الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: @ لمن تتبرع بالدم من فصيلتك ؟؟ (Re: جمال محمود)
|
سلامات لصاحب البوست جمال من مدة حصل لي فصل في موضوع التبرع بالدم وفكرت افتح بيهو بوست من فرط غرابت الفصل من 2002 اتبرعت بالدم عدد من المرات كانت البداية في كينيا ولانها كانت اول مرة كان في توجس وخوف كان في مشكلة كبيرة في توفير الدم للمحتاجين ليهو فكانت في حملة ضخمة للتبرع الممرضة الكينية جات وقالت لي عايزين قزازة من الدم السوداني دا الشغلانية بقت قضية وطنية فاتبرعت بعد انتهت الحكاية ادتني هدية قلم مكتوب فيهو I gave blood i saved life لما رجعت للسودان فكرت اوصل الفكرة لاهل الشان عشان المتبرعين يقدروا يوصلو.ا الدم للناس المحتاجين ليهو وكمان يترفع وعي الناس باهمية التبرع وانو ما بياثرسلبا بل بالعكس في سواق عندنا في الشركة انترع امس بالدم وما جا الشغل قال عندو اجازة 3 ايام عشان اتبرع بالدم ههههه
قبل اسبوعين قررت اني اتبرع لاول مرة في السودان بالدم سالت وقالوا لي في ستاك او بنك الدم في مستشفى امدرمان او مستشفى الاطفال فقررت اتبرع في مستشفى الاطفال مشيت السبت اللي هو ويك اند ودخلت المستشفى اللي حالا يغنى عن السؤال مشيت بنك الدم فيها لقيت الجماعة بيفطروا قالت لي واحدة منهم امشي افطر واشرب كباية شاي ظريفة وارجع مشيت اخدت لفة وجيت قالت لي انزل تحت المعمل وافحص لينا كدا وكدا نظرت اليها شذرا وقلت ليها ما ممكن تعملي لي الحاجة دي هنا قالت لا نزلت وسط زحمة الامهات واطفالهم و اخدت فرصة طفل ممكن يكون محتاج للفحص وفحصت قالوا النتيجة بعد ساعة مشيت فوق قلت ليهم ممكن تستعجلوا النتيجة لاني مرتبط بي برنامج قالوا كدي نشوف بالمناسبة كانوا حيدفعوني رسوم انا جاي اتبرع بالمناسبة مش ابيع انتظرت قرابة الساعة ونزلت جبت النتيجة قالت لي معليش تاني في اجراء مفروض تمشي تعمل الاجراء دا مع المدير الطبي قات ليها خلاص طفح الكيل ما عايز يلا مع السلامة مشيت مستشفى امدرمان بنك الدم قلت وكت اصلا انا مقتنع باهمية القزازة الممكن تنقذ حياة انسان دي على قول الكينيين فاطول بالي الجماعة قالوا لي امشي الحوادث اعمل فحوصات قلت ليهم سلام ما عايز اتبرع فتامل ....
|
|
|
|
|
|
|
|
|