|
Re: مشروع فساد طازج ..!!..والمحاسبة من مستحيلات زمان فقه السترة،!! (Re: على ميرغني)
|
ياقلب
قدر مانقول كملنا الليل تاني يطلع ليل جديد.. بس علينا ان نتذكر هذه الحسرة والغيظ المكتوم يوم يجي حسابم..
--------------- اخونا محمد ميرغتي
سلامات الناس دي بقت ما تحتاج الى ادانات او اخذ بينات من الطرف الاخر في مسائل فساد الحكومة خرج الامر من سياق النص الحكيم بتاع المتهم بري حتى تثبت ادانته
في شان الحكومة وبما رسخته من بربرية معلنة ومحسوسة وتكشفات فساد يومية معلنة هنا وهناك حتى خلنا هذا السودان المبتور جنينة خاصة بالمؤتمر، و بالاضافة الى منهجية الطاهر ساتي وممارستو للعمل الصحفي باحترافية..هذه الاحترافية التي تجعله دوما متحسسا لوثائقه الدامغة عند كل مقال ينزله.. خلت عامة الشعب، صفوته ورعاعه وعامة المتنفذين على ثقة انو الزول ده ما بتكلم ساي.. ودونك تجارب صحفية كتيرة ودونك التربص بتاعة نيابة الصحافة..
الحكومة دي ياسيدي العزيز مدانة الى ان ثبت القيامة..
شفتا يوم القيامة نهاركي ..ان هكومة نري ملن افتر بيين اسيمبلد توقيزر بيفور زه قود ممكن بعد داك نطلب من رب العباد يورينا المعلن والمخفي.. (معليش الكلام الفوق ده عربي على رطانة على انقليزي كي بوردات) في حاجات كده التعبير عنها باللغة اليومية لايبرد الحشا..
بعدين ياخ فساد الشركة العربية دي ده جزء من فساد الحكومة ..ماهي كمان ما ممكن تقوم تعامل ملفات الفساد عندها بهذه الصورة الشخصية التي تصل الى ان يقوم موظف دولة برمي يمين طلاق في مسالة حكومية وحظيرة بقر.. بعدين السمك المستزرع المفترى عليه ده بغض النظر عن صحة ادعاء الطاهر او صحة ادعاء الوزير هو سمك مختوت في تلك المزرعة بقروش هذا الشعب الماعارف قروشو وين..فاي مسالة في خصوص الامر يجب ان يتم الاعلان عنها بصورة تمنع اللبس ويكون فيها شفافية ..بالذات في دولة الاصل فيها الفساد والمحاباة والتمكين..
عن سؤالك ماعلاقة حظيرة البقر بمشروع استزراع السمك فانه يمكن الاجابة على السؤال في ضوء استنباط العلاقة بين الزوجة المفتر عليها وحظيرة البقر
|
|
|
|
|
|
|
|
|