ما أقسى من الحزن إلاّ المتاجرة به ...

Quote: لم يقتله أحد يا كوستاوي ولم تمنع الحكومة تشييعه أو تختطف جثمانه يا هباني و اكرام الميت التعجيل بدفنه يا زهير في مفاسد الحكومة و جرائمها متسع لنقدها فاتركوا للحزن جلاله

Quote: ولايخالجني شك في انو البشير كان يعلم انو الزول الراقد قدامو ده لو خيروه بين عدة ائمة وحانوتيين لما اختار هذا الحانوتي الكبير..

Quote: و اكرام الميت التعجيل بدفنه يا زهير

Quote: لم يقتله أحد يا كوستاوي ولم تمنع الحكومة تشييعه أو تختطف جثمانه يا هباني و اكرام الميت التعجيل بدفنه يا زهير

Quote: بل صلى عليه منصب رئيس الجمهورية و شيعته اكبر وظيفة دستورية بالبلاد ومكانة وردي رحمه الله وما قدمه لوجدان هذا البلد فأقل من هذا المنصب لا يليق بجنازته

Quote: لا يخالجني شك في انو البشير صلى على الرجل من جهة الحزن والفقد لفن وردي .. فوردي اقدم من وجود البشير على ظهر السودان.. ولا يخالجني شك في انو وردي ما كان ليرضى ليختم البشير اخر اعمال دنياه.. ولايخالجني شك في انو البشير كان يعلم انو الزول الراقد قدامو ده لو خيروه بين عدة اأئمة وحانوتيين لما اختار هذا الحانوتي الكبير..

Quote: ربنا يرحم وردي بقدر ما اسعدنا و امتنعا ود البشري، المره دي بالغت بالجد. يا اخي البشير ده لو بقي رئيس المجرة ( و ليس جمهورية السودان بس) ما ح يكون اعزّ من اولاد وردي نفسه بالنسبة ليه. يا اخي معقول ما حاسي ( نهائي ) بزعل الناس انها ما كانت عارفه ان وردي اتوفي و اندفن كمان؟؟؟؟ و ان البشير بكل قبحه ( قبحه كونه رمز للدكتاتورية اللي الناس حبت لوردي لغناه ضدها) هو اللي صلي عليه. ؟؟؟ لو ما حاسي بغضب الناس دي ما في شيء ممكن نقوله يا ود البشري يخليك تقتنع.

Quote: لكنها الاقدار التي تجعل وردي يموت في زمن غير ديمقراطي فلا يجد ما يستحقه من تقدير.

Quote: لا يخالجني شك في انو البشير صلى على الرجل من جهة الحزن والفقد لفن وردي .. فوردي اقدم من وجود البشير على ظهر السودان.. ولا يخالجني شك في انو وردي ما كان ليرضى ليختم البشير اخر اعمال دنياه.. ولايخالجني شك في انو البشير كان يعلم انو الزول الراقد قدامو ده لو خيروه بين عدة اأئمة وحانوتيين لما اختار هذا الحانوتي الكبير.. ------------------------------------ ود البشرى سلامات وردي اكرامة ليس في التعجيل بدفنه عند الثامنة صباحا.. وردي ليس في حاجة لمكرمة البدور بتاعة الكيزان دي..الراجل اسمو ارتبط بمحبة شريحة كبيرة...هم الاولى بحضور الدافنة.. دعوات الشعب الكانت حتجي ضحى الدافنة اكرم لي وردي من دفن العجلة السووهو العواليق ديل.. متاجرة شنو اكتر من انو الحرس الرئاسي يمنع عياله من الوقوف كما يجب على رفاة ابيهم؟؟ وردي ده كان لواء في سلاح الطيران؟؟ متاجرة سنو اكتر من الكاكي اللابسو عبد الرحيم على قبر فنان حياتو كملها غنا ضد العسكر؟؟ بلاهي الله يسالك ..هل يرضي الله انو البحضرو ليهو حفلة في نادي الضباط يكونو اكتر من الذين يشهدون جنازته؟؟ --------------- عليك الله ياود الباوقة ما تطلع دينــا اكتر من كده.. انتا عارف بينك وبين ربك انو هناك اولى من البشير بالصلاة على وردي..وانو مظفر وعبد الوهاب اولى من الحرس الرئاسي ومن عبد الرحيم بصف الجنازة الاول عند رفاة والدهم الهرم.. اما كان من الاولى ان تمسك عليك نفسك وقلمك في هذا المقام؟ والله والله والله لولا ان المقام مقام رحمة ..ولولا الخشية من ان ترتد لعناتي على مقام الفراش المرفوع.. كان كلتا في هذا المقام ده وفي مقامات اخرى من هذا المكان مالا يبرئني منكم ابداً.. الله ينعـــل ......اخلاقكم دي دنيا واخرة.. -------------

