|
|
|
 Re: حفل ليلة الكريسماس بفرجينيا (Re: محاسن أحمد محمد)
|
يا كوستاوى مبروكة عليكم الحفلة
وتحيات نديات لنادر السودانى
زمان كان عنده فرقة اسمها السودانى
يا سلام يا سلام
لمن السودان كان قطعة واحدة
كنا نهاجر للحفلات فى الكريسماس نباريها نادى نادى
ونشرب عصير ريدتنا من الغنا
ناس الدرديرى احمد الشيخ وسمؤال والفاتح ونادر وفرقة البلوستارز
وناس شرحبيل
وناس وناس
عالم كان وردى وجميل لامظالم لامظاليم
الحفلة تنتهى الساعة ستة صباحا
ولا فى زول بسال لانه النوايا كانت صافية
البوليس بوصل "السكارى للبيوت "وبياخد نمرة التكسى
ياخ حزينة لانه الحرية الكانت عندنا حتى ايام النميرى ما حصلت
هسى بقينا وطنين والف قطعة تنتظر الخروج من رقعة الشطرنج
يا زمن خلينى انسى
تحية لفايز مليجى ومنعم الجزولى وكل من سيشدو فى هذه الليلة البهيجة
| |
  
|
|
|
|
|
|
|
|
Re: حفل ليلة الكريسماس بفرجينيا (Re: سلمى الشيخ سلامة)
|
لا يفوتني ان اهني اخوانا المسيحيين بهذة المناسبة
عيد ميلاد سعيد واتمني ان تتحقق الامنيات
واخص بالشكر الخردة صحبي نصر الدين الذي
قدمة في هذة المكان العديد من اعمالي الخاصة
ماعدمناك يا اصيل
محاسن صحبتي اتمني ان نكون قدر القول
الجيد سوف تكون امسية لها طعم خاص جدا
وسوف اقدم ثلاث وصلات غنائية كل وصلة بها
ثمانية اعمال فنية من كلماتي وكلمات الشاعر
الجميل الثائر عبد المنعم الجزولي
ولاول مرة سوف اقدم اغنية كجبار كاملة
وبالمناسبة اتمني ان ينال كل ما ساقدم رضاكم
1 /مسدار
2/ ليالي الفرحة
3/حليل زمنا
4/الطريق
5 / عصفور الغربة
6 / قصة مرت
7 / نسيم الغربة
8 / البنية
1/ كجبار [ بالمناسبة نسبة لطول هذة العمل سوفة اقدمة في وصلة منفصلة ]
1 / الخيول
2 / دار فور
3 / كم يا تري
4 / جور الزمان
5 / خطواتي الفترانة
6 / قلب السنط
7 / امدر يابلد
8 / يا شعب يا ثائر هيا
………………………….دي كدة كل الوصلات الغنائية اتمني ان تنال رضاكم
يا سلمي الجميلة اللة علي ذلك الزمان لازلنا نعيش بما تتنفسة داوخلنا
من جمال يا حليلك وحليل تلك الايام الخوالي اتمني ان تكوني معنا
ليزداد بك المكان جمالا تسلمي يا غالية
| |
|
|
|
|
|
|
|
|
|
Re: حفل ليلة الكريسماس بفرجينيا (Re: Kostawi)
|
نادر السودانى
الفنان النادر
والملتزم بالغناء العالى
كانت امنيتى ان اكون معكم وانت تغنى لشباب كجبار الذين سقطوا على حافة النهر واختلطت دماؤهم بسليل الفراديس ..
لنغنى سويا لوطن يفترسه ذئاب الجبهة..
غناؤك للخيول التنجمح ولباب السنط أناشيد للأجيال القادمة التى ستعيد الى السودان وجهه الجميل والمعافى من بثور الإنقاذ.. لنغنى للصباح القادم حيث لا بيوت اشباح.. لا مظاليم لا مظالم.. هذه مناسبة احث فيها اخوتى النوبيين للمشاركة فى هذه الليلةالتاريخية التى سيصدح فيها الفنان الكبير نادر السودانى لأول مرة برائعة الشاعر عبدالمنعم الجزولى عن شهداء كجبار... كونوا هناك جميعا لتغنوا معه نشيد النهر... نشيد كجبار والشهداء ... ملحمة الصمود ...
شكرا كوستاوى على نشر الفرح
ولنادر القومة والإنحناءة الطويلة
ولشهداء كجبار الأغنيات المقاتلة..
نورالدين منان
| |
|
|
|
|
|
|
|
|
|
Re: حفل ليلة الكريسماس بفرجينيا (Re: Mannan)
|
الشاعر المرهف والدبلماسي المحنك نور الدين
وجودكم معنا يسبت اقدامنا علي خشبة المسرح الزي قد تهتز اركانة حزنا علي شهداء
بلدي الاحرار/ لقد حاولت الاتصال ولم اتمكن من الوصول / حتي اخي محمد محمود
حاول معي / اتمني ان تحاول فحضورك مهم للقاية صديقي العزيز واتمني لك عاجل
الشفاء فالقيس اولة نقطة واخرة سيل جارف انشاء رب المظاليم …………….يلا سلام نادر السوداني
| |
|
|
|
|
|
|
|
|
|
|
Re: حفل ليلة الكريسماس بفرجينيا (Re: Deng)
|
احييك استاذنا المناضل نادر
انت فى وجدان كل النوبيين لروائعك فى كجبار وشهداء
الارض النوبيه والى سهرة الكرسماس ونستمتع بفنك
واباعاتك الغنائيه والموسيقيه ياجميل .
| |
|
|
|
|
|
|
|
|
|
Re: حفل ليلة الكريسماس بفرجينيا (Re: Kostawi)
|
Quote: يا كوستاوى مبروكة عليكم الحفلة
وتحيات نديات لنادر السودانى
زمان كان عنده فرقة اسمها السودانى
يا سلام يا سلام
لمن السودان كان قطعة واحدة
كنا نهاجر للحفلات فى الكريسماس نباريها نادى نادى
ونشرب عصير ريدتنا من الغنا
ناس الدرديرى احمد الشيخ وسمؤال والفاتح ونادر وفرقة البلوستارز
وناس شرحبيل
وناس وناس
عالم كان وردى وجميل لامظالم لامظاليم
الحفلة تنتهى الساعة ستة صباحا
ولا فى زول بسال لانه النوايا كانت صافية
البوليس بوصل "السكارى للبيوت "وبياخد نمرة التكسى
ياخ حزينة لانه الحرية الكانت عندنا حتى ايام النميرى ما حصلت
هسى بقينا وطنين والف قطعة تنتظر الخروج من رقعة الشطرنج
يا زمن خلينى انسى
تحية لفايز مليجى ومنعم الجزولى وكل من سيشدو فى هذه الليلة البهيجة |
يا سلام عليكي يا استاذه سلمي .... وصف ذاك الزمان الضاع منا....
والتحايا لاولاد الحله نادر وكوستاوي
وكل سنه والكل طيبين
محبتي
| |
|
|
|
|
|
|
|
|
|
Re: حفل ليلة الكريسماس بفرجينيا (Re: Kostawi)
|
شكرا للدبلوماسي والشاعر المرهف نورالدين منان والاخت اسماء عبد الحفيظ على أبداء الرغبة لحضور حفل (نادر السوداني) في ليلة الكرسمس والوقوف معنا لنتذكر شهدائنا في كجبار وكل أنحاء الوطن .
سعدت كثيرا بخبر حضورك المميز بعد غيابك بسبب ظروفك الصحية .
وألف حمداً على سلامتك
ولكم التحية والتقدير
| |
|
|
|
|
|
|
|
|
|
Re: حفل ليلة الكريسماس بفرجينيا (Re: Deng)
|
فكرة باب السنط هى فكرة اننا شعب يهدر مافى يده ويتطلع لما فى ايادى الغير.
كنا والله شعبا منتجا، ونعيش بعضا من الاكتفاء بما عندنا ( وهو كثير جدا) من الجبنة البيضاء والسمن البلدى، الى الدمورية والدبلان والبوبلين!! ومن موية الليمون والكركدى، الى حلويات ريا وكريكاب وسعد!! ومن حيط الزبالة وابواب السنط وقطاطى القش، الى اقلام الرصاص والكراسات والحبر بلونيه الاسود والازرق فتخيلى!!
لم نكن شرهين الى ماهو مستورد كما حالنا الان.
لهذا فان الجنيه السودانى كانت له شنّة ورنّة، وكان يساوى اكثر من ثلاثة دولارات.
لم نكن نهدر حصيلتنا من العملة الحرة فى استيراد مالايفيد الغالبية.
انظرى الان.
تدخلى اصغر كنتين فتجدين عدة انواع من الجبنه الدنماركية والفرنسية وحتى المصرية، ولاتجدين جبنة الدويم الممتازة. بل من سفهنا تركنا التمتع بزهورنا الجميلة واصبحنا نستورد زهور البلاستيك من تايوان فتأملى.
عندما انهار باب السنط انهار اقتصادنا. وهى بالمناسبة كانت فى تقديرى جريمة مدبرة بعناية حتى نهدر اكبرقدر من عملتنا الحرة لنقع فى براثن البنك الدولى والصندوق الدولى و...والنظام الدولى ..الجديد.
تلك كانت الفكرة خلف اغنية قلب السنط.
وهى فكرة بسيطة كما ترين.
ارجو ان تكون قد ( وقعت ليك)
منعم الجزولى
| |
|
|
|
|
|
|
|
|
|
Re: حفل ليلة الكريسماس بفرجينيا (Re: Deng)
|
شكرا للاستاذة والفنانة القديرة محاسن على كلمات الترحيب الرقيقة.. سنكون معكم رغم المشقة والظرف الصحى لنفرح باعياد الكريسماس ومقدم السنة الجديدة .. وعشان بنحب نادر وغناهو وللتزود بطاقة نضالية للعام الجديد ولمصارعة نظام القبح وذقون الإفك والضلال...
ميرى كريسماس تو يو...
نورالدين منان واسماء محمد عبدالحفيظ
| |
|
|
|
|
|
|
|
| |
Kostawi
ايمان بدر الدين
محاسن أحمد محمد
سلمى الشيخ سلامة
نادر السوداني
Mannan
Deng
ABDALLAH ABDALLAH
فقيرى جاويش طه
Tragie Mustafa
willeim andrea
فيس بوك
تويتر
انستقرام
يوتيوب
بنتيريست