الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
هههههههههههههههههههه والله ضحكتني بجد يا المسلمي قلت لي "ابو الصديق الجماعة رايح ليهم الدرب في الموية "! ليه قاعدين يشترو معلومات متاحة مجانا في النت و ما عندها اي معنى بالاسترليني و كمان يدفعو فيها عمولة?!!!!
عارف يا المسلمي انا خايف صاحبك دا يكون هسع عمل شركة معلومات يجيبها من ويكيبيديا و يبيعها لجهاز امنكم القاعد على اضنيه يا المسلمي اختشي و اعتذر لجهاز امنكم انك اظهرتهم بصورة من العباطة و السذاجة ما معقولة كلو كلو! جهاز امن يشترى معلومات صحية لمواطن في الثمانين من عمره? عايزين تعرفو شنو يعني? بشد و لا راخي? مساكين!
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بدر الدين احمد موسى)
|
حكاية الكرين العزيز بشرى ود الفكى. طبعاً كلامى عن الاخوان ناس الكرين لا أقصد به الاساءة و تقليل الشأن. لكن اى نشاط يقوم به الانســان يتطلّب معرفة و تدريب فى الاول. شغلة الكرين ذاتها دايرة تدريب و معارف مختلفة عشان الزول ينجح فيها. مع المعرفة كمان فى الزمن العلينا دا بقت تتطلب صلات مع الجهات النافذة فى الدولة عشان امورك تمشى .
كذلك العمل السياسي يتطلب معرفة و تدريب. لو من السياسية طوالى مشيت اٍتدرّعت الكرين و قلتا تعمل تأجر ياك الخسران و كان عملت العكس برضو خسران. و البوست دا بشحمه و لحمه شااااهد على ما اقول. ياخى فى زول بقول لشعب جعان عديل تقول ليهم نحن اشترينا تقارير طبية عن صحة نقد بـ 30 مليون و الناس بيموتوا فى مستشفى بحرى عشان اسطوانة الاكسجين التمنها 35 جنية غير متوفره. ناس تموت بالاختناق اموالهم تهدر فى الفارغة و المقدودة، كما معها بجاحه و دعاية!. دى عوراة دى ما سياسية.
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بدر الدين احمد موسى)
|
Quote: عارف يا المسلمي انا خايف صاحبك دا يكون هسع عمل شركة معلومات يجيبها من ويكيبيديا و يبيعها لجهاز امنكم القاعد على اضنيه يا المسلمي اختشي و اعتذر لجهاز امنكم انك اظهرتهم بصورة من العباطة و السذاجة ما معقولة كلو كلو! جهاز امن يشترى معلومات صحية لمواطن في الثمانين من عمره? عايزين تعرفو شنو يعني? بشد و لا راخي? مساكين! |
تحياتي يابدر الدين
وبالله رسونا علي بر هل هم اشتروا
ولاالموضوع ايميل مفبرك؟
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: Adil Ali)
|
Quote: اولا انت ابكر ولا ابوبكر اسمك ؟ يا ابكر كلامك ده بنطبق برضو علي تجارة القورو التي يقوم بها اهلنا الفلاتة ؟ اجابتك مهمة للرابط المعروف والخبرة يا مفتح انت |
هههههههههه شكلك زعلت يا دكتور. انا لو اٍتعاملت معاك بالترابية العرقية الجاهلية النتنة السائدة فى المجتمع السودانى دى ح تطلع وراى شديد. لكن نحن أكبر من كده. و سوف أعود لمعالجة هذه الجاهلية مرة أخرى فى بوست منفصل اٍعادة لبوست انا، الازهرى، منصور خالد و لعنة الفلاتة.
------- أنتا بتشرى القورو بالله؟. بقيت تقوم دفرة، ما بدرى عليك يا شيخ ... أنتا لسه شباب مع الاعتذار للعاقب محمد الحسن.
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
عمر صديق تحياتي "ابو الصديق المسالة ما مسالة بيع وشراء الموضوع كبير صراعات وخلافات بس خليك قريب من البوست وتشوف العجب "
اها يا عمر, محمد المسلمي قال ليك, هم اشتروا و دفعوا خمسة الف جنيه استرليني من اموال الشعب السوداني في معلومات طبية خاصة بالاستاذ محمد ابراهيم نقد, و اكيد من معرفتي بعراب الصفقة-الزول الغشاكم وزين ليكم العملية- انهم دفعوا عمولة و كبيرة كمان!
اها رأيك شنو? ناس امنكم ديل عندهم راس?
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بدر الدين احمد موسى)
|
Quote: اها يا عمر, محمد المسلمي قال ليك, هم اشتروا و دفعوا خمسة الف جنيه استرليني من اموال الشعب السوداني في معلومات طبية خاصة بالاستاذ محمد ابراهيم نقد, و اكيد من معرفتي بعراب الصفقة-الزول الغشاكم وزين ليكم العملية- انهم دفعوا عمولة و كبيرة كمان!
