|
كرش الفيل !!!
|
في الطريق من مدرسة امدرمان الأهلية المتوسطة بحي الملازمين لبيتنا بابي روف كنت بمر ببقالة في شارع ود أرو اسمها (كرش الفيل) ... ما عارف البقالة دي لسه موجودة بنفس الأسم ولا غيروه .. عموما فكرة الأسم إنو كرش الفيل كبيرة و كان الفيل مزاجو رايق كرشو بتشيل أي شئ ... و كذلك هذا البوست .. مجموعة من المواضيع و الأشياء التي لا علاقة لها ببعضها البعض .... فبالله إستحملونا !!
|
|
|
|
|
|
|
|
Re: كرش الفيل !!! (Re: أمين محمد سليمان)
|
أولا : ترحيب عظيم بعضو المنبر عبدالوهاب علي الحاج مسؤل جهاز الأمن السوداني في الصين الشقيقة ...
------------- و يبقي المنبر بدون أميرة الشيخ و خضر حسين و قمر الحقد المظلم أتعس من راس السنة الفات ...
| |
|
|
|
|
|
|
Re: كرش الفيل !!! (Re: حذيفه ابراهيم الكباشي)
|
عليك سلام الله يا حذيفة و علي بروفايلك و من فيه : حسين مني و أنا من حسين !! حب رسول الله صلي الله عليه و اله و سلم يجري في دماء السودانيين مثل ما يجري النيل في بلادنا ... ما عندو علاقة بالتدين ابدا ... و لا ب ( إن كنت تحبه لاطعته ... إن المحب للمحب مطيع ) ... حب ساي كده ... إذا ذكر إسم رسول الله يكاد دمع السودانين يطفر من الماقي ... و أكاد لا استثني أحدا ... واحد من الفرد أيام الجامعة و قبل أن يمن الله عليه بالهداية كان بشرب ... جاني يوم قال لي ياخي أنا تاني ما حا اشرب مع فلان ده كلو كلو ... قلت لي ليه ... قال أمبارح أول ما بدينا فتح ليه موضوع ديني و كان جات سيرة الرسول و ما صليت و سلمت يسمعك الفارغة !! الدين في السودان فيهو كمية من العواطف قل أن تجدها بين الأمم !!
سلام علي الحسين و علي أبي الحسين و جد الحسين و صلي الله و سلم علي محمد و اله و صحبه أجمعين !!
| |
|
|
|
|
|
|
Re: كرش الفيل !!! (Re: أمين محمد سليمان)
|
قبل يومين ... هشام أدم فتح بوست اسمو ( من شاء فليكفر ) ... تداخلت فيه أمبارح كذا مرة و الليلة سقط لقط ما لقيتو ... ما عارف أبصلعة حذفو ولا هشام طالب بحذفو ولا أنا براي ما لاقيهو .... بالله البلقي البوست ده يلز لينا الرابط هنا نكن له من الشاكرين و لصنيعه من الممنونين ....
| |
|
|
|
|
|
|
Re: كرش الفيل !!! (Re: أمين محمد سليمان)
|
مشيت القاهرة ...
صليت الجمعة في مسجد جناب سيدنا الحسين لأول مرة في حياتي
بعد صلاة الجمعة كانت في تلاوة من مقريء مصري تلاوة جميـــــــــلة على الطريقة المصرية صليت العصر ودخلتا على الامام الحسين
لقيت رجل سوداني جميل ... لابس جلابة وعمة جميلة وقف قدام ضريح سيدنا الحسين وقعد ينشد بصوت جميـــــــــــــــــــــــــــــــــل
صلاة الله تغشى دائما للنبي المصطفى جد الحسين
من له جدً مثل جدي المصطفى او كأمي في جمع الثقلين
من له ابً مثلي ابي حيدر قاتل الجن في ذات العلمين
..... والمصرين يعيطو وانا اعييييييييييييط يعيطو وانا اعيييييييط
ومن ديك بقيت احب جناب سيدنا الحسين
حسينً مني وان من حسين
........
| |
|
|
|
|
|
|
Re: كرش الفيل !!! (Re: أمين محمد سليمان)
|
- حيا الله الصديق العزيز الباشمهندس الأمين عبدالرحمن أبو تزاملنا في العمل في مكتب المهندس عبدالمنعم مصطفى بالخرطوم في العام 1984 ثم بمشروع إنشاء وإنجاز بنكي الوحدة والخرطوم بالسوق العربي ( عمارة الضرائب الحالية ) وتزاملنا بالسكن في حى السجانة. كان دائم الترداد لهذه الجملة كناية عن مدينة الخرطوم . يقولها ساخراً ويضيف إليها " كرش الفيل حقت الأتراك دي "
- حيا الله الصديق العزيز محجوب أبو تركي رجل التفاصيل الصغيرة التي لا يأبه الناس عادة بها في زمان " ما قبل أن تكون حفلات الأفراح في الصالات المغلقة " ، كانت الصيوانات هى سيدة الموقف الحضور يغطون كل الإتجاهات وتبقى ساحة الرقص ، يقف بها العريس ووزراؤه كنا شلة أصدقاء تعودنا على إرتياد حفلات الأفراح معاً، محجوب كان ملحها لفت نظره أن البنات الجالسات في الصف الأول ( في أى حفلة ) كن كثيرات المناداة بأن يا عريس .. ياعريس وعندما يأتي لهن العريس يوسوسن له في أذنه فيتبسم عادة ويهز رأسه ويرجع لمكانة في وسط الحلقة
فاجأنا محجوب ذات يوم بعد التخرج مباشرة - وبجدية مفرطة - بأنه قرر أن يتزوج يا زول ماااالك ؟ جنيت ولا عضاك كـلـب ؟؟
" والله لا جنيت ولا عضاني كـلـب ، بس عاوز أشوف البنات ديل لمن ينادوا العريس في الحفلة ويوسوسوا ليهو في أضانو بيقولوا ليهو شنو ؟ "
___________
حبيبنا يا بروف الشوق والريد
| |
|
|
|
|
|
|
Re: كرش الفيل !!! (Re: عاطف عمر)
|
Quote: لبيتنا بابي روف كنت بمر ببقالة في شارع ود أرو |
رحم الله هاشم ميرغني الغنا :-
في ود أرو الشباب الحلو
أبو روف سمع و شوف
إزيك يا الكنت بروف و إزي كل ضيوفك
| |
|
|
|
|
|
|
Re: كرش الفيل !!! (Re: حمزه بابكر الكوبي)
|
سلام للجميع وأخص صاحبنا زمان في بيوريا الحنونة البروف أمين النوتة (أبصلعة الصغير)
وقعت لي في جرح عجيب بهذا الكلام الخارم بارم سمعت أولا بكرش الفيل هي جزء من الديوم بحري جوار ميدان عقرب ثم سمعت بها رمزا لكل الخرطوم
لكن الأعجب سمعت بها عند صغيرتي ريم فقد جاءتني يوما تترنم بهذه الكلمات وفيها الكثير من الكلام بين السطور والله أعلم من لقنه هؤلاء الصغار
Quote: الجنزير جنزير العجلة العجلة عجلة الطالب الطالب طالب الجامعة الجامعة جامعة الخرطوم الخرطوم كرش الفيل الفيل فيل الغابة الغابة غاب جون جون عنده عصابة العصابة عصابة الدولة الدولة دولة احمد احمد راجل زينب زينب بت الشيخ الشيخ شيخ الحلة الحلة حلة كوكو كوكو أمسكو دقو |
وبلجنة حلوة تكملها هكذا (الحلة حلة توتو، توتو أمستو ددو) طبعا لعشاق البحث عن التهميش والنضال والنضال المضاد وهلم جرا كل منهم سيجد ما يعجبه!
| |
|
|
|
|
|
|
Re: كرش الفيل !!! (Re: mohammed elsaim)
|
Quote: طبعا لعشاق البحث عن التهميش والنضال والنضال المضاد وهلم جرا كل منهم سيجد ما يعجبه!
|
و المساطيل
النص الاصلي حق مساطيل ..
و عن (سجارة) .. خدرا
-----
ؤكان ما اخاف الكضب، كان اقول ليك انها اتنبأت بالربيع العربي ..
في مرور الرجز -ول هو سجع- من (السلك) .. و الى السلك بتمر بـ: تونس الخدرا .. خدرا السجارة .. السجارة، سجارة بهنس ..
اللخ اللخ
كلو في السلك!
سلامات يا بروف .. قلنا نعبي معاك كرش الفيل دي .. بحديث راكبي الفيل المافي شنو!؟
| |
|
|
|
|
|
|
Re: كرش الفيل !!! (Re: قيقراوي)
|
كلام ياسر طيفور صاح .. كانو رامياك طيارة المتعافى .. شايفاها كلها بروفسيرات ..
ـــــــــــــ هيثم دا بالله ما تطلعو لينا فى راسنا نحن ما ناقصين .. ولو سقط تانى ما عنده وش معانا كلمتتتكم .. الا تصرف لى واحد بروفسرايه من الشنطة ..
| |
|
|
|
|
|
|
Re: كرش الفيل !!! (Re: قيقراوي)
|
أبو أمين يا حبيبنا ...سلام يا صاحب Quote: " والله لا جنيت ولا عضاني كـلـب ، بس عاوز أشوف البنات ديل لمن ينادوا العريس في الحفلة ويوسوسوا ليهو في أضانو بيقولوا ليهو شنو ؟ "
|
و من حب الأستطلاع ما قتل !! ما عارف هسي كيف لكن زمن كنا بنمشي الحفلات كان في كمية من الاستظراف و التكلف للظهور عند الناس الحوالين العريس و العروس .. ملاحظة صحبك في محلها تماما و كلها حركات في حركات !! ------------------ الماجد أبا حسين ... سلام ياخي Quote: رحم الله هاشم ميرغني الغنا :-
في ود أرو الشباب الحلو
أبو روف سمع و شوف
إزيك يا الكنت بروف و إزي كل ضيوفك |
يمين بالله ما كنت عارفها غنية و لهاشم ميرغني كمان ؟!! امدرمان دي فيها حاجة غريبة... بتتحسه .. ما بتتوصف !!
| |
|
|
|
|
|
|
Re: كرش الفيل !!! (Re: أمين محمد سليمان)
|
كيكي يا حبيبنا .. سلام يا خبير Quote: I DO agree قلم من زمن فلاني وسلس وعميق بس لاحظت انو كورتو علي الواقف (مثل كورة كمبا عندما رايته في استاد ودمدني عند ذلك المساء)ومقل في الكتابة فياليته يسهب ويهابش جخانين مهمة اعتقد بانه سيكون علامة فارقة فيها...
وايضا هي فرصة ننوه الي كاتب اخر يحلق بكبيورده بعمق وعناية سلسة هو محمد الكامل عبدالحليم
والبباري الزولين ديل ما بندم هكذا اوصي كخبير اجنبي اسفيري سابق |
هيثم طه من قلائل الناس هنا العندهم رؤية واضحة و بقدرو يعبرو عنها بسلاسة... تقري ليهو كل حرف بدون ملل... تتفق و تختلف مع ما يكتب لكن ما عندك سكة غير ما تحترم نصاعة حججو و وضوح رؤيتو !! و بهذا أعلن أني قد أنعمت عليهو بدرجة الدكتوراة و أصبح منذ الان الدكتور هيثم طه !! (سنتابع ) محمد الكامل عبدالحليم زي ما بقول الصادق !! ------------------- و عليكم السلام يا حمزة و لعلك بخير ياخي Quote: سلام يابروف كرش الفيل منطقه في بحري يمكن تقول عليها فريق (من فرقان وليس من فرقه او فرق) وليس حي من الاحياء ولو ظهر عماد احمد موثق بحري بحددها لك بخطوط الطول والعرض |
إسم كرش الفيل ده مرتبط معاي من المتوسطة بالبقالة الفي ود أرو ... ما سمعت بيهو في أي مكان غير في البقالة دي.... و استغربت من كلام عاطف إنو تعبير شائع و مستعمل و من كلامك إنو إسم فريق من فرقان بحري ... كنت قايل إنو صاحب البقالة نجر الأسم ده من راسو و لانو الفيل كبير و كرشو كبيرة بكون فيها أي شئ ..
| |
|
|
|
|
|
|
Re: كرش الفيل !!! (Re: أمين محمد سليمان)
|
سلام يا أمين
يا أمين أنا مما قريت عنوان بوستك "كرش الفيل" توقع إنك ح تتكلم عن هشام آدم ولا أتذكر أنني سمعت وصف "كرش الفيل إلا بعدما ذكرها هشام آدم في روايته الآخيرة "آخر المحطة" فقد وصف الكلاكلة بأنها مثل "كرش الفيل"
تحياتي لك ولهشام
| |
|
|
|
|
|
|
Re: كرش الفيل !!! (Re: النذير حجازي)
|
لا حولااا ... محمد الصايم يا باش ...يا زول إنت مرقت من وين ؟!! سلام يا رجل و شوق عديل والله و لعلك بخير ياخي ... Quote: سلام للجميع وأخص صاحبنا زمان في بيوريا الحنونة البروف أمين النوتة (أبصلعة الصغير)
وقعت لي في جرح عجيب بهذا الكلام الخارم بارم سمعت أولا بكرش الفيل هي جزء من الديوم بحري جوار ميدان عقرب ثم سمعت بها رمزا لكل الخرطوم
|
ياخي أنا بيوريا طلعت منها قبل أكتر من تمانيه سنين بعد ما إنت مشيت شيكاغو و بعدها مشيت السودان ... عموما أتمني انك تكون بخير ... بعدين ياخي إنت مشترك هنا من 2003 .. الزمن داك الواحد صلعه ما عندو .... كرش الفيل دي شكلها نفس المكان الأتكلم عنو حمزة طالما قلت في بحري ... غايتو طلعنا قاعدين ساي في الدنيا دي ... -------------- قيقا يا حبيبنا .. Quote: سلامات يا بروف .. قلنا نعبي معاك كرش الفيل دي .. بحديث راكبي الفيل المافي شنو!؟ |
والله يا قيقا بقيت تمحن عديل ... أنا من زمان شاكي فيك... غايتو حفظك للكلام ده شغل ناس ما نزلت من الفيل لليلة دي !!
| |
|
|
|
|
|
|
Re: كرش الفيل !!! (Re: أمين محمد سليمان)
|
سلام يا ستهم و لعلك بخير Quote: هيثم دا بالله ما تطلعو لينا فى راسنا نحن ما ناقصين .. ولو سقط تانى ما عنده وش معانا كلمتتتكم .. الا تصرف لى واحد بروفسرايه من الشنطة .. |
تعالي النحدسك (زي ما حبوبتي الله يرحمها كانت بتقول) : دكتور هيثم ماشي بخطي ثابتة نحو رسينا .. نصيحتي ليك انك تستهدي بالله و تفرشي ليه الطريق نحو راسك لانو طالع طالع !! بعدين إمتحانات شنو يا ؟ الزول ده اديناه الدكتوراة قبيييل ! -------- النذير يا حبيبنا ...سلام ياخي ...
