زمان صاحبنا الأًصغر سنـاً ، محمد عطا ، كان مجنون لغة البرمجة Basic لامن كانت جزء أساسي من ثلاثة كورسات أساسية في معاهد تعليم الكبيوتر مقدمة تشغيل وبيزكـ ( Introduction / operation / Basic ) :) كان الوحيد الذي وضع كود علامة النجمة بطريقة صحيحة بحيث يكون أعلى المثلث المرسوم أصلاً بلغة البيسكـ في شكل نجوم وكان ذلكـ المعهد ، في ذلكـ الزمان ، طريقه إلى مدرسة العلوم الرياضية "school of mass " . لامن إتخرج أبصم بالعشرة أنه الأول الذي تمكن من الإتصال بالإنترنت بواسطة التلفون الأرضي " كانت الخدمة لنج " تحميل الصفحة يتم بمراحل تبدأ من تهنيق الجهاز وتنتهي بصوت الموديوم وهو يصفر طالباً النجدة . الآن تدخل إلى بيتكـ وتذهب إلى كي بوردكـ وتضغط إنتر فيفتح الجهاز ويتم الإتصال والتحميل وشوووووووووووووووو تنزل الحاجات طالح وصالح تسغرب لحروف وتزعل من حروف تندهش ثم تهرب . المصيبة كان رديت !! يا ويييييييييييييييلكـ . سبحان الله حسي لو التحميل كان زي أبو صفارة داكـ ، كان ضيعتوا الزمن في جِنِس ده
01-10-2012, 09:19 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
يا نصر الدين فاكر صديقنا فضل حامد كان زول لذيذ كيف ؟ التعايشي الجميل والمحاسب الشاطر ياخي الزول ده أنا بريدو عديل كده عارف ليه ؟ لأنو كان ما زول عكننه رغم إنو ممكن يزعل أو يزهج بس برضو بيكون مبتسم ، أو كمان ضاحكِـ عديل كده . وكان استفزيتو ، أو حبيت تزعلو أو تخوزقوا بياخد حقو وبرضو ضاحكـ عشان كده يا نصر الدين ، يا صديقي الجميل ، الخلى الشيب الأبيض المتوسط ما يزور أخوكـ " زي أخوانو " طريقة أخونـا االجميل فضل في التعامل مع الحاجات أهرب إلى الضحكـ زي ما سويت أنا لامن قريت لي حاجات كده هنا قبل شوية يا أخوي فووووووووووووق كم ؟
01-10-2012, 09:38 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
ولأن العنوان لا يشبه المضمون فقد وجدتها فرصة (تنفيس) لي بعد جهد يومي صار مصاحباً للشهيق والزفير وخفت على نفسي من الشيب الأبيض المتوسط بعد جلسة في سودانييييييييز بالمناسبة محتاجين نغير العنوان حق سودانيز زاتو أعتقد العنوان لا يشبه المضمون مااااااااااافي شي مضمون يا نصر الدين .. شوف وأضحك يا مان مالكـ ومال الحساب
01-10-2012, 09:44 PM
نصرالدين صلاح
نصرالدين صلاح
تاريخ التسجيل: 09-01-2009
مجموع المشاركات: 444
وبحلق صديقي " يمين ويسار " حين سأل بطريقته التهكمية تلكـ وهو يعرف إجابة سؤاله يقينا . ده صديقي العجيب رمرم بضواحي كسلا يا باشمهندس طارق ذكرتني ليهو وانت مقنطِر ليكـ واحد ما لقيتو فوق :) :) :) :) المشكلة ود الفكي كشف نومتي وجاب العنوان الصحيح إنو ديل ناس شليقين ساي أها زولكـ يا طارق يا صديقي موجود بس ما في المقطع الفوق ده
01-11-2012, 07:43 AM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
عمرانو العنوان الصحيح هو اشلق وليس اغبي انا شخصياً ما شفت غباوة في الخواجات والا لما وصلوا الى هذا التطور التقني العالي، الغباوة اسيادها معروفين تسهيلاً للموضوع الشليق دا زول بيعمل الحاجة وعارف انه احتمال يتجهو عوجة اما الغبي فلا يدرك ذلك الا بعد وقوع العوجة ذاتها
01-11-2012, 01:30 PM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
النكتوت يا ود الفكي بقى زي كلام جدي في حاجة كده !! كان بقول الــــــــــــــ ... بخور الباطن " ، طبعاً بعد ما " يترَع " وخالف رجلو وكباية الشاي التقيل لامن أسود في اليد الشمال وهو طبعاً بيكون اليوم داكـ عارف ولادو باعو البرسيم والطماطم وريالين سوق التلاتاء جاهزات ( التلاتاء باقي ليها لسه أربعة أيام ) :) أها يا ود الفكي طعم النكتوت هنا بيغير طعم الويكة واللحمة الباكستانية الماليه شارع غبيرة العام . ريال قدر ما يجي قدر ما يروح ، بركتو شايلاها ستة لساتكـ دبل جنط مركبن في جنباتو يجي وجري يطلع . كلامكـ الفوق حق الشلاقة ياهو العنوان المناسب لمقطع الفيديو الغباء مكانو وسطنا يا آخوي متوهِط بيناتنا
___________ يا عربي في كلام فوق ما رطانة بس انت السعودية بتكون نستكـ كلام العرب :)
01-11-2012, 09:26 PM
عمران حسن صالح
عمران حسن صالح
تاريخ التسجيل: 11-26-2004
مجموع المشاركات: 10159
النكتوت يا ود الفكي بقى زي كلام جدي في حاجة كده !! كان بقول الــــــــــــــ ... بخور الباطن " ، طبعاً بعد ما " يترَع " وخالف رجلو وكباية الشاي التقيل لامن أسود في اليد الشمال وهو طبعاً بيكون اليوم داكـ عارف ولادو باعو البرسيم والطماطم وريالين سوق التلاتاء جاهزات ( التلاتاء باقي ليها لسه أربعة أيام ) :) أها يا ود الفكي طعم النكتوت هنا بيغير طعم الويكة واللحمة الباكستانية الماليه شارع غبيرة العام . ريال قدر ما يجي قدر ما يروح ، بركتو شايلاها ستة لساتكـ دبل جنط مركبن في جنباتو يجي وجري يطلع . كلامكـ الفوق حق الشلاقة ياهو العنوان المناسب لمقطع الفيديو الغباء مكانو وسطنا يا آخوي متوهِط بيناتنا
___________ يا عربي في كلام فوق ما رطانة بس انت السعودية بتكون نستكـ كلام ( العرب ) :)
01-11-2012, 10:28 PM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة