مشتاق حليلك يا البلل فيض المشاعر وانبهل محزون كسير جسمي إنتحل أنا جيت ازورك وبي مهل لا شر يطلك ولا زعل مشتاق حليلي انا يا البلل جوايا حبك اعتمل والشوق عربد وانفعل حين يصفو ليلك وإعتدل يا ليلة دايرالك عدل!! مشتاق حليلك يا البلل يا مطرة غيمك وين هطل قصد الابيض وما وصل يا حليلو يوم سافر رحل والشوق سكن سوق ابجهل كيفن وصالك يا البلل اروع جمال شايله المقل بدر الأماسي الاكتمل عبق الورود بلاها طل بدر السماء من فوق نزل يلثم ترابك يا البلل كان شوقي كامن واشتعل
حيا الجداول والنخل يغشى الجنائن في عجل الله حليلك يا البلل يا عجوة معطونة في عسل يا رايعة في اجمل محل يا حلوة زي عسل النحل يا غيمة مرت بالجبل ومبسوط معاك انا يا البلل اصلو البيحصل بي حصل اقدامي غاصت في الوحل
ممكون عديل انا يا البلل يا منبع الشوق والغزل وحباكي ربك عز جل بس ليس اكثر ولا اقل من بدري ختيتك مثل وما بدري حدك يا البلل عرساً رصاصو يسوي تل الناس تبارك والاهل حاملين مشاعر وكوم أمل أخضر غصناً فيك زبل ندمان مقستي انا يا البلل العمده فى دارك قدل حل المشاكل الدايرى حل وبل التراب الدايرى بل روح التعاون والعمل
قيم التفاؤل والأمل كامن نجاحي انا في الفشل الضو خفت والليل دخل قاصد رحابك يا البلل ظالم عزولى انا ماعدل لو قال قولاً او فعل في الحب ايضاً ما قتل وعطر جبينك بالقُبل مذبوح محرق في البلل أروع عريساً وياك بطل وعروس تعاين في خجل لنبينا بارك ربي صل دا الحسن راقد بالهبل ويوصل مرادي انا يا البلل عمار محمد آدم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة