|
منـو المفروض يبكي حمّيــد ؟؟
|
لا أدري أهو مُخ " التربـال " ؟ أم حمـاقة ما ؟ ولا فلسفة أكتر من اللازم !!؟ أو لعلَه تنظير " مثقفاتية " :) يصيبني كثيراً حينما أزور سودانيز أون لاين " كثيراً " يعني لامن أعمل فيها " مثقف " وأقعد أقرأ بس بدون مُداخلات أو مواضيع أكون أنا " سيد الباسويرد " صاحبها ( سيد الباسويرد دي مهمة عشان تكونوا مُتأكدين إني زول شحد بطلب رسمي وقال عايز أكون هنا ، قام أب صلعة جدع ليهو المفتاح في يومين . يعني لا كاتب ولا مثقفاتي ولا بتاع سياسة ولا مُنظراتي كورة ولا بتاع شِعِر ، زول بس مُتلقي بيعرف يسمع ويستمع ويعاين ويشوف ، ولا يتكلم بالحروف كثيراً )
|
|
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
أصابني حزن الدنيا وشريط أحزان " آخر " خمسة شهور يبدأ بالعندليب ويمر على وردي ليختمها بحميد طوالي قام ( مُخ التربال أو الحماقة ) " سألوني " السؤال السألتو نفسي يوم قبرنا وردي !! منو المفروض يبكي لموت وردي ؟ ومنو المفروض يتذكَر نضِم حميد الليلة ، وتقوم عيونو تدمِع حااااااارة ؟؟؟
| |
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
حكاوي البلد القالة كُلها ما فيها غير : " ليكم يوم يا أولاد الهِرمَة " إن بقت الحكاية حكاية عم عبد الرحيم ولا حكاية السُرَة بت عوض الكريم ! هو إجمالاً نضم في مساوي العسكر زمن نميري وعسكر الإسلام الـحسي
| |
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
أتمنى ما يكون الكلام إياكـ أعني فاسمعي يا جاره يعني بصراحة السؤال ما يكون ليه يا حكومة "ومؤيدين ليها " ! ليه تبكوا على حميد ؟ أو يا كيزان حميد ده حقنا " البكَاكم معانا شنو ؟ " وردي سامحناكم شان غنى للاستقلال " مثلاً يعني ! " لكن حميد ده ماااااااااااااابيكم عديل العاجبكم في كلامو شنو شان تبكو عليهو ؟؟ ده زول الغلابى والمساكين وانتو ماشاء الله تباركـ الله تحمدو سيدكم لا دستوركم غنى ليهو لا تاريخكم ذكروا بي طيَب ؟؟
أنا أحب حميد لأنو بيحكي عن أهلي وحالم لأنو مني وفيني لأنو بيشكي حالي بلغتي حتى وإن أرضعتنا آبار البترول سيظل حال أهلي كلهم هو حالي وزيو بقول : الظلم تاريهو كمتر ... وقام دقون حلفا وعُشر . ياربي يكون قاصد الزراعة بالحلفا والعُشَر ؟؟ والأمثلة ماليه تاريخ حميد بالوضوح في الراي _______________
أي لا حكت دي ولا بقت .. ما كنا قايلين في حياتنا يجينا أقسى من المضى ساعة مروق الإنجليز قلنا الظلم فات وانقضى تاريهو كمتر .. وقام دقون .. حلفا وعشر .. معيوقة نال دمسيس ... ضريسا .... وشوك جمال الله يا رب كربك كرب
| |
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
Quote: ليست هذه احتفالية لمباركة الذات في شاعرية أهل الشمال |
الحتة دي كتبه زول مثقف كبير هنـــا وهي برضو من الفكرة البقول عنها فوق يعني ما تطلعوا لي بأيِ شي آخر غير السؤال المباشر : زول كان مابيكـ ، ومبشِع بيكـ ، كيفن بتحبوا ؟؟
| |
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
عمران يا شمس وماك رقراق
Quote: زول كان مابيكـ ، ومبشِع بيكـ ، كيفن بتحبوا ؟؟ |
صحيفة الرائد الناطقة باسم المؤتمر الوطني افردت صفحة كاملة لحميد!!!!! ذكرت سيرته الذاتية ولم تجرؤ على ذكر احالته للصالح العام كانه استقال برغبته النفاق بنى وتزوج وولد في السودان
| |
|
|
|
|
|
|
Re: منـو المفروض يبكي حمّيــد ؟؟ (Re: محمد إبراهيم علي)
|
Quote: صحيفة الرائد الناطقة باسم المؤتمر الوطني افردت صفحة كاملة لحميد!!!!! |
لا عجب ياباشمهندس عاوزين يزيدوا غلة اليوم من طرح موضوع يهم غالبية أهل السودان البشتروا الجرايد وكتين يكون الموضوع بيستحق لعبة مادية لا غير تتوافق مع نظرتم المادية أو كالانتباهة تتوافق مع اختلافم مع حميد " توافق مع المبادي حقتم " المشكلة في البكاء على حميد وهو أصلاً قال فيهم " وفيهو " ما قال .. دا زمن قواسي .. زمن ضلالة .. اوانطجية .. زمن حقارة .... زمن مهين لاقين هواكن ضروا .. ضر .. يا عسكرياً ما انتعظ .. كتل الرقاب بيودي وين ضر .. يا جلاليباً رهاف .. ذمماً خفاف .. ضر يا ضرر .. ضر .. يا دقين منصلبطين عرق النبي .. وبالنار بتلعبوا يا عوين
| |
|
|
|
|
|
|
Re: منـو المفروض يبكي حمّيــد ؟؟ (Re: abubakr salih)
|
Quote: خلّك من حميد و شعره |
يا أبوبكر في حزن أخير ما يشاركوكـ فيهو كل الناس في حُزن حق ناس براهم دون الآخرين . صوت ناس براهم ، ما صوت كل الناس رحــل . ناس علُو صوتم بالهُتاف وجو علُو صوتم بالبكا للكان بقول ليهو هٌتافكم .......... !!
| |
|
|
|
|
|
|
Re: منـو المفروض يبكي حمّيــد ؟؟ (Re: abubakr salih)
|
الاخ عمــران ســلام لو فهمـت البوست صاح كماتعلم صديقي عمران المشاعر والبكاء والاسي ليست حكـرا علي أحـد والمسألة نسبيـة فمنهم مـن نجد أن المرحوم حميد عبر عـن أشواقـه في التغيير السياسي منهم مـن عبر عنه وأنا منهم للقواسم المشتركـة التي لامست الوجدان الطفولــة و الصبا والنيل والام والقمـر والنخلـة والطين والترابلــة فضـلا عـن وشيجــة الرحـم والتي أبدع فـي رسمها لوحات شعرية زاهية الفقيـد. وقس عليها كثير مـن أهلــه واقربائه النافذين فـي الحكومـة والذين كانت تربطهم بـه علاقـة حميمة جدا أكثر بكثير مما يتصور الناس . ودونك التضامن الشهير للمرحوم حميد وقتها مع حادثـة اقتيال المرحوم الاستاذالشهيد محمد طه محمدأحمد المختلف فكريا وسياسيامعه مما حـدا به مع اخرين في تكوين كيان الشمال ومطالبة الجهات العدلية بكشف غموض الحادث وتقديم المجرمين للعدالة ففضاءات الانسانية الرحبـة والسـلام (والقعاد في الواطة لحلحلة المشكل السوداني ) هي الرسالة التي كان يحملها المرحوم . عليه هـذا ما ينبغي لمعجبيه ومحبيه العمل علي تحقيقـه لك التحية ولحميد الرحمـة ولمـروي ونـوري وعموم اهل السودان صادق التعازي .
| |
|
|
|
|
|
|
Re: منـو المفروض يبكي حمّيــد ؟؟ (Re: mahmed alhassan)
|
Quote: كماتعلم صديقي عمران المشاعر والبكاء والاسي ليست حكـرا علي أحـد والمسألة نسبيـة فمنهم مـن نجد أن المرحوم حميد عبر عـن أشواقـه في التغيير السياسي منهم مـن عبر عنه وأنا منهم للقواسم المشتركـة التي لامست الوجدان |
وجدان الإنتماء للمكان ولغة تخاطب حميد الحميمة الرابطاكـ انت وانا وهو شي لكنه لا ينفصل عن خلاصــة المبدأ والرسالة القاصدة حميد اللغة اللامست الوجدان المشتركـ ملخصها النهائي إنو يا عسكر ، ويا دقون خلو البلد الضيعتوها . كأنكـ يا أخي محمد الحسن تأخذ الجزء وتتركـ ما تبقى . أنا هنا لا أسي للإنتماء الذي يخص أيِ شخص الإنتماء السياسي مبدأه الحرية لنا ولسوانا لكن لو سوانا ده هو المقصود يبقى كيف يلبس حالة الحزن والبكاء ؟؟
| |
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
Quote: الإنتماء السياسي مبدأه الحرية لنا ولسوانا لكن لو سوانا ده هو المقصود يبقى كيف يلبس حالة الحزن والبكاء ؟؟ |
النفاق يا صاحب ....
وده نفاق سياسى...
التاعبنى النفاق ألأجتماعى.
تلقى الواحد ما كان بيعرف حميد من هو أصلاً وركب الموجة مع الحزانه الذين يعرفونه..
بوست عميق لدرجة يخوف!!
| |
|
|
|
|
|
|
Re: منـو المفروض يبكي حمّيــد ؟؟ (Re: ismeil abbas)
|
Quote: النفاق يا صاحب .... وده نفاق سياسى... |
إسماعيل يا عباس حميد رافع راية واحدة ومعروفة شنو االبخلي اللوعة وام هلا هلا تمسكني لامن تجي سيرة الجروف والساقي في نضميهو ويقوم في نفس النضم يربطو بالحال المال ويوصف الحاجات بذات اللغة (الخاصة) بالجروف وهنا أوضح دليل بلة انبرع وقال ببنيهن .. هو هو هووا كلابنا واستغربنا قبل بالمرة لامن نهتف ترسى كلابنا .. لامن ينضم بلة يهووا بلة انحمس وقال بسقينا .. وبي إذن الله يضوّى الحلة هتف الشيخ وهتفنا وراهو : لا تبديل لشرع الله .. هو هو هو ولا ولاء لغير الله .. طاء طاء طاء عاش الفارس امل الحلة .. بلة الطاهر علي حسب الله بلة الطاهر علي حسب الله كبر فينا وقام إندلّى ولسة كلاب الحلة بهووا .. وزاد هوهيون كبشاً ضاع .. من مرحاتو وفاقع باع بلة الطاهر على بلاّع كانت أول مرة نشوفو .. يومنا الشفنا اللاندكروزر اللونا مخطط .. والبنوت الراسا مربط .. التنبوبر لوري مكوش أقمشة .. سكر .. حتى الفوفو وعتِّل تؤجر .. وامحى المنكر بي معروفو بلة الطاهر علي بلاع .. اكرمناهو .. اكرمنا ضيوفو يشبة مَرَتْ الشيخ في وشيو .. لولا الدقن الدشدش صوفو بلة خبارك ما بتشبهنا وعامل زولنا تاني نقول الزول برّانا نغير قولنا إلا كبار الحلة بقولوا .. بلة ده هولنا .. بلة ده أصلاً من ها الحلة إلا إنربّى وقرا في الخارج .. ورافق جدو الفتح التركي وسيرتو انقطعت في المهدية ومرة سمعنا استوطن برة .. وقام إنزوج من مصرية جابت علي .. علي جاب الطاهر .. حتى الطاهر خلّف بلة جدو اشيطن اخير ما لانا وبلة انسركن جاء وبرانا أقرب واحد لي حاج بلة .. أقرب واحد شيخ الحلة بلة الطاهر علي حسب الله أول مرة يصلي معانا .. قدمناهو وقام أمانا صوتو مرخرخ لمن يقرا يقرا ويقطع زي البطرا لامن يركع جسمو متختخ عند السجدة سجودو ممخمخ شيخ الحلة يقول عن امرو زول غرقان في الدين من عمرو ستة سنين قابض في جمرو ما فكاهو طريق الله .. صوتو وِدِرْ من كترة ذكرو وجسمو التختخو شدة صبرو قلنا حقيقة .. الزول بي عذرو وفتنا قناعة .. ومانا قناعة إلا الستة الصارو جماعة قالوا ده زول ترباتو مياعة ما بيشبهنا ورفعو وضاعة زول زول دنيا ودنيا صياعة قصة دينة ودقنو بضاعة واحنا اصواتنا .. يا إما مضاعة يا إما جهالة وناس متباعة وفي الحالتين آمالنا مضاعة وخارم بارم
| |
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
Quote: أنا أحب حميد لأنو بيحكي عن أهلي وحالم لأنو مني وفيني لأنو بيشكي حالي بلغتي حتى وإن أرضعتنا آبار البترول سيظل حال أهلي كلهم هو حالي وزيو بقول : الظلم تاريهو كمتر ... وقام دقون حلفا وعُشر . |