اها رأيك شنو? ناس امنكم ديل عندهم راس? |
طيب يابدر الدين كلام محمد المسلمي والذي ذكر انه يدور في اروقة الحزب ببريطانيا
انتو هنا نفيتوه
في البوست ادناه
توضيح هام بخصوص ما يشيعه جهاز الأمن عن "بيع أسرار الحزب الشيوعى"
وقد جاء نفيكم هنا
Quote: - رسالة البندر هى جزء من حملته المتواصله ضد الحزب الشيوعى و عضويته و التى تتم بتنسيق و تعاون كامل مع جهاز أمن النظام لذا ليس من الغريب و لا المفاجئ أن يتم نشر هذه الأكاذيب الآن عبر أحد أعضاء الجهاز. صلاح البندر صار كرت محروق و لم تعد أكاذيبه تجد أدنى صدى حتى بين خصوم الحزب, ناهيك عن الصوره القبيحه و المتسخه التى رسخت في أذهان الناس عنه , لذا أصبحت مهمته تدبيج و تأليف الأكاذيب و يقوم الجهاز بترويجها و نشرها.
|
حيث وردت كلمة اكاذيب ثلاث مرات في ثلاثة اسطر
وهذا التوضيح يؤكد انه لاتوجد عملية بيع من الرفيقة وبالتالي لايوجد شراء من جهاز الامن
اذن
هنالك خلافات بين اعضاء حزبكم في بريطانيا واتهامات وتخوين متبادل
والموضوع فاح وانتشر الي ان وصل الاخ محمد المسلمي
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بدر الدين احمد موسى)
|
Quote: اها يا عمر, محمد المسلمي قال ليك, هم اشتروا و دفعوا خمسة الف جنيه استرليني من اموال الشعب السوداني في معلومات طبية خاصة بالاستاذ محمد ابراهيم نقد, و اكيد من معرفتي بعراب الصفقة-الزول الغشاكم وزين ليكم العملية- انهم دفعوا عمولة و كبيرة كمان!
اها رأيك شنو? ناس امنكم ديل عندهم راس? |
طيب يابدر الدين كلام محمد المسلمي والذي ذكر انه يدور في اروقة الحزب ببريطانيا
انتو هنا نفيتوه
في البوست ادناه
توضيح هام بخصوص ما يشيعه جهاز الأمن عن "بيع أسرار الحزب الشيوعى"
وقد جاء نفيكم هنا
Quote: - رسالة البندر هى جزء من حملته المتواصله ضد الحزب الشيوعى و عضويته و التى تتم بتنسيق و تعاون كامل مع جهاز أمن النظام لذا ليس من الغريب و لا المفاجئ أن يتم نشر هذه الأكاذيب الآن عبر أحد أعضاء الجهاز. صلاح البندر صار كرت محروق و لم تعد أكاذيبه تجد أدنى صدى حتى بين خصوم الحزب, ناهيك عن الصوره القبيحه و المتسخه التى رسخت في أذهان الناس عنه , لذا أصبحت مهمته تدبيج و تأليف الأكاذيب و يقوم الجهاز بترويجها و نشرها.
|
حيث وردت كلمة اكاذيب ثلاث مرات في ثلاثة اسطر
وهذا التوضيح يؤكد انه لاتوجد عملية بيع من الرفيقة وبالتالي لايوجد شراء من جهاز الامن
اذن
هنالك خلافات بين اعضاء حزبكم في بريطانيا واتهامات وتخوين متبادل
والموضوع فاح وانتشر الي ان وصل الاخ محمد المسلمي
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
الأخ محمد المسلمي سلام ...
بغض النظر عن انو الأستاذ محمد ابراهيم نقد ( شيوعي ) رجل وقور بلغ الثمانين من عمره لم يسئ أو نسمع أو نقرأ له بأنه أساء لأحد أبدا ....الرجل الآن مريض وهو أولا وأخيرا ينتمي للسودان الحبيب فأتمنى أنو الناس كلهم ومن جميع الطوائف والأحزاب يدعوا ليهو بالشفاء ويعود معافي سليما من المرض ...... أتمنى راجيا منكم طلب سحب البوست ..
مع خالص احترامي وتقديري ....
