|
Re: أخبار محزنة .. شجار أفراد المنتخب السوداني !! (Re: محمد عمر جبريل)
|
Quote: وقعت مشادة كلامية بين لاعبين في المنتخب السوداني تحولت الى مشاجرة يوم الجمعة الماضي في مطعم فندق اقامة السودان في مدينة باتا الغينية الاستوائية بحسب بعض العاملين في الفندق. واوضح بعض العاملين الذين طلبوا عدم الكشف عن هويتهم لوكالة الصحافة الفرنسية ان مشادة كلامية اندلعت في الوهلة الاولى بين اللاعبين قبل ان يشتبكا بالايدي دون ان يعرفوا سبب الخلاف او هوية اللاعبين المتسببين في الشجار، مشيرين الى ان العديد من زملائهم شاركوا في هذا الاشتباك. واكد منسق المنتخب السوداني ايمن ادار الحادث، مشيرا الى انه حادث بسيط دون الافصاح عن هوية اللاعبين المشتبكين.
|
المصدر .. صحيفة القدس العربي
| |
|
|
|
|
|
|
Re: أخبار محزنة .. شجار أفراد المنتخب السوداني !! (Re: محمد عمر جبريل)
|
بعد أن توحدت مشاعر جميع السودانين لوهلة .. بعد ان استنشق الجميع لبضع أيام حب الوطن
جميعنا كنا خلف المنتخب .. معارضون وموالون من الغرب إلى الشرق ومن اقصى الشمال إلى الجنوب
بل عمّت مسحة العشق هذه حتى الدول المجاورة .. وأخرى تجاورها وتجاوز البحار ليقع في نفس شعوب لم نكن ندري أنها تعلم بوجودنا
عادت حسكنيت الكرة السودانية مرة أخرى.. هلال مريخ
لتطل على السطح بوجهها القمئ
اللهم لا نسألك رد القضاء ولكن نسألك اللطف فيه
| |
|
|
|
|
|
|
Re: أخبار محزنة .. شجار أفراد المنتخب السوداني !! (Re: محمد عمر جبريل)
|
بصراحة كدا كنت متوقع الكلام دا ..
بعد التهويل الحاصل من بعض الصحف الزرقاء
نحن عندنا فريقين جاهزين واحد في مصر والتاني في غينيا
صحف الهلال ليها فترة بتردح بالكلام دا .. بيشكّروا في لعيبة الهلال في المنتخب ويمجدو فيهم
وفي نفس الوقت يشيلوا ويردموا في لاعبي الأحمر .. معظم الكتابات الزرقاء كانت بنفس الشكل دا
إلا بعض الأقلام الرزينة - على قلتها - لكن المتابع لسموم هذه الصحف سيتوقع احتقان لاعبي المريخ
وشعورهم بالتهميش ..
لسة ما عارفين التفاصيل .. والحصل شنو بالضبط ..
لكن أتوقع إنو واحد من ناس المريخ هو من بدأ المشاجرة بالأيدي
| |
|
|
|
|
|
|
Re: أخبار محزنة .. شجار أفراد المنتخب السوداني !! (Re: عبدالله محمد أحمد)
|
أخونا عبدالله محمد أحمد .. اسمك دا ما غريب علي ()
كلامك صاح والله .. فعذرا ما انتبهت للتاريخ كويس ..
الموضوع سمعتو الليلة هنا في المكتب في ونسة مع الشباب
بعدها فتشت في النت لقيت الموضوع نازل في جريدة القدس العربي بتاريخ أمس 1 فبراير 2012
فعذرا ليك ولجميع القراء ..
تحياتي مرة أخرى وربنا ياخد بيد المنتخب
| |
|
|
|
|
|
|
Re: أخبار محزنة .. شجار أفراد المنتخب السوداني !! (Re: محمد عمر جبريل)
|
يا زول انت فاكر الشكلة في شنو؟؟؟ وبعدين ما كانت شكلة هي زاتا...بس بتاعين الفندق النقلوا الخبر دا...ما كانوا ناقشين الموضوع...
كل الحكاية انو ناس الفندق ديل زاتهم أكلهم كعب..والنوع ال إلا تأكلوا بي شطة وليمون
أها...بلة جابر شايل معاه برطمانية شطة وليمون لأنو ناقش الفيلم دا (مش المريخ لعب في الأدغال دي قبل كدا)
من زمن مباراتهم ضد فاطيما...كتبوا...
يا الماشي لي غينيا شيل شطة أو كينيا (وهي نوع من أنواع حبوب الملاريا الناجعة في مكافحة مرض الملاريا بتلك النواحي)
أها بلة كان داسي برطمانية الشطة,,,وكل مرة يشيل شوية ويدسها...في منديل ورق...بدون ما رفاقتو يعرفوا...أها ناس الفندق الوصلوا الخبر دا زاتهم قاموا جمعوا كل المناديل من الغرف...وعلي بلة ان يحمل برطمانيته بغطاها الي البوفيه ولأنو معاوية فداسي كان ساكن معاه في نفس الغرفة...واكتر واحد فيهم كان عايف الأكل...فاعتبر حركة بلة ########ة...وأول ما شافو شايل الشطة قام نط في البرطمانية...وتبعه مهند الطاهر... وجاهم البرنس حجاز طارت ليه شطة في عينو اليمين لامن دمّعت,, وبرطمانية الشطة انكسرت,,,,وبلة حرد البوفيه...
دا كل ما في الموضوع...هسي دا خبر تجيبو القدس العربي تخلي خبر البنادق وتجيب شكلة شطة...(هو في إيه القدس اتحررت والله شنو؟؟؟)
| |
|
|
|
|
|
|
|