عمران يا اخوي .... المصيبة كبيرة ...بس حميد ماهو كتير علي ربه المبكيني ياعمران ما الموت ...الموت للمتل حميد ..سلام وراحة من التعب حميد وكت اقرا له قصيدة ... اي كانت ... طوالي تلقاني مشيت مقاشي ورقدت جم كريعات امي وسلمت لهم ..... مليت ابريق ابوي ووضيته وختيت له مصلايته ...اندليت محصل البوقة ورمي التيراب ولا تيلان برسيم الطهورة ..... اهلي الغبش ... تفاصيلهم ...مراويدهم ..مزازيكم ... جراريهم ..قساسيبم ... اناقيهم ... سبيقاتهم ... مُسارم وحبل اشميقهم حميد كان كل شي عندنا زاكرتنا حبنا هويتنا حنيتنا تكافلنا حميد ضراع البلد ...حميد قلب البلد ... اااااخ يا حميد
| |
|
|
|
|
|
|
Re: منـو المفروض يبكي حمّيــد ؟؟ (Re: الشفيع وراق عبد الرحمن)
|
Quote: والما عاجبه، يخبط راسه في اقرب حيطة |
اللغة يا الشفيع حين تكون مرنة تصل إلى قلوب الناس وهذا ما فعله حميد حميد حق كل الناس ما اختلفنـــا بس الاحساس بيهو ما حق كل الناس الاحساس بنضميهو يعتقكـ في ساعتها من آفات كثيرة ده ما وطن يتباع ولا عقار يملأ البطون ولا هُتاف له ثمن هذا احساس فقط هو لا يُعطى هكذا جزافاً بل لمن وصلته غضبات حميد وهو يحكي عنه ... مع احترامي الاكيد لوجهات نظركـ فأنا مجرد تربال يسأل : منـو المفروض يبكي حمّيــد ؟؟
| |
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
Quote: تلقى الواحد ما كان بيعرف حميد من هو أصلاً وركب الموجة مع الحزانه الذين يعرفونه.. |
الموضوع نقاش هادي يا الشفيع لا شخصنة فيهو فإن كنت تقصد وصيتكـ بكلام اسماعيل الفوق ده فلا بأس تلكـ قد تكون حقيقــة .
___________________________________________________________ ولصديقي إسماعيل العُتبى فالحكاية عندي فهم مختلف لكلامكـ ولن تحتاج إلى توضيح يا صديقي
| |
|
|
|
|
|
|
Re: منـو المفروض يبكي حمّيــد ؟؟ (Re: الشفيع وراق عبد الرحمن)
|
لا يأخذنكـ الظن بي يا الشفيع فلست شيوعياً أو شيعياً لا بعثياً ، لا ختمياً لا سيد لي إلا الله ومن النعم الكبرى لست إخوانياً ( بشقيه الحضاري والإسلامي ) أنا زول بيسأل ولا أجندة لي ولا تهمني أجندة زول تاني ( يعني كل واحد الله اداهو صنقورو وهو حر في كيفية التعامل به ) تربال بيسأل : منو الحزين ( بالصِح ) على فراق الانسان حميد مع التأكيد بأنه ذهب إلى الخالق وده مصير الأنبياء قبلنا نحن تمامة العدد ديل
| |
|
|
|
|
|
|
Re: منـو المفروض يبكي حمّيــد ؟؟ (Re: الشفيع وراق عبد الرحمن)
|
Quote: كأنكـ يا أخي محمد الحسن تأخذ الجزء وتتركـ ما تبقى . أنا هنا لا أسي للإنتماء الذي يخص أيِ شخص الإنتماء السياسي مبدأه الحرية لنا ولسوانا لكن لو سوانا ده هو المقصود يبقى كيف يلبس حالة الحزن والبكاء |
ود أهلي عمــران وهــل مـن الحريــة حبس الدموع في المأقي لمجـرد الاختلاف الفكري حتي مـن ذويــه وأهله أصحاب الوجع الحقيقي (وزمان قيل البكاء يحرروه أهله ) الذين أحبهم المرحوم حميــد وقـرر البقاء وسطهــم بنــوري التي منحته هـذا الالهـام . اهلــه الذين كانت أكفهـم ترتفع بالدعاء الصادق في تلك اللحظات التي يسـال فيها بالقبر طبقا للحديث الشريف . بينما كان االبعض يهتـف بهتاف أركان النقاش calling في الجامعات دون حسبان لرهبـة الزمان والمكان ومراعاة الحـزانا وقـد علمت مـدي تضايقهم مـن تلك التصرفات الدخيلة علي ارثهم وقيمهـم 0 ويبقي الحزن ويبقي الود اخي عمران وقد كفاني الاخ الشفيع الكثير الذي حتماسيقال في الوقت المناسب .
