|
Re: حينما بكيت ثلاثة رفاق (Re: saif massad ali)
|
يا مناهل البلد غرقت في الدموع .. غرقت في الأحزان .. إلا عزاءنا إنو في ناس زيكم باقين على باقي الوطن الفضل .. ناس قابضين على جمر القضية .. وحافظين للوصية ..
رحم الله وردي .. رحم الله حميد شاعر الغلابة .. رحم الله نقد الزول النضيف وعفيف ..
| |
|
|
|
|
|
|
Re: حينما بكيت ثلاثة رفاق (Re: مناهل ابراهيم)
|
وحتما ستلد الارض امثالهم وامثالهن
ما نحن شعب قوي المراس برغم انهاك العسكر له
سياتي صبح الخلاص من العصابة المجرمة
وتفرتق الضفائر في الرزاز
وتغني الخرطوم وتبشر بعالم سعيد
حتما الحركة الجماهيرية ستستلهم نضال الجميع ورفاق نقد رجال ونساء سيكملون المسيرة
وقبيلة الفنانين والفنانات والشعراء والشاعرات ستنجب ولن تعقم
رحلوا بعد ان شكلوا وجداننا وتغنينا وتبادلنا الرسائل بما وضعوه من حسن ادب وكريم اخلاق
سلام لهم في العالمين والرحمة والمغفرة لهم
والرحمة لكافة شهداء الدفاع عن الديمقراطية والسيادة الوطنية
لكل من راح دمه دمها من اجل قضايا الوطن العادلة
قطع شامة هواك من قلبو
الا هواك نبت تاني
دي مسيرة لانتزاع الحقوق والحريات لن ينطفي بريقها ابدا
تحياتي الطيبة الاخت مناهل ابراهيم والبركه فيك وفي حركة قرفنا التي تعمل الان علي اسقاط حكم العسكر القمعي
| |
|
|
|
|
|
|
Re: حينما بكيت ثلاثة رفاق (Re: jini)
|
Quote: بكيت عزة في هواك ياصواردة شو بكيت ايام الجامعة لمن كنا بنقعد مع الزميل نقد في اجتماع وبنكون مرتاحين للبساطة المافيها عجرفة بل بعض السخرية السودانية بكيت زكريات ميدان وردي قدام بيت وردي ألفي الكلاكلة يارفيقات ورفاق فرع السكن وميدان وردي المفترض يتخت فيهو تمثال حرية وأبو جنزير يانقد وحفلة اتحاد الخرطوم ياعمو وردي ولياليك الشعرية ياحميد بكيت معلمين أساتذة رفاق بكيت ريحة الثورة فيهم بكيت تلاتة من الرفاق الكانوا مع الجماهير واليها وبنتموا لبقاع السودان والجماهير بسمعوهم وبفهموهم بكلام بسيييييط يعني ببكي سودان قديم بعقول سودان جديد ببكي فيهم القائد شهيد الحرية الدكتور جون قرنق ديمبيور وقضية الجنوب البقت بلد تانية ياجوزيف |
وببكى معاك يا بنية ياغضة وطرية ويا عقل مفتوح يعزينى فى القضية وببكى معاك ضياع وطن خربوه من اول يوم جاته العصابة راكبه دبابة وببكى معاك شعب اشبعوهوا قتل وحروب ورفعوا ضده البندقية وببكى معاك ضياع ميثاق للدفاع عن حرية وديمقراطية وببكى معاك قرنق و التجانى الطيب ووردى وحميد ونقدالشال هم الكادحين التعابى ونبكى كثير كثير بس ما بنسى الرسالة
شكرا ليك يا مناهل يا واعية والله يكثر من امثالك
| |
|
|
|
|
|
|
Re: حينما بكيت ثلاثة رفاق (Re: مناهل ابراهيم)
|
يا مناهل بتنا
الحزن أضر بك كثيرا ، فتجملى بالصبر
وبرغم إن الراية سييحملها آخرون لكن الفقد جارح
توسدى الجابرة :-
لماذا لا يموت من الأعداء مثل هذا العدد
لماذا لا يموت الطغاة المجرمون ،
ومن قد أضرُّوا بالبلد
حكمة الله
فهو يختار الخيار
ويترك من الطير بغاثها
ومن الماء الزبد
هذا هو الناموس ، أوضعه الخالق فينا ،
ولنا فى القضاء بألا نعترض
يمد للفاسدين فى أعمارهم
يمد لهم حبل الحياة - مسد
=======================
ولما الموت يجينا منو المد
نموت واقفين
بكل جلال / نموت واقفين
- وفى السودان
ومعروفين شيوعيين
بحد ترابه منتشرين
قسم ويمين شيوعيين :
ونطلع من بيوت الطين
عَقَبْ عمال وفلاحين
شيوعيين شيوعيين
وبى أبرولنا مفتخرين
وبى شاكوشنا والجزولين
ووكت الحَّارة
جد كعبين
وعند الحلوة
ناس طيبين
وحافضين للعلم والدين
وفى عيشتنا تب راضين
وبالنذر القليل قانعين
ولا بنسرق ولا شيتين
ولا إن جعنا نهابين
ولا بحلِمْنا فوق طايرين
ناس بسطاء زراعيين
وفى الجامعات شيوعيين
محل قبلت تلقانا
على نهج الكرام سايرين
وفى هدى الصراط ماسكين
. . . ============================== ويطلع فى المدى راشد
ويطلع فى المدى راشد
وحوله الأمة ملتفة
كأنه البدر - جانا ضحىً
كأنه البدر جاااااانا ضحىً
وأشرق نوره فى الشرفة
أصرَّتْ تنزل النجمات
على السودان وتصطف ( وتتدفى )
ودمدم فى هدير النيل
حوار من نمولى لى حلفا
نشيد أغنية أممية
تعطر موكب الزفة
عريس المجد جانا ضحى
وكان قاصدنا - ما صدفة
بحق صرامة التأمين
كنا ندوره يتخفى
وحق صرامة التأمين
كان بندوره يتخفى
ويعبر بينا لج الموج
يسوقنا إلى زمن أوفى
ويبحر بينا للضفة
يسوقنا إلى زمن أوفى
* * *
شيوعين شيوعيين
إلى ساح النضال دلفوا
يوعيين شيوعيين
جاءوا الموت وما انصرفوا
شيوعيين شيوعيين
ساروا يسار وما انحرفوا
شيوعيين شيوعيين
على مد البصر وقفوا
ويا لرجولة الوقفة !
ويا لرجولة الوقفة !
عمك صديق
وربنا يصبرك فأنتم فى سن لم تتمرسوا على الفقد والصبر عليه
| |
|
|
|
|
|
|
Re: حينما بكيت ثلاثة رفاق (Re: صديق_ضرار)
|
مناهل ابراهيم نعم بكيناهم بالدمعه الرويه ولكن لحظة ما شفناكم في ملاحم التشيع شباب زي الورد يسدوا عين الشمس اطمنا انه الدنيا بخشها ضو وانهم ما ما توا ولكنهم حلوا في ملاين العيون عيون اطفالنا وشبابنا في عيون ود ضكران وبت دغريه... الشي الشفناهو في تشييع نقد وحميد خلانا نشعر بالفخر ونعتز بهؤلا الرجال اكثر واكثر...
| |
|
|
|
|
|
|
|