إبتديت أقراكى تانى فى صفحة الريد النهار وشفت شمسِك فى عتمة الشوق الودار إبتديت أقراكى تانى فتحت دواية الحبر البجرتق كون حضورك بالمعانى كتبت معناكى وقعدت قلت فى جواى أدسك يا رحيق ورد الأغانى
إبتديت أقراكى تانى واتمعنك أول سطر من صفحة البسمة الأمانى آخر سطر لحدى سدرة منتهاك يقراك معاى تعب العمر شغف المكان فرح الزمان بيقراك معاى وكل نبضات الثوانى ومن وهج جهرة بهاك ضوِك غلب عتمة أساى ناغمنى حسِك إبتديت اتفكرك وتانى جوه غناى أدسك اتأملِك واتخيلِك ومرة ختيت الأمانى معاى فى جيب الحلِم وأنا والقمر نبدا سيرتك وننسجم نحكي عنك يا حدائق يا مرافئ يا مراسى ابتديت اتأملِك وجريت نفس كل الأغانى قلت يمكن لو قليل أتنفسك
ما إنتى هسه وبكره إنتى وروعة اللحظة الأمس بس شفتى كيفن لما لقياك تبقى ضلى والبعاد لفح الشمس
جريت نفس كل الأغانى قلت يمكن لو قليل اتنفسك ندهت غيمات الخريف شان تمشى جنبك تحرسك ويتمد مشوار الغنا فى سكة الأشواق معاى يوصل محطات المنى الما بتمسك واتذكرك بس شفتى كيفن لما لقياك تبقى ضلى والبعاد لفح الشمس إبتديت اتأملِك وأتفكرك وأتمنى تانى وأكتبك
يا ريت لو باكر أمس
01-09-2012, 03:06 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوذر بابكر
فيس بوك
تويتر
انستقرام
يوتيوب
بنتيريست