الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: الفساد موجود، فلا حاجة للكذب والفبركة: (Re: خالد العبيد)
|
ينسى هؤلاء المناصحين، أن هذا البورد بطبعه، ليس صحيفة خبرية، إنما منبر للنقاش أقول فيه رأيي وأطرحه للنقاش، حتى الأخبار التي قد أوردها وأدعمها بمصدر، يمكن أن يكون مصدراً قوياً أو غير ذلك، يكون القصد منها لفت الإنتباه لشئ حدث (ليس ضرورياً أن يكون ورد في وسائل الإعلام)، أو حتى شئ تدور حوله الأقاويل، بغرض التحقق منه.
| |
|
|
|
|
|
|
Re: الفساد موجود، فلا حاجة للكذب والفبركة: (Re: أبو ساندرا)
|
سلامي يا محمد، أرجو أن أكون فهمت مرادك من البوست، حتى إذا ما استصحبنا المبادئ القانونية الصارمة في صدد إثبات الإدعاء بالفساد الذي يضرب البلد فإن أي محاولة لنفيه عن هذه (الحكومة) تصبح ضربا من العبث . لعلك تذكر رواية السر قدور عن قصة لجنة النصوص التي حكى فيها عن قصيدة رفضتها اللجنة بمقولة أن مطلعها ردئ وذلك قبل إكمال قراءة بقية النص وعندما عرض السر لرئيس اللجنة أن يصبر ويقرأ باقي القصيدة عساه يغير رأيه كان رد رئيس اللجنة : هسه كان جا حمار مد راسو من الشباك هل ننتظرو لامن يدخل كلو عشان نتأكد إنو حمار؟
| |
|
|
|
|
|
|
Re: الفساد موجود، فلا حاجة للكذب والفبركة: (Re: محمد أبوالعزائم أبوالريش)
|
خلينا ناخد مثال حي يا ابو الريش معاوية الصايم كتب هنا بالنص ( ود الباوقة حرامي ) و بالنص ايضا (بيان حرامية و انتهازية و بتاكل مصاريف عيال الجامعات ) وطبعا ما جاب ولا ح يجيب ادلة ولا مصادر ولا تام زين و حيكتفي بإشاداتكن و التمجيد و يعمل فيها شهيد و متسامي و مترفع عن الرد على اسئلتنا - احنا الرماديين ديل - عن مصدر حديثه و ادلته طبعا بعد شوية ممكن يجي يقول انا اعتذر لود الباوقة او بيان او غيرون و ح تقبلوا اعتذارو في الحال و تشبكوه ياها المحرية فيك و يا بطل ... إلخ اها الراي كيف في الحالة دي؟ و سمعة الناس ديل وجيعها منو؟
| |
|
|
|
|
|
|
Re: الفساد موجود، فلا حاجة للكذب والفبركة: (Re: د.نجاة محمود)
|
د. نجاة ...
1) هذا البوست ليس موجه لحادثة بعينها/ بوست/ مقال، إنما هو رد على توجّه أصبح ملفت في المنبر.
Quote: المقال الجبتو وكمية المطاعنات الكابيها دي |
2) ليس من شيمي المطاعنة ... لذا لن أرد على هذا القول الغريب.
3) شكراً على اهتمامك والبحث في موضوع البوست المذكور، والحقيقة إنك إقتطعتي من وقتك زمن مقدّر (إتصال بالمحرر و بالاوبريتار والقسم والهيومان ريسورسس)، وهو شئ تشكري عليه واهتمام مدهش.
Quote: الناس الذيك العايزين الاكاذيب تتنشر بالحجج الميتة ديل المفروض يخجلوا |
كلام يرقى لحد الإساءة .... لن أرد عليه أو على أي كلام بنفس المستوى.
| |
|
|
|
|
|
|
Re: الفساد موجود، فلا حاجة للكذب والفبركة: (Re: محمد البشرى الخضر)
|
لا يا ود البشرى، مثالك مش بالضبط المقصود منه البوست، وإن كان قريب منه.
قد تكون هناك أشياء شخصية في أمثلتك، وأنا لا أقر الشخصنة.
لكن المقصود الفساد في أجهزة الدولة ومن يمثلها من مسئولين.
الفساد الذي تمثل في (خج) صندوق الإقتراع في إحدى دوائر شرق السودان.
الفساد الذي أدى إلى انهيار عمارة الشرطة في بري.
| |
|
|
|
|
|
|
Re: الفساد موجود، فلا حاجة للكذب والفبركة: (Re: محمد البشرى الخضر)
|
ود البشرى ياخ ما تحاول تستفزني. يعني شنو الكذب والإختلاق والفبركة مقبولة عندي؟
باتكلم هنا عن حالات/ أحداث يشكك فيها البعض رغم صحتها التي تبين بشهادة شهود أو بمصدر واضح ... إلخ.
السؤال واضح جداً ..... يقر الجميع - بما فيهم من يتصدى لهذه البوستات - بأن الفساد يزكم الأنوف. لماذا إذاً يحتاج أي شخص للفبركة؟
| |
|
|
|
|
|
|
Re: الفساد موجود، فلا حاجة للكذب والفبركة: (Re: محمد أبوالعزائم أبوالريش)
|
سلام أبو الريش و الضيوف
Quote: يقر الجميع - بما فيهم من يتصدى لهذه البوستات - بأن الفساد يزكم الأنوف. لماذا إذاً يحتاج أي شخص للفبركة؟ |
Quote: يبقى هل من يريد كشف الفساد، بحاجة للفبركة؟ |
انا أقول ليك ليه الناس بتلجأ للفبركة:-
المصلحة الشخصية كل واحد عايز إكبر كومو في مجال النضال كل واحد عايز إكون ليه السبق في نشر أخبار الفساد بغض النظر عن عدمو
تحياتي
| |
|
|
|
|
|
|
Re: الفساد موجود، فلا حاجة للكذب والفبركة: (Re: ABUHUSSEIN)
|
مرحب أبوحسين ..
ما أظن في مشكلة إنو الواحد يكون ليهو السبق ويكون أول من ينشر ....
كمان ما أظن العايز ينشر فساد، يحتاج يفبرك في وجود الفساد البيقر بيهو الكل.
ياخ كلامكم ده زي الزول الواقف وسط المطرة، وشايل خرطوش بيسقي في زراعة.
| |
|
|
|
|
|
|
Re: الفساد موجود، فلا حاجة للكذب والفبركة: (Re: محمد أبوالعزائم أبوالريش)
|
Quote: كمان ما أظن العايز ينشر فساد، يحتاج يفبرك في وجود الفساد البيقر بيهو الكل. |
هل معنى كلامك دا إنو أي كلام إتكتب في سودانيز أون لاين حقيقة...؟؟؟؟
يعني ما فيه أي فبركة ...؟؟؟
Quote: ياخ كلامكم ده زي الزول الواقف وسط المطرة، وشايل خرطوش بيسقي في زراعة. |
دي ما حا أرد عليها الآن....!!!!
| |
|
|
|
|
|
|
Re: الفساد موجود، فلا حاجة للكذب والفبركة: (Re: عبدالعزيز حسين عبدالرحيم)
|
Quote: ود البشرى ياخ ما تحاول تستفزني. يعني شنو الكذب والإختلاق والفبركة مقبولة عندي؟
باتكلم هنا عن حالات/ أحداث يشكك فيها البعض رغم صحتها التي تبين بشهادة شهود أو بمصدر واضح ... إلخ.
السؤال واضح جداً ..... يقر الجميع - بما فيهم من يتصدى لهذه البوستات - بأن الفساد يزكم الأنوف. لماذا إذاً يحتاج أي شخص للفبركة؟ |
استفزاز شنو يا ابو الريش الله يهديك انت كتبت و قلت "كلما" كتب مناضل عن الفساد انبرى له الرماديون و قالوا .. إلخ قلنا ليك ياخي دا مثال, قلت لأ دا ما المقصود طيب ادينا انت أمثلتك دي واحد و التانية ستيل العبارة فاليد كونها صدرت من مؤيد للحكومة او منكر للفساد او حتى البشير شخصيا لافرق نعم ... ما الحاجة للكذب و الفبركة دي جاوب لي عليها انت و اضف على اجابتك ما الذي يجعلها مقبولة و الأعتراض عليها هو المرفوض؟
| |
|
|
|
|
|
|
Re: الفساد موجود، فلا حاجة للكذب والفبركة: (Re: محمد البشرى الخضر)
|
أبو حتوت ..... عشان ما أمشي بعيد ... أخد مثال من البوست ده ....
أنا فتحت البوست، في ناس أيدوا كلامي، وناس شافوا غير الشايفو أنا وجوا يناقشوا (إنت منهم).