Quote: يا أمين أنا مما قريت عنوان بوستك "كرش الفيل" توقع إنك ح تتكلم عن هشام آدم ولا أتذكر أنني سمعت وصف "كرش الفيل إلا بعدما ذكرها هشام آدم في روايته الآخيرة "آخر المحطة" فقد وصف الكلاكلة بأنها مثل "كرش الفيل"
|
والله ده ياهو الفضل لي ... اقرأ روايات هشام أدم !! الزول ده يا نذير محض لص .. لا يتورع أن يسرق مجهود الناس و يجي يفكها في العالم الوهم الهنا ديل ... مسالة زمن إن شاء الله و أفتح ليك له بوست عشان ننتهي من الفلم ده ظاهر باطن !!
| |
|
|
|
|
|
|
Re: كرش الفيل !!! (Re: أمين محمد سليمان)
|
لست أنساك وقد ناديتني بفم عذب المناداة رقيق ويد تمتد نحوي ... كيد من خلال الموج مُدَّت لغريق آه يا قِبلة أقدامي... إذا شَكت الأقدام أشواك الطريق وبريقاً يظمأ الساري له أين في عينيك ذياك البريق ؟
--------- إبراهيم ناجي
| |
|
|
|
|
|
|
Re: كرش الفيل !!! (Re: محمد عبد الماجد الصايم)
|
الصايم يا وهم ... ياخي البوست ما بدأ ذاتو تقول لي ما يستفاد ... إيه الأرف ده !! ----------- بالجمبه كده .. إستئت جدا لمن شفت بوست البشرى لوهبه ... بطلع في إشاعات إنو موقف لسوء السلوك ... ما عارفو ظهر مالو ... بعدين ياخي إنت مش كنت في بوست (من شاء فليكفر ) ؟ .. البوست ده مشي وين ؟!
| |
|
|
|
|
|
|
Re: كرش الفيل !!! (Re: أمين محمد سليمان)
|
يا بروف .. أنا ما شفت بوست وهبة وود البشرى دا! الواحد ما ينوم في البورض دا ولّ شنو؟
أما فيما يختص بوليمة أعلاف (الكُفر) فالظاهر إنو الطيور طارت بأرزاقها .. وبعدين ما أديتو الراجل نفس زاتو ينظّر فينا شوية!!
المرة الجاية سوقوهو بالمهلة عشان (البل) يكون مركّز!!
| |
|
|
|
|
|
|
Re: كرش الفيل !!! (Re: محمد عبد الماجد الصايم)
|
Quote: لست أنساك وقد ناديتني بفم عذب المناداة رقيق ويد تمتد نحوي ... كيد من خلال الموج مُدَّت لغريق آه يا قِبلة أقدامي... إذا شَكت الأقدام أشواك الطريق وبريقاً يظمأ الساري له أين في عينيك ذياك البريق ؟
ابراهيم ناجي
|
البروف امين
هذه القصيدة مشكوك في نسبتها لناجي وقد اثار هذه المساله رجاء النقاش
وبما انو راجل نقاش فنقش حكاية انو القصيدة دي لا تشبه شعر ناجي ونسبها للتجاني يوسف بشير
واذكر في نهاية التسعينات بمكتبة البشير الريح ان تطرق لهذا الامر الاستاذ عبد المنعم الكتيابي
وذكر بانه ارسل ديوانه المعنون باشراقة 1 ( يعني ان اشراقة 2 على الطريق ) للطباعة في مصر ويحتوي الديوان على كراسة
بها مجموعة كبيرة من القصاصات
وفقد الديوان بالقاهرة وهو يبحث عن ناشر
فتم تكليف رئيس اتحاد الطلاب السودانيين بالقاهرة شيخ صادق عبد الله عبد الماجد بالبحث عن الديوان المفقود
وصلت الكراسة باوراقها بطريقة غير مفهومة لابراهيم ناجي
واقترح شيخ صادق اقامة حفل لتسليم الكراسة لاهلها من ابراهيم ناجي
وفي معرض كلمته قال ابراهيم ناجي ( لقد ضننت بالديوان )
و عادت الكراسة من دون الاوراق ! وهو المطبوع من ديوان اشراقة دون الرقم 1
| |
|
|
|
|
|
|
Re: كرش الفيل !!! (Re: ود الخليفه)
|
Quote: سلام علي الحسين و علي أبي الحسين و جد الحسين و صلي الله و سلم علي محمد و اله و صحبه أجمعين !! |
تعرف يابروف
انت مابعيد اصلك مننا
لو غصت في اعماق ( كرشك ) دي جوووووة ممكن نلقاك زول يعلن الرفض
| |
|
|
|
|
|
|
Re: كرش الفيل !!! (Re: عبدالكريم الامين احمد)
|
تحية.....شكرا جزيلا اخي عبد الكريم علي احرفك الاسفيرية عن الفقير الي الله...ونرجو ان نكون عند حسن ظنك بما يفيد ويفيض... ويشحذ للمزيد والذي يكتمل به عقد الافكار النضيد...في فضاء نجد فيه ما نريد وما لا نريد..
وطبعا تداعيات امين محمد سليمان تفتح الكثير من النوافذ بما يلزم متابعتها سوحا في فضاء الاسفير.. عسي ان نحظي بشي من الثمار ....نقابل ذلك باحسان...ونطمع في المزيد عسي ان نستظل بوارف المعاني ..فان لم نجد نظل شركاء في الهم الانساني كل يحمل مجدافه مبحرا .. هل اقول تقوده اوهامه الخاصة ام امنياته؟ .
لكم الحب
| |
|
|
|
|
|
|
Re: كرش الفيل !!! (Re: محمد عبد الماجد الصايم)
|
Quote: والله يا قيقا بقيت تمحن عديل ... أنا من زمان شاكي فيك... غايتو حفظك للكلام ده شغل ناس ما نزلت من الفيل لليلة دي !!
|
عشان كدا فصلنا النت من البيت و بقينا نكتب بالنهار .. درءاً للشبهات المتل دي!
------
هيثم (تاها) بتاع فنيلتك؟ انتو قايلننا جايين ساكين لينا كيس هنا!؟
شغالين لينا بنظام شلني و اشيلك .. لما البروف غاب ومافي زول حنسوا عشان يرجع .. هيثم فتح ليو بوست بااااائس طراهو فيو .. زول هببوا ليو مافي ..
اسي لمن بوستات هيثم بارت .. امين شغال كمسنجي يركب الناس ليها
تلقوها عند الغافل دي .. بتعرفوا دربو ول نوصف ليكم!؟
| |
|
|
|
|
|
|
Re: كرش الفيل !!! (Re: قيقراوي)
|
Quote: أما فيما يختص بوليمة أعلاف (الكُفر) فالظاهر إنو الطيور طارت بأرزاقها .. وبعدين ما أديتو الراجل نفس زاتو ينظّر فينا شوية!!
|
يا الصايم ... أنا جيت البوست داك ابتز هشام أدم زي ما مرتضي جعفر قال ... و طبعا الأبتزاز مافي ليه سكة غير انك تجيبو بالعديل ... عشان كده أنا مقتنع مليون في المية إنو هشام طلب سحب البوست لانو عارف تماما إنو أنا ما بتكلم ساي و إنو كل ما القصة تطول أنا حا أبلو زيادة .... أبانا الذي في أريزونا لا يهمه إن كفر سكان البورد فعبدو اللاة و العزي أم امنو بالواحد القهار عشان كده إستحالة يكون سحب البوست براهو ... الما عارفو هشام أدم إنو ده ما بحلو ... قصتو دايره زمن و أنا هسي ما عندي !! -------------- قرو يا معتق ... لك الشكر و أنت تبسط الامن و الامان و لرمضان حسن الرحمة و الغفران -------------- عمار ود الخليفة ... سلام يغشاك و يبراك لحدي ما يلقاك !! Quote: هذه القصيدة مشكوك في نسبتها لناجي وقد اثار هذه المساله رجاء النقاش
وبما انو راجل نقاش فنقش حكاية انو القصيدة دي لا تشبه شعر ناجي ونسبها للتجاني يوسف بشير
واذكر في نهاية التسعينات بمكتبة البشير الريح ان تطرق لهذا الامر الاستاذ عبد المنعم الكتيابي
وذكر بانه ارسل ديوانه المعنون باشراقة 1 ( يعني ان اشراقة 2 على الطريق ) للطباعة في مصر ويحتوي الديوان على كراسة
بها مجموعة كبيرة من القصاصات
وفقد الديوان بالقاهرة وهو يبحث عن ناشر
فتم تكليف رئيس اتحاد الطلاب السودانيين بالقاهرة شيخ صادق عبد الله عبد الماجد بالبحث عن الديوان المفقود
وصلت الكراسة باوراقها بطريقة غير مفهومة لابراهيم ناجي
واقترح شيخ صادق اقامة حفل لتسليم الكراسة لاهلها من ابراهيم ناجي
وفي معرض كلمته قال ابراهيم ناجي ( لقد ضننت بالديوان )
و عادت الكراسة من دون الاوراق ! وهو المطبوع من ديوان اشراقة دون الرقم 1 |
ياخي ده كلام خطير عديل ...
الأنا عارفو إنو القصيدة دي كتبها دكتور إبراهيم ناجي (و أظنه كان طبيب عيون ) و أم كلثوم لمن غنت الأطلال غيرت في كثير من كلماتها عشان تقدر تغنيها و تناسب اللحن ... و ناس كتار بستدلو بشاعرية أم كلثوم نفسها لمن غيرت في بعض الكلمات ...مثلا البيت الأول الغنتو كان : يا فؤادي، لا تسل أين الهوى كان صرحا من خيال فهوى ... في القصيدة الأصلي: يا فؤادي، رحم الله الهوى كان صرحا من خيال فهوى و برضو في : يا حبيبا زرت يوم ايكه ... إنو أصلا كان : يا حبيبا زرت يوم قبره .. و لو إنو لمن فتشت عشان أجيب المقطع الفوق ده ..ما لقيت كلمة (قبره) في القصيدة الأصليه ...لكن متذكر المسالة دي تماما .... أنا بسمع أم كلثوم و أحب أم كلثوم من المدرسة المتوسطة... و الأطلال دي بالذات من أجمل ما تغنت به ... أبدا ما سمعت بانو القصيدة معلوفة من التجاني يوسف بشير ... طبعا عدم سمعاني لا يغني من الحق شئيا ... لكن إذا كان الأمر كذلك لماذا لم تثر هذه القضيه علي مستويات عليا ليعرف بها الناس ؟ الأطلال طبقت شهرتها الخافقين حتي قيل أن ( اعطني حريتي أطلق يدي ... انني اعطيت ما استبقيت شيئا ) كانت موجهه لجمال عبدالناصر و أن القصيدة سياسية في المقام الأول ... فلماذا لم يطالب التجاني يوسف بشير و ورثته بحقوقهم من الأغنية ! و لماذا لم يعلنو و يرفقو مقاطع بخط التجاني يوسف بشير مثلا أو أي شئ يثبت أو حتي يشير إلي أنه من كتب القصيده ؟!
| |
|
|
|
|
|
|
Re: كرش الفيل !!! (Re: عاطف عمر)
|
الأخ الحبيب أمين ..
قد شدنى عنوان البوست .. " كرش الفيل " .. لأنى كنت من سكان منطقة " كرش الفيل " بجوار الخور .. بالخرطوم بحرى .. وهى منطقة الختمية .. حيث كان منزل الوالد أرجانوس جبران رحمه الله .. وهو كان ناظر مدرسة الختمية الأولية بنفس المنطقة ..
وطالما موضوع البوست هو كرش الفيل .. وكرش الفيل كبيرة ما شاء الله .. وتشيل وتخم .. أهديكم هذه النبذة عن .. أكلتنا الملوخية .. " الخدرة " وكما تسميها أمهاتنا فى السودان .. الملوخية العجيبة إذا كنت من الذين يكرهون الدواء، أو لا يستطيعون تعاطي أقراص المسكناتوالمضادات الحيوية. أو من الذين يخافون من وخز الحقن، فيكفيك تناول "أكلة ملوخية" لتستريح من آلامك التي احتار في تشخيصها الأطباء،أو فشل في علاجها الدواء!!فقد أثبت علماء المركز القومي للبحوث بمصر أن "الملوخية"لها العديد من الفوائد الصحية، حيث تقوي القلب والنظر وتخفف من متاعب الجهازالهضمي والقولون وتخلصك من قائمة طويلة من الأمراض بدون أية مضاعفاتجانبية!! ومن الآن فصاعداً توقف عن الشجار مع زوجتك إذا كنت "لا تحب الملوخية"وأحرص على أن يكون هذا "الطبق" بمثابة ضيف دائم على مائدتك الغذائية!!ويقول الدكتور فوزي الشوبكي أستاذ ورئيس قسم التغذية بالمركز القومي للبحوثبمصر: تعد الملوخية وجبة غذائية كاملة نظراً لغناها بالفيتامينات والمعادنوالكربوهيدرات والألياف، فقد اكتشف أن هذه النبتة تحتوي على كمية وفيرة منالفيتامينات (أ) و(ب) والأملاح المعدنية الهامة للجسم كالحديد والفسفوروالكالسيوم والبوتاسيوم والمنجنيز والصوديوم، وأكثر ما يميز"الملوخية" عن غيرهامن النباتات الورقية أنها لا تفقد أياً من مكوناتها الغذائية وفوائدهاالعلاجية بالغسيل والطهو، كما هو الحال مع أغذية أخرى مماثلة. وبتحليل " الملوخية" وجد أن 100جرام منها إذا كانت طازجة تحتوي على 4%بروتين، وإذاكانت يابسة فإنها تحتوي على 22% بروتين و2% دهون و11% ألياف فضلاً عن غناهابفيتاميني (أ) و(ب)وكميات عالية من الحديد الذي يقضي على الأنيميا وفقر الدمويحافظ على خلايا الجسم من التآكل، والفسفور الذي يحافظ على خلايا الدماغ ويجدد الذاكرةوينشط القدرات الذهنية،فيما يعتبر الكالسيوم أساسياً للحفاظ على الجسم والوقاية من هشاشة العظام. أما المنجنيز الذييتوافر بكميات وفيرة في " الملوخية" فهو ضروري لتوليد هرمون الأنسولين الذي يضبط مقدارالسكر في الدم ويكافح هشاشة العظامويبعد شبح العقم الذي يؤدي الى نقص المنجنيز بالجسم في بعض الأحيان إلى الإصابة به.
فوائدها الصحيةولكن كيف ينظم "طبق الملوخية" ضربات القلب ويحول دون الإصابة بالأزمات القلبية؟يجيبالدكتور فوزي الشوبكي قائلا: الفيتامين "أ" الذي تحتويه الملوخية معروف بفوائده العديدة فيالحفاظ على الجسم، فهي كنبات ورقي تحتوي على مادة"الكلوروفيل الخضراء" ومادة"الكاروتين" بنسبة أعلى من تلك الموجودة في الجزر والخس والسبانخ، وتتحول مادة"الكاروتين" في الجسم إلى فيتامين (أ)الذي يقوي جهاز المناعة ويزيد من مقاومة الجسم للالتهابات والأمراض، ويقوي النظر،ويحافظ على أغشية الكثير من الأعضاء ويحميها من الشيخوخة المبكرة والتآكل.بينما يلعب فيتامين (ب) دوراً كبيراً في تحويل الغذاء الى طاقة وإفراز الأحماض الأمينية، وزيادةإفراز الهرمونات خاصة الذكورة. كما أثبتت الدراسة توافر مادة"الجلوكوسايدز" بكميات كبيرة في نبات الملوخية مقارنة بالبصل والبقدونسوالثوم، حيث إن تلك المادة المشار اليها تحتوي على مركبات"فينولية" مثل "ال فلافونات"و"الجلوكوسيدات" وهي مواد تحمي الجسم مما يعرف بالشوارد الحرة الطليقة والمؤكسدة التيتعمل كعامل مختزل داخل الأوعية الدموية وتؤدي إلى تصلب الشرايين وزيادة نسبة الكوليسترول،وارتفاع ضغط الدم واضطراب نبضات القلب، وفي بعض الأحيان التعرض للأزمات القلبية. وأكدتالابحاث أن أكل الملوخية يقلل من تلك المخاطر ويحول دون الإصابة بتلك القائمة الطويلة منالأمراض.
