لإنها لسة ما رزقت بأطفال
05-27-2012, 06:56 PM
أحمد طراوه
أحمد طراوه
تاريخ التسجيل: 12-25-2006
مجموع المشاركات: 4206
شكرا يا (مر) بوست من الجناب السوداني العالي ( هاي - سودانيز - بروفايل)
وقيل أن كِسرة الفتريتا إن إستوت صحيحا" دون زيادة او نقصان على صاج ( التنور القديم او صاج التيفال الحديث) .. فهى لاشك تمد الجسم بمقادير وافرة من الإستارش المتحول عبر انزيمات الكبد لجلكوز سُعرات الطاقة، و تمد الجسم أيضا بمشتقات الفايبر، و مجموعة فيتامين ب المُركب وبعد كل حال هي بديلنا الارجح في مواجهة معلبات الجذور الحرة المُضرة بفسيولوجيا الأكسدة و الواردة من جبل على و جدة، ولا تنسي فطائر الأخوة السوريين و الأتراك التى عمت القرى و الحضر و المشحونة بالدهون المُشبعة قاتلة القلب و العقل معا"
شيقوق كلم الكريمات (رمانة و وضاحة) بفتوى حكامة سالم الأرباب في موضوع ضيف ( الفجأة )
ضيف الهجعة جا .. سلات قوام سوا .. و التُكل المُضلم نور اخوي ضوا
شكرا ود الشيخ على صورة ونسة الحيطة، او قل الشمارات العابرة للحوائط .. او أحيلك لرؤية شيخنا محمد ود الرضي في أغنية ست البيت : قالت جارتا مجاوراها .. تجي شايلة و تجي مزاوراها .. و تلحظ إحتياجنا براها ..
العواسه ساهلة جدا واكثر مما تتوقعون ...انا شخصيا تعلمتها منذ صغري بالشمالية مع جدتي رحمة الله عليها فقد كانت ترى انها شيئا مهما يعتر هوية للمراة السودانية الاصيلة وانتقل الى امدرمان وكانت جارتنا من الغرب فعلمتنا كيف هي العصيدة واختلافاتها من مكان لاخر كيف تكون قوية وكيف تكون كالكاسترد وكيف تعبأ في (الكواري التي خصصت لها ) ثم علمتني خالتي كيف يصنع او يعاس (الفطير )ليؤكل مع اللبن
بس المشكلة وين يا المر اين الرجل الذي يفضل هذه الاشياء اين الرجل الذي يرغب في البت الاصيلة التي تعوس وتعمل العصيدة واين الرجل الذي ياكل الكسرة والخضرة المفروكة والبامية والقراصة اين ؟
يا ود البشرى لكن لقيتك (محلل سياسي كبير وخبير ) لكم محبتي
05-28-2012, 04:17 PM
mekki
mekki
تاريخ التسجيل: 06-15-2003
مجموع المشاركات: 3433
بس المشكلة وين يا المر اين الرجل الذي يفضل هذه الاشياء اين الرجل الذي يرغب في البت الاصيلة التي تعوس وتعمل العصيدة واين الرجل الذي ياكل الكسرة والخضرة المفروكة والبامية والقراصة اين ؟
الاخت نعمات سلام"- انا اكلتى المفضلة الكــــــــــرة باى شى بأكلة ، بس وين الصانعات لها يا المر لو مشيت على ارض الرباطاب كان ندي كان الشريك ....مليانييييين بنات وماشاء الله كووولهم بعرفوا يعوسوا ويفركوا واصيلات قاطعين القول ......دا من خلال تجاربي الحياتية ومشاهداتي ....
لك الود
05-31-2012, 11:59 AM
المر
المر
تاريخ التسجيل: 11-08-2007
مجموع المشاركات: 2265
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة