|
اسرائيل ستطالب السودان بتعويض عن املاك اليهود المُهجرين منه..
|
والخبر التاني انها ستطالب المملكة العربية السعودية بدفع تعويض عن املاك اليهود التي غُنمت في عهد الرسول صلي الله عليه وسلم بقيمة تُقدر بـ100 مليار دولار يُفترض يدفعها آل سعود مقابل منازل اليهود بالمدينة المنورة وممتلكاتهم في خيبر وغيرها ..
اما السودان فمطالب بنسبة من مبلغ 300 مليار دولار مقسمة بينه وبين مصر وموريتانيا والمغرب والجزائر وتونس وليبيا وسوريا والعراق ولبنان والأردن والبحرين حسب التعداد السكاني لليهود عام 1948م ..
فشدو حيلكم يا حبايبنا .. خاصة وانه جزيرة ( مقرسم ) حسب اخر التصريحات الاسرائيلية اصبحت قاعدة عسكرية للدولة العبرية ( بوضع اليد ) وذلك لحماية امنها القومي من تهريب السلاح عبر الحدود السودانية المصرية .. وطبعاً بوضع اليد وعبد الرحيم محمد حسين وبقية الشلة بغم ما حايقدرو يقولوا..
Quote: خالد علي- سبق- جدة:
كشفت صحيفتا "ميدل إيست مونيتر" البريطانية و"روز اليوسف" المصرية أن إسرائيل تقوم حالياً عن طريق المدير العام لإدارة الأملاك بوزارة الخارجية الإسرائيلية بإعداد مشروع قانون سيُطرح على الكنيست في مارس المقبل، يلزم الحكومة الإسرائيلية بمطالبة حكومات الدول العربية، ومنها المملكة العربية السعودية، برد أملاك اليهود في هذه البلاد قبل أن يتركوها في العام 1948م، تمهيداً لوضعه على مائدة المفاوضات الدولية في حالة الضغط على إسرائيل بحق العودة للفلسطينيين.
وذكرت الصحيفتان أن مشروع القانون ينقسم لقسمين: الأول يطالب مصر وموريتانيا والمغرب والجزائر وتونس وليبيا والسودان وسوريا والعراق ولبنان والأردن والبحرين بتعويضات عن أملاك 850 ألف يهودي، قيمتها 300 مليار دولار أمريكي، مقسَّمة فيما بينهم طبقاً للتعداد السكاني الأخير لليهود عام 1948.
أما القسم الثاني من القانون فتطالب فيه وزارة الخارجية الإسرائيلية المملكة العربية السعودية بدفع تعويضات قيمتها تتجاوز مائة مليار دولار مقابل أملاك تزعم أنها لليهود منذ عهد الرسول صلى الله عليه وسلم، وهو المشروع الذي يعمل حالياً عليه كبار خبراء القانون الدولي والتاريخ والجغرافيا الإسرائيليين في جامعات بار إيلان وبئر السبع وتل أبيب والقدس وحيفا، بتمويل خاص حدد بـ100 مليون دولار أمريكي، اقتطع من ميزانية وزارة الخارجية الإسرائيلية لعام 2012.
|
|
|
|
|
|
|
|
|
Re: اسرائيل ستطالب السودان بتعويض عن املاك اليهود المُهجرين منه.. (Re: هاشم نوريت)
|
نعم يا هاشم نوريـت سيدفعون..!! ومتين جماعة دولة لغيـر الله لن نركع طالبها المجتمع الدولي بحاجة ولم تنفذ!! اطلاقاً ما حصل ولا حادثة واحدة ممكن يجي واحد هنا يقول المجتمع الدولي طالبنا بيها ونحن رفضنا حتي من قبل قصة جلد الكديـس وهم ينبرشو قدام التهديدات .. المناصير كان عندهم اباتشي كان حقهم حايجيم لغاية عندهم لكن للأسف ليس معهم سوى الله بدعواتهم وصدق مطالبتهم وموقفهم..
أما قولنا:
Quote: فشدو حيلكم يا حبايبنا .. خاصة وانه جزيرة ( مقرسم ) حسب اخر التصريحات الاسرائيلية اصبحت قاعدة عسكرية للدولة العبرية ( بوضع اليد ) وذلك لحماية امنها القومي من تهريب السلاح عبر الحدود السودانية المصرية .. |
فلنقرأ في الراكوبة :
Quote: قال وزير الدفاع الإسرائيلي في لقائه برئيس جمهورية جنوب السودان سلفاكير ميارديت، إن تواجد القوات الإسرائيلية في منطقة البحر الأحمر، و خاصة في الأراضي السودانية الغرض منه حماية الأمن الإسرائيلي وأضاف "سنظل هناك حتى نضمن عدم وجود تهديد يأتي إلينا من هناك"، وذكر أن قواتهم اتخذت من جزيرة ( مقرسم) مرسى لها، خاصة وأن غواصاتهم موجودة في منطقة البحر الأحمر و التي هي أيضا مهبط لطائراتهم لمراقبة الحدود السودانية المصرية.
|
حليلك يا الطياراتك بتقصف من على ارتفاع 150 كيلومتر
| |
|
|
|
|
|
|
Re: اسرائيل ستطالب السودان بتعويض عن املاك اليهود المُهجرين منه.. (Re: غادة مكى محمد)
|
يا المغيرة الامام .. سلامات
Quote: مع اسرائيل ربنا يحفظ السودان وابناء السودان من كل شر.......... |
شكلك يا حبيب فاهم المعادلة غلط.. لا تصالح شنو؟ وهل اسرائيل محتاجة لمصالحة مع نظام متهالك لا يستطيع حماية حدوده .. اسرئيل قالت بالواضح الما فاضح نحن حقنا بنقلعو رجالة وما تنتظرونا نحن اساساً جينا زرناكم كذا مرة وهسع قاعدين وبنبلبط في مياه البحر الاحمر داخل حدودكم وحايمين في جزيرة (مقرسم) والراجل اليجي يحشكنا.،، عارف الهمام عبد الرحيم محمد حسين اللي وصل الجيش السوداني تحت ادارته لذلة وانكسار لم يصل له الجيش اللبناني عمل شنو ؟ قال لعمر البشر ما تزور بورتسودان هسع عشان الوضع ما مطمئن وممكن الصهاينة ديل يخطفوك في اي لحظة خاصة ونحن يا سعادتك القائد العام للقوات المسلحة كما تعلم لا نملك دفاع جوي وحتي محطات الرادار الفي الجزيرة المعنية شكلها لا فائدة منها لانه طيارات (العدو ) نازلة فيها و صفارة دقت مافي :) فيا المغيرة يا اخوي لا تصالح دي تقولها دولة عندها جيش ونخوة وبتقدر تدافع عن ارضها لكن الجيش السوداني في عهد الانقاذ وتحت قيادة القائد العام المشير عمر حسن احمد البشيـر وبإدارة وزير الدفاع الفريق عبد الرحيم محمد حسين اصبح لا بيهش ولا بينش .. وشكله بقي مليشيا تابعة للمؤتمر الوطني وموجه لصدور المواطنيين المعارضين وبندقيتو ضد الشعب المفروض انه جاء لحمايتو .. اما ضد الاعداء فمجرد فزاعة وخيال مآتة ساااي زرزور ما يقدر يطردو.. غايتو انا في وانت في بكرة بعد بكرة حا يجي اليوم اليبكي فيهو عمر البشير وعبد الرحيم محمد حسين ويطالبو المجتمع الدولي والدول العربية بحمايتهم ضد الدوان زي ما عمر نبيه بري وسعد الحريري عند الاعتداء الاسرائيلي على لبنان .. وللآن اذكر منظرهم وهم بيبكو ( بكاء عديل وليس مجازاً) وسعد الحريري يتمخط ويقشها في كم بدلتو ويقول يجب على الاشقاء العرب حماية اخوتهم اللبنانيين .. بكرة عبد الرحيم محمد حسين يقشها بالــ(كاب) اللابسو ويقول الحقونا .. فيا المغيرة لا تقل لا تصالح مع اسرائيل لكن قل لا مقدرة لرد زيارة اسرائيل
ثم شوفوا المهزلة العجيبة دي من على كرتي قال شنو :
Quote: ردا على سؤال حول ما أعلن مؤخرا عن ضرب الطيران الإسرائيلي لقافلة سيارات محملة بالأسلحة داخل الحدود السودانية و كانت في طريقها إلى غزة، نفى الوزير السوداني على كرتي ذلك.. وقال إن الهدف من هذه الشائعات هو التشويش على زيارة كان الرئيس عمر البشير يقوم بها لبور سودان إحدى الجزر على البحر الاحمر لتفقد أحد المشروعات الاستثمارية بها.
واستطرد الوزير قائلا "إن السودان كان يشكو من قبل من مشاكل تأتي عبر الحدود التشادية ولكن بعد الاتفاق الأخير بين الجانبين تم الانتهاء من تلك المشاكل، وهناك اتفاق مع دولة إفريقيا الوسطى بهذا الصدد ونحن في انتظار استقرار الأوضاع في ليبيا للتوصل إلى اتفاق لمراقبة الحدود، كما أن لدينا متابعة من الجانبين الإثيوبي والإريتري، إلا أنه حذر في الوقت نفسه من محاولات الاختراق الأمني الدولية".
|
صحيفة الراكوبة الالكترونية
يا مولانا وزيــر الخارجية الناس يسألوك من اسرائيل تقوم تمرقها ليهم في تشاد وافريقيا الوسطي .. يازول استطرد وانت متجه الشمال الشرقي وخلك من الشمال الغربي .. الغرب دا فرنصا ظبطتو ليكم تب ..
| |
|
|
|
|
|
|
Re: اسرائيل ستطالب السودان بتعويض عن املاك اليهود المُهجرين منه.. (Re: قلقو)
|
سلامات يا صلاح عبد الله هو سمك ساي .. سمك وقالوا ليك نحن متكلين يا معلم والداير (مقرسم ) اليجي يقلعنا. :)
Quote: غايتو نقول الله يجازي الكان السبب في هواننا ده.. |
والهوان ساقية مدورة بالبلد دي الفيها وزيـر الدفاع عبد الرحيم محمد حسين بتاع القوات الجوية والمفروض بمؤهلاتو آخرو كدة يكون عطشقي بطيارة شحن عسكرية ومحل السواق دا زاتو ما مفروض يدخلو .. يبقي وراء في المؤخرة يسف ويفتح باب الطيارة يتُف ويقفلوا تاني يكمل نومو.. وقت ضربة مصنع الشفاء وبعد ما بيل كلنتون سيد الشئ ذاتها طلع بوسائل الاعلام وقال ضربنا اهداف ارهابية بالسودان عبر صواريخ من واحدة من غواصتنا بالمحيط الهندي مرق السيد عبد الرحيم محمد حسين وسألوهو أها كيف حصلت الضربة يا معلم .. قال ليك ابداً ما عارف والله لكن بيقولوا هي بطيارتين جن من جيهة الشمال.. اها يازول ياتو محطة رادار لقطتهم؟ ابداً الرادار ما شافن الا في مواطنيين في جيهة بربر شافوهن وحسوا بيهن وكلمونا بالله في هوان اكتر من كدة انه دا يكون وزيـر دفاع ؟! في مسخرة اكتر من دي !! دا لو سألوهو زيادة والمواطنيين ديل منو وبلغوكم كيف ومتين كان قال المواطن هو طيفور ود النعمة كان بيسقي في حمـارتو والدليل انه حمــارتو جفلت وقت سمعت صوت الطيارة وكان مغالطني اسألوا الحمــارة.. يا لهوان الشعب السوداني العظيـم واراضيه وسيادته تنتهك ويُعتدي عليــها ومن يفترض بهم صيانتها ضد الاعداء يوجهو فوهة بنادقهم لصدره وهو اعزل.. وما اهون من كلام عبد الرحيم محمد حسين الا كلام القائد العام للقوات المسلحة وهو يقول بعد ضربة مصنع الشفاء .. نحن خبتونا بصواريخ توما هوك ودا كلووو كوم لو قلنا صواريخ تعدي وتفوت ولا حد يموت .. والاسرائيليين الحايمين شرقاً كوم خاصة وانه في خطبة الجمعة الفاتت عصام احمد البشير بيقول انه بيرحب بهنية والشعب السوداني كلو بيرحب باسماعين هنية.. وحلف عصام بالتـوســخ كرعيهو انه لن نبيع القضية الفلسطينية وانه الشعب السوداني كلوو مستعد للموت فداءً من اجل القضية الفلسطينة .. الشباب في المطعم السوداني كلهم قالوا .. زززززززنننن فيامولانا عصام احمد البشير خلك من الموت فداءً للقضية الفلسطينية كلم لينا سعادتو عبد الرحيم محمد حسين دا بس اليحرك ليهو صافات صااافتين من جياد يدارى بيهن سوءة الانتهاك الاسرائيلي دا للحدود السودانية
| |
|
|
|
|
|
|
Re: اسرائيل ستطالب السودان بتعويض عن املاك اليهود المُهجرين منه.. (Re: HAIDER ALZAIN)
|
سلامات الاخت غادة
Quote: اللة يرحم مصطفى اسحق ياحيدر والموجودون على قيد الحياة الان من ال اسحق اسرائيل هم الاستاذة /فريدة اسحاق د منصور اسحاق ومحمد المامون وامين ومازالوا يقطنون امدرمان /حى البوستة مقابل القسم الاوسط شارع العرضة
|
شكرا للافادة يا غادة وربنا يرحم مصطفي اسحق ويشمله بمغفرته ورحمته..
كما قلت قبلاً بعض المداخلات بالمدونة مكتوبة قبل عام واحد ...
عموماً ساعود مرة اخري للمزيد حول هذا الموضوع
ـــــــــ ويا حكومة ادو الناس حقهم
| |
|
|
|
|
|
|
|