|
Re: التهاني لشعب السودان بانتهاء اكبر مآساء يشهدها تاريخ السودان (Re: Elmosley)
|
الاخ العزيز ود العمدة
أين أنت يا زول وكيف الاخبار و بالمناسبة اين الاخ العزيز يوسف عوض محمد مختار الشلع, فيبدو ان الرجل قد( شلع) منذ ان قلت انت لي ان يوسف يريد محادثتك , فيا ود العمدة عليك الله يا زول اخبرنا بالحاصل و اتمني الا يكون قد اختطفه الجماعة الطيبون عندكم و رحلوه الي السودان قسرا.
اما بخصوص موضوع البوست هذا, و الله يا ود العمدة اقول ليك بصراحة شديدة و بدون مجاملة و انت تعرف بأنني لا اجامل احدا من العالمين في مسألة ابداء الرأي, لذلك اقول لك , اخشي ان تقاتل القوي الوطنية في السودان, ديكتاتوريتين احدهما في الشمال و الثانية في الجنوب , بمعني اخر نحن الان : بين ديكتاتوريتين الاولي (اسلاموية/ اسلامية) لا تفرق معي كثيرا و الثانية (علمانية/ علمانوية), لانها لا تفرق معي كثيرا.
اخي ود العمدة مع فرحتي الكبيرة لوقف الاحتراب و الاقتتال الا ان الناس مازالت في بداية الطريق الطويل, لان ما حدث اقل بكثير من طموحات الناس, و التحدي الذي يواجه الناس هو ثم ماذا بعد هذا التقسيم المناصفة بين خصمين سياسيين؟ فنحن قد تم تقسيمنا علي اثنين و لكن لحكمة يعلمها الله هنالك باق, لان المنطق يقول في حالة القسمة علي اثنين يجب الا يفضل باق!! و لك الود يا ود العمدة و اظنك متحفظ كثيرا علي ما يجري الان, فانت انسان لماح و ذكي .
و طبعا يا ود العمدة عنوان بوستك هذا ينفع عنوان لفيلم هندي لانه مثير و غشاش و خداع و مستفز كمان
(عدل بواسطة برير اسماعيل يوسف on 12-30-2004, 04:16 PM)
|
|
|
|
|
|