| |
|
|
|
|
|
|
Re: منـو المفروض يبكي حمّيــد ؟؟ (Re: mahmed alhassan)
|
Quote: وهــل مـن الحريــة حبس الدموع في المأقي لمجـرد الاختلاف الفكري حتي مـن ذويــه وأهله أصحاب الوجع الحقيقي (وزمان قيل البكاء يحرروه أهله ) الذين أحبهم المرحوم حميــد وقـرر البقاء وسطهــم بنــوري التي منحته هـذا الالهـام . اهلــه الذين كانت أكفهـم ترتفع بالدعاء الصادق في تلك اللحظات التي يسـال فيها بالقبر طبقا للحديث الشريف . بينما كان االبعض يهتـف بهتاف أركان النقاش calling في الجامعات دون حسبان لرهبـة الزمان والمكان ومراعاة الحـزانا وقـد علمت مـدي تضايقهم مـن تلك التصرفات الدخيلة علي ارثهم وقيمهـم 0 ويبقي الحزن ويبقي الود اخي عمران وقد كفاني الاخ الشفيع الكثير الذي حتماسيقال في الوقت المناسب . |
دخلتني دروب كتيرة يا محمد بردكـ ياسيدي الدموع حق إنساني ومشاعر لا علاقة لها بخلاف وهُتاف ، أنا أتسائل عمن يدخلنا في متاهة إعجابه الشخصي بنضم حميد وقناعاته التي في الضد له وينادي بضدها ، دموع إنسان فقد إنسان لا غضاضة ولكن دموع كسب رخيص لا والف لا . هتاف احباب حميد لن يضير السوي من اهله هتاف يقول حميد ما مات حميد نضِم وقناعات يمشي بيناتنا ومتمسكين بيها ( جيب الهتاف ككلمات وسترى المعنى أكثر ) إرثنا وقيمنا رددوها المشيعين كعبارات خالدة يا محمد ستظل تدق راس كل ديكتاتور باسم الدين ولا باسم العنجهية وحتما سيقال دي يا صديقي محمد لا وقت مناسب لها إلا الآن !! متى سيقترب الحاكم من مواطنيه بالشفافية والصدق ؟؟
| |
|
|
|
|
|
|
Re: منـو المفروض يبكي حمّيــد ؟؟ (Re: عمران حسن صالح)
|
Quote: إرثنا وقيمنا رددوها المشيعين كعبارات خالدة يا محمد ستظل تدق راس كل ديكتاتور |
عزيزي عمــران
يقال لكل مقـام مقال هـل ساحـة المقابر ولحظـة توقيت الدفــن مناسبة لترديد شعارات سياسية . هذه الهتافات استنكرها اناس أعرفهم ومـن أقارب المرحوم حميـد لاناقة لهـم ولاجمـل في ساس يسوس . كل ما يعرفونه وتربو عليه أن الميت لحظـة دفنه يتم الدعاء له بالثبات لانها لحظة سؤالــه . امـاالعبارات التي سمعتهاوالتي تدق رأس كل ديكتاتور ما اختلفنا ان شاء الله ( تغتـس حجــره وجه ضاحك ) بـس ليســت مشرحـة الموتي والمقابر هـي المكان المناسب الا توافقني .
