|
|
 ليه ياعيونى ....كيف تسافر بدونى؟
|
قبل أيام ليست بالطوال وأنا فى طريقى للمطار لأستقبال زوجتى الحبيبة وأبنى الظريف صلاح بعد فراق شهرين كأنهم دهرين مروا, وأنا وحيد أغالب العزوبية القاهرة المملة إما بزيادة عدد ساعاتى فى العمل أو بالتواصل مع ناس لطاف يخففوا علي وهج الغربة وألم الفراق .
كل ألأشياء من حولى فى حركة دؤوبة.سيارات تسير مسرعة صوب المطار وصوت ألأطارات على الطريق المسفلت يوحى إليك بعبارات ,,يارباً توصلنى,,, يارباً توصلنى ..أو يا مشوار ماتقصر.
كل سيارة تحمل شخوص مشاعرهم مختلفة, إما وداع ودموع وفراق وإما لقاء وفرح ودموع وفى الحالتين الدموع قاسم مشترك(يعنى يجب عل كل مسافر للمطار أن تكون مناديل الورق ضمن محتوياته فى السيارة)
عند نقطة معينة حسيت من كتابة اللوحات ألأرشادية بأن طريقنا فى هذه الحياة موجه كما فى ألآخرة أما للجنة وإما للنار
لوحة إرشادية إلى صالات المغادرة وضد لها صالات القدوم وتلك هى الدنيا بكل متناقضاتها فراق ولقاء وفرح وحزن وحتى ألآخرة جنة ونار, ولاتوجد منطقة وسطى مابين الجنة والنار كما قال نزار قبانى.
ما شدنى للكتابة حول هذا الموضوع وبهذا العنوان, وقبل خروجى من بوابة الرياض وجدت لوحة إعلانية كتبت عليها هذه العبارة وبما إن الدعاية لابد أن تكون حول نفس البيئة فكان لابد أن يكون ألأعلان يحمل نفس المضمون..تخيلوا أيه لقيت مرسوم تحت هذه الجملة العاطفية المعبرة وحنينة؟؟
|
|
 
|
|
|
|
|
|
|
 Re: ليه ياعيونى ....كيف تسافر بدونى؟ (Re: rummana)
|
Quote: احتمال credit card
يفيدك في الدنيا والآخرة..بس ما في السودان |
ألأخت الكريمة رمانه.....لك التحية.
إحتمالك هذا هو المفروض حسب الفهم العام..لكن الدعاية لشىء غير ذلك واصلى إجتهادك وحايزيد إستغرابك لما تعرفى...تقديرى وإحترامى لمرورك من هنا.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
| Quote: ما شدنى للكتابة حول هذا الموضوع وبهذا العنوان, وقبل خروجى من بوابة الرياض وجدت لوحة إعلانية كتبت عليها هذه العبارة وبما إن الدعاية لابد أن تكون حول نفس البيئة فكان لابد أن يكون ألأعلان يحمل نفس المضمون..تخيلوا أيه لقيت مرسوم تحت هذه الجملة العاطفية المعبرة وحنينة؟؟ |
لقيت ايه ياعم سمعه
الف حمد الله علي السلامه
والرياض منوره ورجعت ليها( الحياه)
ابواحمد والله حالتك صعبه خلاص الله يديم عليكم نعمة الحب والموده
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
أسماعيل إزاى الحال
السفر عند السوداني له فلسفة مختلفة تماما نظل نسافر عشرات المرات وكذلك نعود ولا نعتاد على لحظات الفراق ولا الإجتماع وغالبا ما نبكي فى الحالتين ، لأن ما يحيط بهذه الحالات ظل كما هو فى وجداننا لا يتغير بكل تفاصيله ، لحظات الوداع مهيبة تبدأمن باب منزلكم بعبارات كـ (درب السلامة ، ودعناك الله ، عديلة إن شاء الله ...الخ ) عبارات بإختصار تبعث على البكاء ولا تنتهى إلا على عتبة صالة المغادرة وهى تحدث فى كل مرة ويظل الحال لا يتغير ولا نعتاد.