Quote: لكنها الاقدار التي تجعل وردي يموت في زمن غير ديمقراطي فلا يجد ما يستحقه من تقدير.

Quote: ساءني في البدء التشييع الرسمي لوردي وأنا بعض دمه وأقف متفرجاً عملات العسكر والدولة ومماراستهم،كان الدفن واعتقد بقرار جمهوري الساعة الثامنة صباحا. الثامنة الا ربع كنت في ركن مقابر فاروق الشمال الغربي انتظر واترقب وصول الفرعون الي مثواه الأخير،خواطر كثيرة كانت تدور البال،إكرام الميت دفنه ؟ نعم سيدفن ولكن إن ظل بدون دفن لساعتين فلن يقلل ذلك من الإكرام شيء فقد بقي في المشرحة من الثامنة للثامنة. طيلة انتظاري لمحطة الفرعون الأخيرة كان في بالي أن يودع في ميدان وردي في الكلاكلة..أن يلقي عليه الشعب في بعض شوراع الخرطوم نظرة أخيرة ويغطيه علم دولة طالما غني لها في سيارة مكشوفة ...ليكن المنظر شاهدا في تصاوير الأطفال قبل الكبار..أن هرما قد رحل حضر الجثمان رأيت بأم عيني – الدغمسة- الكلفتة- متمثلة استعجال الرتب العسكرية والوزراء ..لأول مرة أعرف معني –دفن الليل أب كراعا برة- ولكن في وضح النهار..ولكن لا غرابة فالعسكر هم أكثر من يجيدون الدفن بأنواعه حتي المقابر الجماعية..فلن تغلبهم مقبرة واحدة. لا أدري ما رتبت اضابير العسكر مع عبدالوهاب ومظفر ..إن كان اكرام الميت دفنه والاسلام يقول ذلك لماذا تركتموه في المشرحة اكثر من 12 ساعة تفحصت الوجوه بعض محبيه من زمن طويل لم يكونوا حاضرين دكتور فتحي لم يكن حاضرا..فهل كان دكتور فتحي يغلبه حق تذكرة لوداع صديق عمره ويلقي نظرة أخيرة علي الراحل؟؟ الفنان شنان سمع بالخبر باقي الليل وإن فكر ان يأتي من الشمال تلزمه تدبير سيارة اجرة من الشمال سيصل الساعة العاشرة –دا لو ربنا وفقه- لؤي شمت لو كان في زمن اعتقد كان سيأتي ليلقي نظرة الوداع محمد عبدالفتاح؟؟صفوت صلاح ؟؟من الحباك يا فرعون وودعك.؟؟ منو بس من اهلك ومحبيك شالك وختاك في شبر الرحيل منو الإتجرا وهال عليك التراب ومشي دون أن يضع في قبرك بعض زهور بعضها من الجنوب وبعضها من اديس ابابا وغيرها من الشمال والغرب والشرق. استحلفك يا فرعون كيف تموت وكيف يفعلون بجثمانك ما فعلوه..كيف يخرج بتعليمات وكيف تدفن بتعليمات وكيف يودعوك بتلك السماجة وطول عمرك بتكره بزة العسكر منو الحضر دفنك ...لو اعطي العسكر بعض زمن وبعض ترتيب لكان وداعك يا محمد في قلب محبيك أجمل ولكن حتي وداع المحبين وقبل الوداع يخشاها العسكر يا محمد وأنا بعض دمك – ودمنا - موزع علي السودان كله تركتك لمثواك الأخير للعسكر وبعض محبيك الصادقين وما يصبرني ان في وداعك ايضا بعض محبيك الا العسكر والحكومة رفيقي عبود قلت له انني عائد للبيت وانا لا احتمل اكثر من ذلك..تركته ورغبته وعدت ادراجي للمنزل ، لا مزاج لأي شي حتي العمل في الطريق اتصلت بي الوالدة تسأل هل انت في المقابر ؟؟ قلت لها انا – قريب من البيت- سالتني هل تم التشييع قلت لها تركت التشييع للحكومة في تعرف ولها خبرة اكثر منا ...غضبت وسألت انت يا ولد ما بتعرف انو انو فاطنة شيخ وامنة شيخ ديل اخوات وانا حفيدة امنة شيخ؟؟ قلت يا أمي الحكومة لا تعرف آمنة شيخ ولا فاطنة شيخ ولا تعرف ولا تعرف دموع المحبين ولا القلوب المكلومة ..الحكومة تعرف فقط كيف تدفن وتفهم كيف تدفن وردي وما بغلبها تدفن وردي في نص البلد..اشطر ناس بقتلوا وبدفنوا ناس الحكومة فما تشيلي هم ,,فوردي صلي عليه الرئيس أدام الله عزه..وأدام ذلك التشريف الرئاسي يا حجة ..لم تقتنع وتواعدنا بإتصال بعد حين. قل لي يا وردي؟؟من تجرأ وأهال علي التراب..؟؟ لم أري أبو عركي يتقدم الصفوف لم أري شخصية وطنية تزرف الدموع...حتي جيل الحزب الشيوعي الجديدمن شفيع خضر كمال الجزولي لم نري لهم دموع...ابكاهم الاحباط ام ان دمعهم ضنين الصادق المهدي..الصحفيين الشرفاء أين كنتم,,,لماذا لم تفجوا الصفوف أم ان حضور العسكر كان أكبر ؟؟ لم أري من رفقاء الكلمة الشريفة دمعا ينزل حزني عليك كبير يا أبو حافظ..كيف ترحل هكذا وحتي المراسم العسكرية لا تكرم مثواك حزني عليك كبير يا ابو حافظ ..لماذا سرقوا جثمانك؟؟ كان في بالي أنشد معك بعض اغنياتك عزة في هواك.. اسمر اللونا ياخي يا وردي لو غنينا في اللحظة دي مسونكيل فيها شنو؟؟..الود والحزن القديمولو بهمسة ما كتيرة مك لي زول بحبك ..بس بقول وداعا وانا بقول ليك بحبك حي ولا ميت..ووردي هو وردي حي ولا ميت... نم سالما يا فرعون إرون جنة تيرا فيام قمر بوبا. gamar boba الخرطوم

