|
Re: حسبت ان دموعي قد جفت ولكنها انهمرت لرحيلك يا شاعر الغلابة (Re: abdelrahim abayazid)
|
جرتق للتراب
يا حميد..
**
خوفي من تلحق رفيقك
خوفي من تلحق رفيقك يا بريق نجم الحيارى وإنت لا نّور طريقك لا شرق فجر السهارى من زمن يا صحوة طلعك غصة في حلق الصحارى حتى شال النمة فرعك دودى زي وهج البشارة قلنا يا سعد المواسم عودك المليان جسارة عودك الفجري المصادم بالبصيرات والبصارى مستحيل يرضخ يساوم مهما كان الريح حصارا يفضل النخل البقاوم في السقوط نخل الفقارى
يا اندلاع صوت الغفاري في حلق دغش الغلابا لو خريفك تاني يطرح آه يا اخر سحابة لما يا شرف المواكب يبقى هم الناس إمارة تندحر كل المناصب ينكسر كرسي الوزراة
كنتو وين وين إنتو كنتو كنتو وين لما الشوارع ما ثبت قداما مرتق نفضّت صمت المسافة مّدت الشوق المضارع للصباحات التجرتق كف شهيدا البق مارق من فرقة الظلمة فجرًا تم بي دموّ الشرافة وضم حضن الارض عاشق
كنتو وين وين انتو كنتو لما كان في سجنو ثائر بي جلابة السونكي نومتو ويصحى بي أمر العساكر قومتو في الزنزانة يمحى ويفتح الاف الحناجر تجدب الاطفال ويكتب انبل الاشعار لباكر تشطب السجان وصوتو ويبقى فنانا البساسق
كنتو وين . وين انتو كنتو لما فضل الدين عباية تدبي فوق كتف الغنايا تنتصب في الجو طوابق تنقلب في التو بنوكا للبداهن والبنافق والبوافق لما كان نفس العبايا تتنفخ بي قدرة حبلا لي قصار عمر الكحايا من جُنب تنسلا سيفًا عبَّر السواهو سارق شدة الفقر الخرافي حدة الشغل اللي مافي رُغم الاف المتاجر والخوازيق والمرافق
كنتو وين انتو كتو لما البيوت في الشمال قامت خنادق للكتابات البتنزل فوق ضهاريهم مطارق لما طلاب الحقيقة كانو بختارو المشانق ولما لسة الله بموت في الجنوب بين البنادق
كنتو وين وين انتو كنتو آهي يا وطني المستَّف في المطارات القصية آهي يا كفني المنتَّف في مدارات القضية آهي يا صمتي المكتَّف في العبارات الندية آهي يا نفسي الملطَّف بالنهارات الصبية آهي من رفع المصاحف بالرماح الاجنبية المعاطف اجنبية العواطف اجنبية الجلاليب اجنبية الدولايب اجنبية الدهاليز اجنبية السراير اجنبية المساير اجنبية صبة الكآس اجنبية ختة الراس اجنبية رشة الدلكة اجنبية رعشة الفركة اجنبية طفية النور اجنبية والخوازيق عربية عربية عربية فضي نارك يا محارب وللا هات البندقية
غني عشقك يا صبية احنا قدامك مدارك غني للوطن المفارق عشت يا وطني المبرق بالندى ولون المشارق يا محرق يا محرّق يا مجرب عشت بي شرف البنادق ويسقط العفن ال بتلب فوقنا من شُرف الفنادق يسقط يسقط يسقط
|
|
|
|
|
|
|
العنوان |
الكاتب |
Date |
حسبت ان دموعي قد جفت ولكنها انهمرت لرحيلك يا شاعر الغلابة | abdelrahim abayazid | 03-20-12, 12:27 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | محمد حيدر المشرف | 03-20-12, 12:33 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | abdelrahim abayazid | 03-20-12, 12:35 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | حيدر بشير | 03-20-12, 12:42 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | abdelrahim abayazid | 03-20-12, 02:54 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | saif basheer | 03-20-12, 04:08 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | abdelrahim abayazid | 03-20-12, 07:04 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | abdelrahim abayazid | 03-20-12, 08:15 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | abdelrahim abayazid | 03-20-12, 11:08 PM |
Re: حسبت ان دموعي قد جفت ولكنها انهمرت لرحيلك يا شاعر الغلابة | عبدالكريم عبدالله | 03-21-12, 02:17 AM |
Re: حسبت ان دموعي قد جفت ولكنها انهمرت لرحيلك يا شاعر الغلابة | عبدالكريم عبدالله | 03-21-12, 02:17 AM |
Re: حسبت ان دموعي قد جفت ولكنها انهمرت لرحيلك يا شاعر الغلابة | abdelrahim abayazid | 03-21-12, 04:51 AM |
|
|
|