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: Ridhaa)
|
انا ياعوض بحترم كل القبائل وما بفرق بيناتا في شي بس الكلام علي الزول لمن ينكر اصلو تقول عليهو شنو ويا بدرالدين انت وعصام جبرالله انكرتو انه حصل بيع وكل الموضوع فبركة اذن مافي بيع ولا في مال ضاع !! واتمني ان تنزل الايميل الذي تحدثت عنه وبعد ذلك نقرر في بيع ولا مافي ويا بدرالدين انشقاق حزبكم ما عايز ليه حصة مساية ولا درس عصر ولاحظ ده في بيان الناطق باسم حزبكم عصام جبرالله في هذا البوست كله نفي بطريقة الاثبات
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: Ridhaa)
|
سلام للجميع ولصاحب البوست
في موضوع البيع أولاً الحالة الصحية للرفيق عبدالرحمن بلندن ليست أسرار حزبية اذ انها اسرار تخصه هو شخصياً ومن يبيعها يكون قد خانه هو شخصياً بافتراض انه ملكه تلك الاسرار بحكم صلة ما ولكنها بالتأكيد ليست صلة حزبية هذا اذا ما تجاوزنا مسألة انو الحالة الصحية للرفيق عبدالرحمن ليست سراً حتى على المستوى الشخصي وكل من زار الرفيق بيكون سأل عن حالتو و بيكون بالتأكيد لقى اجابة عن تساؤلاتو دون اي عناء هذا غير انه كان يتداوى في السودان ومن الساهل جداً الحصول على هذه المعلومات من المستشفى او الاطباء اما عن طريق الارهاب او السطو ولو كان لابدّ من البيع والشراء فسيتم شرائها بالعملة المحلية ثانياً من هي الجهة التي تعتبر معلومات كهذه مهمة لها لدرجة ان تدفع مقابلها هذا المبلغ طبعا ما ممكن تكون جهة اجنبية فلا البريطانيين ولا الامريكان بيكون ضمن اهتماماتهم معرفة الحالة الصحية لأي حد وحتى لو كان لهم مصلحة فلن يغلبو حيلة اخرى لجلب هذه المعلومات دون ان يأتي أحدهم مثل صاحب البوست الموقر ليعمل لهم شوشرة وكشف حال في النت دة بيعني انو الجهة المستفيدة هي جهاز الأمن أها الأجهزة الأمنية عندها وسائلها الغير غريبة على الناس في الحصول على المعلومات زي الارهاب والابتزاز وبرضو الشراء والبيع زي المذكور هنا طيب قيمة معلومات زي الدفعوا فيها الالوفات دي شنو طبعاً ما عندها قيمة الا اذا كان جهاز الامن دة جهاز عاجز ومتمحن وقاعد منتظر الشيوعيين ديل يموتوا عشان كدة بيستخدم الموارد المتوفرة ليهو في الحصول على معلومات تطمنهم بقرب المنال وهم يلهجون بالدعاء ليل نها يا رب ما تخلي في الشيوعيين نفاخ النار ثالثاً نفترض انو دة بيع لي اسرار حزبية حقيقية دة بيعني شنو يعني ما اصلو ما غريب انو جهاز الامن يوظف ناس ويشتري ناس ويعذب ناس عشان يدلوا بي معلومات ويغوص ناس لأنو ببساطة دة شغلهم الباخدو عليهو قروش ومخصص ليهو النظام سبعين في المية من ميزانية الدولة وطبعاً بيكون الغريب لو جهاز بكل ما اتوفر ليهو من موارد يكون ما نجح في شراء زول حتى لو واحد عشان يديهو معلومات وبتحصل كتير اختراقات امنية وتحديدا للحزب الشيوعي ليه لأنو الحزب الشيوعي في نص الناس السودانيين باخلاقم المعروفة الاهمها عدم التخوين طيب هسي نخت البوست دة في ياتو موضع في موضع انو صاحب البوست زعلان على بيع اسرار الحزب واستنكار العمل دة من قبل الطرفين البائع والمشتري ولا نختو في باب الشماتة انو اسرار الحزب باعوها واذا ختيناهو في باب الشماتة حتكون الشماتة من منو من الحزب الاودع امانة عن زول وخانها ولا من الزول الباع ولا من الاشترى
يعني ببساطة الهدف من الكلام دة كلو شنو
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بشرى محمد حامد الفكي)
|
Quote: موضوع البوست كما فهمت انا ليس مرض الاستاذ نقــد ولا تصوير ملف لعلاج الخاص بــه .. الموضوع بيتعلق بظاهرة الخيانة الحزبية فى حزب عريق وعتيق مثل الحزب العجوز الموضوع بيتعلق بإخفاء ظواهر التسريبات الامنية فى الفرعية لدواعى اجتماعية الموضوع بأشياء اخرى ... |
أها شوف جنس دة جاء بكل خبراتو في ترتيب الأوراق ولخص البوست في اسئلة وفي النهاية دي الخلاصة الطلع بيها وطبعاً ما غريب على زول شغال تلب في النت يعني المشكلة الحقيقية انوفي خيانة حزبية والمشكلة الأكبر انو ناس الحزب لاعتبارات اجتماعية داسيين الموضوع
طيب دي مشكلة الحزب انت مشكلتك شنو مشكلتك التعامل المنفعل مع الموضوع استحي
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بشرى محمد حامد الفكي)
|
التذاكى فعل قبيح و تذاكى الأغبياء مضحك و فاضح. الإيميل موجود و أمر نشره من عدمه ده يقرر فيه أصحاب الشأن مش شغلك. لو عندكم أخلاق و جهة بتساءل تمشوا انتو تراجعو حسابات السفاره لو ظهرت فيها خمسه الف استرلينى "ملحوسه" تمسكو الصرفا و تشوفوهو وداها وين . تخمينى الخاص بيكون قسما مع "الحاوى" و مرقو بالحبكه دى أهو منها شغل اشاعات ضد خصومكم و منها لغف ... لكن هو منو البحاسب؟ كلكم حراميه في حراميه ....
