|
أين الحقيقة .. هل تبيع شركات الإتصالات معلومات المشتركين للشركات؟؟
|
في صباح اليوم و أنا أمضي لشأني في عاصمتنا القومية المرتبكه
فوجئت بإتصال من رقم مجهول ..
قالت لي المتصله المجهوله :
"أستاذ محمد قرشي .. معاك شركة (...)* و عندنا عروض حتعجبك جدا"
قاطعتها مستفسرا :
من أين لك برقمي و إسمي ...
فجاءني الرد الصاعق ببساطه :
شركة الإتصالات تزودنا بعينة من المشتركين لتسويق منتجاتنا
فرددت عليها بما لم تتحسب له :
"أفتكر ده تعدي شديد على الخصوصية و سأرجع لشركة الإتصال حتما لحسم هذا الأمر"
و إنتهت المكالمه بإعتذار خجول
!!!!!!!!!!!!!!!!!!!!!
______________________________________________________ * لا أذكر إسم الشركة الآن للأسف !!
|
|
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: محمد قرشي عباس)
|
حدث هذا الأمر بالبارحه
و تصادف أن تواجدت مسائا قرب أحد مراكز الخدمة لشركة الإتصال
فدخلت مستفسرا عن الأمر ..
ليتم التأكيد لي بأن سرية معلوماتي أمر حيوي
و أنهم لا يوفرونها لأي طرف ثالث !!!!
و السؤال الذي يطرح نفسه إذن :
هل توجد جهة أخرى تملك الوصول لمعلوماتي المخزنة لديهم فتتاجر بها
أم أن الأمر يتم فعلا برضى الشركة رغم النفي لهذا الأمر عبر مركز خدمتهم ؟؟
أفيدوني أفادكم الله ..
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: هيثم طه)
|
Quote: "أستاذ محمد قرشي .. معاك شركة (...)* و عندنا عروض حتعجبك جدا" |
مراحب يا دكتور واضح انه يوجد تسريب للبيانات التسويق عن طريق الموبايلات موجود عندنا هنا وبكثرة، ولكن يحدث اتصال بارقام عشوائية ودون معرفة بيانات المتصل وحتى هذه يمكن حسمها اذا تكررت من نفس الشركة مشكلتك الرئيسية ح تكون عدم امكانية اثبات الحالة في حال انكرت شركة الاتصالات بعض جهات التسويق تقدم عروض مغرية لك عند الشراء عندما تؤمن لهم معلومات لعشرة او اكثر من معارفك او اصدقاءك
ملاسي لا يوجد تناقض بين العبارتين، الدكتور حاول حسم الامر، وطالب استشارتكم في كيفية الحسم
اقراه كبوست تثقيفي لعلمي ان الكثيرين لا يعلمون حقوقهم الثابتة على شركاتهم بعدم افشاء معلوماتهم لو تم نشر هذه الثقافة ورد الناس زي الدكتور، حتما ستتوقف
تحياتي وجمعتكم مبارطة طيبة
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: الشفيع وراق عبد الرحمن)
|
إبن عمي د. محمد قرشي لك التحايا
يُقال أن الإمبريالية أعلي درجات الرأسمالية وهذا العلو وصل لدرجة إقتحام خصوصية الناس وهذا ما تعاني منه شعوب الدول الرأسمالية وأمريكا علي وجه الخصوص وبما أن إقتصادنا السوداني .. إقتصاداً تابعاً ... (إذا كان هنالك إقتصاد) فما تراه غريباً يُمارس هنا في أمريكا بشكل غريب ومتعب .. والقوانين لا تُحرمه
أسأل أى واحد في أمريكا عن ما يُتعبه في هذه البلاد ... ستكون إجابته الحتمية : ١- هذه الإتصالات المزعجة .... و ٢- عدم وجود الباركينق
والغريب أنهم يُدرسون هذا الأسلوب في جامعاتهم بإعتباره من نظم التسويق عالية الجودة.
الخلاصة : ما حدث معك منقول بالمسطرة من واقع غير واقع شعبنا.
------------------ طلب أرجو أن تحققه لي :
أرجو أن لا ترد علي سخافات المدعو ملاسي ... فملاسي هذا ظاهرة ساهم في إظهارها بعض (مُكبرى الرؤوس) وستنتهي عندما تتلاشي هذه المؤثرات ... وسيجد نفسه في نهاية الأمر لا أرضاً قطع ........ولا إسم صحافي نال.
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: عاطف مكاوى)
|
Quote: إذا كان المتصلون ينتمون إلى شركة تسويق شبكي أو هرمي ، فغالباً مصدر المعلومة هو أحد معارفك ممن أرادوا التعاون مع الشركة أو التسويق لمنتجاتها. |
كلام هاني هو الاقرب للحقيقة ....
مناديب الشركات التى تتصل عليك مزعجين بشكل مبالغ فيهو ..
اها عشان تتخارج منهم بقوموا يقولوا ليك ادينا ارقام تلاتة او خمسة
من معارفك نعرض عليهم الخدمة واغلب الناس طلباً للنجاة يسارعون باعطائهم الارقام
وهكذا يستمر مسلسل الثقالة والمضايقة ........
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: محمد قرشي عباس)
|
حبيبنا الشفيع
Quote: واضح انه يوجد تسريب للبيانات التسويق عن طريق الموبايلات موجود عندنا هنا وبكثرة، ولكن يحدث اتصال بارقام عشوائية ودون معرفة بيانات المتصل وحتى هذه يمكن حسمها اذا تكررت من نفس الشركة مشكلتك الرئيسية ح تكون عدم امكانية اثبات الحالة في حال انكرت شركة الاتصالات بعض جهات التسويق تقدم عروض مغرية لك عند الشراء عندما تؤمن لهم معلومات لعشرة او اكثر من معارفك او اصدقاءك
|
إذن أنت تطرح مصدر الشركة أو معارفي .. بالمناسبة البوست المقصود منه معرفة إذا ما كان هذا الأمر قد تحول لظاهرة فأنا قادر على حسمهم تماما فلا تعوزني مساخة ملاسي
و من ناحية أخرى هو فعلا نشر لثقافة حقوقنا القانونية إذا وجدت (لا أذكر بندا بالعقد يمنح الشركة حق توزيع معلوماتي لطرف ثالث)
مع الود
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: محمد قرشي عباس)
|
الأخ الفاضل / هاني عربي
Quote: لا اعتقد أن شركة الاتصالات هي المصدر ... وإلا كان الكثيرون هنا تعرضو لنفس الموقف.
|
و هذا تحديدا ما كنت أود معرفته .. حجم من نعرضوا لمثل هذا الموقف فلننتظر و نرى هل هناك أحد غيري
Quote: إذا كان المتصلون ينتمون إلى شركة تسويق شبكي أو هرمي ، فغالباً مصدر المعلومة هو أحد معارفك
|
ده فعلا إحتمال منطقي لكثرة هذه الشركات بالسودان لكن في إعتقادي لن يخفوا هذه المعلومة عني و يكذبوا بإتهام شركة الإتصال فمن الأدنى لقبولهم معرفة أنهم من طرف قريب لي أليس كذلك ؟
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: محمد قرشي عباس)
|
قريبي الرائع / عاطف مكاوي
Quote: يُقال أن الإمبريالية أعلي درجات الرأسمالية وهذا العلو وصل لدرجة إقتحام خصوصية الناس والغريب أنهم يُدرسون هذا الأسلوب في جامعاتهم بإعتباره من نظم التسويق عالية الجودة.
|
ده كلام مدهش بالنسبة لي موش الخصوصية دي أكتر حاجه بيقدسوها ؟؟ أها دي بيكيفوها قانونيا كيف ؟!
Quote: الخلاصة : ما حدث معك منقول بالمسطرة من واقع غير واقع شعبنا.
|
غايتو لو شافوا البوست ده تاني حيشبكوني دي أحدث تقنيات التسويق بالعالم الأول ..
