الربيع العربي ..منظور مختلف!!.

Quote: طبعا عبد الخالق الحريف وكت عرف انو الوثيقة دي شالوها ناس احمد سليمان ومعاوية سورج وفتنوا الضباط الشيوعيين عشان يعملوا انقلاب من ورا ضهر راشد ، اخرج وثيقة ما بعد المؤتمر الخامس واخذ يكتب المقالات في عام 1968 بجريدة الايام للرد على مقالات احمد سليمان !!!..ما راشد عرف انو دقس في الوثيقة الاولى التي صارت شيك على بياض لاي انقلاب باسم الحزب وفعلا دا الحصل..ودخل الحزب الشيوعي مايووووو..وبعد داك اختلف معاها وحصل الحصل.. الغريبة انو بدل الحزب يسكت على المسالة دي اذا بعمر مصطفي المكي يقوم ليك على الخاتم عدلان بعد الانتفاضة قومة مضرية فقط لانو حاول يبرر للديمقراطية اللبرالية وينقد موضوع الديمقراطية الجديدة كما وردت في وثيقة المؤتمر الخامس .ويبدو انو مراجعات الخاتم عدلان بدت من هنا والى خروجه من الحزب فيعلن انو الشيوعية هي اختراق للعلمانية والديمقراطية!!!.

ما هكذا تورد ابل التاريخ يا حبيب
و لا هكذا تكون الموضوعية و العلمية




---------

Quote: صحيح في يسار لبرالي ،ولكن اسع الحزب الشيوعي دا ما يسار !!!؟؟. كيف نقدر نقول انو الحزب دا ليبرالي وهو لم يزل في محطة ديكتاتورية البروليتاريا !!؟لي اسع الحزب الشيوعي ما قادر يتنازل من مسلمات المادية التاريخية وبالمسطرة ،قبيل انا ما قلت ليكم يسارنا بنقل بالمسطرة !!!!.وكان لقيت لي خيط انو اتخلى عن الحتة دي نزلوا لينا هنا .

يبدو لي -في اطار ضبط المصطلحات - محتاجين نضبط [ليبرالي] دي ذاتا

انا قلت الليبرالية واحدة من مكونات اليسار .. مش العكس (اي ليبرالي، يساري .. لكن ما اي يساري بالضرورة هو ليبرالي!)
و مقابلها -داخل الحوش اليساري- هي الاشتراكية (في فهمي) و الاتنين (الشيوعيةبالذات) تيارات حداثة، و مدارس بنائية، كلية.
ايدويولوجية يعني .. ما اتكلمت عن الديموقراطية الليبرالية، دا نظام .. و بالمناسبة الحزب الشيوعي من 1977 اقر الديموقراطية التعددية في وثائقه -غير السرية- و برنامجو.
و في المؤتمر الخامس اكد عليها نقد!

بالمناسبة السقط في الربيع العربي ليس اليسار و لا برامجو .. بالعكس ..
انما سقطت الايدولوجية [الكاتب التونسي محمد الحداد] .. مرة و الى الابد
و شباب الربيع العربي مستشرف تنسم عصر ما بعد الايدولولجيا ..
مسألة اليمين و الاسلام السياسي دي مرحلة تاريخية ضرورية.. و حتماً ستؤل الى ما آلت اليه بقية الايدولجيات و تحجز مقعدها حيث يجب ان تكون في تاريخ تطور الفكر الانساني.

تحياتي