|
# يافوخي كان نايم ولانعسان ماعارف أمكن طاشي شبكة (محتاج وصفة للعلاج)!
|
تعرفوا الليلة وبدون سبب سألت عقلي أنت مالك ما شغال معي كويس ؟أنت نايم ولا نعسان ولا أظنك طاشي شبكة ياخي تعال نمشي الدكتور أمكن يرجعك تشغتل تاني زي زمان عقلي كان صريح جدا معي وقال (ما تزعل مني أنا والله ساكن في رأس غلط وأنت قمت عملت حاجات ما حلوة معي أول الحاجات دي أنت عايزني أكون دايمة في حالة توهان وتقوم من النوم تجري للحمام وتمشي شغالك الشغل الكلو قلنا وقولوا وتقعد تحكي وتوصف أحوال خلق الله ومريضأنت بالشمارات وناقل أخبار أخير منك ونسة ربات المنزل نصت نهار أوالقعدة في قهوة ود أيوب في سوق العنقريب وكل أهتماماتك حلتك المخستكه بالليل وناس مني وريهام وتقعد تكداب لهين وهن كمان مهمومات زيك وما خدات مقلب كبير في فيك وأنت خيالي لدرجة المرض وحتي قرايتك تعيسةجدا زيك كدا الدار وحكايات وروايات قديمة الوسادة الخالية وخان الخليلي وجنك القصة القديمة بتاعت العوامة اللي كلها مساطيل يا تقعد في الاب توب تكتب خزعبلات وخيالاتك المريضة ولا بتشوف حروف ولا بتعرف قواعد اللغة لا عندك علاقة باللغة العربية وأنت كمان موهوم ومنبوذ من الجنس اللطيف و كسلان وعايش في أفريقياكمان تعرف أنا قبل ما أجي أقعد في راسك دا كنت في راس واحد سباك عايش في جزيرة البرتا برتش كولومبيا الزول كان رهيب بحب الحياة ومتصالح مع نفسو وعندو أبداعات بي مات من كبر السن قضي حياة رايعة جدا أنت ياخي يا نايم يا عايز تنوم ولا طاشي شبكة يعني بالعربي كدا مافي فايدة يكون عندك عقل أحسن تكون بدون عقل والناس تعرف أنك بدون عقل عشان كمان ما تعذب نفسك أنت حدود أستعمل العقل عندك تحنك عشان تتسلف ليك تلاتين جنيه حق الحلة ولياليك اللي كلها نميمه ونسه ممله يا خي أنت عندك حلاين هو ياتموت ونرتح منك ونرحل لرأس تاني غير رأسك الزي راس النيايفا دا أو تجن وتعيش الباقي من عمرك في عوالمك الجميله لحدي متنتهي صلاحيتك أنا لا بمشي لدكتور ولا بتعامل مع الطب مشكلتي بيئةالعمل وقاعك الوخساندا )
*بالله ياناس دي طريقة حياة مع العقل دا أنا عايز منكم حملة تبرعات عاجلة عشان أعمل عملية نقل عقل شغال ومتحضر لانو دا ماعندو رغبة ينصلح حالو ولا في أمل للعلاج من المرض اللي أصابو دا وأمكن يتدهور ويكون سبب موتي كمان الشر برا وبعيد أنشالله ونمسي الحملة نقل يافوخ جديد لأبو الزهراء بعد العطب اللب أصاب مخو !!!؟ أو لو في طبيب مخ وأعصاب شاطر ممكن يساعد ما عندي مانع وناس قيقا كل أصدقائي في الارض ممكن يدفعوا الفاتورة محتاج وصفة عاجلة للعلاج أو البديل يا شباب
|
|
|
|
|
|