|
Re: الترابـي يخطط لإنقلاب عسكري (Re: ASHRAF MUSTAFA)
|
Quote: المعروفـــــــــ أن الرجل معارض للنظام من الدرجة الأولي..
فإذا جاء إلى سدة الحكم هل ستعارضونه؟؟؟؟؟؟ |
تاااااااني ؟!!!!
الراجل ده سبب بلاوي السوداني وهو الجاب النظام فما عارف الناس فقدت الذاكرة ولا الحاصل شنو !!!!
تحياتي اشرف
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الترابـي يخطط لإنقلاب عسكري (Re: فايزودالقاضي)
|
ســـلام صاحب الدار وضيوفك الكرام،
تاني إنقلاب، ليـــه ، كفاية، لا لا مش ممكن،
قد يكون في الأمر تخطيط لاعتقال الشيخ ، خطوة خاطئة إن أقدم عليها النظام قد تزيد في إشعال الثورة الشعبية ضــده ،
مع تحياتي ،
| |
![Edit](https://sudaneseonline.com/db/icon_edit.gif)
|
|
|
|
|
|
Re: الترابـي يخطط لإنقلاب عسكري (Re: صلاح حمد)
|
الغريب في الأمر أنه ليست المرة الأولى التي يُتهم فيها حزب الترابي بالتدبير في تنفيذ إنقلاب حيث السابقة في تاريخ مضى هوالزعم بتقديم دلائل مادية علي الإنقلاب شملت أسلحة وغيرها ثم تبعها محاكمات إنتهت بتسويات سياسية كان السبق فيها إنضمام مجموعات من الشعبي ل######## وآخرها منصب نائب رئيس الجمهورية لأحد المنضمين الجدد للوطني . بينما عاد الباقين بالشعبي لممارسة نشاطهم السياسي وأقاموا مؤتمر تنشيطي قريباً . يعني قصة الإتهام بإنقلابات دي محتاجة لوقفة عميقة وربما تندرج تحت طائلة العمل السياسي واللعب غير النظيف في مسرح اللاوعي السوداني .
بحيراوي
| |
![Edit](https://sudaneseonline.com/db/icon_edit.gif)
|
|
|
|
|
|
Re: الترابـي يخطط لإنقلاب عسكري (Re: البحيراوي)
|
Quote: مدير الأمن: السنوسي وشمّار حملا رؤية الترابي لإسقاط النظام
قال الفريق مهندس محمد عطا المولى مدير جهاز الأمن والمخابرات الوطني، إن التحديات الداخلية لدى الجهاز على المستوى الداخلي السياسي هي الرغبة الشديدة والأكيدة لدى بعض الأحزاب لاستثمار كل شئ لإسقاط الحكومة بالوسائل غير الديمقراطية وبأية وسيلة، وأوضح أنّ كثيراً من الأحزاب التي تستظل بالمظلة الوطنية هي في الأساس مظلة خارجية وقرارها من خارج الحدود، وأكد أن ما تدعو له قوى المعارضة لقيام ربيع عربي هو في الأساس منذ يناير الماضي ولكنها فشلت في تحريك الشارع لإسقاط الحكومة، وأضاف: الآن فرص الأحزاب المعارضة للحديث عن ربيع عربي ضاقت أكثر مما كانت العام الماضي، وأكد في تنوير أمني للأحزاب السياسية أمس، أن هذه ليست مهدداً أمنياً على الحكومة والاستقرار، وأضاف: (البلد في أمان ومساحات الأمان والسلام تتسع كل يوم).وأشار عطا إلى أن بعض الأحزاب لها سيناريوهات أخرى عبر تحالف المعارضة بإدارة فاروق أبو عيسى، وقال إن هنالك داخل التحالف اتفاقاً خاصاً بين المؤتمر الشعبي والحزب الشيوعي مغطى عن الأحزاب الأخرى، وأوضح أن الترتيب بين الحزبين وجد مقاومة كبيرة من قيادات الوسط لدى الحزبين لأن كلاهما غير قادر على (بلع) الآخر، ووصف تحالفهما بأنه تفكير (شاطح). وقال عطا إن السيناريو الآخر هو الجبهة الثورية وما