شكرا جزيلا على المعلومة و ما تتضايق من ملاسي السودان بيعلم المساخة كما يعلم التعايش معها فلا تبتئس !!
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: محمد قرشي عباس)
|
العزيز / جنابو عمر
Quote: كلام هاني هو الاقرب للحقيقة ....
مناديب الشركات التى تتصل عليك مزعجين بشكل مبالغ فيهو ..
اها عشان تتخارج منهم بقوموا يقولوا ليك ادينا ارقام تلاتة او خمسة
من معارفك نعرض عليهم الخدمة واغلب الناس طلباً للنجاة يسارعون باعطائهم الارقام
وهكذا يستمر مسلسل الثقالة والمضايقة ........
|
أفهم بأنك مريت بتجربة زي دي يا جنابو ؟؟ غايتو أنا إتصلوا بي مرتين بس حتى الآن ..
و ما أظن يدوا تلفوني ده لزول تاني
تسلم
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: ود الخليفه)
|
حبيبنا ود الخليفه
Quote: حكى لي صديقي امس نفس هذا السيناريو
وقد استمع لعرض الشركة بعد ان بررت المتصلة انها حصلت على رقم هاتفه من صديق مشترك لم تكترث بذكر اسمه
وانما دخلت مباشرة في العرض
وهو عرض لشركة خدمات اشبه بعروض البطاقات الائتمانية
يدفع المشترك 200 جنيه لمرة واحدة ؛ ويشتري اي منتج في النت عن طريق هذه الشركة مع خصم 10%
|
معناها الشغله دي مدوره فعلا .. بس ده معناه إنهم كضبوا في موضوع شركة الإتصال دي
طيب .. الإختيار بيكون عشوائي ؟؟
يعني أفتكر لو عندهم فعلا معلومات من الشركة ممكن يستهدفوا شرائح بعينها ممكن تكون فعلا مهتمه لعرض كهذا .. يعني لسه بشك في إنهم بيملكوا معلومات كاملة عن من يتصلون بهم
غايتو لو كانوا إختاروني على خلفية الطب و كده حيكونوا دقسوا شديد أنا براي زهجان من الفلس .. !!
تسلم
______________________________________________________________________ بالمناسبه قاعد في اللاب و لا الإجازة الإجبارية ماشه معاك كويس
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: ود الخليفه)
|
تحياتي ..
شركات الإتصالات في السودان عبارة عن فوضى كبيرة ..
رسوم وهمية لا تقابلها أي خدمات ..
أغلب موظفي خدمات المشتركين ، لا يملكون هم أنفسهم الحلول لأغلب مشكلاتك !
.. عوضا عن ذلك يكتفون باالرد على إستفساراتك - بتهذيب مصتنع - ( حنسجّل مشكلتك دي ونرفعه إن شاء الله ) .. ويختمون المحادثة بــ : شكراً لإتصالك بــ ...... !
لذلك لا أستبعد ( تسريب ) بيانات المشتركين للشركات ..
ـــــــــــ
شهرياً بتجيني رسالة مكتوب فيها : لقد تم تجديد إشتراكك بخدمّة ( لحِّنا ) .. مع إني ما مشترك فيها أساساً !
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: Hassan Bakri Nugud)
|
Quote: شهرياً بتجيني رسالة مكتوب فيها : لقد تم تجديد إشتراكك بخدمّة ( لحِّنا ) .. مع إني ما مشترك فيها أساساً ! |
المحترم حسن بكري نقد ، تحية طيبة وشكراً على الملاحظة .
الغريب .... لا يتم خصم أي مبلغ من الرصيد بعد هذه الرسالة.
نداء إلى إم تي إن وما جاورها ومن يمثلها وموظفيها: حرام عليكم، رسائلكم المزعجة، عاملة زي نغمة التلفون الصيني -
ما ممكن الساعة أربعة صباحاً ترسلو رسالة بتقول: ندعوكم لزيارة الموقع الآتي على الإنترنت.