حمد لله على سلامة صلاح وامو يا اسماعيل
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
أخى أساسى ألأساسى..................سلام وتحية.
| Quote: بركة الجمعت يا سمعة |
الله يبارك فيك يا أخى...وشكراً على الطلة البهية.
وبكم خبرتك ألأسفيرية ماعرفت الدعاية دى لشنو؟؟أختنا رمانه قالت بطاقة إئيتمان..ماذا أنت قائل؟؟
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: عمران حسن صالح)
|
حمد لله على السلامة يا حبيب
شكلك كده ما سمعت حكاية زولنا المغترب
البقت عليهو زي حكايتك دي ... والله صحي
غايتو أحكيها ليك وأمرنا لله:
..
..
ببساطة زولنا ده سفر اولاده السودان
قضوا اجازتهم في امان الله وسط الاهل
وهو هنا يغلي يكابد مشقة الغربه وفراق اهله
المهم زولنا وصل المطار بدري لاستقبالهم بعد انتهاء الاجازة
ووقف قدام بوابة الوصول في مطار الملك خالد الدولي
ينتظر بلهفة وشوق وصول زوجته واولاده
واحد من اولاد صاحبنا ده بعد وصولهم للصالة
لم ينتظر حتى تتسلم امه العقش حقهم فركض لكي يرى والده
وبمجرد خروج الولد ركض نحو والده فاحتضنه الوالد
وبدون أن يحس اصبح يسأل في الولد:
يا ولد امك جات ؟
امك جات ولا لا؟
يا ولد امك جات ؟ 
ما جات كيفن يعني؟ اها الولد جا براهو يعني؟
المهم اليوم داك متنا من الضحك يا عمكـ
فدحين اركز ياخ وما تبقى عليك حكاية الزول ده
ألف حمد لله على السلامة
| |
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
يا سمعه ياخ حمد الله على السلامة ..والموضوع شكلو رهيييييييييب..
انا يا صديقي مثلك تماما الاولاد في السودان وحألاقيهم بعد عشرة يوم بالضبط..
بعد سفرهم بكم يوم اتصل علي عضو المنبر الدكتور يس (ياسيكو) مشكور بطمن على الاحوال..
ففي سياق الحديث قلت ليه ياخ الموضوع هين اصلو كلو شهر ويتلم الشمل..فرد على ساخرا ..
( يا زول عزابي دهر ولا عزابي شهر)..
بيني وبيني في سري كده قلت (والله انها عين الحقيقة)
اها نرجع لقصة عيوني ..كيف تسافر بدونى؟
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: mohmed khalail)
|
الحبيب سماعين
صباح الخير وحمد على السلامة
وربنا يجمعكم دائماً على الخير
انت عارف العنوان بتاعك كل يومين تقريباً في وجهي
وكان الخلاف دائما مع المرافقين لي حول من كتب الاعلان " مصري " ولا لبناني "
----------------------------
غايتو رز ابو كاس رهيب
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: عمران حسن صالح)
|
Quote:
ياااااااااااا سعادة المستشار
نعمل مُظاهرات ولا شنو يعني ؟
نزِل لينا جدول السنة هنا عشان نكون على بينَة
|
عمران يا أبو محمد
صباح الخير يعلم الله مشتاقين
قال جدول سنة ، والله جدول أسبوع ما في طريقة ليهو
بس داعوتكم لينا بالسلامة وصلاح حالنا وحال سودانا عشان نرك في الدائمة دي
تحياتي عمران وسلامي للجميع
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: سيف بخيت موسي)
|
أخى ألأمين.............سلام وتحية.
Quote: حمد لله على السلامة يا حبيب
شكلك كده ما سمعت حكاية زولنا المغترب
البقت عليهو زي حكايتك دي ... والله صحي
غايتو أحكيها ليك وأمرنا لله:
|
يازول حمالتك على زى دى بنكون طبخناها نحن..
بتعرف المشاعر البتقول ...مشتاق ليك وإنت معاى..اها ده حالنا نحن نحمدالله..فترات الغياب مابتطول أكثر من ثلاثة شهور وزى الحكاية دى بتقع للناس البغيبوا دهور اللهم أجمع شمل الجميع.
المهم سيف بخيت من كثرة السفر يقى يحفظ لوحات ألأعلانات.