يا بدر الدين ... مالك ياخى ... خلى الراجل يمسك ضنب الككو ... يمكن مسكو بريحو!!! شيوعى حاسد و ما لاقي الراحه.
للعلم لست ناطق باسم الحزب الشيوعى , عندهم متحدثين باسمهم بحددوهم و يعلنوهم , أنا فقط ناقل للمعلومات دى ....
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بشرى محمد حامد الفكي)
|
بالنسبة للسيد الدكتور صلاح البندر زكنت قد انتويت افتراع بوست في موضوعه ولكن والله ما فاضي اليومين ديل واتمنى انو يكون متابع الدكتور بدأ الصراع ووضح هدفوا بانوا ناس دارفور ما كان عندهم نصيب في مليون دولار اترسلت للسودان لفرع المنظمة السودانية لمناهضة التعذيب وجاب ارقام وانا طبعاً اصلاً ما بعتبر انو الشيوعيين ديل ملايكة يعني زي ما ببيع زول اسرار الحزب ممكن يبيع ويتاجر في عذابات الضحايا شيئ عادي ولا ينتقص من الحزب الشيوعي طالما انو في الية للمحاسبة وللحزب تجارب كتيرة مع نوعية البشر دي وكنت قد افترعت بوستاً للحساب وطالب الدكتور انو يجي يوضح لينا ويفك لينا شفرة الارقام في الميزانية بتاعة المنظمة لسنوات بعينها بحكم انو كان في رأس تلك المنظمة في نفس الوقت الذي كان يمارس فيه هوايته في المضاجعة التي ربما لا تكلف من يهواها من سوى ان يستلقي على بطنه لم يستجب الدكتور وتزامن ذلك مع هاكر قام بمسح المتداخلات في البوست وهاكر اخر او هو نفس الهاكر قام بتهكير المواقع التي اشرت لها في البوست المعني كمرجعية وذهب الويب سايت بتاع المنظمة في الباي باي وحا اجيب الرابط بتاع البوست والناس ممكن تتأكد من المعلومات دي و كانوا في بحرينيين عاملين ويب سايت للنيل من الدكتور صلاح البندر الغريبة الويب سايت اتهكر في نفس الوكت دة طبعاً ما اتهام للدكتور او اي جهة اخري نابت عنو في عملية التهكير بس دة عرض للحالة كما حدثت طبعاً الصدفة واردة انو يحصل التهكير دة كلو في وكت واحد ومشغوليات الدكتور بعمله ومهامه العظيمة وهواياته ممكن تكون عائق في ان يلتفت للعوام الزينا ديل لكن بعد صمت طويل رجع الدكتور المرة دي ما الهدف انو ناس دارفور يكون ليهم نصيب لكن الهدف انو ينضف الحزب الشيوعي من سماسرة الويلفير وبدل حديث الارقام بقى بيستند على حديث التلفونات وفلان قال لي وفلتكان فعل لي والاقذر كشف تقرير بالصح او بالكضب عن كلاينت المهم من كل التشويش العملوا الدكتور بيتضح انو هو اول واحد ما عايز الحقيقة تتكشف للناس وهنالك الكثير من المعلومات التي لا يتوقع الدكتور انها بحوزتي وموثقة وطبعا لم اجمعها جرياً وترصداً للدكتور ولكنها كانت من خلال بحثي في امر المنظمة المعنية بلقى لي يوم خميس فاضي اجي ارشها ليهو هنا في محل الفضايح دة وهسي اذا صحّ موضوع الايميل بيكون الدكتور اضاف هدف جديد انو ينضف الحزب الشيوعي من الخونة بائعي المعلومات لجهاز الأمن بداية باسرارالحالة الصحية للرفيق عبدالرحمن طيب هل نتوقع انو صاحب البوست يكون اهدافو اتوافقت مع اهداف الدكتور البندر وسنعود لأمر الدكتور في موضع آخر
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بشرى محمد حامد الفكي)
|
ابوبكر يا حبوب في موضوع الكرين
بيقول كريس هارمان في كيف تعمل الماركسية
Quote: هناك اسطورة واسعة الانتشار تقول ان الماركسية صعبة.