وعن دور "الملوخية" في علاج متاعب الجهاز الهضمي وحصوات الكلى ،يقول الدكتورفوزي الشوبكي: تحتوي أوراق الملوخية على مادة مخاطية تسمى"ميوسولج" وكمية كبيرةمن الألياف التي تحول تلك المادة الغرائية دون حدوث مضاعفات لها لمرضى القولون العصبي، ومن يعانون من اضطرابات الهضم ومشاكل بالمعدة. ولذلك فهيوجبة سهلة الهضم وملينة، حيث تساعد على التخلص من الإمساك وسهولة عملية الإخراج،وتخفف من الاضطرابات الهضمية لمرض الكبد والجهاز الهضمي والمتوقفين حديثاً عن التدخين، والذين غالباً ما يصابون بالإسهال أو الإمساك وتهدئ الأعصاب وتقلل من الاضطرابات العصبية وتخفض ضغط الدم وتدر البول.
ولكن ما هي علاقة الملوخية بتخفيف الاضطرابات العصبية؟ يجيب على هذا التساؤل الدكتور حسين زهدي الشافي استاذ الأمراض النفسية والعصبية قائلا: تحتوي الملوخية على كميات عالية من مادة الكاروتين وفيتامين "أ" الذي يحسن من آداء الموصلات العصبية بالجسم، كما أن مادة الكاروتين والبيتاكاروتين تساعد ايضا على إفراز هرمون "السيرتونية" الذي يحسن من الصحة النفسية ويقاوم الاكتئاب ويشعر الانسان بنوع من المقاومة الذاتية والمناعية ضد المسببات العضوية للاكتئاب، ومن هنا تحفظ وجبة الملوخية حاجة الجسم اليومية من المواد المساعدة على إفراز هرمون "السيرتونين" وتحول دون التوتر والاضطرابات العصبية التي تصيب الانسان بسبب ضغوط الحياة أو التعرض لأزمات نفسية أول تناول وجبة غذائية دسمة تقلل من إفراز الهرمونات المساعدة على تنشيط الموصلات العصبية داخل جسم الانسان او تعيق الغدد الهرمونية عن إفراز المواد المقاومة للقلق والتوتر والاكتئاب. ومنشط جنسي لا تتوقف فوائد الملوخية عند كونها وجبة للسعادة الزوجية، تقاوم الاكتئاب وتخفف من القلق والتوتر، فهي ايضا، كما أثبتت الدراسة، تعد من أهم الوجبات الغذائية المنشطة للقوة الجنسية. وعن فوائد الملوخية في زيادة القدرة الجنسية وعلاج العقم ، يقول الدكتور أحمد عارف استاذ أمراض النساء والتوليد والعقم بطب القاهرة: تحتوي الملوخية على كميات عالية من فيتامين"أ" ومادة الكلوروفيل الخضراء مقارنة بالخضروات الأخرى كالخس والجرجير والسبانخ وتعمل تلك المادة وفيتامين "أ" على مقاومة التجلط بالدم وكعامل مؤكسد للشوارد الحرة الطليقة بالجسم، ومن شأن هذه السيولة التي تحدث بالدم بعد أكل الملوخية أن تزيد من معدل تدفق الدم بالاعضاء التناسلية. وهي نفس الطريقة التي تعتمد عليها التركيبات الكيماوية للأدوية المنشطة جنسياً، وفضلاً عن كل ذلك فإن الملوخية تزيد من إفراز هرمون الذكورة "تستستيرون" وهرمون الانوثة "بروجستيرون" اللذين تفرزهما الغدد الجنسية، ومن شأن ذلك أن يؤدي الى زيادة الرغبة الجنسية لدى الرجال والنساء أيضا، ولذلك تعد الملوخية منشطا جنسيا قويا وتغني عن الحاجة الى اللجوء للمنشطات الجنسية لعلاج الضعف او البرود الجنسي. علاج للعقم
واذا كان العقم ينجم في كثير من الأحيان عن ضعف التبويض لدى المرأة فإن الملوخية تحتوي على كميات عالية من العديد من المعادن وتدر البول وأهمها المنجنيز الذي يزيد من افراز هرمونات الخصوبة لدى المرأة ويبعد شبح العقم بسبب نقص هذا المعدن الهام والذي يقف وراء العديد من حالات العقم بسبب العادات الغذائية الخاطئة وإذا كانت "الملوخية" لها القدرة على علاج الكثير من الأمراض بسبب احتوائها على كميات عالية من المواد الطبية الطبيعية دون أية أضرار جانبية مقارنة بالأدوية الكيماوية والمعروفة بمضاعفاتها الجانبية العديدة فإنها كذلك تعد من أهم الأغذية للسيدات طوال شهور الحمل، وأوضح الدكتور أحمد عارف أستاذ طب النساء والتوليد بجامعة القاهرة علاقة "الملوخية" بالحمل قائلاً: تحقق "الملوخية" فوائد طبية وغذائية عديدة لمن يفضلون أكلها، فإذا كانت الدراسات قد أكدت أنها تخفض ضغط الدم وتقوي عضلة القلب وتزيد من إفرازات الغدد الجنسية سواء كانت ذكورية أو أنثوية، فإنها بالإضافة الى ذلك تعتبر بمثابة غذاء مثالي للأم الحامل، لكونها من أغنى الأغذية التي يتوافر فيها بكثرة فيتامين(أ) وهو من أهم الفيتامينات اللازمة للحفاظ على صحة الأم والجنين، كما ان الملوخية تحمي الجسم من الإصابة بفقر الدم ونقص الحديد +++
| |
|
|
|
|
|
|
Re: كرش الفيل !!! (Re: Sudany Agouz)
|
يا اخوانا إستميحوني عذرا أن أفط الترتيب للترحيب باخونا سوداني عجوز الذي جاء لهذا البوست ليبشر بالملوخية !! التحية و التقدير يا سوداني يا عجوز و كتر خيرك علي موضوع الملوخية ده ... أنا واحد من الناس اللي ممكن تعلف ملوخية يومي قبل ما أعرف فوائدها الجبتها في كلامك ده ... هسي بعد كلامك ده إحتمال أشربها بدل قهوة الصباح !!
| |
|
|
|
|
|
|
Re: كرش الفيل !!! (Re: أمين محمد سليمان)
|
سلام يا وليد و لعلك بخير ياخي Quote: تعرف يابروف
انت مابعيد اصلك مننا
لو غصت في اعماق ( كرشك ) دي جوووووة ممكن نلقاك زول يعلن الرفض |
غايتو أنا رفضكم ده ما بعرفو ... لكن لو غصت في كرش أي سوداني بتلقي محبة صادقة للحسين و أمه وأبيه و جده صلي الله عليه و سلم ... محبة ممتدة لا تحدها حدود لهم ولآلهم و لذريتهم ... مشكلة السودانيين مع الشيعة - فيما أعتقد - جايه من سب الصحابه و تصوير الشيعه ليهم بانهم بلا أخلاق ... خانو الله و رسوله و هو ما لا يسنده عقل و لا منطق و لا آيات الله و أحاديث رسوله المتواترة عنهم .. مرات يا وليد بتدوني إحساس انكم زي الزول العندو مشكلة شخصيه مع الصحابه .. عقيدتكم كلها -فيما أري- قايمة علي سب الصحابه و تسفيههم !! -------------------- يا عاطف ياخي this is too much والله ... أسال الله أن يجعلني خيرا مما تظنون... وأن يغفر لي ما لا تعلمون... وأن لا يؤاخذني بما تقولون !! -------------------- قيقا الحاقد ...Quote: شغالين لينا بنظام شلني و اشيلك .. لما البروف غاب ومافي زول حنسوا عشان يرجع .. هيثم فتح ليو بوست بااااائس طراهو فيو .. زول هببوا ليو مافي ..
اسي لمن بوستات هيثم بارت .. امين شغال كمسنجي يركب الناس ليها
|
هيثم أعمق من الأطلنطي جهة ميامي و كل ما اقرأ ليه حاجة ازداد قناعة إنو الزول ده أعمق مما تصورت ... ياخي أنا بحب الزول الحجتو ناصعة حتي لو رايي إختلف معاهو ..خليه لمن يطابق ... عالم حاقدة !! أسمع ... في التسجيلات الجديدة ... في زول اسمو أمين سالم (بالانجليزي) check him out !
| |
|
|
|
|
|
|
Re: كرش الفيل !!! (Re: أمين محمد سليمان)
|
أخ كريم اسمو الصادق ميرغني رسل لي الايميل ده بخصوص بقالة كرش الفيل : Quote: سلام سيد امين بخصوص كرش الفيل طبعا المحل نفسه موجود ولاكن الاسم تغير وحتى المحتوى والناس واهلنا ساكنين ورا الدكان ناس عبدالكريم ميرغني لو بتعرفوا وانا شخصيا قريت الاهلية لاكين انت شكلك عجوز فما بنكون اتلاقينا ههههههههههههههههههه
|
مؤسف جدا تغيير الاسم ... كرش الفيل كان إسم معبر جدا !! بعدين يا سيد صادق ياخي أنا فعلا زول عجوز ... يومداك قريت في واحد من البوستات إنو في زول معانا هنا مولود سنة 1994 .. يعني بعد ما أنا إتخرجت من الجامعة بتلاتة سنين ... يعني لو الواحد كان شد حيلو شويه كده كان ولدو بكون بالي الناس دي هسي !! -------------- ساعود لاكتب عن محمد عثمان إبراهيم و عصومي أخو البنات المكعوج ( أو كما قال البندر ) !!
| |
|
|
|
|
|
|
Re: كرش الفيل !!! (Re: أمين محمد سليمان)
|
Quote: ساعود لاكتب عن محمد عثمان إبراهيم و عصومي أخو البنات المكعوج |
أيوااااا دا المفيد شنو يا بروف من امس تلف وتدور شابكنا البقالة و الفيل و وهبة وهيثم وخضر وتتزاوغ من الموضوع الرئيسي
يا بروف حاسي بزنقتك والله و ذكرّتني زنقة اساسي و ملاسي ( وآخرين) في بوست المسنجر بتاعك ههههههههههههه
| |
|
|
|
|
|
|
Re: كرش الفيل !!! (Re: هيثم طه)
|
Quote: غايتو أنا رفضكم ده ما بعرفو ... لكن لو غصت في كرش أي سوداني بتلقي محبة صادقة للحسين و أمه وأبيه و جده صلي الله عليه و سلم ... محبة ممتدة لا تحدها حدود لهم ولآلهم و لذريتهم ... مشكلة السودانيين مع الشيعة - فيما أعتقد - جايه من سب الصحابه و تصوير الشيعه ليهم بانهم بلا أخلاق ... خانو الله و رسوله و هو ما لا يسنده عقل و لا منطق و لا آيات الله و أحاديث رسوله المتواترة عنهم .. مرات يا وليد بتدوني إحساس انكم زي الزول العندو مشكلة شخصيه مع الصحابه .. عقيدتكم كلها -فيما أري- قايمة علي سب الصحابه و تسفيههم !! |
يابروف ظناً متل ده تاني ماتظنو
دي كلها حركات من ناس البر التاني سااكت ؟
نحن ماشاغلين بيهم اصلا ائمتنا ومعاهم الرسول الاعظم صلي الله عليهم وسلم كتار ومغطين كل المساحة لكن يجوك ناس يقولوا ليك ياخي فلان وعلان وفرتكان ديل احسن من اهل البيت !!! نحن يانسكت يانرد اها نقوم نجيب الادلة والاحداث وآليات التفضيل من قوة وشجاعة وسابقة وعلم و... و... الخ يقوم الطرف التاني يزمزق ويطفش الكورة ويلصق ليك التهمة الازلية ( انتوا بتسبوا الصحابة )
ـــــــــــــــــــــــــــــــــــــــــــــــــــ عليك الله يابروف الف واربعمية سنة الفكر السني ده مسيطر علي مقاليد الحكم في الاسلام من بني امية لبني العباس ولحدي بني فلان ديل وصلتونا وين ؟!! براك احكم واديني رايك . كدي ادونا فرصة معاكم نمشيها بالفكر الشيعي شوية يمكن تلفق معانا ومعاكم في مقولة منسوبة لعمر بن الخطاب بتقول ( والله لو ولوها الاجلح لحملهم علي المحجة البيضاء ) يقصد الامام علي طبعاً
| |
|
|
|
|
|
|
Re: كرش الفيل !!! (Re: وليد التلب)
|
أمين ود جيراننا ازيك وحمد الله على سلامة العودة
البقالة الكانت في ود أرو تحمل هذا الاسم أي كرش الفيل كانت من اوائل البقالات الحديثة بأم درمان وصاحبها رحمة الله عليه هو عادل الطاهر من أسرة القبانية المعروفة بهذه المنطقة وكانت فعلا بقالة عامرة باصناف اللحوم والا######## والمعلبات
وكنا بنمشي من ابي روف نتسوق منها لما تكون الاحوال متيسرة.
أما التسمية على حسب علمي كانت مستلفة من التعبير الذي يطلق على مدينة ام درمان نفسها لانساعها وتنوعها.
وهذا ليس تحيزا لام درمان لكن هذا ما علمته واختزنته منذ طفولة باكرة.
لاول مرة اعرف ان الاسم يطلق على منطقة ببحري وكله وارد.
اذا احتجت اي مساعدة في البل نحن حاضرين خاصة دينا وقيقا وود الصايم اصلو البل دا نحن اسياده ومولودين جمب البحر.
| |
|
|
|
|
|
|
Re: كرش الفيل !!! (Re: سناء الصباغ)
|
Quote: " كرش الفيل " .. منطقه كرش الفيل جوار الخور .. بالخرطوم بحرى .. وهى منطقة الختمية |
الاخ أمين
سلامات
لي زكريات طفوله جميله في كرش الفيل
انا من مواليد منطقه كرش الفيل والخور المذكور هو
خور الديوم او خور نصرالدين السيد
وهو والد اللاعب الفذالهلالي فايز نصرالدين السيد
نبذه قليله او جزاء من القليل عن ابن ووالد بحري الفاضل
السيدنصرالدين السيد
Quote: كتبت يوما مشيدا بلوحات طرق الخرطوم ومبسوط من جمالها وسألت عن شارع ببحري
كتبوا عليه شارع نصر الدين وسألت من نصر الدين؟وانهالت علي الهواتف والرسائل مستغربة جهلي
بنصر الدين السيد اول هاتف جأني باكرا من صديقي الدكتور حسن السيد بالله يا احمد انت ما بتعرف نصر الدين السيد؟
قلت سبحان الله وهل تصدق ان واحدا من جيلي لا يعرف نصر الدين السيد ؟ قال طيب الشارع دا باسمو. يا اخي
حرام عليهم لماذا لم يكتبوا شارع نصر الدين السيد.
ورسالة من اتحادي متعصب صديقي مصطفى جاد الرب مستنكرا عدم معرفتي بنصر االدين السيد
وسالني اما سمعت بهتافات بحري ( الدائرة لمين لنصر الدين). يا مصطفى الذي سمعته عن نصر الدين السيد الوزير العجيب
كثير وكثير وزع كل اراضي بحري ولم يعط نفسه منها متراً ومات مستأجرا في حي عادي.
ولماذا كتبوا شارع مأمون بحيري ولم يكتبوا مأمون حاف .إذا كتبوا شارع مامون سيسأل الناس اي مامون تقصدون
مامون البرير، مامون عوض ابو زيد، مامون قرجة ،مامون س مأمون ص ولكنهم قطعوا هذه السلسلة من الافكار بتثنية
الاسم مامون بحيري خلاص مامون بحيري.ومن من جيلي لم يحمل اوراق عملة عليها توقيع مأمون بحيري.
لماذا لم يفعلوا نفس الشي مع نصر الدين السيد؟
ومن الانترنت جئتكم بهذه الفقرة . (هل يعلم القراء وجميع ساكني مدينة بحري ان السيد نصرالدين والى أن توفاه الله
كان لا يملك منزلا له ولاسرته رغم ان كل مدينة بحري قامت على أياديه ورغم انه كان الضابط الاداري لمدينة الخرطوم بحري
وكان عضوا في مجلس الشعب لعدة دورات وكان وزيراً للحكم الاتحادي وكان يسكن بالايجار والى أن توفى كان في سكنه المؤجر بالدناقلة
شمال شرق البيت السوري الآن حتى لم يخصص له منزلا حكومياً.)محمد محمد جابر موظف بالمعاش الخرطوم بحري.
رحم الله ذلك الرجل الزاهد النقي. هل يموت الوزير الان وهو في بيت مؤجر ولا يملك فيلا ولا عمارة ولا ولا ولا ؟؟
نعتذر للذين ظنوا اننا لا نعرف هذا العلم نصر الدين السيد. وما كان التقصير منا ولا العيب فينا ولكن العيب في ( مَحَقة)
من أمر بكتابة ( شارع نصر الدين ) واقول له الأمر يحتاج منكم مجهوداً بسيطاً هو إضافة كلمة (السيد)
وبسرعة لهذه اللوحة الجميلة ولو تطلب الأمر إادتها من جديد.إذا كان مثلي الذي ينحو للستين التبس عليه الأمر
ولم يعرف من نصر الدين فما بالك بشباب هذا الزمان- وهم طلاب في الجامعات-و يسألون عن اشخاص أحياء مثل من هو محمد عثمان الميرغني ومن هو
الصادق المهدي.
ارجو أن تعدلوها بسرعة مشكورين لتصبح ( شارع نصر الدين السيد) |
منقول
من سودانايل
مقال استاذ \ أحمد المصطفى إبراهيم
خارج النص
ناس بحري تعالوا هنا
| |
|
|
|
|
|
|
Re: كرش الفيل !!! (Re: سناء الصباغ)
|
أخي أمين محمد سليمان عودا حميدا .. وذكرى عطرة لشوارع امدرمان .. أنا من ابوروف .. بقالة كرش الفيل تقع شمال بيت الزعيم الازهري وقبل استوب ودارو .. في النص .. مقابل الكوفيرات .. صاحبها من القبابين كما تفضلت الاخت سناء بذكر ذلك .. كانت قبلة الموسرين بما تقدمه من اصناف عزيزة في ذلك الزمان .. اشتهرت البقالة بالدجاج الجيد والاجــبان والمعلبات .. وكنا نقصدها عصراً بدري بالعجلات بعد ما الوالد (رحمه الله) يصرف الماهية والامور تتيسر .. ونعود والسرج محمل بما لذ وطاب .. يا سلام على الايام ديك بالنسبة للبل وخلافه اقنور .. قريت لهيثم طه .. وله مداخلة في هذا البوست نخص قيقراوي لانو هبشو ..هو انسان واضح إلى حد كبير ولكن أعيب عليه انتقائيته في تناول المواضيع .. في زول برضو ما هين (هشام عباس) .. لا تجمعني به معرفة ولكن كتاباته تستحق الاشادة دمتم جميعا بكل خير
| |
|
|
|
|
|
|
Re: كرش الفيل !!! (Re: سناء الصباغ)
|
تحديدا، لا أذكر اخر مرة قرأت فيه بوستا مفيدا في هذا البورد، في ظني أن عبقرية هذا المكان نابعة مما يتيحه لنا بورد (أبانا الذي في أريزونا ) في التعرف عن قرب علي ناس لو انفقنا عمرنا و مثليه معه للتعرف عليهم ما أستطعنا ، من هؤلاء الناس عندي : محمد عثمان إبراهيم و عصام جبرالله .... قبل حوالي شهر أو يزيد وتحديدا في بوست ( نظرة يا نافع ) و اللي حبيبنا عبد المحسن سعيد جاب فيهو عمود كتبو محمد عثمان إبراهيم بنفس العنوان ... عصام كتب لمحمد عثمان : Quote: تموت الحروف يوم تقوم الأعمده * مقام الطبول ... و البخور و الم ع ر ص
|
و هو جزء من قصيدة للقدال، إستبدل فيها عصام كلمة (القصائد) ب (الأعمدة) و الكلام جاء في سياق إنو محمد عثمان غرضو النفاق و التزلف لنافع ...مما يعني - ربما لكل من يقرأ - أن محمد عثمان ب ت ع ر ص للحكومه ... في نفس البوست عصام نفي إنو ده قصدو... و قال لو كان قاصد كده كان قالها ليه عديل ... محمد عثمان ما رد علي عصام و لو بحرف ... نظرة يا نافع! هنا لمن أراد الأطلاع عليه ... بعدها بحوالي شهر نقل حبيبنا ناذر فتح بوست مقال للأستاذ محمد عثمان ابراهيم حول جائزة الطيب صالح وبشرى الفاضل ..! و جاب فيهو مقال عمود محمد عثمان ... أول مداخلة لعصام في البوست ده كانت : Quote: سلام يا ناذر و سؤال مباشر عبر بوستك لمحمد عثمان ... عاوز تناكف و تتعولق و لا عاوز تتناقش و تتحاور؟ و ممكن نشرح العولاق البعملو محمد عثمان شنو, و أضيف أنا واحد من ناس - غير متفقين أو منسقين - عندهم ارتياب في محمد عثمان و كتاباته من فتره, انو هدفها و مصلحتا ما البلد الإسمو السودان و لا أهلو , بالوضوح ده, لأنو السؤال أبدآ ما كان مصلحة الحكومه و لا مصلحة المعارضه. لكن و من كتابات محمد عثمان نفسها بتشكك في إفتراضي ده اللى هو الإرتياب في محمد عثمان ... أها يا محمد عثمان ... عاوز تتحاور و تتناقش و تاخد و تدى و لا عاوز تركب أعلى مافي خيلك؟
|
محمد عثمان ختا مداخلة عصام دي مع الفي البوست القبلو و كتب ما كتب و ما عايز انقل كلامو الكتبو لانو يسؤني إنو محمد عثمان الذي أعرف كتب مثل هذا الكلام و يسؤني أكتر إنو إتكتب في حق عصام جبر الله و أسرتو رغم سوء كلام عصام لمحمد عثمان !! ده باختصار ترتيب الأحداث فيما دار بين محمد عثمان و عصام حسب ما تابعت ...
| |
|
|
|
|
|
|
Re: كرش الفيل !!! (Re: أمين محمد سليمان)
|
الكلام الكتبو محمد عثمان في حق عصام و أهلو كلام معيب و غير مبرر و أساء لمحمد عثمان بملايين المرات أكتر مما أساء لعصام و أسرتو و مهما كان الغضب و الشعور بالاستهداف و الترصد مافي سبب يخلي محمد عثمان يزج باهل عصام في قضية هم ما طرف فيها أصلا و لا كان موضوع النقاش عنهم و لا عصام أصلا جاب سيرتهم ... باختصار شديد أري إنو عصام استغضب محمد عثمان و محمد عثمان أراد الأساءة لعصام فاساء لنفسه .... بعدها نصبت المشانق لمحمد عثمان و فتحت البوستات و انهالت المداخلات فيضانا من الأساءات و الشتائم ... بالطبع ما كل الناس أساءت لمحمد عثمان ...لكنهم - بما فيهم أنا ذاتي - ادنا ما كتب محمد عثمان ... و دخل في وسط الناس من إختلفو مع محمد عثمان في راي أو تقاطعو معه في السابق أو عندهم مشاكل و غباين فكالو الشتائم و الأساءات ... اتحدث عن العميان الشايل المكسر الهبو لادانة محمد عثمان ... اتحدث عن أوصاف وصف بها محمد عثمان لا تمت له و لا للبشريه ذاتها بصفة ... اتحدث عن ادانات من زول زي تراجي مصطفي !!!!
| |
|
|
|
|
|
|
Re: كرش الفيل !!! (Re: أمين محمد سليمان)
|
و في منبر ( أبانا الذي في أريزونا ) تتداخل الاشياء... تختلط الألوان... تلبس الشياطين لبوس الملائكة ...تطمس كلمة الحق و تكال العدالة بمئات المكاييل ... و ساضرب مثلا لاني كنت طرفا فيه و لابين لماذا زججت باسم تراجي : قبل اسابيع فتحت بوست أرجوكم كفو عن إستخدام باسويردات الناس !! للاحتجاج علي الأتهامات المطلوقة بلا سند و لا دليل علي إستعمال ساسة معرفون لباسوردات بعض الاعضاء في هذا المكان الجائر ... و هي إتهامات ظلت السيدة تراجي تطلقها لشهور عدة من غير هدي أو كتاب منير ... فتحت البوست و تراجي فهمت الكلام غلط تماما و ظنت أن البوست مفتوح لتعضيد وجهة نظرها في إتهام الناس ... و في غمرة فهمها الغلط قالت لي اضرب لي تلفون عشان أفت ليك حاجات تانيه ... لمن عرفت انها راكبه غلط ... البل بدأ ... قلت ليها إنت قبل شويه كنتي بتحنسي فيني اضرب ليك تلفون ... ده كان ردها لي : Quote: كونه اعتبرك مهتم واقول لك البعرفه كثير لو حريص اتصل يبقى اسمها حسنيتني(ههههههه) ما غريبه على قرايب احمد سليمان المحامي؟!
|
و الكلام ده من محلتو ما قام !! مافي زول علق عليهو ( بما فيهم أنا ذاتي ) ... أنا ما علقت خفت أن يساء بسببي لوالدي الذي بين يديه مرة أخري ... و بالطبع أنا لا الوم أحد و لا جئت بهذا المثال إلا لاوضح أن من بين من أدان محمد عثمان ... أهل العيب ذاتم ... الذين يسيئون لابائنا و اهلنا احيائهم و أمواتهم ثم لا يتورعون يحاضرون الناس عن الأخلاق ... خلاصتي أن عصام جبرالله أخطأ في حق محمد عثمان لكنه لم يخرج عن المألوف - و من المؤسف أن تكون في اساءتنا لبعضنا البعض مألوفا - و محمد عثمان took it to the next level فاساء لنفسه و لنا أجمعين حينما ظن أنه يسئ لعصام بما كتب ... و أن الموضوع لا علاقة له بالجندر و إضطهاد المراه و باقي الكلام ده ... و يبقي هؤلاء الناس من خاصة من أحب في هذا المكان و أعلم أني علي إصلاح ما بينهم لقدير !!
| |
|
|
|
|
|
|
Re: كرش الفيل !!! (Re: أمين محمد سليمان)
|
الحلوين ... البشرى دكتور هيثم وليد التلب مدثر كنة سلامات و تحيات طيبات ... و سلامات و تحيات طيبات خاصات لابروف و ناس ابورف : سناء الصباغ و مصطفي كدفور ... ها هي الأرض تغطت بالتعب ... ماشي أنوم لانو يوم بكرة كان الله حينا عندي بل من بدري !!
| |
|
|
|
|
|
|
Re: كرش الفيل !!! (Re: أمين محمد سليمان)
|
Quote: . خلاصتي أن عصام جبرالله أخطأ في حق محمد عثمان لكنه لم يخرج عن المألوف - و من المؤسف أن تكون في اساءتنا لبعضنا البعض مألوفا - و محمد عثمان took it to the next level فاساء لنفسه و لنا أجمعين حينما ظن أنه يسئ لعصام بما كتب ... و أن الموضوع لا علاقة له بالجندر و إضطهاد المراه و باقي الكلام ده ... و يبقي هؤلاء الناس من خاصة من أحب في هذا المكان و أعلم أني علي إصلاح ما بينهم لقدير !! |
دي النجيضة يا بروف
| |
|
|
|
|
|
|
Re: كرش الفيل !!! (Re: محمد عبد الماجد الصايم)
|
Quote: أسمع ... في التسجيلات الجديدة ... في زول اسمو أمين سالم (بالانجليزي) check him out !
|
Done
من زماااااااان انت قايلني انا هنا راعي بي شنو هو!؟ زولنا بالمناسبة
انشتايني حتى النخاع ما اخدر
----------
هيثم تاها .. ياخي انت مش تهت بس .. انت تنكبت الدرب عدييييل حيمنا دخلت الينا من باب الخروج في زول يخش بورد من لا بورد لهو دا و يعلن اعجابو بما يهرف به البروف!؟ ياخي ما في حاجة بوظت لي اخلاقي المنبرية غير معرفة البروف دا!! قبلو كنت مواطن اسفيري صاااالح .. لا بشاغب .. لا بناكف الصلعة المقدسة و بهتف بحياة ابا الذي في اريزونا .. واكرر المواصلات فااااضية .. والرغيفة كبيييييييرة اقنعني باننا نبقى معارضة .. و انتهينا نعارض المعارضة ذاتا .. و نبتذل نضال المناضلين!!
انجو سعد .. فقد هلك سعيد مع انو بقولوا (السعيد) بشوف في غيرو لكن قيقا سعيد شافا في ي ي ي نفسو دي
تحياتي ليكم ياخ و محبة شديدة ما شايف ليك عيب يا هيثم غير علاقتك بالبروف دي!!
يا أمين والله الكلام عن الاستاذ/احمد سليمان زعلني في وكتها .. لكن ما كتبت النصيحة كتمتها .. اكضب! خفت ساااي!! وليغفر الله لنا
| |
|
|
|
|
|
|
Re: كرش الفيل !!! (Re: قيقراوي)
|
البشرى ياخي ... سلام بالسا ...Quote: يا بروف حاسي بزنقتك والله و ذكرّتني زنقة اساسي و ملاسي ( وآخرين) في بوست المسنجر بتاعك ههههههههههههه |
مافي زنقات ... في زعلات علي الحصل ...و في إستياء من معايير بعض الناس .. ------------ يا دوك ...Quote: يا قيقا ياخي الزول دا ما يفتنك بيْ ! هو شغال فيني (بلْ) بطريقة مبتكرة بفتكرها و تذاكي منبري جديد ! لكن خليهو يقول كلامو دا و يبل زول ما بعرف يعوم ! و بعدين يا قول عاطف هو داير يعرف منك مدي (خضرنتو ) ليك ! ما شايفو بدعو ربنا (بان لا يؤاخذه بما يقول قيقا) ! و طيب ياخي! غير انو حاسدني في الدكتواراة الحقيقية بتاعتي و داير يحذفها و يديني دكتوراة من النوع القالو سيدنا البوشي رضي الله عنه في وجه السلطان نافع !
