|
Re: أبو العناقريب ذاتو // صورة (Re: محمد جلال عبدالله)
|
الناس ديل ما شافوا عنقريبنا بتاع سيد الدكان داك
الملولو ومعصعص وارتفاعه شبر من الواطة
ولو قعدوا فيهو اتنين ينكسر
ولو سيد الدكان رقد فيهو وميل على جنبة ينقلب فوقو
ولو راقد وداير ينقلب إلا يقيف على حيلو وينفض عراقيهو حتى يرقد تاني وينقلب
تقول لي عنقربنا برضو ^__^
| |
|
|
|
|
|
|
Re: أبو العناقريب ذاتو // صورة (Re: rummana)
|
وعليكم السلام ورحمة الله وبركاته يا أخت rummana
Quote: : أبو العناقريب ذاتو
يعني شنو...؟! |
والله تعرفي ده مصطلح جديد قريتو في النت لمن تكون حاجة فايتة الحد بقول لي أبو كده كده ولأني في غربة عن السودان تعدت العشر سنين لم أتوصل لتفسيره ولم أسمعه في زياراتي القصيرة للسودان
لكن حسب فهمي أو قصدي: إنو العنقريب ده أبو العناقريب ذاتو غايتو ده فهمي ومقصدي وإنما الأعمال بالنيات فلو عندها معنى تاني غير جميل يا ريت تنورينا عشان تاني ما نقولها
وشكرا على مرورك
| |
|
|
|
|
|
|
Re: أبو العناقريب ذاتو // صورة (Re: محمد جلال عبدالله)
|
كع .. يا ود الجلال الترجمة على الشريط بالله عليك .. عندنا ناس هنا فاقدين هوية .. هسع لو كانوا مثقفاتية شوية وقرو موسم الهجرة للشمال .. على الاقل بنضمن معرفتهم للداهي دا ..
يا حليل عناقريب زماااان "ومعاها مصمصة خشم"..
| |
|
|
|
|
|
|
Re: أبو العناقريب ذاتو // صورة (Re: محمد جلال عبدالله)
|
Quote: أبو العناقريب ذاتو |
ده عنقريب دبُل.. وللعناقريب فوائد أخري يعرفها جدودنا زمان.. والشئ بالشئ يُذكر: أتذكر في إحدي مقالات الدكتور البوني أنه ذهب حاملاً عنقريبه المكسور للصيانة فأراد الصناعي مداعبته لكن البوني سبقه بالتعليق قائلاً العنقريب ده انكسر براهو ما من الفي بالك .. والبوني يسرد مرةً أنه دخل إلي صيدلية فلاحظ الصيدلانيه (تغمت) لأحد الشباب حبوب والشاب يسرع بالخروج فسأل البوني الدكتورة دي حبوب فياجرا؟ فأجابته الصيدلانيه نعم وغالبية فئات الشباب يطلبونها يقول البوني في نهاية المقال: خرجتُ وأنا فخور بكهولتي. .......................................................................................................... يقولون : يضريك الضريب كسَّار العناقريب .. نسأل الله السلامة للجميع .. ولكن ماهو الضريب؟؟!
| |
|
|
|
|
|
|
Re: أبو العناقريب ذاتو // صورة (Re: عزيز عيسى)
|
Quote: فلو عندها معنى تاني غير جميل يا ريت تنورينا عشان تاني ما نقولها |
وعليكم محمد جلال عبد الله ماشي فهمت المقصود... بس عفوا أنا لا أملك قاموس للمعاني الما جميلة كما أني زيك خارج السودان من أكتر من 20 سنة بس أقول ليك حاجة لو حصل عرفت ليها معنى ما جميل ما تتوقعني أجي أتونس بيه في البورد.. شكرا ليك
| |
|
|
|
|
|
|
|