شكراً على المرور.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: سيف بخيت موسي)
|
أخى الجميل محمد خليل...................سلام
Quote: انا يا صديقي مثلك تماما الاولاد في السودان وحألاقيهم بعد عشرة يوم بالضبط..
|
يا أخى ربنا يجمع شملكم على خير...والله ألأولاد نعمة وأمهم أكبر نعمة..بجعلوا للبيت روح وجمال وحب...
يالله عايزينك تمسك البوست ده بما إن ظروفنا متشابه......تقديرى وإحترامى.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
سلام اسماعيل وحمداً لله على السلامة..
عارف.. جاني مشوار المطار قبل شوية مشيت استقبل واحد من الأخوان جاي من المدينة المنورة..
وقلت ياود لازم تشيل معاك الكاميرا عشان تجيب الحكاية (بالصورة والقلم) كما يقال..
وجازفت وخاطرت بالجد.. لأنو اللوحة دي بعد نقطة التفيش بمائة متر فقط..
ورجال الشرطة والأمن قريبين جداً من مكان اللوحة..
وطبعا حكاية الكاميرا والتصوير قريب من المناطق دي بتكون مجازفة..
(المهم) وقفت على الجنب ونزلت من العربية سريع وفتحت الكبوت.. كما لو كانت العربية متعطلة
وأخدت اللقطة بسرعة.. ورجعت في العربية واتحركت على طول..
اها تاني عندك كلام معانا.. (الصورة دي عمرها ساعة واحدة بس)!!
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: أيمن دياب)
|
سمعة
سلام وأفتقدنا تباريك الجمعة المعتادة.
طبعا ياعم : من لقى (صلاح ) نسى أحبابو
حمد لله على سلامة الجماعة.
أما بعد :
صراحة أدب الإعلانات صار في أيدي غير خبيرة.
لا أدري كيف يسافر المسافر وهو يحتضن شوال رز؟ أو متخما بوجبة كبسة؟ أو يتذكر هذا العتاب الأبو كاسي عندما يصل محطته بعد عناء السفر.
أنا قادم الآن من المطار بعد سفر المدام في وسط هذا الغبار والبرد المفاجيء، وتسمرت عيناي على نفس اللافتة ، فتذكرت دعاية حرم النور : يا هو يا بيت أبوي.
تخيل سماجة الجملة.
تخيل يا سمعة في إحدى القنوات شاهدت إعلانا عن شوكلاتة إسماها : مالتيزرز. الدعاية لا يتعدى زمنها دقيقة ونص، وليس فيها أي كلام، عبارة عن فتاتين ومروحة وحبة شوكولاتة ولك أن تتخيل مضمون وطريقة الدعاية. ولكن لو ما بتحب الشوكولاتة تروح تشتريها.
دمتم
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: وضاحة)
|
الحبيب سيف بخيت والله ليك وحشة.
Quote: وكان الخلاف دائما مع المرافقين لي حول من كتب الاعلان " مصري " ولا لبناني "
|
بس شكلو بأيعاز من اهل المنطقة الشغلانية فيها بيئة وسفر وطعام خلطة ولا سلطة...تقديرى وإحترامى.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
أيمن دياب ياعزيز....لك التحية..
والله ما شاء الله شغلك نضيف وجبتها ضقله يكركب .عمران إعتذر بعدم وجود الكاميرا وسيف جاب المعلومة فقط..بس ربنا يحفظك يا أخى وليك نصف هذا البوست لأنجازك الرائع..
أيمن مشيت المطار لناس المدينة أم مشيت مخصوص لهذه اللقطة الرائعة؟؟؟
تقديرى وإحترامى.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
الريس أبوجهينة.................لك التحية.
Quote: سلام وأفتقدنا تباريك الجمعة المعتادة.
طبعا ياعم : من لقى (صلاح ) نسى أحبابو
حمد لله على سلامة الجماعة.
|
حقيقة لم أنساك وحتى رسالة الجمعة أرسلت فى ميعادها وأنتم فى القلب من غير رسائل...ونسأل الله ان يتقبل مننا ومنكم صالح ألأعمال.