وهى اسطورة يتم الدعاية لها من قبل اعداء الاشتراكية - مثلا هارولد ويلسون زعيم حزب العمال البريطانى السابق الذى يفاخر بانته لم يستطع ابدا ان يقرا اكثر من الصفحة الاولى من كتاب كارل ماركس "راس المال".
وهى ايضا اسطورة يشجعها صنف خاص من الاكاديميين الذين يعلنون عن انفسهم كماركسيين: فهم يزرعون عمدا جمل مبهمة وتعبيرات غامضة من اجل اعطاء الانطباع انهم يمتلكون معرفة خاصة لايمتلكها الاخرون. لذلك لايثير الدهشة ان العديد من الاشتراكيين الذين يعملون 40 ساعة فى الاسبوع فى المصانع والمناجم او المكاتب ياخذونه امرا مسلما به ان الماركسية شىء لايمكن ان يكون لديهم الوقت او الفرصة لفهمه.
|
دة الكلام عن الماركسية والبنطبق علي مسألة السياسة انو محتاجة انو الزي ناس الكرين ديل قبل يدخلوها يتدربو وما الى ذلك من الكلام الكتبتو انت فوق كشرط لممارستها يا صديق المنطق السليم اي زول من غير شرط يدخل السياسة من باب مصلحتو يعني سيد البوست دخل من الباب دة وغيروا ممكن يدخل برضوا من نفس الباب لكن بفكرة مناقضة ليهو يعني الجوباك البعمل فيهو صاحب البوست ما عشان خلفيتو الكرينية لكنو جوباك بتفرضوا عليهو مصالحو أها يا حبوب النقول ليك انا كتير بفط المداخلات في القراية لكن مداخلاتك انت تحديداً ما ممكن امر فيها مرور الكرام فدايماً بكون مركز فيها في شان كدي كان العتاب مع انو الموضوع ما بالحجم الكبير لكن كنت اتمنى ان تراجعها بشكل اكثر عمقاً وشكرا على الاهتمام
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بشرى محمد حامد الفكي)
|
بشري هل العمل الحلال عيب وهل يذم الرجل بعمله صاحبك ابكرونا يختشي وبزعل من اسمه الحقيقي ودائر اغيراصله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ انتة رايك شنوا في الخيانة وبيع اسرار الحزب وخليك من الكلام البتقول فيهوا ده وشوفوا الجماعة ديل باعوا شنوا وتاني تعال اتكلم هل النضال الخيانة وبيع الرجل لاخيه اين المبادي والاخلاق
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
Quote: بشري هل العمل الحلال عيب وهل يذم الرجل بعمله صاحبك ابكرونا يختشي وبزعل من اسمه الحقيقي ودائر اغيراصله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ا |
العمل الحلا ما عيب ولا يذم الرجل بعمله
اما موضوع صاحبي لنفترض جدلاً انو غير اسمو الحقيقي وبزعل لما يقولوهو ليهو انت ليه مصر انو تناديهوا باسمو القديم مع انو من الأدب يا شيخنا انو الناس مفروض تنادي ببعض بما تحب يعني مثلاً انا بقول المؤتمر الوطني ما عشان هو وطني لكن تأدباً مني وتأسياً بمكارم الأخلاق مسألة الأصل لما تركز عليها شديد كدة بتدخلك في ورطة كبيرة عشان كدي انساها ودي نصيحة ممكن تعمل بيها وممكن لا
Quote: انتة رايك شنوا في الخيانة وبيع اسرار الحزب وخليك من الكلام البتقول فيهوا ده وشوفوا الجماعة ديل باعوا شنوا وتاني تعال اتكلم هل النضال الخيانة وبيع الرجل لاخيه اين المبادي والاخلاق |
الخيانة شيئ بغيض ولا أخلاقي خصوصاً اذا كانت مقبوضة الثمن بغض النظر من الباعو شنو أها الكلام الأنا بقول فيهو دة شنو الانت شايف انو ما مفروض اقولو قبل اعرف الناس ديل باعو شنو اها الناس ديل باعو شنو التقارير بتقول نقد عندوا اسهال والعياذ بالله ولا عندو تبول لا ارادي ربنا يحفظنا
يا أخي المسلمي في الحزب دة زاتو في ناس باعت رفاقها ووصلوهم للمشنقة في واحد سبعين اها نشمت في الماتوا بالخيانة ولا نشمت في الحزب ولا نعمل شنو نحن هسي
أها افهم من كلامك دة انك زعلان من البفتكروا انو النضال خيانة وبتعيب في الناس الباعو الحزب طيب سيدي دة كلام كويس بالله اي زول يبيع الحزب دة تعال اكشف حالو هنا وما تلتفت لي شغل الغتغتة البعملو الشيوعيين لدواعي اجتماعية ومعاك ربنا يغتس حجر كل خاين وانشاء البطل ما يموت كلو كلو لغاية نهاية الفيلم
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بشرى محمد حامد الفكي)
|
Quote: أها افهم من كلامك دة انك زعلان من البفتكروا انو النضال خيانة وبتعيب في الناس الباعو الحزب طيب سيدي دة كلام كويس بالله اي زول يبيع الحزب دة تعال اكشف حالو هنا وما تلتفت لي شغل الغتغتة البعملو الشيوعيين لدواعي اجتماعية ومعاك ربنا يغتس حجر كل خاين وانشاء البطل ما يموت كلو كلو لغاية نهاية الفيلم |
الناس الخاينين ديل بر اهم فضحوا نفسهم بس انا مستغر ب في الناس البدافع عن الخونة وكمان الموضوع يادوب بدا بس ىخليك قر يب في حاجات كتير ة جاية
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
Quote: الناس الخاينين ديل بر اهم فضحوا نفسهم بس انا مستغر ب في الناس البدافع عن الخونة وكمان الموضوع يادوب بدا بس ىخليك قر يب في حاجات كتير ة جاية |
يا زول انا قريب ومنتظر الجاجات الكتيرة جاية والخاين الله يخونو معليش بس استأذنك كلمتين لي خالد العبيد دة
هوي يا خالد العبيد شايفك بقيت الموزع لي كتاب الخندق بتاع فتحي الضو الفيهو الكوز وبتاع الأمن الاتربى في كنف الحركة الاسلامية باع اسرار حزبوا وادى الوثايق لي فتحي الضو مقابل انو يشهد ليهو فتحي الضو يوم حساب الجماهير داك
شوف يا زول انت زول كبير ما دايرين نغلت معاك كلام واحد والله واحد نسختي تصلني باسرع فرصة وما بقبل الحنك العاضي بتاع والله الدفعة دي اتوزعت كلها وانتظر الدفعة الجاية احترم عمرك دة ورسل الكتاب سريع
معليش يا مسلمي أها يا اللخو ماني ماشي بعيد كمل كلامك كلو واكشف لينا الخاين بتاع الزباين الباع اسرار الحزب الشيوعي دة
الزباين= جهاز الأمن وتشكر على الاهتمام
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
Quote: فضائحكم بر اكم وغسيلكم كلوا جاييكم بس بعدين ماتجي تكور ك وبعدين لو عندك مشكلة مع البندر شوف ليك بوست حديد غير ده ده محجوز لي فضايحكم ياناس الحزب العتيق |
القال منو انا عندي مشكلة مع البندر انا اتكلمت في السياق ذاتو بس قدمت للكلام بما يساعد في فهم الفكرة انو البندر لو صح موضوع الايميل بيكون هدفوا هسي ينضف الحزب من الخاينين وسألنا هل دة بيكون هدفك انت برضه وبس ومن هسي كوراك ما معانا يلا أفضح
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بشرى محمد حامد الفكي)
|
Quote: فضايح الحزب العتيق كلها بتلقاها هنا
|
أمانة يا الحزب العتيق جاك بلا
Quote: القروش الشالوها ناس الجريدة وخلافه
|
هو ناس الجريدة زاتم ادوهن ناس الأمن قروش بالله كم؟ يعني الشيوعيين بتقاسموا مع ناس الأمن رزقم
Quote: والخلاف حول تغير الاسم والخلاف حول الخليفة الجديد
|
أو تقول لي باعو كمان الاسم القديم
Quote: وبيع ناس لندن وكله بي الكوم مافي وزن خم وردم
|
ناس لندن بياعين اصلم
Quote: والبوست منقول للربع الجاي وجاهز ليهم زي مادايرين موجود وبرضوا بي الكوم |
يا زول انشاء الله يتربى في عزك وتقطعوا بعرق العافية انشاء الله واتنقل معاك محل ما تقبل قول آمين
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: عمر صديق)
|
ود المسلمي "بشري هل العمل الحلال عيب وهل يذم الرجل بعمله صاحبك ابكرونا يختشي وبزعل من اسمه الحقيقي ودائر اغيراصله"
يا المسلمي الزول ما بتنبذ بعمله و برضو ما بتنبذ باصله القبلي الا لدى الجاهلين من وين ليك ان ابوبكر عايز يغير اصله? بكري جعلي . بطل انصرافية و خليك من اصل و فصل ابوبكر ولو زنقك قول الروب انا بديه تلفون و بخليه يخفف عنك بس انت ابلع ابللللللع ابلعععععععععع
و بالمناسبة الغشاكم ذاتو من اندنا بس ناكر بصحيح.