يعرف بتحالف (ياي) المسمى بـ (كاودا)، وكشف عن اتصالات ونقاشات جرت بين تحالف أبو عيسى وتحالف (كاودا) آخرها كان الوفد الذي ذهب بقيادة إبراهيم السنوسي مساعد الأمين العام للمؤتمر الشعبي والقيادي علي شمّار، وقال إنهما كانا يحملان رؤية الترابي مكتوبة عن السيناريوهات لزوال حكومة الخرطوم، وأوضح أن الرؤية انحصرت في خيارين: الأول وقوع انقلاب عسكري، والآخر تعبئة الشارع في شكل انتفاضة شعبية، لكن الأخيرة في نظرهم قد تستغرق وقتاً، ولذلك يريدون شيئاً فيه ميزة الحسم السريع المتوافرة في الانقلاب العسكري وبها ميزة المشاركة الشعبية، ومن أجل انضاج هذا تم الاتفاق على اجتماع منتصف نوفمبر لم يَتمكّن قائد العدل والمساواة الوصول إليه بشأن وضع هيكلة أخيرة للجبهة الثورية. وأكّد عطا، أنّ خليل إبراهيم زعيم العدل والمساواة لم يكن مرتاحاً لنزوله ميدان المعركة، بل اضطر اضطراراً، وأشار إلى أن جهاز الأمن حاصر قواته داخل الحدود الليبية بعدما شارك بقواته مع القذافي، وأكد أن حديث الترابي الذي قال فيه إن خليل أبلغه انه اختار خليفة له عار عن الصحة، وأراد به أن يكون الخليفة موالياً للمؤتمر الشعبي، وتوقع عطا أن يكون جبريل إبراهيم الأمين العام للحركة، وأكد أن قدراتها تضعف كل يوم، بجانب الضعف في حركة مناوي وعبد الواحد المنعزل عن الميدان والمسرح. إلى ذلك، قال عطا إن الحركة الشعبية قطاع الشمال مهزومة في مناطق النيل الأزرق التي تبقت منها منطقة (يابوس) التي سيتم تحريرها قريباً، وأضاف: كذلك انتهينا من مرحلة التأمين في جنوب كردفان ونتقدم على المسارح كافة.
وأكد عطا أن دخول وثيقة سلام الدوحة إلى مسرح دارفور يعطي فرصة أكبر لتلطيف المسرح، وتوقع أن تجد المجموعات المتمردة الدعم من حكومة الجنوب وآخرين، وقال: لكن نطمئن الناس أنه ترتيب مضمحل، خاصةً وأنّ الجنوب له قضاياه ومشاكله، ونرى أن الوضع في جنوب كردفان والنيل الأزرق ودارفور لا يمثل مهدداً لاستقرار البلاد والحكومة. وأوضح عطا أن إحدى مشكلات الأحزاب السياسية السودانية هي أن تتواضع على أفق سياسي أوسع من مصالح الحزب والفرد. |
http://www.rayaam.info/News_view.aspx?pid=1203&id=99330
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الترابـي يخطط لإنقلاب عسكري (Re: مصعب عوض الكريم علي)
|
أخونا مصعب عوض الكريم كيفنك ولعلك بخير
شكرآ على الخبر المصور ومعك نتأمل ونتأمل البشير ده طلع بطنوا غريقة ياخ والله صحي يوم تلقاه بحارب بكل شراسة ضد متمرد او يسجن رئيس احد الاحزاب اليوم التاني تلقاهم الاتنين بياكلوا كسرة وملاح وتلقى الاخير مساعد ولا وزير ولا مستشار رئاسي ده كله كوم لكن... معقول ياخ البلد ماشة بالترضيات والناس الكفئين خاتنهم في الرف؟ عشان كده الموية ديمة قاطعة والاسعار مرتفعة والفساد مستشري لانو بخت الناس الما عنهم اي خبرة في الحكم فقط يعرفون كيف يستخدمون السلاح طيب ما اهو ده نحنا هشينا الكديت واترقينا لغاية مساعد امتياز وكمان من سنة تانية لي مافي زول هبب لينا حاجة ولا جابونا في الفنادق الخمسة نجوم والعصاير تقول يا ليل؟؟