الله يسلمك يا عزيز يا غالى.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
| Quote: وحتى رسالة الجمعة أرسلت فى ميعادها |
غايتو رسالة الجمعة 16/3/2012م يعمينا ويطرشنا فيها
| Quote: وأنتم فى القلب من غير رسائل |
والله دي ما فيها اي شك ولا طق، ونبصم عليها بالعشرين
تحياتي لسماعين وسلامي للجميع
-----------------------------
عوضنا الجمعة الجاية رسالتين
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: أيمن دياب)
|
| Quote: أيمن مشيت المطار لناس المدينة أم مشيت مخصوص لهذه اللقطة الرائعة؟؟؟ |
الريس اسماعيل:
من أمبارح لما حددت أمشي المطار كان في بالي موضوع اللقطة دي..
مهما حكيت للناس وقلت ليهم الكلام ده دعاية لي رز أبوكاس مافي زول بصدق وبستوعب..
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: وضاحة)
|
ألأخت/نجاة................لك التحية وشكراً على مرورك..
Quote: لو ماايمن جابها كنت حااقول ليك دى دعاية شامبيون
|
بركة أيمن الجابه...مشكور كان بعد شامبيون دى مامعروف واحد تانى يجيب لينا شنو!!! لك التحية والتقدير.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
Quote: وضاحة الواضحة............لك التحية.
بتاعة حرم النور مفصلية يارز الوابل يابيت أبوها...نحن شغلنا كلو قلع ما خلت أى خيارات أخرى..هذا بيؤكد رؤيتى حول دور البيئة فى صنع الدعاية.
لكن شوفى العاطفة المتدفقة ليه ياعيونى كيف تسافر بدونى..عتاب مقرون بحياء ورجاء.
بالنسبة لنا ليس هناك فرق بين رز أبوكأس ولا رز الوابل.. لأن الرز ليس من ضمن ثقافتنا الغذائية.
لك التقدير ياوضاحة.. |
صاااااااااااااح سمعة السودانيين ما رومانسيين وما بعرفوا يقولوا كلام حنين خاصة الرجال
ماعندكم ثقافة ارز كيف اماااااال كرش بقً بقً دى من شنو
جنوا كبسة وبريانى
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ود الباوقة)
|
Quote: صاااااااااااااح سمعة السودانيين ما رومانسيين وما بعرفوا يقولوا كلام حنين خاصة الرجال
ماعندكم ثقافة ارز كيف اماااااال كرش بقً بقً دى من شنو
جنوا كبسة وبريانى |
ليس كلهم ياوضاحة..بصراحة زعلتينى كده..معظم أصدقائى أعرفهم الكلمة الحلوة على لسانهم وحنيتهم متدفقة
أما عن بق ب ورزه إن شاء الله يحرقه.............مودتى وتقديرى.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
Quote: المهم تاني ما تكررها
كدا أنت جبت لينا راسنا
الجماعة ليهم كم يوم كدا ناقين في المشي |
السلام عليكم أخى حمد....
بالمناسبة من ألأفضل أن تكرر مثل هذه الحالات لأنها بتجدد ألأشواق....ما سمعت الشعراء كبف بقولوا عن البعاد وألأشواق..وفى بعدك ياغالى أضنانى ألألم...وأنا وألأشواق فى بعدك بقينا أقرب من قرايب.
تحياتى وتقديرى.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: البشير دفع الله)
|
البشير..................ود أختى الراقى.
الليلة جيتنا زاير ياود القبايل يا فرحتنا بيك........
Quote:
Quote: والرياض منوره ورجعت ليها( الحياه)
حمد لله على السلامه يا ابو شذى
الله يسلمك يا لماح زى أختنا عفاف أبوحريرة...
تحياتي لك وللأسرة الكريمة |
تقديرى ومودتى.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: معتصم دفع الله)
|
| Quote: أين أنت يا صلاح شتات يا وغد |
ياعمران بالمناسبة شتات دي : غايتو كان ملحقتو
فكيتوه من معتصم وميسي والله الزول دا ح يروح فيها!!
==
سمعة ياحبيب : والله لكن الجرسة عندك!!! بالله دا شهر واحد يامفتري الس######ة دي كلها؟؟
/
/
/
/
/
/
/
/
/
/
قول شهرين يعني شنو؟؟
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: الصادق خليفة)
|
العزيز/معتصم دفع الله(أبوعمر)
بعجبنى إندياحك لما تسافر فى بحر الكلمة لتصطاد من جمالها.