لكن كمان شوف د. نجاة في ردها قالت شنو ...
Quote: الناس الذيك العايزين الاكاذيب تتنشر بالحجج الميتة ديل المفروض يخجلوا |
نبرة الإستعداء لو إستجبت ليها .. البوست ما كان مشى خطوة واحدة ... وده المقصود.
______
بالمناسبة ... عبارة رماديين إستعملتها لأنها عاجـباني شديد ........... ما تتحسس منها ((مش إنت صاحبها؟))
| |
|
|
|
|
|
|
Re: الفساد موجود، فلا حاجة للكذب والفبركة: (Re: عبدالعزيز حسين عبدالرحيم)
|
Quote:
نعم لكن برضه عشان دا كمان
الإستثمارات السودانية بماليزيا (13 مليار دولار).
لتبييض وش صاحبه في الاتزنق فيه وما عاوز يفكه
غايتو من اشوف بوست زي دا بعرف طوالي يكون في زول داير رقعه |
معليش ...أكرر كلامي تاني:
Quote:
كما ذكرت ....
هذا البوست ليس رداً على بوست بعينه.
لكنه رد على حالة أصبحت أقرب للظاهرة.
|
| |
|
|
|
|
|
|
Re: الفساد موجود، فلا حاجة للكذب والفبركة: (Re: ABUHUSSEIN)
|
Quote: هل معنى كلامك دا إنو أي كلام إتكتب في سودانيز أون لاين حقيقة...؟؟؟؟ |
في رأيي، في فرق بين الفبركة، والزول يلفح ليهو كلام قبل ما يتأكد من حقيقتو ....
من ناحية تانية، في حالات، لما واحد يجيب خبر مهما كانت أهميتو، في ناس بيجوا شايلين عكاكيزهم، بس لأنو الخبر ده جابو (فلان).
| |
|
|
|
|
|
|
Re: الفساد موجود، فلا حاجة للكذب والفبركة: (Re: محمد البشرى الخضر)
|
ابوالريش ياخوي اسي دا شنو دا Quote: نبرة الإستعداء لو إستجبت ليها .. البوست ما كان مشى خطوة واحدة ... وده المقصود. |
دا علاقتو شنو بموضوع البوست الرئيس و اللي هو حسب ما أذكر كا ن عن أن (كلّما) كتب احدهم عن الفساد نط من يطالبه بالدليل و التوقف عن الفبركة والأكاذيب لا حظ كلّما البين قوسين و راعي للإطلاق الفيها, جبت ليك مثال يخالف رايك قلت ما ياهو طيب ادينا انت امثلتك جبت لي كلام بيان الفي البوست دا زاتو!! ابو الريش انت فتحت البوست دا للنقاش و الحوار البحتمل اختلاف وجهات النظر ولا نظام ولو طارت عنز؟!
ثم انا ما بتحسس من قولة رمادي بل بالعكس بفتخر بيها , قول لي ليه ؟ لأنو على الضفتين التانيات منها يا كوز ودي عارف الحاصل فيها طبعا يا من يرتضي ان يلغي عقله, و يسلم قياده لآخرين ولا يرى غضاضة في صرف النظر عن الكذب و الفبركة و سائر مثالب الدنيا و العالمين طالما تنال من الحكومة ويأتي ببجاحة الدنيا كلها يتحدث عن الفضائل و الشرف و ... إلخ
| |
|
|
|
|
|
|
Re: الفساد موجود، فلا حاجة للكذب والفبركة: (Re: محمد أبوالعزائم أبوالريش)
|
مرحب تاني أبو حسين ...
ما عارف عايز تقول شنو ..... وصراحة ما دخلت البوست الجبتو ده.
هل تقصد إنو الخبر غير صحيح .... والا الموضوع نفسو غير لائق ... والا شنو؟
عموماً ..... الحرية الشخصية لا يتم تناولها بنفس الكيفية عندما يكون المعني شخصية عامة. بمعنى إنو لا يجوز لي التحدث عن خصوصيات أبو حسين ... لكن الصادق المهدي بصفتو شخصية عامة، ممكن أتناول خصوصياتو (طبعاً هنا أقصد ده الشئ البيحصل فعلاً)، ودونك موضوع لوينسكي - كلينتون ومطاردة الصحفيين للأميرة ديانا لدرجة كلفتها حياتها ... والأمثلة كتيرة.
| |
|
|
|
|
|
|
|