|
Re: لماذا إهتم الكيزان بحادث معاوية عبيد المروري؟ (Re: saif massad ali)
|
Quote: الكيزان يسعون لفك الحصار عنهم فلا تستميلكم تفاهتهم، هم كذابون. معاوية عبيد تم تعذيبه و باسلوب وحشي في معتقلاتهم كنت معه عندما تمت مداهمة بيت اسرته في التسعينات من القرن السابق |
طه ازيك، حصار شنو ياخ وفكّو؟ مسألة حادث معاوية، والحمد لله شفعو المشى يجيبم من المدرسه ما كانو معاهو، مرق منها سليم.. ياخي نحنا هني، أعني في سودانيز، أسرة وأهل، مهما اختلفت المشارب.. الحصل لي معاويه ممكن يحصل لي أي عضو في الأسره..
في محيطي الضيق يا طه، لحم ودم: كيزان، شيوعيين، جمهوريين، ملحدين، أنصار، ختميه، أنصار سنه، ومطرطشين متلي.. فيهم أب ذمتن واااسعي، وفيهم الغني..
كتيرين من الفوق ديل، أهلي، بيني وبينهم ما لم يخطر ببال بشر..
إن أي واحد منّهن سمعتبو اشتكى، انشالله شكة باعوضة، سأكون أول المهرولين.. ترياق عندي ولّا مو عندي ماب تفرق..
لخبتت كيمان: لااء..
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: محمد عبدالرحمن محمد)
|
Quote: طه ازيك، حصار شنو ياخ وفكّو؟ مسألة حادث معاوية، والحمد لله شفعو المشى يجيبم من المدرسه ما كانو معاهو، مرق منها سليم.. ياخي نحنا هني، أعني في سودانيز، أسرة وأهل، مهما اختلفت المشارب.. الحصل لي معاويه ممكن يحصل لي أي عضو في الأسره..
في محيطي الضيق يا طه، لحم ودم: كيزان، شيوعيين، جمهوريين، ملحدين، أنصار، ختميه، أنصار سنه، ومطرطشين متلي.. فيهم أب ذمتن واااسعي، وفيهم الغني..
كتيرين من الفوق ديل، أهلي، بيني وبينهم ما لم يخطر ببال بشر..
إن أي واحد منّهن سمعتبو اشتكى، انشالله شكة باعوضة، سأكون أول المهرولين.. ترياق عندي ولّا مو عندي ماب تفرق..
لخبتت كيمان: لااء.. |
الاستاذ محمد عبد الرحمن زول زيك ما بكون كوز لأن اخلاقك هذه ليس عند كيزان معها من سبيل
البوست مفتوح ضد كيزان يناصبون معاوية عبيد الد العداء و لقد استخدموا هذه الحادثة لايهام الناس بأنهم اسوياء و كمان بيحسوا. بعدين يا محمد يا اخوي زول بيمارس التعذيب في المعتقلات علي سجناء عزل بالله برضو لو شكتو شوكة بتمشيلو او واحد حرامي يسرق في المال العام ليل نهار بتتعامل معاهو او واحد بيغتصب النساء هذا الكلام يا محمد ما بيجوز لازم تقهر الكعب البيعاند عشان يعرف غلطو و يخليهو
طه جعفر
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: خالد العبيد)
|
الأخ طة جعفر سلامات
أولا فعلا إختلاف الرأي لا يفسد للود قضية لأنة أنحنا هنا في المنبر دة كلنا ناس راي ساي
لا معاوية بمثل المعارضة ولا الكيزان الهنا أعضاء في الحكومة
اللامينا هنا شئ واحد إنة سودانيين وبس
نختلف نتشاكل نتنابذ لكن وكت الحارة إنسانيتنا وسودانيتنا بتغلب وفي النهاية دة بورد للنقاش
وأنا واحد من الناس نبهت معاويةللناس الجو وإتمنوا لية الخير
وحقيقة كبيرة من ود الباوقة وأبو حسين وغيرهم الكفرو لية
دة فيما يخص البورد
أها السودان دة ملان كيزان ومافي واحد فينا ما عندو قريبو كوز رايك لمن تمسك المعارضة تعملو ليهم شنو إبادة ولا نفي في الأرض