Quote:
وزي ما قال مدني النخلي ..
علمي عيوني السفر ..
ما البسافر في عيونك ..
سكتو تبقى السلامة ..
بنسى أحزانو ..
وبعرف الدنيا جنبك إبتسامة ..
|
سفر العيون فيهو كلام كثير..لا مسافة ولا أوراق ثبوتيه وبعد داك تتمو خيال.
لك التحية وأن تشتت رزك هنا والرز رز أبو كأس يا بلاش.
مودتى يا غالى..
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
الوجيه /عبداللطيف .................ليك من المودة أكوام.
Quote: سمعة ياحبيب : والله لكن الجرسة عندك!!! بالله دا شهر واحد يامفتري الس######ة دي كلها؟؟
|
ما إنت بتنطط لى كل مرة للجماعة كايس القرب..اللهم أجمع شملنا جميعاً..
والله الفراق صعب شديد من زول حنين شديد ...قديرى وإحترامى.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: ismeil abbas)
|
ألغالى/الصادق خليفة.
سلام وتحية..
سعدت بلقاك تلك المرة فى إحتفال أهل الدويم بالشاعر الجميل ألأستاذ /التجانى حاج موسى وكانت إحتفالية جميلة وفيها الطابع ألأسرى الحميم
Quote: العذابة شتات و معتصم اتاريها وزارة الداخلية في السودان الان فقط عرفت .
|
العزوبية شر وشر كبير إذا لم تجد أحباب يخففوا عليك مثل هولاء فقد تكون عرضة للأنحراف(اللهم ثبتنا)
وزيرة داخليتنا تقدر الظروف وتترك مساحة للتواصل ألأجتماعى خارج النطاق ألأسرى
يعنى ليس هناك حجر كامل وهناك مساحة للحريات لها أقدر ذلك..
تقديرى وإحترامى لطلتك الجميلة.
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: عبد اللطيف بكري أحمد)
|
ابو السباع .....سلام
انا فى بالى اعمل لى زريبة حطب فى شارع المطار فى السودان
واعملى دعاية اكتب عليها :
يا الطلح يا بيت ابوك...
فياغرا السودانيين..
انعل ابو تونة الوابل زاتووووووووووو
لووووووووووول
غايتو عليكم جنس جرسة..
عاش الصنديد شتاااااااااااااااااااااااااااااااااااااااااات..
يسقط اسماعيل عباس ومحمد الشيخ وخالد الارباب وخالد المحرب وود شاقوق (همسيلف)،،،
| |
|
|
|
|
|
|
|
|
|
Re: ليه ياعيونى ....كيف تسافر بدونى؟ (Re: صديق الموج)
|
أخى االكريم/صديق الموج.
السلام عليكم.
حبستنى ألأحزان أن ارد عليك ولما رأيت المنبر مسوداً لم تطاوعنى نفس لرفع هذ البوست.
أحسن الله عزاءك وعزاءنا جميعاً فى وفاة حميد ونقد.ونسأل الله أن يتقبلهم جميعاً قبولاً حسناً.
Quote: انا فى بالى اعمل لى زريبة حطب فى شارع المطار فى السودان
واعملى دعاية اكتب عليها :
يا الطلح يا بيت ابوك...
|
ولو قامت حريقه تجد معظم الرحلات ستلغى بسبب غياب معظم النساء للتبخر .
أما صلاح شتات فأمره غير.......
لك التحية والتقدير أبوحيدر.
| |
|
|
|
|
|
|
| |
ismeil abbas
rummana
عفاف أبو حريرة
walid taha
Khalid Saeed
عمران حسن صالح
الامين موسى البشاري
mohmed khalail
سيف بخيت موسي
محمد عبد الماجد الصايم
ابو جهينة
وضاحة
نجاة محمد بابكر
حمد عبد الغفار عمر
البشير دفع الله
معتصم دفع الله
الصادق خليفة
محمد المرتضى حامد
صديق الموج
فيس بوك
تويتر
انستقرام
يوتيوب
بنتيريست