خليك اذكي منو منبريا ياخ كورتك فكت ولة شنو يا قيقا ! و لك في بشاشا اسوة حسنة ! باعتبارو الوحيد الما ممكن كورتو تفك في البورد لانو بشوت باص واحد في اي اتجاه ! |
نحن أديناك الدكتوراة دي ساي ؟ ما عشان جنس مداخلاتك دي !! ------------ وليد التلب ..سلام ياخي ...
Quote: عليك الله يابروف الف واربعمية سنة الفكر السني ده مسيطر علي مقاليد الحكم في الاسلام من بني امية لبني العباس ولحدي بني فلان ديل وصلتونا وين ؟!! براك احكم واديني رايك . كدي ادونا فرصة معاكم نمشيها بالفكر الشيعي شوية يمكن تلفق معانا ومعاكم في مقولة منسوبة لعمر بن الخطاب بتقول ( والله لو ولوها الاجلح لحملهم علي المحجة البيضاء ) يقصد الامام علي طبعاً |
ياخي الله يسالك : في الالف واربعمية سنة القلتها دي.. ياتو مقاليد حكم استلمها الفكر السني ؟ الناس دي من زمن الخلفاء الراشدين مدورين فينا حكم عضوض يعضعض فينا ساي لحدي ما وصلنا لحالتنا دي .. كل مرة أقول أسالك و أنسي ... عندك أي علاقة بالطيب و التجاني التلب في ابوروف ؟
| |
|
|
|
|
|
|
Re: كرش الفيل !!! (Re: أمين محمد سليمان)
|
سناء يا جاره .. سلامات و تحيات طيبات و لعلك و المعاك طيبين .. شكرا علي المعلومات الضافية عن بقالة كرش الفيل ... القصة طلعت تعبير متداول و حي في بحري و أخوك قايل الموضوع بقالة ...
Quote: اذا احتجت اي مساعدة في البل نحن حاضرين خاصة دينا وقيقا وود الصايم اصلو البل دا نحن اسياده ومولودين جمب البحر. |
دينا وقيقا وود الصايم لا يحتاجو لبل : مبلولين خلقة الله !! ----------- سلام يا مدثر و لعلك بخير Quote: لي زكريات طفوله جميله في كرش الفيل
انا من مواليد منطقه كرش الفيل والخور المذكور هو
خور الديوم او خور نصرالدين السيد
وهو والد اللاعب الفذالهلالي فايز نصرالدين السيد
نبذه قليله او جزاء من القليل عن ابن ووالد بحري الفاضل
السيدنصرالدين السيد
|
شكرا يا مدثر علي هذه المعلومات ... فايز نصر الدين من أحرف من دق كفر في السودان الشقيق .. لم أكن أعرف إنه إبن نصرالدين السيد .. ------------ سلام يا مصطفي و لعلك بخير ...Quote: بالنسبة للبل وخلافه اقنور .. قريت لهيثم طه .. وله مداخلة في هذا البوست نخص قيقراوي لانو هبشو ..هو انسان واضح إلى حد كبير ولكن أعيب عليه انتقائيته في تناول المواضيع .. في زول برضو ما هين (هشام عباس) .. لا تجمعني به معرفة ولكن كتاباته تستحق الاشادة
|
قريت كم بوست لهشام و فعلا أسلوب كتابتو تستحق الاشادة .. و إن بدت لي بعض الحده في بعض ردوده علي مخالفيه ... رغم أنف قيقراوي... يبقي الدكتور هيثم طه أعمق من وطئت قدماه هذا البورد الجائر في السنة الماضية !! -----------
Quote: دي النجيضة يا بروف |
شكرا يا الصايم .. في بوست ناذر يا الصايم ... كتبت إنو كلام محمد عثمان لعصام (من اسوأ من قرأت في هذا المكان ) .. عندي صديق متابع لصيق للمنبر ضرب لي تلفون قال إنت عصرت علي محمد عثمان بكلامك ده .. قلت ليه أنا ما عصرت عليه ... جزء كبير من سوء هذا الكلام جاي من إنو الكلام ده طلع من محمد عثمان ... لو طلع من (أهل العيب ) مافي زول كان سال فيه و دونك المنبر و ما فيه من شتائم و اساءت يوميه من (أهل العيب) زول بسال فيها أو بقيف عندها مافي !! -----------
Quote: ياخي ما في حاجة بوظت لي اخلاقي المنبرية غير معرفة البروف دا!! قبلو كنت مواطن اسفيري صاااالح ..
|
سئيلي الله يا قيقا .. أخلاقك المنبريه بايظة قبال ما أنا أجي المكان ده ذاتو ... بعدين ياخي دكتور هيثم ده زي حنك المريخاب لمن يتبلو .. لا يبطره نصر و لا تحبطه هزيمة ... كلامي عنو ما بغير شي بينا ... بكره كان لقاني مطرف ببلني مع البالين !!
| |
|
|
|
|
|
|
Re: كرش الفيل !!! (Re: أمين محمد سليمان)
|
Quote: دينا وقيقا وود الصايم لا يحتاجو لبل : مبلولين خلقة الله !! |
يا بروف .. أمرق لينا قيقا دا من النص!! عشان الواحد يكون مرتاح نفسيا وهو مبلول!!
| |
|
|
|
|
|
|
Re: كرش الفيل !!! (Re: أمين محمد سليمان)
|
الحكومة السودانية ممثلة في شخص الرئيس ظلت تطلب من الناس إيراد الادلة علي وجود الفساد ... في الوقت الذي كانت (التيار) تقدم الوثيقة تلو الوثيقة و التحقيق الصحفي تلو الاخر كان كثير من منسوبي المعارضة يقولون أن (التيار) ضالعة في حرب اجنحة الحكومة المتصارعة و أنها لا تعمل لاجل الحقيقة و الوطن ... التيار استمرت في تقديم وثائق الفساد حتي إضطر رئيس الجمهورية بالتصريح إنهم (فساد شركة الأقطان ده كانو عارفنو ) ... اليوم (التيار ) موقوفة و مسحوب عنها تراخيص عملها .. صحفييها و موظفيها و عمالها بلا عمل ... و السبب أنهم تكلمو حينما كان الصمت سيد المواقف في باقي الصحف ... أوقفتهم الحكومة و لعنتهم المعارضة ... و في ذلك بلاء من ربكم عظيم !! التحية للاخوان عثمان ميرغني و عبدالباقي الظافر و لكل صحفي و موظفي و عمال التيار و غدا تعود التيار (سيدة نفسها مين اسيادها) !!!
| |
|
|
|
|
|
|
Re: كرش الفيل !!! (Re: أمين محمد سليمان)
|
Quote: لو في زول عندو معلومة عن صحة الكلام ده أساسا ... |
سلام أخانا الجميل عابر سبيل مع اللسان الطويل بيكون متأكد عشان ما يقصروهو ليهو . :) لكن باقي لي كمية الرش الفكاهو في الوزيرة وصلَو حدو . . . . ___________ استمتعت والله . ونسة أم درمانكم دي فتشوا ليها تمبس عشان يكرهنا زياده :)
| |
|
|
|
|
|
|
Re: كرش الفيل !!! (Re: Rawia)
|
يا كرش ... يا عوااليق أبو صلعتك رسل النمره و الايميل لزوم ألمك في صاحبنا
و بطِل فارغاتك دى ... ركز مع الرجل الأبيض و اللخدر تبعو ... بنفعوك في اليوم الأسود
| |
|
|
|
|
|
|
Re: كرش الفيل !!! (Re: esam gabralla)
|
وطالما تحولت القصائد الى اعمدة ايضا فى هذا البوست اها دا عمود محمد عبد الماجد ختو مع الملوخية فى كرش الفيل !
الموت رمياً بالطيران أو أدب سقوط الطائرات
(1) < الخرافة السودانية (الحديثة) شيء ما إذا جاز (تزمينها)... تقول إن هنالك طائرة سودانية سقطت. < مثلما تسقط كل الطائرات في السودان.. (كووو). < كوّنت لجان تحقيق. < وخرج ألف تصريح من هذه اللجان يؤكد أن سبب (السقوط) [red]عطب فني[/red]... رغم أن كل اللجان لا يوجد فيها [red](فني)[/red] واحد. < أما (الصندوق الأسود) فقد وجدوا فيه كلاماً غير (صالح للنشر). (2) < عندما تسقط طائرة. < نفقد عشرة أشخاص أو مائة. < يخرج حيّاً من ركاب هذه الطائرة (شخص واحد). < نحتفي بهذا الشخص... وندفن المائة شخص والحقيقة. (3) < الأستاذ الكاتب الصحفي الطاهر ساتي كان من المفترض أن يكون ضمن ركاب طائرة المتعافي التي سقطت، لولا ارتباطه بمحكمة لما إعتذر عن السفر، حسبما جاء في صحف الأمس. < الطاهر يمقت (المحاكم)... غير أنه هذه المرة مدين للمحكمة التي أنقذته من موت محقق. < معروف أن الطاهر ساتي «معتاد محاكم» في قضايا النشر. < أجزم أن الجهة الشاكية لو كانت تعرف بهذه الأقدار لشطبت القضية قبل (48) ساعة من موعد إقلاع طائرة المتعافي من الخرطوم. < هذا درس للشاكين أن المحاكم تنفع الصحفيين من حيث لا تدرون. (4) < في علبة السجائر... مكتوب من قبل وزارة الصحة (التدخين ضار بالصحة). < في العربات التي تنقل مواد الوقود مكتوب (قابل للاشتعال). < في الطائرات السودانية نرجو إضافة عبارة صغيرة لن تضيركم بشيء. < اكتبوا على طائراتنا... (قابل للسقوط). < بدلاً من (العطب الفني) الذي تتعللون به عند سقوط أي طائرة. (5) < أتمنى صادقاً أن يكتب لنا الشاعر هاشم صديق قصيدة بعنوان (عطب فني).. لتماثل لنا (قرنتية). < أو تماثل قصيدته الشائعة (صالح عام).... أو (صالح خاص)... إن أراد هاشم صديق الكتابة عن سواقط الطائرات السودانية. (6) < أتابع محاكمات محمد حسني مبارك بشيء من اللا مبالاة. < أصبحت محاكمته راتبة... لا جديد فيها. < حتى وزير داخليته السابق حبيب العدلي يظهر في الهيئة نفسها.. بدلة زرقاء وثبوت باهت. < وأبناء مبارك بالزي الأبيض (الناصع) يقومان بنفس الدور لاستدرار العاطفة. < ومبارك باسط ذراعيه على عينيه. < رجاءً إذا قضت المحكمة بإعدام محمد حسني مبارك.. أن تفعلوا ذلك بأن تجعلوا حسني مبارك يركب طائرة سودانية. < ركبوه طائرة سودانية... ثم اتركوا الأمر من بعد للعطب الفني. < أما حبيب العدلي سيموت بالوكالة. (7) < نحن حقاً نمتلك مسؤولين (مجاهدين). < مغامرين بحق الكلمة. < فهم لولا مغامراتهم تلك لما ركبوا في طائرات أشبه بـ(ويقام المأتم). (8) < السؤال الذي ظللت أسأله لنفسي بعد مشاهدة الطائرة التي استقلها الدكتور عبد الحليم المتعافي وصحبه في سفريتهم العملية، ليس كيف (خرج) المتعافي من هذه الطائرة؟. < السؤال الذي ظللت أسأله هو كيف (دخل) المتعافي هذه الطائرة؟. < هل هناك دخول للطائرة بالأقساط المريحة؟. (9) < قالت المضيفة الداخلية بالمطار... بصوت (جوي) معروف: < على الركاب المسافرين بالرحلة رقم (511) والمتجهة نحو (الدار الاخرة). < دفع رسوم (المغادرة). < ثم أضافت بصوت (جوي) أيضا.... رسوم المغادرة (النهائية). (10) < البشوف طائراتنا الجوية. < تهون عليه (باصات الولاية). (11) < (أقلع) عن التدخين. < لكن مع هذه الأجواء... يخشى أن (يسقط). (12) < النعامة لم تجد الجري و(الطيران). < مع ذلك يقولون إن النعامة تدفن رأسها في الرمال... أظن أننا نحن الذين ندفن رؤوسنا في الرمال.
| |
|
|
|
|
|
|
Re: كرش الفيل !!! (Re: دينا خالد)
|
و عليكم السلام يا عمران ... Quote: عابر سبيل مع اللسان الطويل بيكون متأكد عشان ما يقصروهو ليهو . :) لكن باقي لي كمية الرش الفكاهو في الوزيرة وصلَو حدو
|
ما عندي شك يا عمران إنو الفاتح جبرا ما ممكن يكتب كلام زي ده و يبل البل ده بدون ما يكون متاكد من إنو فعلا اتقال ... لكن والله ما متخيل إنو الاستخفاف و السفه وصل بالكيزان المرحلة دي ... معقوله بس ؟! و والله ما مزعلني تعيينا لأخوها قدر اللعبسه بالدين و الأستلخاخ الحاصل ده ... بكرة يجي مسؤل يعين خطيب بتو و يقول ليك عينو إستنادا علي طلب بت سيدنا شعيب ( يا أبت استأجره ) !! ---------------
Quote: و عن إذنك ولو سمحت أسحب مداخلتي |
يا ستهم ... كتبتي و سحبتي ... يعمينا كان شفنا شي !! --------------- يا كعوجه !! Quote: يا كرش ... يا عوااليق أبو صلعتك رسل النمره و الايميل لزوم ألمك في صاحبنا
|
غايتو البندر ما خاتي عليك كلو كلو .... ياخي إنت مفروض ترسل لي نمرة الزول ... أنا عايز اضرب ليه... ما العكس ... ---------------
Quote: وطالما تحولت القصائد الى اعمدة ايضا فى هذا البوست اها دا عمود محمد عبد الماجد ختو مع الملوخية فى كرش الفيل !
|
شكرا يا ستهم علي رفد البوست بعمود محمد عبد الماجد ... الزول ده عندو طريقة مميزة جدا في الكتابة ... كلمات بسيط و مليانة ...
| |
|
|
|
|
|
|
Re: كرش الفيل !!! (Re: أمين محمد سليمان)
|
هناك ود مفقود بيني و بين الفيس بوك ... لا أتعاطي الفيس بوك و لا يتعاطاني ... حتي حسابي فيه لم افتحه أنا ... اغلقت الحساب مرات عديدة و كل مرة أعيد فتحه بسبب ... اخر مرة اعدت فتحه للمشاركة في مجموعة ( معا من أجل سودانيزاونلاين ) لكني ما كتبت فيها حرفا ... حتي في بريدي أغلب الأحيان لا أنظر إلي أي رسالة من هذا الويب سايت اللعين !! هذا بمثابة إعتذار و اعلان غير مدفوع الأجر لكل من أرسل طالبا صداقتنا و لم يتلق ردا ... أغلب الظن أني لم أطلع عليها أصلا ...
