أستغفر الله ... (اغتصاب الزوجة و ضربها مذكور في القران و حلال)

Quote: عدّتُ لأشكر الأخ هيثم الصديّق على ردّه المستفيض ... فيما يتعلق بسؤالك -أخي العزيز- حول: لماذا أُصر على تأويل كلمة (اضربوهن) في الآية على أنها بمعنى (Beating) وليس أيّ معنىً آخر هو سياق الجملة (الآية) نفسها، والمعاني الستة عشر المختلفة لكلمة (ضرب) التي أوردها الأخ وليد التلب في إحدى مداخلاته إنما تعرف جميعها بالسياق، فوجود معانٍ مختلفة لكلمة واحدة في اللغة، لا يعني بالضرورة أن يُشكل المعنى العام في السياق. الأمر الآخر أن الصحابة والتابعين (وهو أعلم الناس باللغة والقرآن والفقه) فسّروا هذه الكلمة في هذه الآية على أنها بمعنى (Beating) وليس من المنطق في شيء الاعتقاد بتواطؤ كل هؤلاء العلماء والمفسرين على خطأ. في النهاية نصل إلى نتيجة واحدة وهي أن ضرب الزوج لزوجته الناشز أمر مُصرّح به بعد استخدام طرق أخرى، ولم يذكر القرآن أيّ شيء يتعلق بحدة أو رقة هذا الضرب حتى يحتج البعض بقول الفقهاء (ضرباً غير مبرح) فإما أن ينصاع المسلم لحقيقة سماح القرآن للزوج أن يضرب زوجته في حالة النشوز سواء أعجبه هذا الأمر أم لم يعجبه، وإما أن يجتمع الفقهاء وعلماء الإسلام ليقروا بتعطيل هذه الآية (وأية آيات أخرى مشابهة في المعنى) أسوة بما فعل عمر بن الخطاب ويكون في ذلك إقرار ضمني بأن القرآن يحتوي في بعضه على آيات لا تتناسب مع فهمنا العصري للإنسان ومنجزاته ورؤيتنا له سواء أكان ذكراً أم أنثى.

Quote: فأنا عقلي ونفسي مستحيل تقبل كلام زي دة...وبالتالي لا أعتقد إنة ربنا كمان يضعو كنوع وجزء من الحل....وبحثت ووجدت من سبقوني ووجدوا التفسير الصحيح....علي الأقل في رأيهم....فدا يا قيقا الفرق بين حالة الرق اللي كانت طبيعية جدا في كل العالم....بينما ضرب الزوجة كان هو النشاز....ولعمري إن عنترة لقاطع يدة قبل أن تمتد علي عبلة...

ما ملاحظ انك جهجهت باكاتي يا هيثم ياخي بحكاية التنقل بين الازمان كدا ساي برا زانة و لا برشوت؟
شنو البجمعني انا دا -حضارياً- مع عنترة او العرب الكانوا بروا مولد البت شؤم و يقوما كف نف كدا -لخير شايفنوا هم- يدفنوها ليك حية!!
يا زول كلام ربنا ياهو دا قدامك !!
الغلاط في شنو!؟

لكن المشكلة في المصرين انو ايمانا ما بكتمل الا ندق نسوانا اسي دي في القرن الحادي و العشرين ديل.. اها ديل كيف الدبارة معاهم!؟
كدي عليك الله خليك من كلامك السمح الفوق دا ..
هن بندقن لينا ذاتو!؟
اها كيف البصارة .. نقبل بنصف دين، ام نندقا كهجمات عكسية؟

يا زول نسوان شنو البندقن لينا .. علي بالحلال بناتنا ما بندقن ..
يوم بهزر مع بتي السغيرة، ضربتها ضربة - غير مبرحة و الله- طاااخ ردتا لي .. بالسد!!
يا للهول ..
بقينا دقة بدقة (المرة دي مبرحة .. ما بي غضب كمان!)
انقر وقفت، او ترددت في الرجيع !؟
و لا خساها !
قلت لامها البت دي ما مكربة فكرياً .. ما فاهمة لعبة اب- بنت دي كلو كلو!!
اها دي حكم الملالي في نشوزا دا كيف .. ول كافرة عديل؟

تحياتي ياخ
و الاشادة ساي كدا
المافي شنو!؟