| |
|
|
|
|
|
|
Re: منـو المفروض يبكي حمّيــد ؟؟ (Re: mahmed alhassan)
|
اخي عمران أحييك وأعزيك انا ما عرفت قصدك بصورة واضحه لكن الابداع غالبا ما يعم والمبدع ليس بالضرورة ان يكون ملون بلون معين وقد مررنا بمحطات في الحياة قرأنا لكتاب وسمعنا شعراء ومغنيين نتفق ونختلف معهم ومن هنا فان عين لم تدمع علي حميد هي عين جاحدة وحميد نفسه عندما عاد للسودان عانق كل الشعب واطرب كل الشعب ولم يصرح بانه يتعامل مع جهة دون الاخري لهذا فان بعض الحديث بعد أن رحل الرجل فيها مزايدة ومتاجرة دعنا كلنا ندعو له ونحفظ له السيرة العطره ... تحياتي
| |
|
|
|
|
|
|
Re: منـو المفروض يبكي حمّيــد ؟؟ (Re: mahmed alhassan)
|
Quote: سلام الله يغشاك يا عمران يعني يا عمران انت عايزنا نخصخص البكا ونعملو درجات ... ناس تبكي وتددردق بالواطة .. وناس تبكي بس من غير دردقة .. وناس تبكي وقافي .. وناس تبكي قاعدة .. وناس تبكي في سرها .. الخ . أو الشايقي يبكي في حرقة شديدة وباقي الخلايق يخففوا شوية حسب قربهم من نوري وبعدهم . والكادحين يبكوا وينوحوا ولا عزاء للمترفين !! يا عمران حميد حقنا كلنا فما تجعله حصرياً . أخوك منير وآسف لتطفلي على بروفايلكم بسودانيز |
رسالة عبر الجوال من أخ مقيم بدولة قطر أنقلها بعلامات تعجبها ونقاطها بعد أن طلبت منه " عبر رسالة أيضاً " أن أنزلها هنــا فرد كاتباً : أكتبها علها تسأل وتجاوب عن كثيرين لديهم في الشفاه المطبقات سؤال . لكـ الشكر والتحية أخ منير
| |
|
|
|
|
|
|
Re: منـو المفروض يبكي حمّيــد ؟؟ (Re: محمد البشرى الخضر)
|
اخي عمران تحياتي
لم اكن اعرف عن حميد سوي تلك الابيات من ست الدار التي حببني اليها صوت خالد يس في ليالي معسكر ود شريفي . ومنت اقف كثيراً عند ( كنت بقيت النوباويه)
مرت عشرات السنون ..... وذهبت في رحله الي بورتسودان منظمه من قبل منتدانا ( منتدي دال الثقافي) ومان في صحبتي ابوعركي ومحمديه وقدال وحميد ..... مرّه واحده ( وكانت يالها من ليله) وفي تلك الرحله اكلت معه ...الملح والملاح....والسلات ايضاً.
وحينها رايت حميد الحقيقي غني جداً .....وفقير متواضع .... وعظيم خجول .....وشجاع اول ماتراه ...يخيل لك انه ( غايتو يا يشبه خالك او عمّك) فهو في سحنه اولاد البلد وشهم وكريم وله ضحكه تشبه ضحكه الاطفال.
رحم الله حميد ...رحم الله حميد ...رحم الله حميد
| |
|
|
|
|
|
|
Re: منـو المفروض يبكي حمّيــد ؟؟ (Re: Mohamed Moatasim)
|
Quote: لم اكن اعرف عن حميد سوي تلك الابيات من ست الدار التي حببني اليها صوت خالد يس في ليالي معسكر ود شريفي . |
أخي الحبيب محمد معتصم لكـ التحيات والأشواق والله يا محمد أول من كتبت له معزياً في جواله هو صديقي الحبيب خالد يس، وقلت له بالنص المباشر كلامكـ الفوق ده خالد هو من عرفني على حميد في العام 1986 وظلت أشعاره التي كان يرددها عالقة بذهني وظللت متبعاً لكل حركاته وسكناته حتى قابلته وسط أهلي بنوري في العام 1994 وبرفقتي العزيز على رمرم وحينها : Quote: رايت حميد الحقيقي غني جداً .....وفقير متواضع .... وعظيم خجول .....وشجاع اول ماتراه ...يخيل لك انه ( غايتو يا يشبه خالك او عمّك) فهو في سحنه اولاد البلد وشهم وكريم وله ضحكه تشبه ضحكه الاطفال. |
............... ويا صديقي محمد لعلكـ هنا قد فهمت مقصدي وأنا أرى بعضاً ممن ( أحبو القتل والسلب والنهب ممن يحكمونــا ) يتمثلون الحزن والأسى لرجل أحبه الناس لأنه كان صوتهم وشكيتم وبكاهم مما حاق بهم وسؤالي كان إستكاراً للنفاق الذي صرنا فيه ولا علاقة لي بمشاعرهم الإنسانية وهو ليس إحتكاراً لشخص أحببناه بل إحتكاراً لمبادي ومواصفات كان غيرنا يكره ترديها ومع ذلكـ (لبس ) ثوباً من الحزن لم أعرف تحت أيِ القوائم أضعه
| |
|
|
|
|
|
|
|