| |
|
|
|
|
|
|
Re: كرش الفيل !!! (Re: أمين محمد سليمان)
|
كلمة الحبيب الإمام الصادق المهدي في تأبين فقيد البلاد الفنان محمد وردي مساء الاثنين 20 فبراير 2012م بسم الله الرحمن الرحيم الحمد لله والصلاة والسلام على رسول الله وآله وصحبه ومن والاه أخواني وأخواتي أبنائي وبناتي السلام عليكم ورحمة الله. أنا أريد أن أكتب عبارات على شاهد الراحل وردي، وأبدأ بالحديث عن أن في تراثنا الإسلامي من يحرم الموسيقى والغناء دون وجه حق، لأن كثيراً من المحققين أمثال ابن حزم والغزالي وابن القيسراني أكدوا عدم صحة هذا التحريم. ومقولة الغزالي: من لم يحركه العود وأوتاره والربيع وأزهاره فاسد المزاج ليس له علاج. في التركية تفسخ المجتمع مما أدى لموقف صارم من المهدية حول هذه القضايا: ومن يك حازما فليقس أحيانا على من يرحم. ولكن بعد ذلك فإن الإمام عبد الرحمن انطلاقاً من كلمة المهدي نفسه: لكل وقت ومقام حال ولكل زمان وأوان رجال، صالحنا مع هذا التراث، مصالحة امتدت لكل الذين قاموا في هذا المجال حتى أن عبيد عبد الرحمن أحد شعراء الحقيبة قال في رثائه: آويتنا ودنيتنا وناديتنا بي أسمانا ولميت شقة الفرقة الزمان قاسمانا أيادي نعمتك في كل شيء مقاسمانا
لقد قدمت بهذا لأدخل في الموضوع لأن هناك ناس عندهم حرج في الكلام في هذا الموضوع. المعنى الذي أود أن أكتبه أولا في هذا الشاهد أن هذا الرجل كان مغنياً وشاعراً وكان موسيقاراً وكان ملحناً، وقد غنى قصائد لحوالي 25 شاعراً فكأنما هو قد غنى لديوان شعراء السودان، هذه المسألة انفرد بها لأن كثيراً من الفنانين يغنون لواحد أو اثنين منهم. كان رحمه الله فخوراً بنوبيته ولكن كذلك فصيحاً في عروبته، والعروبة أصلاً لم تكن ولن تكون عرقاً، العروبة لسان كما قال رسول الله صلى الله عليه وسلم ولذلك عروبة العربي بلسانه وليس بعرقه، ولذلك كان هو تجسيداً لرفض الشعوبية ولرفض العروبية. كان لذلك يجسد هذا المعنى: عَزْمَ تِرْهاقا وإيـمان العروبة عَرَبَاً نـحنُ حملْناها ونُوبة كان قيثارة لضمير الشعب في محطات مصيره المختلفة: كرري تحدث عن رجال كالأسود الضارية، عبد اللطيف وصحبه، اليوم نرفع راية استقلالنا، أصبح الصبح فلا السجن ولا السجان باق، بلا وانجلا، والموقف الضميري من الانقلاب الأخير (سلم مفاتيح البلد). في كل هذه الأمور كان يمثل ويعبر عن ضمير الشعب. تغنى بصوت جهور بلا غلظة. رقيق بلا تشبه محتفياً بالمحبة وكثير من الناس يؤثّمون المحبة، المحبة فيها الأثيم، ولكن المحبة في حقيقتها (هُوَ الَّذِي خَلَقَكُم مِّن نَّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا) [1]، هذا السكون هو المحبة، المحبة هي الصماغة للعلاقات بين الناس: قَال قَوْم إِن الْمَحَبَّة إِثْم وَيْح بَعْض الْنُّفُوْس مَا أَغَبَاهَا إِن نَفْسَا لَم تعرف المحَبة هِي نَفْس لَا تَدْر مَا مَعَنَاهَا أَنَا بِالْحُب قَد عرفت صحبي وَأَنَا بِالْحُب قَد عَرَفْت الله المحبة هي ثمار العلاقة بين البشر لولاها لا تقوم العلاقة إلا كما الحيوان. صار سفيراً شعبياً فنياً للسودان في القرن الأفريقي وفي شرق أفريقيا وفي غرب أفريقيا بل حيثما يتغنى الناس بالنغم السلم الخماسي كان هناك حاضراً ومقدماً بين المطربين. إن أنسى لا أنسى يوم كنا في الاحتفال الأخير يوم شهدنا احتفال الجنوب بانفصاله وكنا في مائدة وقلت للأخ ياسر عرمان: أين وردي؟ لأنه كان متأخراً في الفندق قال هو تعبان قلت له خذ رسالة مني قل له قال لك فلان ضروي تحضر فجاء، عندما غنى أغنية يا بلدي يا حبوب، وبعدين أغنية أصبح الصبح وحينما جاء المقطع: أبداً ما هنت يا سوداننا يوما علينا، كل القيادات الجنوبية الموجودة وقفت ترقص وتبشر، قلت له يا أخي الفنان أنت استطعت أن تجسر الهوة التي فشل الساسة أن يزيلوها. كان ظاهرة عبقرية في الصوت والموسيقى واختيار الكلمات، وفي الحقيقة الفن االمبدع لا يموت فهو خالد وحتى الآن نحن نتغنى بالحقيبة، ولا شك أن فنه خالد: مزمار من مزامير داؤد، حتى لدى الهرم، حتى لدى الشيخوخة كان صوته فتيا كما يقول المتنبي: وَفي الجِسمِ نَفسٌ لا تَشيبُ بِشَيبِهِ وَلَو أَنَّ ما في الوَجهِ مِنهُ حِرابُ يُغَيِّرُ مِنّي الدَهرُ ما شاءَ غَيرَها وَأَبلُغُ أَقصى العُمرِ وَهِيَ كَعابُ
غادرنا ومشهد وفاته كان تقديماً حقيقياً لأوراق اعتماد الفن على أساس أنه من لبنات الحضارة السودانية. كان هذا المشهد يؤكد هذا المعنى. الحقيقة أن أهل السودان عبروا عن هذا المعنى اللهم إلا قلة معلبة محنطة أحفورية لأنه: (مَنْ حَرَّمَ زِينَةَ اللَّهِ الَّتِيَ أَخْرَجَ لِعِبَادِهِ)؟ [2] ظنوا التدين تكشيرا وعكننة وقبضة وجه في صحب وفي ولد الدين مسحة بشر واغتنام مودة ما أبعد الفرق بين الدين والنكد ألا رحمه الله رحمة واسعة وربنا قال في حديث قدسي: وَرَحْمَتِي وَسِعَتْ كُلَّ شَيْءٍ"، وقال حكيم من العرب: يَا عظيمْ الذَّنْبِ عَفْوُ اللَّهِ مِنْ ذَنْبِك أَكْبَرْ أَكْبَرْ الأشياءِ فِي أصْغر عفو اللَّه تَصْغُر نسأل الله سبحانه وتعالى له الرحمة الواسعة وقد أسعد كثيراً من السودانيين وأبهجهم وأفرحهم والرسول صلى الله عليه وسلم يقول: "الْخَلْقُ عِيَالُ اللَّهِ فَأَحَبُّهُمْ إِلَى اللَّهِ أَنْفَعُهُمْ لِعِيَالِهِ" [3]، قد أدخل البهجة والسرور على كثير من الناس. نسأل الله سبحانه وتعالى حسن العزاء لزوجه ثريا ولأبنائه والبنات عبد الوهاب وصباح وحافظ وجوليا وحسن ومظفر وكافة أسرته الصغيرة، ولكافة أسرته الكبيرة نحن أهل السودان الذين فقدنا هرما من إهراماتنا المعنوية الفنية. والسلام عليكم.
| |
|
|
|
|
|
|
Re: كرش الفيل !!! (Re: أمين محمد سليمان)
|
تحياتي يا بروف امين
حزب الامة موجود في كرش الفيل وبيت الرئيس في الملازمين من هذا المنطلق كانت المداخلة.
اشجب واستنكر الحجر على الحريات في هذا البوست
| |
|
|
|
|
|
|
Re: كرش الفيل !!! (Re: عاطف عمر)
|
Quote: رغم أنف قيقراوي... يبقي الدكتور هيثم طه أعمق من وطئت قدماه هذا البورد الجائر في السنة الماضية !!
|
البعجبني فيك يا بروف .. وكاسر فيني ضلعتين ذاتو، وثوقيتك الشديدة دي! والله صحي
------
بالمناسبة الوزيرة اشراقة - دفعتنا في اقتصاد- ما كوزة ولا حاجة! والله صحي
اتحادية وفد المقدمة جناح (الشريف)!!
لوووووووب
ما قلت ليك دوغمائ و ديمواجوجي بكتحة عطرون و فليفر فسيخ يا عزيزي القارئ!؟ وقع ليك كلامنا عزيزي المشاهد!؟ لا بشاشا لا جادات ما غلطانين عليك كلو كلو
| |
|
|
|
|
|
|
Re: كرش الفيل !!! (Re: قيقراوي)
|
حبيبنا البروف أمين سلامات
يا أمين شايفك شايل تقيل من هشام آدم لا لسبب سوى أنه أعلن إلحاده في هذا المنبر وبعدين يا أمين بالجد بالجد هشام آدم روائي عبقري ودي ما شهادتي أنا مركز عبد الكريم ميرغني أعترف له بذلك وفازت له رواية بجائزة أحسن رواية سودانية، فهو يعد من أحسن الروائيين السودانيين.
والحاجة التانية يا أمين، برضو كتبت في هذا البوست بأنه يغيظك من لم يصل على الرسول (ص) وأظنك زعلان من هشام لأنه لم يصل على الرسول (ص)؟! وبعدين يا أمين إنت ما مختلف مع هشام لسبب سوى أنه ملحد وأظن في أمريكا التى تعيش فيها دي بسموها تمييز ديني وتعد جريمة، وللأ شنو يا أمين؟!
تقبل تحياتي وتقديري
| |
|
|
|
|
|
|
Re: كرش الفيل !!! (Re: النذير حجازي)
|
سلامات يا النذير
Quote: والحاجة التانية يا أمين، برضو كتبت في هذا البوست بأنه يغيظك من لم يصل على الرسول (ص) وأظنك زعلان من هشام لأنه لم يصل على الرسول (ص)؟!
|
الكتبو امين في البوست دا عن (الصلاة على النبي) كان مجرد رواية او قصة عن اصدقاء/اولاد حلة وعلى لسان (الكابتن) طيار بطل الرواية!
رغم انو لخبت الاختساس، لكن عهدة الراوي ما بتحمل امين المسئولية .. ياخي اذا كان ناقل الكفر ليس بكافر .. يبقى ناقل الصلاة على النبي مدان!؟
-------
معاك انو أمين -كسلفي سري- ماخدا تقيلة جدا.. رغم قناعتي بانو عندو محركات تانية (السرقة الادبية) لكن بتلومو!؟ انا شخصياً لا الومه ..
في نظري الخاص جداً، مسألة العقيدة حاجة شخصية جداً .. زي (السروال) الداخلي بالضبط ليه نشرها العام!؟
اي زول يفكر مليون مرة، انو عقيدتو الشخصية حتصطدم جداً بعقائد غيرو .. ولا قاعدة/ دستور، او أي موئل مناسب للحفاظ على السلام الاجتماعي هنا و لا في البلد!!
بالله عليكم لي وكتها (حتى اقرار دستور جامع).. كل زول يلم سروالو عليو بالله!
| |
|
|
|
|
|
|
Re: كرش الفيل !!! (Re: قيقراوي)
|
عزيزنا قيقا، سلامات
يا قيقا، أصلو ما ح تقنعني أنو السبب هو التشكيك في النزاهة الفكرية لهشام آدم، لأنو في ناس هنا كتار قبضوهم بالثابتة أمثال عبد الرازق الطالب وغيره، وأمين ما حاتيهو قرض معاهم زي هشام آدم، وللأ شنو يا قيقا؟!
تحياتي
| |
|
|
|
|
|
|
Re: كرش الفيل !!! (Re: النذير حجازي)
|
Quote: يا قيقا، أصلو ما ح تقنعني أنو السبب هو التشكيك في النزاهة الفكرية لهشام آدم، لأنو في ناس هنا كتار قبضوهم بالثابتة أمثال عبد الرازق الطالب وغيره، وأمين ما حاتيهو قرض معاهم زي هشام آدم، وللأ شنو يا قيقا؟!
|
والله يا النذير لو قلت ليك ان ذلك كذلك اكون بجامل في صاحبي ساي .. وما عاوز اجامل .. بالاحرى ما قادر
أمين غواصة سلفية .. ودي معروفة طبعاً
لكن برضو هشام آدم بعملا حامضة جداً ..
في بوست العلف من الخواجة جورج .. بدل ما يدافع عن موقفه - الملتوث اصلاً- فت كدا حشر لينا فيها (الله) برا سبب على ما اعتقد انو حجتو -في انو ما علف بدون اذن - انو ناس مؤمنة ليها بي إله ما قادرة تثبت وجوده، اكيد بتكون شايفة حضرتو (سارق)!!
دا منطق دا في ذمتك!؟ هو منو هو القال انو مسئولية اي زول انو يبرر ويشرح اعتقادو (منطقياً)!؟ ياخ كدي عاين لرئيس الهند .. الدولة النووية الكبرى هو عالم فيزياء بالدرب العديييل داك .. لكن هندوسي ساي، يجي يركع لي بقرة! امك .. تاني جاب سيرة السراويل!! لا يحق لي ابداً ما قلته اعلاه لكن وماذا نفعل مع من يحشر عقيدتو/عدمها في معرض تشتيت كورة في تهمة سرقة!!؟
يا النذير امين باالغ .. لكن عندو مليون حق
-----
يا امين فعلاً غيرو قاعد تجي تقرقر معاهم ساي .. ودي نقطة ضدك هنا!
| |
|
|
|
|
|
|
Re: كرش الفيل !!! (Re: قيقراوي)
|
Quote: اشجب واستنكر الحجر على الحريات في هذا البوست |
يا عمر أنا ذاتي بستنكر معاك ... قيقا و النذير حاجرين حريتي في بل هشام أدم ... ناسين إنو المادة 78 من قانون العقوبات الدولي المنظم للحقوق الأساسية للأنسان .. الفقرة الرابعة فيهو واضحة جدا ( من حق كل مواطن بل أخيه المواطن بسبب و بدون سبب ) !! --------------------
Quote: أنا هببت حاجة ولاّ حاجة؟؟
|
حاشك يا أبو أمين ..لكن ناس ود الصايم مستغلين المادة 78 .... ببلو بلا سببب !! ------------------- النذير و قيقا .. سلام يا حلوين .. عندي مشوار صغير كده و بجيكم في موضوع هشام أدم .... لكن سئيلي الله يا النذير هشام يكون شماك شمة ... ما بكون داير الموضوع ده يتفتح كلو كلو ... ياخي ده فتح بوستو الأخير ..جيت إبتزيتو ( إبتزازية ) صغيرة ... سحب البوست سما أرض ما لقيتو ... !! عموما بجيكم بعد شوية أوضح ليكم مشكلتي بالظبط شنو مع هشام أدم
| |
|
|
|
|
|
|
Re: كرش الفيل !!! (Re: أمين محمد سليمان)
|
يا بروف آكشوالي هم مش حجروا على حقّك في بل هشام بل الإحتجاج بقى على لماذا لم تبل آخرين فعلوا ما فعل هشام عموما دي ما القضية اسي قلت لي جاي متين من مشوارك , مؤشر التشويق - تقرأ الشمار - عندي (سكّر) العداد
| |
|
|
|
|
|
|
Re: كرش الفيل !!! (Re: أمين محمد سليمان)
|
بما ان اسمه قد ورد في هذا البوست تحت اي مبرر فهذا مدعاة لان اقول التالي
ان البائس حسين ملاسي درج في هذا المنبر على الاستفزاز والنفاق والتملق لهذا لا اجد حرجا في وصفه بالبائس رغم ان هذه المفردة اقل ما يستحق .