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: Haitham Elsiddiq)
|
Quote: أها السودان دة ملان كيزان ومافي واحد فينا ما عندو قريبو كوز رايك لمن تمسك المعارضة تعملو ليهم شنو إبادة ولا نفي في الأرض |
الاخ هيثم صديق فقط محاكمات عادلة لكل من تلوثت ييده باموال الحرام او انتهك حقوق الناس او ارتكب جريمة في حق مواطن
اما عن الناس البتنبذ هناك و تجي تكفر في المرض فانا لا احترمهم لان للانسان المحترم موقف واضح و محدد من العالم
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: Abdlaziz Eisa)
|
Quote: و سندفع مع الخيرين تكلفة تأمين الشرطي المصاب الكيزان يجب ان يكونوا خارج هذه المعادلة |
طه جعفر سلام كلامك عائم وما بيأكل عيش البفتح زي بوستك ده، بدق صدره ويقول : انا طه جعفر اتحمل كااافة مصاريف الحادث تكلفة اصلاح سيارة الشرطي = 4 ألف ريال سعودي تكلفة علاج الشرطي = 4 - 5 ألف ريال سيارة معاوية اتعدمت تماماً يعني معاوية يحتاج لدعم في حدود 20 ألف ريال سعودي
انا على يقين من ان معاوية قادر على معالجة الموضوع وامتصاص الصدمة وتوابعها المادية والنفسية وهو لم يطلب مساعدة من اي كان ولكن نحنا كسودانيين تعودنا ان نتكاتف في وقت الازمات وننسى خلافاتنا السياسية هذا ما تربينا عليه، وسنظل اسف اخوي معاوية ان فرشت المتاع هكذا فيا طه جعفر ارجو صادقاً سحب البوست
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: mekki)
|
Quote: لماذا إهتم الكيزان بحادث معاوية عبيد المروري؟ |
الأمر لا يخرج عن كونه وقفة مؤازرة لزميل بالمنبر أيا كان توجهه السياسي أو انتماءه , ويهب السودانيون عادة فزعة ووقفة لكل من ألمت به ضائقة أو أصابته مصيبة و( في الأتراح خااااصة ) , أسأل الله أن يبعدها عنك وعن من تحب , والزميل معاوية عبيد الصائم يعرف من خلال وجودة كجزء أصيل في بورداب جده , مشاركا ومؤازرا الآخرين , لا مكان لمثل هذه الحدود والفواصل التي وضعتها في مقدمة هذا الخيط ( حملت الأمر أكثر مما يحتمل ) .
ولست في حوجة أن أقول أن ما بين السودانيون أكثر مما يفرقهم وما بين البورداب أكبر وأعمق , وطبيعة الناس الأختلاف , ولكن لا يصل الخلاف الى مثل اقامة هذا الحائط المنيع , ولا بانه يوجد ما يمنع التعاطف الوجداني عند المحن والملمات , وعبارات المواساة الصادقة والدعاء بظهر الغيب , بل والمشاركة والمساهمه ( باليد والقدح ) عندما يلزم الأمر , وكلها تزيد من الترابط الاجتماعي وتقوي اواصر العلاقات بين الناس ( سواء أن كانوا أصحاب انتماء صارخ كيزان أو ضدهم أو كانوا متعاطفين فقط , أو حتى كانوا من طبقة البدون وهم كثر ) .
نشر البوست بهذا العنوان يحمل ما يحمل , بل ويحتمل معاني لا داعي للخوض فيها .
وحمد لله مرة تانية للزميل معاوية عبيد الصائم
وسبحانه وتعالى يعلم وهو في علياءه بخفايا القلوب .
بوست غير موفق يا زميل
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: طه جعفر)
|
سلآمات أخونا طه جعفر، وألف سلآمة لأخونا معاوية عبيد.
يا طه الناس كلها همها مصلحة الوطن ولو إختلفت المشارب، و وجهات النظر، ونحن هنا في سودانيز اون لآين عند الملمات كالجسد الوآحد. إن شاء الله ما تشوف شر يا طه، لكن قسم بالله العظيم كان إشتكيت يتداعى لك جسد سودانيزاون لآين كلو، بالسهو والحُمى وأولهم الكيزان.
مودتي...
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: نبيل عبد الرحيم)
|
Quote: من المفترض أن خلافنا السياسى لا يمنع أن يكون البعض منهم يحمل روح الشهامة والأصالة السودانية ألف خمدلله على السلامة أخى معاوية شكرت طه جعفر |
شنو يا استاذ نبيل ديل شغالين مع الناس بمنطق الكيشة دقو و اتعذرلو لا انت كيشة و لا انا كيشة لذلك كفاراتم و مجاملاتم لمعاوية عبيد مردودة و ما بتلزمنا
حتي كان شكرم معاوية عبيد بيكون غلطان لان الزول الكويس كويس طوالي موش كويس اليوم و يوم الاربعاء منحط و قليل ادب!!
طه جعفر
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: معاوية المدير)
|
Quote: سلآمات أخونا طه جعفر، وألف سلآمة لأخونا معاوية عبيد.
يا طه الناس كلها همها مصلحة الوطن ولو إختلفت المشارب، و وجهات النظر، ونحن هنا في سودانيز اون لآين عند الملمات كالجسد الوآحد. إن شاء الله ما تشوف شر يا طه، لكن قسم بالله العظيم كان إشتكيت يتداعى لك جسد سودانيزاون لآين كلو، بالسهو والحُمى وأولهم الكيزان.
|
شكرا معاوية المدير انا مودة الكيزان ما بتلزمني و لا دايرا خليهم يشيلو مودتم يختوها محل عايزين انا مجرد السلام منهم ما دايرو لان الرجل المحترم لا بخاوي اللصوص و لا بيرقد ليهم في الكلام
طه جعفر
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: محمد حيدر المشرف)
|
بما أنني كوز أمنجي ضبان من المتداخلين المعنين بهذا البوست أحب أوضح للسيد الأديب الأريب
1- دا أغبى بوست في الربع والارباع السابقة والجاية
2- رغم أختلافنا في البورد أو خارج البورد لكن في حاجات تانية بتلمنا مع مختلفينا اكبر واسمى وأهم من رابط الحزب البالي البتربطك مع معاوية
3- البيئة النشأنا فيها ومجتمعنا علمنا أنه في حالة ألمت مصيبة بي أي زول مننا ننسى أي خلاف ونتضامن
4- ضمن سياسات القسم الثقافي في جهاز الأمن والمخابرات هو مجابرة المعارضين لزوم التجميل والنفاق لذلك كل المتحمدلين السلامه هم أعضاء القسم المذكور
الحمد لله على سلامة أخونا معاوية
مقدم أ.ح أمن / عبدالعزيز حسين ع/ عميد أمن رئيس قسم المراقبة الثقافية
| |
|
|
|
|
|
|
Re: لماذا إهتم الكيزان بحادث معاوية عبيد المروري؟ (Re: عبد المنعم ابراهيم الحاج)
|
طه جعفر حبيبنا ليك وحشة يا راجل يا جميل تشكر على البوست الرائع في حق صديقنا وحبيبنا الطوربيد معاوية معاوية انسان بمعنى ما حملته هذه الكلمة من معنى واسال مجرب وطبيب الكيزان والامنجية واغبياء البورد واللصوص ومن شايعهم تزعجهم وتقلق مضاجعهم بوستات الطوربيد يا معاوية قشهم بلا رحمة واصل نضالك .. وخليك حريف !! تحياتي للاسرة الجميلة الانيقة خاصة سرورة
| |
|
|
|
|
|
|
|