Quote: بل صلى عليه منصب رئيس الجمهورية و شيعته اكبر وظيفة دستورية بالبلاد

Quote: ما أقسى من الحزن إلاّ المتاجرة به ...

Quote: وردي عمره كله يغني للوطن وللعامة وناضل بفنه من اجلهم ..

و غنا يا حارسنا و يا فارسنا لي جعفر نميري يا ود القاضي.....

Quote: و غنا يا حارسنا و يا فارسنا لي جعفر نميري يا ود القاضي.....

Quote: و غنا يا حارسنا و يا فارسنا لي جعفر نميري يا ود القاضي.....

Quote: ود البشرى خلّي الفراش يترفع ياخ!

Quote: يا أبو حسين المٌخاطب ما نميري في شخصه دي غناها لمايو كثورة ومشروع تغيير لما كانت في بدايتها

Quote: Quote: ود البشرى خلّي الفراش يترفع ياخ! Quote: البركة فينا وفيكم يا محمد عبد الرحمن محمد مشكور على النصيحة - المامفهومة بالمناسبة لكم من باب حسن الظن اعتبرتها كذلك - بس اريتك لو وجهتها لمن تاجر بوفاة وردي و جثمانه لم يبرد بعد وطفق "يناضل" و ينال من الحكومة او يحسب عليك دينكك يا محمد البشرى فهمني ردك علي مداخلتي.. يمين الله ما فهمت منها التدعك.