بهتني البعض باني استغل طيبة هذا البائس وهذا لعمري بهتان عظيم فلا معرفة سابقة لي بهذا البائس فقط منذ ان وطئت اقدامي ارض هذا المنبر ان صح التعبير تعرضت لحملة شرسة من بعض اولي القربى السياسية ولما فشلت في التجاهل اضطررت لاستخدام ذات اسلحتهم ثم مضيت لاداء رسالتي النبيلة في المنبر انطلاقا من واجبي الانساني والديني والاخلاقي والحزبي والانصاري وهلمجرا وفي خضم الحرب المستعرة في الاسفير وقتها خضت في وحلها واستخدمت ذات اسحلتهم ورددت على البعض بضاعتهم مضاعفة ولم يكن من بين كل هؤلاء البائس ملاسي فكانت المفاجاة ان البائس حسين ملاسي فتح بوست باسم شخصي متسائلا في رعونة وسفاهة ######رية وتهكم عن من الذي يكتب باسم عمر فضل المولى ؟ وهذا البائس لم يلتق بشخصي اخذين في الاعتبار انه حصل على شهادة السجل الصحفي قبل كم شهر بعد لاح في راسه بياض والصلع وشخصي الضعيف تحصل عليها قبل سنوات عديدة وغادرت السودان بعدها ولم ارجع بعد فكيف طابت نفس هذا الانسان ان يتجرا بفتح مثل هذا البوست لولا انه بائس ومنافق ومتملق وسفيه حقا وحقيقة ....
وبعد
اقولها وفي هذا البوست الذي اشتهر لشهرة صاحبه باني ساكون كاتب لا يشق له غبار
وشكرا
| |
|
|
|
|
|
|
Re: كرش الفيل !!! (Re: عمر عبد الله فضل المولى)
|
أرجو أن يغفر الله تعالى لي مما ورد في حق الأخ حسين ملاسي بسبب إفتقادي له
_________________
أمين أخوي تاني كان غبت وما فقدناك ما تزعل مننا مااااا بنقدر على زى الذنوب دي وأنا عافي ليك ولكل الأخوان كان غبت ما تفقدوني
| |
|
|
|
|
|
|
Re: كرش الفيل !!! (Re: عاطف عمر)
|
الاخ عاطف عمر
لك التحية والاحترام
تاكد بان الله لن يعاقبك بهذه السهولة فهو يعلم خائنة الاعين وما تخفي الصدور فلن يظلمك ابدا لانه يعلم النية فارجو ان تغير الدعاء الى اللهم اهدي حسين ملاسي عن العبث والنفاق والتملق الذي يمارسه في هذا المنبر .
ما كتبه عنه حقائق تمشي على رجلين ولم اتبل عليه فهو الشخص الوحيد الذي فتح اكثر من 2 بوست تشهيرا بشخصي وهو حتى الان لا يعرف من انا ولا من اي مكان في السودان اسكن ولا اين درست ولا ماذا درست .....
افقد من تشاء يا حبيب وستعطى حسنات وليس العكس فالله ليس بظلام للعبيد
وشكرا
| |
|
|
|
|
|
|
Re: كرش الفيل !!! (Re: عمر عبد الله فضل المولى)
|
د . أمين Quote: ناسين إنو المادة 78 من قانون العقوبات الدولي المنظم للحقوق الأساسية للأنسان .. الفقرة الرابعة فيهو واضحة جدا ( من حق كل مواطن بل أخيه المواطن بسبب و بدون سبب ) !! |
يعني نتوكل على الله وعلى المادة الخدرا دي ساي
| |
|
|
|
|
|
|
Re: كرش الفيل !!! (Re: حمد عبد الغفار عمر)
|
يا أبو أمين ... البين عمر و حسين ده إلا يحلو رب العالمين ... حسين ما بشتم عمر لكن بستفزو و عمر ما داير سبب عشان يشتم حسين ... ممكن يدور فيهو عادي بدون ما إنت ولا أي زول تاني يتذكرو ذاتو .. فما تشعر بذنب ساي... و يا عمر ... كان لمتك قعده في الزايلة دي مع حسين تزعل من روحك زعل علي شتايمك ليه دي ... فياخي سالتك بالذي سواك (و أنا حاسبك زول خايف الله ) ملاسي دي ما تذكرو لا بخير لا بشر طالما هو ما ذكرك ... لو جاب سيرتك بسوء بلو ما تخليه ليه جمبه يرقد عليها ... لكن كمان ما ممكن زول صحبو يفقدو .. تجي تبل بلك ده !! ------------
Quote: يعني نتوكل على الله وعلى المادة الخدرا دي ساي |
حمد يا حبيبنا ... يا زول بل ساي... الحبة ما بتجيك !! منبر (أبانا الذي في أريزونا ) ده المكان الوحيد اللي المادة الخدرا دي مطبقة بحذافيرها !!
| |
|
|
|
|
|
|
Re: كرش الفيل !!! (Re: أمين محمد سليمان)
|
كتبت رد طويل و عريض في موضوع هشام معنون للنذير و قيقا و البشرى بمؤشراتو ... يمين بالله أربعة مداخلات ضاعت مثلما تضيع الأشياء الجميلة في بلادي ...ما عارفها ضاعت كيف ذاتو ... المهم ضاعت و ما عندي لا قدرة لا مزاج علي كتابة تانيه هسي .... صباحات الله بيض !! ------------- و عشان كده يا قيقا أنا بحبك رغم أنف تيجا الأصلع و البشرى و من لف لفهم... لانك تبصرني ببصيرة العارفين و تقرأني قراءة من كشف الله له الحجاب !! عندي مداخلة طويلة في الموضوع ده كان الله هون ..
| |
|
|
|
|
|
|
Re: كرش الفيل !!! (Re: أمين محمد سليمان)
|
Quote: حسين ما بشتم عمر لكن بستفزو و عمر ما داير سبب عشان يشتم حسين ... ممكن يدور فيهو عادي بدون ما إنت ولا أي زول تاني يتذكرو ذاتو .. فما تشعر بذنب ساي... و يا عمر ... كان لمتك قعده في الزايلة دي مع حسين تزعل من روحك زعل علي شتايمك ليه دي ... فياخي سالتك بالذي سواك (و أنا حاسبك زول خايف الله ) ملاسي دي ما تذكرو لا بخير لا بشر طالما هو ما ذكرك ... لو جاب سيرتك بسوء بلو ما تخليه ليه جمبه يرقد عليها ... لكن كمان ما ممكن زول صحبو يفقدو .. تجي تبل بلك ده !!
|
عذرا للمحاولات البائسة لصرف البوست عن مساره لكن كان لابد من استغلال هذا البوست
يشهد هذا المنبر ان البائس حسين ملاسي فتح اكتر من 2 بوست اكرر اكتر من 2 بوست كلها للتشهير بشخصي الضعيف .... محشوة باساءات سافرة لشخصي فلا ادري كيف تسمي هذه استفزازات فقط يا استاذ امين ؟! ثم اني والشهادة لله ما قاعد اشتم شخص بدون سبب دائما ارد بضاعة شخص له او له بضاعة كاسدة اكرر ردها اليه حتى يرعوي والجدير بالذكر انني اتخذ قرار مؤخرا بعدم الاساءة لاي شخص حتى تراجي مصطفى لا مؤاخذة يعني واستثنيت من ذلك البائس حسين ملاسي يعني تصدق بالله حتى تراجي مصطفى اعلنت التوقف عن ملاحقتها ببضاعتها لكن يبدو اني ساعود لاضعها مع ملاسي في سلة واحدة ... بخصوص لمة معه فانا لن اندم على رش الشخصية الاسفيرية الملاسية لاني لم اقطع اي حاجة من راسي بل وصفته بما يستحق فهو بائس حقيقة ومنافق لانه يفتري على الله الكذب فهو لا يعرفن ولم يلتق بشخصي ومتملق وهذه ما محتاجة ما يسندها .... فاذا لم يعتذر عن العبط والعبث الذي مارسه ويمارسه في هذا الاسفير سيجد التوصيف المناسب لشخصه دون شطط او زيادة فاخوك يعدل حتى مع امثاله فلن ازيده اكثر مما ارى وبما يسنده الحق ... وان كان هذا البائس على ارض الواقع شي اخر فانا لم التقه في الشارع لاوجه هذه الاوصاف جزافا بل التقيته في هذا المنبر وحينها لم ابادره بل هو الذي هجم مفتريا على الله الكذب والنفاق فتصديت له بالحق لا يحب الله الجهر بالسوء من القول الا من ظلم ( فهل تقبل يا سيادة البروف ان يفتح شخص اكتر من بوست للنيل من شخصك بالباطل ؟ نعم اي بوست للقدح في شخصك او النيل منك او التشهير بك هل ستقبل ذلك ؟ حتى لو استخدمت في التشهير بك لغة استفزازية هل ستصمت وتقول ان ذلك استفزازا وان عمر اهل العوض شخصية طيبة ؟ .... عليه اكرر اذا كان ملاسي على ارض الواقع شيئا او كان اسما حركيا فانا وجهت اوصافي للشخصية المنبرية استنادا على حقائق دامغة ما تخرش الموية .... جدير بالذكر ان سيادتي ايضا شخص كويس جدا تعلو محياي ابتسامة نص كم واهل عوض .... الخ.
عذرا مرة اخرى على هذا الاقحام واتمنى ان عدت في المرة القادمة ان اتحدث عن موضوع البوست
| |
|
|
|
|
|
|
Re: كرش الفيل !!! (Re: عمر عبد الله فضل المولى)
|
Quote: و عشان كده يا قيقا أنا بحبك رغم أنف تيجا الأصلع و البشرى و من لف لفهم... لانك تبصرني ببصيرة العارفين و تقرأني قراءة من كشف الله له الحجاب !! عندي مداخلة طويلة في الموضوع ده كان الله هون .. |
طولّ تكتك* يا بروف .. ما تضايق
اهو بنستخدم حقوقنا الدستورية في المادة 87 من الاعلان العالمي لحقوق الانسان في بل اخيه الانسان
--------
* دا تعبير من ضهارينا الحنينة .. صراحة ما عارف العلاقة شنو بين طول التكة، و طولة البال! لكن اهو زي ما شايفين في "شرح السروال" مفيدة جداً للبال ..
يا أمين مبلول يا حبيب ألبي ..
انا الدياغنوسس بتاعي لدقنوسك الدوغمائي دا بقول: انك هارب من السلفي الجواك
قيقا راوي المحن و البلاوي .. اديب (مرشح) اخصائي المخ و الاعصاب السلفية بالمنبر .. اعصابك يا بروف!!
| |
|
|
|
|
|
|
Re: كرش الفيل !!! (Re: قيقراوي)
|
Quote: كتبت رد طويل و عريض في موضوع هشام معنون للنذير و قيقا و البشرى بمؤشراتو ... يمين بالله أربعة مداخلات ضاعت مثلما تضيع الأشياء الجميلة في بلادي ...ما عارفها ضاعت كيف ذاتو ... المهم ضاعت و ما عندي لا قدرة لا مزاج علي كتابة تانيه هسي .... صباحات الله بيض !! |
احييييييا ... و عض سبابته اليمنى حتى خلته قاطعها
يا بروف لكن ما معقول كدا ياخ .. ساهرت بينا ساي
| |
|
|
|
|
|
|
Re: كرش الفيل !!! (Re: محمد البشرى الخضر)
|
تعرف يا امين غايتو لو ما اخاف الكضب و ما قاعد اخاف منو كتير ! بوستك دا شكلو ح يترحل من ربع لربع في البورد دا و ح يكون شاهد لكل مأسي و افراح هذا المنبر - -صراع الشيعة و السنة -الايمان و الالحاد ملتقي الاصدقاء و معارك الاعداء -المهم اي زول داير يبل زول ممكن يجي يبلو هنا و يمشي ! و باختصار بوست من لا بوست له في هذا المكان الجائر ! و اي زول بعد عشرين سنة داير يعرف كان في شنو في المنبر -ممكن يدي طلة للبوست دا و يعرف الحاصل ! و في النهاية البوست شكلو بعبر عن النضج الاسفيري الكامل للبروف في مسيرته السايبرية في تاريخ السودان المعاصر !!! -----
بالمناسبة مشكلة محمد عثمان شكلها دخلت المنبر كلو في ازمة اخلاقية لا اول ولا اخر لها و البل الحاصل ليهو حاصل ليهو بالرافة لانو غالبا هو صاحبك بس ! اتخيل !!! --- بخصوص هشام ادم - بصراحة مقاربتك ليهو في البوست الذي تخطفه الشيطان كان من مبادئ فكة الكورة عندك ! أكان هشام هو الـ طلب سحب البوست او انسحب بواسطة اولي الامر في هذا المكان -في النهاية السحب كان انقاذ ليك و رافة بك و بكورتك بس !! و عموما منطق البل بتاعك شكلو كان : ياخوانا انتو ما عارفين هدف الزول دا و انا قارئ نواياهو كويس ! و شكلو بلك كان وقع لناس كتار في جرح -- لكن في النهاية - شكلو - في نظري- دون ان تدري كان بساهم بصورة غير مباشرة لنشر المنطق بتاع قراءة النوايا و الخفايا و الشفتنة المنبرية !!- و اي زول عارف الاهداف الغير معلنة لاي شخص ممكن يبل الزول بحجة : انتو ما عارفين حاجة و انا عارف الزول دا داير يقول شنو ! -- عموما منتظرين ما ستجود به قريحتك لتبرير منطق البل الظالم بتاعك في هذا الشان المنبري الهام !
| |
|
|
|
|
|
|
Re: كرش الفيل !!! (Re: هيثم طه)
|
الأخوان النذير ... قيقا... البشرى... دكتور هيثم ... سلام يغشاكم و يبراكم لحدي ما يلقاكم ... بالنسبة لموضوع هشام أدم ... مشكلتي معاه إطلاقا ما عندها علاقة بالحادو و هناك جزء كبير جدا مني مقتنع إنو هشام ما ملحد أصلا ... القصة كلها قشرة تبع التفكير و الفلسفة و جزء من بل هشام الذي لا ينتهي ... من ناحية تانيه أنا إتناقشت و إتحاورت مع هشام في أكتر من بوست و النقاش كان في منتهي الأدب و الأحترام ... إلحاد هشام أو غيرو - إن وجد- يحاسبه به الله مثلما يحاسبنا جميعا ... تبقي قصة إلحاد هشام في عضمها ما ما هي أساس الخلاف و إن كان عندي مليون راي في الألحاد البطلعو ليه مداعي ده !! مشكلتي مع هشام مشكلة شخصية جدا ... إحتدينا في بوست الإعجاز العلمي في الشعر الجاهلي شتمني و أنا إتهمتو بسرقة مجهودات الناس و إتحداني باثبات سرقاتو و قال لي بالحرف : Quote: أمين سليمان ألم أقل لكَ إنك إمعة، وتنعق بما لا تعرف. وحتى لا يكون الأمر مُجرّد كلام وجعجعة، فأنا أتحداكَ يا أمين أن تثبت أيّاً مما ذكرت. ولو كنتَ صادقاً مع نفسكَ سوف تكتشف أن كل أدلتكَ على هذه التهم كلام أُثير هنا بلا أدلة أو براهين، ولهذا نصحتكَ –صادقاً- ألا تكون إمعة. فقط أريد أن أقول لك: "إن كنتَ ما أنتَ عليه واختبرناه لك هنا من قبل، فأرح نفسك، فلا تملك شيئاً يجالدونك عليه" فأنتَ كآخرين كُثر في هذا المنبر، تحمل جُراباً خاوياً، لا يستحق عناء المجالدة. والفارق بيني وبينك كبير جداً
|
بعدها بكم يوم فتحت ليه بوست لماذا يعلف هشام أدم من مائدة الخواجه جورج بدون اذنه ؟! و جبت فيها إثباتات و دلائل علي إنو هشام يسرق من كتب الفلسفة و يجي يفكها في الوهم الهنا ديل ... ده موضوعي باختصار مع هشام أدم ...
| |
|
|
|
|
|
|
Re: كرش الفيل !!! (Re: أمين محمد سليمان)
|
Quote: وبعدين يا أمين بالجد بالجد هشام آدم روائي عبقري ودي ما شهادتي أنا مركز عبد الكريم ميرغني أعترف له بذلك وفازت له رواية بجائزة أحسن رواية سودانية، فهو يعد من أحسن الروائيين السودانيين.
|
يا النذير أنا ما روائي و يندر جدا اني اقرأ رواية كان سودانية لا عالمية ... و أنا لم اتحدث ابدا عن مقدرة هشام الأدبية لاني الكلام ده ما بعرفو ... أنا إتحدثت عن إنو هشام لص يسرق مجهودات الاخرين و ينسبها لنفسه و دونك بوست العليفة القاعد فوق ده .. دايرك كان ما قريتو تقراه - كلو بالله لانو في عليفة مثبته في الاخر - و تجي تقول لي : هل سرق هشام مجهودات الخواجة جورج و علف كلام فراس السواح أم لا !!!