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الترابـي يخطط لإنقلاب عسكري (Re: البحيراوي)
|
البحيراوي سلامات ياخ ولعلك بخير وعافية
Quote: الغريب في الأمر أنه ليست المرة الأولى التي يُتهم فيها حزب الترابي بالتدبير في تنفيذ إنقلاب حيث السابقة في تاريخ مضى هوالزعم بتقديم دلائل مادية علي الإنقلاب شملت أسلحة وغيرها ثم تبعها محاكمات إنتهت بتسويات سياسية كان السبق فيها إنضمام مجموعات من الشعبي ل######## وآخرها منصب نائب رئيس الجمهورية لأحد المنضمين الجدد للوطني . بينما عاد الباقين بالشعبي لممارسة نشاطهم السياسي وأقاموا مؤتمر تنشيطي قريباً . يعني قصة الإتهام بإنقلابات دي محتاجة لوقفة عميقة وربما تندرج تحت طائلة العمل السياسي واللعب غير النظيف في مسرح اللاوعي السوداني . |
أنا لمن نزلت الخبر ما كنت عارف انو متورط مع الحزب الشيوعي وحقيقة فوجئت بالتفاصيل المرة دي شكلها ثابتة واتاريهم الناس ديل شغالين في الخفاء بالمناسبة المؤتمر الشعبي ما سامع ليه أي حركة هل الحزب رهن الترابي فقط عندما يكون خارج السجن؟؟
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الترابـي يخطط لإنقلاب عسكري (Re: صلاح حمد)
|
صلاح حمد سلامات ياخ الاخبار
Quote: تاني إنقلاب، ليـــه ، كفاية، لا لا مش ممكن،
قد يكون في الأمر تخطيط لاعتقال الشيخ ، خطوة خاطئة إن أقدم عليها النظام قد تزيد في إشعال الثورة الشعبية ضــده ، |
الترابي ده رغم ما فعله في البلاد لكن بالجد ياخ كفاية اعتقالات الراجل اصبح طاعن في السن وصحته لا تتحمل لكن مع الجوطة الحاصلة دي البسمع منو؟
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الترابـي يخطط لإنقلاب عسكري (Re: فايزودالقاضي)
|
تحياتي يا فايز وليك وحشةj
Quote: تاااااااني ؟!!!!
الراجل ده سبب بلاوي السوداني وهو الجاب النظام فما عارف الناس فقدت الذاكرة ولا الحاصل شنو !!!! تحياتي اشرف |
ما هو ده الفهمناه من المعارضة في المنبر ده اي زول يكون كوز ويتوب التوبة تجب ما قبلها الكلام ده مفروض ينطبق على كل الكيزان التائبين لكن اذا احصيتهم وحاولت فرزهم تاني الفاضل منو؟ كل يوم نسمع معارض انضم للانقاذ ثم بعد قليل يتركها وينضم للمعارضة الناس بقت متحيرة من المعارضة اكتر من ناس الحكومة
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: الترابـي يخطط لإنقلاب عسكري (Re: ASHRAF MUSTAFA)
|
Quote: إنضمام مجموعات من الشعبي ل######## |
انت ياالبحيراوى (الوطنى) دى كتبتها شنو بكرى شطبا ليك.. ركز شويه لانه زى مابقولوا ناس الجوازات (اضافة اوحذف) اى حاجه بتودر البوست..دى ما خستكه لكن سمع اضانى محمد عطا ماقال انقلاب الراجل قالها بالبريطانيه(كومبنيشن) يعنى خلطه بتاعت انقلاب مع انتفاضه لكن بصراحه الراجل طمنا وقال هم جاهزين للكومبنيشن دى بس ماقال كيف..لكن اكيد بكونوا جاهزين فمافى عوجه ياشباب ماتقلقوا!!!
| |
![Edit](https://sudaneseonline.com/db/icon_edit.gif)
|
|
|
|
|
|
|