وفي إحدى المرات جاتني رسالة من هذا النوع "تحمل أفكار معينة لطائفة دينية معينة" حيث أن الرسالة كانت تدعو إلى موقع "إقرأ حظك" وعند زيارة الموقع وجدت الموقع يتحدث عن تحريم الحظ.
هل صارت إم تي إن جناحاً تكنولوجياً لأنصار السنّة ؟
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: Hassan Bakri Nugud)
|
الأخ الفاضل / حسن بكري
Quote: شركات الإتصالات في السودان عبارة عن فوضى كبيرة ..
رسوم وهمية لا تقابلها أي خدمات ..
أغلب موظفي خدمات المشتركين ، لا يملكون هم أنفسهم الحلول لأغلب مشكلاتك !
|
خليك من المشكلات الصعبه دي .. سألتهم من عرض إنترنت موبايل موجود بموقعهم بالنت طلع ما سمعوا بيه كلو كلو و الأغرب قالوا قبال يومين جا زول سألهم منو و وراهم بلابتوبه تفاصيله على موقعهم و برضو ما مشوا سألوا عنه !!
كنت عاوز أعرف السعر الحقيقي للعرض بعد الضرائب لأن عادة ذكر السعر بدونها حتى تتفاجأ بزيادتها ما بين 15 -30 % هو الغالب و كأنما يخدعونك في ما سيسحب منك من رصيد !!!
Quote: شهرياً بتجيني رسالة مكتوب فيها : لقد تم تجديد إشتراكك بخدمّة ( لحِّنا ) .. مع إني ما مشترك فيها أساساً !
|
غايتو لو كمان بيسحبوا من رصيدك حق الخدمة حتكون بقت عليك حكاية عادل إمام في شاهد ماشافش حاجه : " مع إني ما عنديش تلفون !! بس خفت على العده بصراحه"
تسلم
| |
|
|
|
|
|
|
Re: أين الحقيقة .. هل تبيع شركات الإتصالات معلومات المشتركين للشركات؟؟ (Re: محمد قرشي عباس)
|
Quote: غايتو لو كمان بيسحبوا من رصيدك حق الخدمة حتكون بقت عليك حكاية عادل إمام في شاهد ماشافش حاجه : " مع إني ما عنديش تلفون !! بس خفت على العده بصراحه"
|
والله أنا غايتو ما متأكد من قصة الرسوم دي لأنو رقمي خطّ وما بلاحظ لي الفاتورة ..لاكين ديل ما مضمونين ، ممكن يعملو أي حاجة !
ــــــــ
أمس بحكي لي واحد صاحبي .. قال السقف بتاع الفاتورة الكان عاملو 300 جنيه ، وكل مرة فاتورتو بتجي أكتر من كده !
.. المهم الزول ده زعل شديد ومشى لي موظف خدمات المشتركين ، قال ليهو: ياخ طيب فائدة السقف شنو أصلاً ما دام فاتورتي بتتجاوزو !؟ ..وكالعادة ما لقى منو إجابة مقنعة !!
المهم دفع ليهو قروش الفاتورة القديمة ، وكمان أداهو 100 جنيه زيادة قال ليهو خليها في رصيدي ، وأعمل لي السقف بتاعي 200 جنيه بس ..الكلام ده أول الشهر ده.
المهم صاحبي ده كان مسافر ، وداير يشغل تلفونو تجوالRoaming إستقبال بس .. فعلا سافر لمدة سبعة يوم .. إستقبل فيها 6 مكالمات بس ! ..
أمس لما وصل وداير يتصل لقى التلفون محظور ! ..
من الصباح مشى الشركة ، ولقى الموظف زاااااااتو ( لي حظو السئ ) .. قال ليهو قفلتو التلفون لييه ، الموظف قال ليهو : لأنو قيمة مكالماتك 380 جنيه ! ، يعني إتجاوزت السقف ! ( اللي هو 200 جنيه ) !!
ــــــــ
بعد داك ممكن تتخيلو صاحبي قال شنو لي الموظف ده بس البقدر أقولو أنا إنو كسّر الشريحة ، وجدع ليهو في وشّو ، ومرق !
| |
|
|
|
|
|
|
|