ونصيحة و معاها تهديد عديل كدة لو ما بعدت عننا على النعمة تلفون لمايرنو تاني تدور عربيتك للكرين تقوم برااها تمشي المرخيات اعمل حسابك.
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بشرى محمد حامد الفكي)
|
بوست مبالغة
تشتيت الكور دا عادي يا المسلمي ما تشيل عينك من الكورة ابدا وتشتغل الا بالقضية الاساسية
بقينا متعودين لدرجة اني بكون عارفة منو حيدخل ويقول شنو وبعداك تاني حيدخل والموضوع يسبرع لو سيد البوست ما حريص مسرحية كاملة اشاهدهاامامي في كل مرة الحزب الشيوعي يكون في الميزان
من قريت البوست دا ولقيت فيه قروش استرلينية قلت نمشي ونجيه تاني نلقى اسم البندر ورد. البندر دا بقى بعبع الشيوعين بالجد قول اهلنا الشجرة يقلعها عرقها.. يا شيوعين يوم بيطق ليكم عرق هنا..
وندعو الله ان يحفظ العم نقد .
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: رؤوف جميل)
|
بتتكلموا يا ناس عن ايميل وصلاح بندر وكلام كتير كلو عندي هروب من واقع حزب عتيق بقي قاعد في السهله انا ايميلكم ده جديد بالنسبة لي ومصدري هو انتو زاتكم البتكوركو ديل واتفقدو ناسكم قبل تجوطو وكل نكرانكم بثبت انكم مختلفين لاحقين خراب سوبا والدليل فير مصدري تاكيدكم بانه في ايميل يتحدث بنفس الموضوع يعني ريحتكم فاحت والكلام عن الامن دخيل ريسيكم في الرملة ونكران شروق الشمس شوفوا يعني نكرانكن دعه ببري الرفيقة وزوجها الرفيق وان كل المنشور هنا مجرد تلفيق اها المقوم نفسكم شنو ؟؟؟؟؟
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
Quote: Quote: راي الشوية دي ؟
باخى الهمز واللمز فى حق الزميل نقد وكملتوا وبدون حيثياث وانا منتظرك عاوز تقول شنو ولا منتظر مساعدة |
ممكن توريني الهمز واللمز دا كيف
يا رؤوف جميل العداء الغير مؤسس للناس دا بطلوا وشوف ليك شغلة أقضاها
تعليقي لا يحمل كل هذا
حتى ولو من صاحب الشأن
نفسه
الراجل ذكر ليهو إسم وأنا قلت سألت سؤال قلت دا الإسم الحركي ولا شنو ؟
ما أعتقد المسألة دي فيها همز ولمز إنت يبدو إنو حمتك زايدة شوية راجع طبيب ياخي أفضل ليك
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
يا ابو المسلمي
سلام
الجماعة جو بتوضيح
واهم مافيه انهم اثبتو ان ماجئت به في صدر البوست متداول بينهم وفي ايميل
فارجو ان تشكرهم علي هذه الشهادة
ولان التوضيح جاء بصيغة انه من الحزب فلن نطالبه بنص الايميل
لكن فقط
نقول انهم ربما حجبوا باقي معلومات الايميل لاخفاء الخلافات التي تحدثت انت عنها
واغرب شئ
ورغم انك حتي الان لم تورد اي شئ عن الاحوال الصحية للرفيق عبد الرحمن ونتمني له عاجل الشفاء
الا ان بعضهم مازال يكرر
بان اجهزتنا ودولتنا تشتري معلومات ليست سرية بمبالغ كبيرة والخ من الانتقادات الجوفاء
وهم في التوضيح قالو ان هذا الكلام اكاذيب !!!!!!!!!!!!!!!!!