Quote: يا قيقا، أصلو ما ح تقنعني أنو السبب هو التشكيك في النزاهة الفكرية لهشام آدم، لأنو في ناس هنا كتار قبضوهم بالثابتة أمثال عبد الرازق الطالب وغيره، وأمين ما حاتيهو قرض معاهم زي هشام آدم، وللأ شنو يا قيقا؟!
|
كلامك هنا صاح يا النذير ... أنا ما فضحت هشام عشان النزاهة الفكرية و الجبنة بالطعمية .... أنا فصختو لانو إتحداني أثبت الكلام ده عليهو و أنا أثبتو ... ------------- قيقا بالدمعة !! Quote: يا امين فعلاً غيرو قاعد تجي تقرقر معاهم ساي .. ودي نقطة ضدك هنا! |
أيوه يا قيقا ... لانو غيرو مافي زول شتمني و لا في زول إتحداني و قال لي أثبت كلامك ده و لا فيهم زول طارح نفسو أديب و روائي و فيلسوف و الجنية حبتو و أدتو بوسة في المطبخ ... و الأهم من ده ما فيهم زول قليل الأدب زي هشام و مطنقع و مستعلي علي الناس زيو !! ------------ سلام يا دوك Quote: بخصوص هشام ادم - بصراحة مقاربتك ليهو في البوست الذي تخطفه الشيطان كان من مبادئ فكة الكورة عندك ! أكان هشام هو الـ طلب سحب البوست او انسحب بواسطة اولي الامر في هذا المكان -في النهاية السحب كان انقاذ ليك و رافة بك و بكورتك بس !! و عموما منطق البل بتاعك شكلو كان : ياخوانا انتو ما عارفين هدف الزول دا و انا قارئ نواياهو كويس !
|
كان رافة بي شنو ياخ ؟ يمين بالله مافي زول زعل علي حذف البوست ده قدري !! يا دكتور ما عارفك لو كنت متابع الفلم ده قبل ما ( أبانا الذي في أريزونا) يمن عليك بالبركات و تلتحق بالركب الميمون ده ولا لا ... لو ما كنت متابع جبنا ليك البوستين الفيهم القصة كلها ... لانو القصة أصلها ما (ياخوانا انتو ما عارفين هدف الزول دا و انا قارئ نواياهو كويس ) ... القصة إنو هشام محض لص يسرق من الكتب ( و لو قوقلت السرقة ما بتلقاها ) و يجي يفكها في الناس دي هنا لانو بيفتكر نفسو أذكي من الناس الهنا ... و الكلام ده ما في حوجة لاثباتو ... لانو مثبت !!
| |
|
|
|
|
|
|
Re: كرش الفيل !!! (Re: هيثم طه)
|
يا بروف ...Quote: ده موضوعي باختصار مع هشام أدم ... |
يؤسفني اقول ليك انك ساهرت بي/نا ساكت كزول متابع البورد وخبير آكشن اتوقعتك تجينا بي جديد لكن دا لا يمنع احيي فيك الصراحة السوداء دي و الصدق مع النفس درجت العادة في البورد هنا انو افتتاحية البل و الهجوم دايما تكون (انو ما في شي شخصي) ثم يتلوها هجوم موغل - يا قول كيكي - في الشخصنة و الانتصار للذات و حظ النفس - يا قول الحبشي اعجبتني حتة انك كنت واضح في تبريرك لعدم رشّك للسووا سوات هشام بعدم شتيمتن ليك كما هشام
| |
|
|
|
|
|
|
Re: كرش الفيل !!! (Re: عمر عبد الله فضل المولى)
|
Quote: وقعت لي في جرح عجيب بهذا الكلام الخارم بارم |
اختلف معك اخي فهذا البوست ليس خارم بارم بل هو بوست بارم لكل من هو خارم ! ,
البقالة الامدرمانية ذات الكرش باعرفها , فاصولي الامدرمانية الجينية فرع الوالدة الكريمه تمتد لحي العصاصير مكي , وفي تطور للاحداث وتمدد للاسرة سكنت في حي امدرماني اخر المهندسين العودة اشهر بقالاته كان اسمها ( حمادة ) , ةبها باسطة وحلويات كاربة..
ولان ليس للزمان امان ابتعدنا عن امدرمان الي شارع في ستين وها نحن مبتعدين عن السودان كله في غربة وحنين وشوق ,ودهشة في حال رئيس عسكري فشل في كل حرب خاضها ويعود مره اخري ليفتح سبعة جبهات حرب مره واحدة, ويعيد التعبئة العامه دفاع شعبي , اين الجيش و 80 % من الميزانية ولا الشغلة فيها من هو باني داره مسقط عمارات عامه ..
كل التحية لامثال الاستاذ نصر الدين , قمم وعفة يد , ابنه فايز نصر الدين كان لاعب شديد شديد, لكن حرفنه بلا فعالية يستفيد منها فريقه !! او هكذا اظن بعيني المريخابية الحمراء , فقد لعب الفائز للهلال الخصم, كان عدنا واحد مجننا في التمارين كيف فائز بدقدق الكره في الواطه ثم الي جبهته ثم بالكتف فهد فكعب فضقيل , خرافة و مهاره وابداع هندسي يا هندسه و ضيوفه ..
والله صحي ..
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
| |
|
|
|
|
|
|
Re: كرش الفيل !!! (Re: شهاب الفاتح عثمان)
|
قبل أن أعود للردود ... و كسرا للرتابة و ملل العلماء و المفكرين من أمثالنا ... أعيد نشر قصيدتي (بحيرة البجع) المنشورة في كبري المجلات الأدبية للشعر (الحديس) و بوست ( الرعاع ) لاخونا عمار ود الخليفة و المكتوبة في إطار التجسير المعرفي للرعاع من رواد هذا البوست عسي أن ينفخ الله في ذواتهم الميتة :
المشهد الأول:
علي حافة الدرج جلست ... تقيأت أمعائي و بكيت ... استدرت دورة واحدة... ظننتها أنملة قط صغير يموء في داخلي هل تقيأت أنا في داخلي ... أم تقيأ القط ؟
**** المشهد الثاني:
وقفت و رجلاي في البحيرة ... و عيناي في البحيره ... و شفتاي تغط في نوم عميق ... بصقت ... و تقيأت... ثم علي حافة البحيرة بكيت
***** المشهد الأخير
الام الظهر عاودتني ثانية... قمت كمن إبتلع بجعة سمراء في ليلة مقمرة .. لم استدر هذه المرة ... لم أبصق... لم أتقيأ ... لكنني بكيت ...
برفسير أمين محمد سليمان بحيرة البجع ، مارسيليا - فرنسا - ربيع ١٩٧٩ ---------
بالله يا اخوانا هسي أنا فرقي من المشاء شنو ؟! كان لقيت لي تشجيع منكم ... ممكن أدور في الشعر الحديس ده لمن الناس دي تآمن !!
| |
|
|
|
|
|
|
Re: كرش الفيل !!! (Re: أمين محمد سليمان)
|
معليش يا بروف .. كلامك ادناه ما مقنع كلو كلو!!
Quote: أيوه يا قيقا ... لانو غيرو مافي زول شتمني و لا في زول إتحداني و قال لي أثبت كلامك ده و لا فيهم زول طارح نفسو أديب و روائي و فيلسوف و الجنية حبتو و أدتو بوسة في المطبخ ... و الأهم من ده ما فيهم زول قليل الأدب زي هشام و مطنقع و مستعلي علي الناس زيو !!
|
في ناس عملت السبعة و ذمتا .. واعلنت انو (الاخلاق) حصرية بها (فغط) لا غير .. بل كانوا ناشطين في مجال كشف السرقات الادبية بالمنبر .. وطلعوا اكبر "علي بابا" يا قول البنغالة!!
وقلوا ادبهم على اعضاء هنا!!
اما اذا كنت مقاربتك اعلاه (جناح) جحا .. (كييييير لجناحو هو فغط لا غير)
فصدقني ح يؤسفني انا شخصياً .. ؤح ازعل منك بالجد بل ح تنسف ما تدعو له/ و تمثله هنا!!
انا شخصياً - ومعي اخوي الكاشف ود البشرى وآخرين - العلي بابا الوحيد القبضوهو بالثابتة و بنقرقر معاهو هو (زهير) فغط لا غير ..
كلنا ..
عاديون في اعيادنا .. متسامحون مع اللصوص .. نصلي صوب احزان المساء
(د.تاج السر جعفر)
------
يا ابو حتوت و محبي الاكشن ..
دا فلم جديد:
هل سرق هشام آدم رواية الطواحين لبركة ساكن!!
في مطعم الباشا .. مش ح تأدر تغمض عينيك!! المافي شنو هو!؟
| |
|
|
|
|
|
|
Re: كرش الفيل !!! (Re: قيقراوي)
|
Quote: بل ح تنسف ما تدعو له/ و تمثله هنا!! |
لا حولا يا قيقرا ... قصمت ظهر البروف ياخ.. وحمّلته أمانة قاسية الراجل انشتم و مارس حقو في الرد - اي نعم اتشفى و اتمتّع - لكنّو ماافترى و لا القى باتهامات بدون دليل ومشى نام و ترك عبأ ايراد الادلة ثم نفيها على الآخرين كما جرت العادة هنا والبروف ما طرح نفسه نبي او ملاك معصوم او خالي من شهوات البشر للإنتقام
Quote: دا فلم جديد:
هل سرق هشام آدم رواية الطواحين لبركة ساكن!! |
متابعو يا قريبك شفت الهوبة القلبها النذير ههههههههه قال ليه يا الواثق اعتذر لهشام انت ما عندك دليل وعلى بعد أقل من فاصلة او ضحاها ختّاها لي هشام و عبد العزيز بركة هيم سيلف و اتهمن بالسرقة من ماركيز تصوّر !!
| |
|
|
|
|
|
|
Re: كرش الفيل !!! (Re: محمد البشرى الخضر)
|
Quote: والبروف ما طرح نفسه نبي او ملاك معصوم او خالي من شهوات البشر للإنتقام
|
للأمانة لأ نبي دي انا الكنت مخطط ليها .. لكن جاتنا الاربعين بلا رسالة .. و طارت ومن حقو الرد على قلة الادب و الافتراءات من جنس دي:
Quote: أُكرر لكَ نصيحتي التي أسديتها لكَ من قبل (ولغيرك): "اشغل نفسكَ بها، فهي أحق بهذا الزمن الذي تصرفه في العبث، ونفث أمراض قلبكَ على الآخرين" وثق أنني لا أكترث بما تحاول (أنتَ وغيرك) إثباته، فهو لا يعني لي شيئاً على الإطلاق، غالبية من تداخلوا في هذا البوست، جاءوا ليُثبتوا الأمر ذاته، فقط تختلف الأسباب والدوافع والأهواء. وهم لم يكونوا بحاجة إلى إثبات حتى يهتفوا لكَ ولاكتشافكَ، فقط هتفوا من قبل لآخرين دون الحاجة للإثبات، والأمر عندي سيّان، العقلية الدينية التي تؤمن بإله لا إثبات ولا دليل على وجوده لا تحتاج إلى دليل أو إثبات لتؤمن بأن هشام آدم سارق أو كاذب، هي إنما سايكولوجيا الحاجة؛ الحاجة لتبرير سلوك أو موقف أخلاقي لا أكثر. فأرح نفسكَ وأشغلها بها؛ فهذا خير لك لو أنك تعلم. وأخيراً أعتذر لنفسي عن منحك هذا الوقت لكتابة هذه المُداخلة؛ يجدر بكَ أن تكون ممتناً لذلك.
|
مع احتفائي الشخصي بالبلة دي -الما لقتا حواشة في القضارف او الرنك في عز الخريف! - لكن لو ما رد البروف و الله لرديت انا دا .. المافي شنو!؟ باسوورد ول كيبورد!؟
عشان كدا فوق قلت اني ما بلوم البروف .. ما بلومو ابداً
-----
للامانة برضو ..
هشام ليس الملحد الوحيد و الاوحد في البورض .. لكنه الاغبى قطع شك ياخ والله العظيم الاخلاق والادب الببدوهو غيرو، لا يوجد عند كثير ممن يتنطع ويتشدق بالاسلام هنا!! المهم الاخلاق يا حبيب .. المهم الاخلاق!
استبعاد كل الابعاد الاخرى، في مقاربة مسألة البل المتبادل بين البروف و هشام .. وقصرها على موضوعة (الخلاق المعتقدي) مقاربة جائرة جداً ..
لكن دا ما بنفي انو البروف جواه شامبيون ربنا يصرفنا واياكم عن حظ النفس الامارة بكل سوء دي ياخ
قيقا راوي .. اديب و ناشط في حقوق الـinsane ودي برااااها نعمة كونو الناس تحسبك insane المافي شنو!؟
| |
|
|
|
|
|
|
Re: كرش الفيل !!! (Re: قيقراوي)
|
Quote: مع احتفائي الشخصي بالبلة دي |
الليلة عندي مزاج كسّير تلج للبروف :) البلّة دي تستحق الإحتفاء بها لسببين - الأول الشماتة المعتادة و التاني لأنها انتجت آكشن رفيع به مجهود مقدّر بُذل احيي البروف عليه بلّة زي دي كان نالها - لنقل حموودي مثلا ههههههه - اقصى ما سيفعله ان يكاااكي و يصرف لهشام قوم لف و الموضوع ينتهي وجورج بوليتزر دا بكون حموودي فاكره مساعد مدرب بلد الوليد على احسن تقدير
| |
|
|
|
|
|
|
Re: كرش الفيل !!! (Re: محمد عبد الماجد الصايم)
|
Quote: يا أبو حتوت .. عمكـ قيقاطاشي دا كان حاضر مولد الماجستير؟
|
اني قااااعد
-------
الا وكتها الشبكة ما طشت لسة .. بس كنت على وضع (هزاز) ساي!
الوكت داك كنت غريب ؤ (اديب) .. ولسة ما اتعرفت على البروف عشان يبوظ اخلاقي!
| |
|
|
|
|
|
|
|