تفاجأ ركاب حافلة قادمة من (التى ) بالجزيرة مساء الاثنين الماضى بعريس فى كامل هندامه وحريرته يوقف الحافلة فى الطريق بالقرب من قرية النوبة ليستقلها وهو يحمل سوط عنج بيده اليمنى، من مكالمة هاتفية اجراها عقب توهطه فى مقعد نص اتضح ان العربة التى كان يقودها لاكمال مراسم زفافه باحدى قرى الجزيرة التى اتجه اليها من منزله بالخرطوم قد اصابها عطب لم تفلح محاولاته لاصلاحها ما اضطره ان يعود الى الخرطوم مرة اخرى بعد ان ركن عربته بالقرب من احد المتاجر بقرية النوبة وتناول شنطة العرس وسوطه واتجه نحو منزله بالخرطوم..ولم يعرف من خلال مكالمته ما اذا كان سيعود لاكمال مراسم عرسه ام سيؤخره اياما. ركاب الحافلة دخلوا معه فى ملاطفات جانبية بعد انهاء مكالمته والتى اوصى خلالها المتحدث معه بان يستلم له جلاليب الحنة من الترزى بالحلة وعددها اربع على ان يدفع له مبلغ (280) جنيها قيمتها ، الركاب استفسروا منه ما اذا كان العرسان ما زالوا يلهبون ظهور المجاملين بالسيطان والبطان فكان رده بأن البطان دين على الاصدقاء والعشيرة وعليهم ان يؤدوه له لانه لم يترك عريسا فى حلته الا وقد نال نصيبه من السياط على ظهره..وعلهم يشاركوه كما فعل أو كما قال.
01-13-2012, 05:40 PM
ASHRAF MUSTAFA ASHRAF MUSTAFA
تاريخ التسجيل: 08-04-2008
مجموع المشاركات: 11543
أولاً بالتبادي يا أشرف النطعِم ليكـ كلام ناس الراي العام ديل بمقطع فيديو فيهو تراث أولاد عمنا ديل :) .. بلاهي الواحد ولا حتى الكتف يرجف ناهيكـ من باقي الجسم ماشاء الله تباركـ الله :) ____________ صديقي الجعلي يا أشرف حملني هدايا لوالدو ببري شلتهن يوم ومشيت ليهو طبعاً كنت بسمع عنو بس الشفتو خلاني أقتنع إنو (كٌبار الجعليين ديل ) جنهم براهو من ضمن حكاياتو قال لي يوم البنطون معدي بينا لشرق بلدنا فجأة اكتشف إنو فنانو المفضل في غنا أهلو راكب معاهم قام حاسب البنطون كلو من جيبو تصدق قطع تذاكر لكل راكبي البنطون المهم واصل حكاياتو لامن وراني السوطين المعلقات في مسمار في الحيطة قال كل يوم بديهم مسيحة بالزيت قلت ليهو ياخي لكن فلان ولدكـ صديقي ده ؟ حا يدق الناس كده ؟ قال لي كيفن نان ؟؟ قلت ليهو الراجل متعلم وقناعاتو مختلفة عمك هاج ليكـ فيني والله لامن خفته وقال : حرم ما يجلد البطان عرِس ما يعرِس
01-13-2012, 09:49 PM
ASHRAF MUSTAFA ASHRAF MUSTAFA
تاريخ التسجيل: 08-04-2008
مجموع المشاركات: 11543
Quote: بلاهي الواحد ولا حتى الكتف يرجف ناهيكـ من باقي الجسم ماشاء الله تباركـ الله :) ____________ صديقي الجعلي يا أشرف حملني هدايا لوالدو ببري شلتهن يوم ومشيت ليهو طبعاً كنت بسمع عنو بس الشفتو خلاني أقتنع إنو (كٌبار الجعليين ديل ) جنهم براهو من ضمن حكاياتو قال لي يوم البنطون معدي بينا لشرق بلدنا فجأة اكتشف إنو فنانو المفضل في غنا أهلو راكب معاهم قام حاسب البنطون كلو من جيبو تصدق قطع تذاكر لكل راكبي البنطون المهم واصل حكاياتو لامن وراني السوطين المعلقات في مسمار في الحيطة قال كل يوم بديهم مسيحة بالزيت قلت ليهو ياخي لكن فلان ولدكـ صديقي ده ؟ حا يدق الناس كده ؟ قال لي كيفن نان ؟؟ قلت ليهو الراجل متعلم وقناعاتو مختلفة عمك هاج ليكـ فيني والله لامن خفته وقال : حرم ما يجلد البطان عرِس ما يعرِس
هههههههههههه حلوة يا عمران والجعلي بقضي يومه خنق زي ما بقولوا تعرف انا لمن كنت صغير في السودان قبل ما استقر بره البلد كان عندي مغامرات كتييييييييرة وامكن يوم ذكرت بعضها هنا لكن رغم اني ما كنت بعرف البطان لكن التحديات الخضتها اخطر من البطان تسلم يا عمران ونحاول نخت لينا هنا بعض نكات الجعليين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ASHRAF MUSTAFA
عمران حسن صالح
فيس بوك
تويتر
انستقرام
يوتيوب
بنتيريست