اذن لماذا تدينون واقعة هي كذب ولم تحدث اصلا بحسب بيانكم ؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: عمر صديق)
|
المسلمي بوستيك نفس و عايز تفلس! ياخ دا ما الدايرنو ليك يا شاب والله! دا كلام شنو دا:"المداخلة حقتي وانا سيدا لوماعجبتك اتخارج من هنا يتبعك شيطانك فلستة انتة وصي علي افكاري ومن حيث القبيلة (اظنك اخر المراحل حقتك دي باردة ليك ومافي زول بنافسك عليها فمن انتة) عالم وهم "
ياخ البتكلم معاك بكل ادب دا, بروفيسور عوض محمد احمد استاذ الطب, فاعرف مقامات الناس و احفظها ليتعامل الناس معك باحترام ايضا, كلامك شين. شنو تقول ليه:"من انتة" اولا, تكتب "من انت" و ليس "من انتة" و تاني الناس بتكتب "فلست" و ليس "فلستة" يا منقب اسرار حزبنا العتيق! و لاحظ البصلحك في العربي دا واحد فلاتي رطاني ههههههههههه
يا المسلمي, البتجيك في بوستاتك سامحتك. بس تاني محص شوية, و ما تكون غشيم. يعني ما يلعبو بيك زي ما عملو فيك هنا في البوست دا. قبل ما تفتح بوست فكر في اخلاقية الفكرة, و لو و لو غلبك تفهم معنى كلمة اخلاقية الفكرة, فكر في حديث الرسول صلى الله عليه و سلم لما جاءه العربي يطلب الاذن بالزنا, تتذكر النبي قال ليهو شنو? قال ليه:"اتحب ان يفعل ذلك بامك? اتحب ان يفعل ذلك بزوجك? اتحب ان يفعل ذلك باختك?" دي هي الاخلاق; ان تعرف الصاح من الغلط. و لو ما عندك خيال, بس, فكر موقفك حا يكون شنو لو الحاجة اتعملت فيك انت. يعني اسرار المريض ليست اقل حرمة من الشرف, و اي انسان يحترم نفسه, لا يعتبرها مجال للمساومة و الابتزاز. يا المسلمي, ليس فتحا استخباراتيا ان تشتري تقرير طبي قد يكون ملفق, من سمسار تهاوى في درك الخصومة الشخصية و الانتقام. بل عيب ان تكشف انت منسوب جهاز الامن ان جهازكم يلهث وراء سفاسف الامور في الوقت الذي يستباح فيه السودان. هل قارنت قوة جهاز امنكم الذي اشترى معلومات شخصية بخمسة الف جنيه استرليني مع العمولة, بقوة الجهاز الاسرائيلي الذي استباح السودان عشرات المرات و يرتع في الخرطوم? ماذا فعل جهازكم لمقاومته? لقد اكتفيتم بالنويح و هم يقتلون مواطنين سودانيين في السودان, شفت الاجهزة كيف? حماية امن وطن ليست شراء تقارير طبية! هل عرفت عجز جهازكم, و المخابرات الاجنبية تقتل خليل ابراهيم في السودان و رئيس جهازك يعرف الامر من نشرات الاخبار? هل عرفت لماذا ذلك? لانكم شغالين بالفارغة و المقدودة! ارتفعوا لمستوى المهمة اذ ابتلانا الله بمثلكم لتقوموا بما لستم مؤهلين له لا مهنيا و لا اخلاقيا. عيب كبير و الله.
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: بدر الدين احمد موسى)
|
Quote: يا ابو المسلمي
سلام
الجماعة جو بتوضيح
واهم مافيه انهم اثبتو ان ماجئت به في صدر البوست متداول بينهم وفي ايميل
فارجو ان تشكرهم علي هذه الشهادة
ولان التوضيح جاء بصيغة انه من الحزب فلن نطالبه بنص الايميل
لكن فقط
نقول انهم ربما حجبوا باقي معلومات الايميل لاخفاء الخلافات التي تحدثت انت عنها
واغرب شئ
ورغم انك حتي الان لم تورد اي شئ عن الاحوال الصحية للرفيق عبد الرحمن ونتمني له عاجل الشفاء
الا ان بعضهم مازال يكرر
بان اجهزتنا ودولتنا تشتري معلومات ليست سرية بمبالغ كبيرة والخ من الانتقادات الجوفاء
وهم في التوضيح قالو ان هذا الكلام اكاذيب !!!!!!!!!!!!!!!!!
اذن لماذا تدينون واقعة هي كذب ولم تحدث اصلا بحسب بيانكم ؟؟؟؟؟؟؟؟؟؟؟؟؟؟؟؟ |
ابوالصديق الصحة والاخبار وادتينا النجيضة
| |
|
|
|
|
|
|
Re: من باع اسرار الحزب وكشف الحال الصحية للرفيق ( عبدالرحمن ) بلندن ! (Re: محمد المسلمي)
|
هسي الجوطة في شنو؟
ناشط ومرتو باعوا أسرار الحزب بي 5000 جنيه استرليني عدا ونقدا ومعاها فايل صحي بي غلافو..
يقوموا ناس الحزب الشيوعي يعملوا أسرار تانية ويدوها ناشط آخر ومرتو ويقبضوا 5000 جنيه استرليني تاني وهكذا....
(هو ناس الحكومة ديل يا المسلمي باقي ليك محتاجين ليهم لي أسرار؟)....شكل إستراتيجيتكم في المرحلة القادمة حا تكون حجا ساكت...وغلوتيات...ونحن نشيل ونفكر ونحاجج لامن يوم القيامة يجي.
ركزوا علي النجيضة...وال5000 جنيه دي أولي بيها الراجل ومرتو القاعدين في صينية القندول...ديل بدوكم أسرار الحياة دي كلها خليكم من أسرار نقد والحزب الشيوعي.
| |
|
|
|
|
|
|
| |