لا فرق بين عقلية البشير .. و عقلية نخب الشمال ... يمين و يسار ..

Quote: يا تراجى فكرة محمد سليمان واضحة وما عايزا درس عصر عشان تتفهم . محمد سليمان لامن يساوى بين الاسلاميين وباقى النخبة الشمالية في العقلية يقصد بوعى او بدونه مشاركتنا للاسلاميين في حاجات تانية كتيرة مادام العقل واحد وممكن نشير فقط الى الاستعلاء والاستغلال الى ان نصل للقتل الممنهج لاهل الهامش . وبعبارة اخرى يريد محمد سليمان توزيع الدم الدارفورى على اهل الشمال بالتساوى . وهذا هو حلم الكيزان . فعندما تذكر لهم موضوع المحاسبة فإجابتهم دايما جاهزة : ( نحنا موافقين على المحاسبة ... بس بشرط ان تكون منذعام 1956 ). يعنى الكيزان عايزين يفهمونا ان هناك جرائم إرتكبها غيرهم وليسوا هم الوحدين من يرتكبون الجرائم . وهى محاولة لتبرير جرمهم والتأكيد ايضا على انهم لم يأتوا بجديد فيما يتعلق بالمظالم التى وقعت على روؤس اهل السودان قاطبة . يا تراجى احسن تنصحى محمد سليمان إمشى إفتش عن تارو في جخاخين الحركة الاسلامية . الاسلاميون هم من قتل اهله وحتى ادلة المحكمة الجنائية تقول بذلك . نحنا يا تراجى ما قتلنا زول ولا سكتنا عن قتل الناس . ولو محمد سليمان بقت ليهو حارا انو العقاب يقف فقط عند الاسلاميين ولا يصل الينا خلاس إمشى اول حاجة يطعن الفيل وبعدين إجى إشوف حسابو مع الضل .