|
Re: الكيزان شيكيت محنكم علي الله. باعو بترول الجنوب لثالث أكبر شركه عا (Re: Deng)
|
Quote: هنالك شركات أكبر من هذه الشركة السويسرية تم أجبارها على عدم التعاون مع حكومة الخرطوم المجرمة، وكل ذلك قد تم بفضل مجهود النشطاء السودانين والأمريكان ورجال الكونجرس أيضا. غايتو أنا بعرف شركات سلاح قالو ليها ممكن تبيعي سلاح للسودان.. لكن أشترطتي عليهم أنو ما يستعملو السلاح في دارفور.... قامت الشركات بتاعت السلاح شلخت الذخيره مطارق.. و بذا تأكد لها أن السودان لن يستعمل السلاح المشتري في دارفور.... |
إنت لسع قاعد تصدق في جنس الكلام ده....أمم متحده و حقوق إنسان و محاكم دوليه و هلمجرا.. دي زي ما قال نميري زي ساعه ال.... – الله يكرم السامعين – تقول ليها الساعه كم؟ تقول ليك "واقفه".. المحاكم دي في اي حته بتشغل لمصلحه الزول العندو قروش و ممكن يضغط و الشركه السويسريه بقروشها و بجيش المحامين بتاعينها و بتكون خصمت التكلفه من السعر. أنا شخصيا من يوم أو جي سيمسون طلعوه براءه بعد ما قتل زوجته حسب قناعتي.. فقدت الثقه في الانظمه القضائيه و طريقه عملها عالم المال و النفط و السلاح ليس فيه حقوق إنسان و لا بطيخ... ناس البترول يحمدو الله بلوبياتهم
Quote: هنالك شركات أكبر من هذه الشركة السويسرية تم أجبارها على عدم التعاون مع حكومة الخرطوم المجرمة، وكل ذلك قد تم بفضل مجهود النشطاء السودانين والأمريكان ورجال الكونجرس أيضا. وفي مثل هذه القضايا هنالك شركات أستشارات قانونية ومحاماة مستعدة أن تقدم خدماتها مجانا. ومثل هذه الشركة السويسرية دي لو فعلا أنها أشترت بترول مسروق فأكيد سوف تدخل نفسها في مطب قانوني كبير. والأهم من كل ذلك هو العامل الأخلاقي و حرص مثل هذه الشركات الكبيرة على سمعتهات ا في الأسواق والبورصات العالمية ، وقد لا تستطيع أن يكون أسمها في السنة الأعلام العالمي بطريقة سلبية وعلى شكل مستمر. |
يا خي ده كلام إنشاء ساكت... الشركه السويسريه إشترت البترول من الكيزان و يكونو قبضو القروش و إنت يا المسيكين أرجي الله في الكريبه
Quote: وهل هي مجرد صدفة أنك لم تشير الى أن بترول الجنوب بأنه مسروق بواسطة حكومة الكيزان، أما أنها نيتك السيئة؟ |
مسروق ..... منشول ... كلمه سرق يسرق فهو سارق ما موجوده في قاموس الكيزان ......برا "الفلفسه" بتاعتكم دي الجتركم شنو؟ ياخي البترول هسع إتباع و في البحر.. و زي ما قال صاحبنا الله يطراهو بالخير "تلقي السمك جامبت تنعتش"
Quote: عندما نقوم بتصنيف مواقفك وأتجاهاتك في هذا البورد |
إنت منو ذاتك... بتلعب في الهلال ولا المريخ ؟ عشان الواحد يعمل حسابو للزمن... علي الاقل نلبس لينا سكين في ضراعنا ياخي المنبر ده بقي يحيرنا... هل معقول الكيزان يكونو عملوها و ضموك أنت ذاتك لعضويتهم
Quote: بتتجرس وبتكب الثكلي، |
جرستي ده لو جبت عدو و سكرتو ما بيقدر يقولو ليك.... نظريتي واضحه و ما فيها لولوه و إستهبال... حكومه الشمال = حكومه الجنوب اللصوص الفي حكومه الشمال لايفوقهم الا لصوص حكومه الجنوب شحنات البترول ملبوعه أينما ذهبت.... و تغال أقعد أكتب لينا عن مشاريع التنميه في الجنوب... ما هي عصابه حكومه الجنوب دي ماسكه ليها 7 سنه و عندها عائد 50% من البترول ودت قروشو وين شوف يا زول أنا حركات عصابه حكومه الجنوب دي ما عا########ي و بنفس القدر حركه الكيزان بتاعت البترول و صلبطتهم دي ما عا########ي... لكن زي ما قال "باكو عراضه" الذي طار للكوره و ضربها باكورد في مرماه... قون.... و لمن سألوه قال ليهم "ما مهم القون... مهم اللقطه" ...إذا إنت من المشجعين بتاعين سلفاكير و عصابتو... في موضوع البترول ...أعترفو الكيزان ديل مسكوكم ضنب الككو بجداره...دايرننا نمسك ليكم الضنب برانا... امسكو شويه معانا... ضوقو الضايقها أمه محمد
Quote: أسئل نفسك جيدا. ما هو السبب الذي يجعلك تفتح مثل هذا البوست أصلا؟ |
و لماذا لا أفتح البوست... يعني لو جاء خبر زي ده أنوم بيهو في شان إنت ما تزعل... عشان كده سكتت أنت عن إباده المورلي... يعني الخبر الما بيعجبك ما تجيبو.. حقو تراجع مواقفك و تخلي التفكير العاطفي و القطيعي ده و ما دام انك فتحت هذا الموضوع دعني أشرح لك و لغيرك وجهه نظري أنا من قوله تيت قلت حكومه الجنوب تساوي حكومه الشمال... اليوم غالبيه المنبر توصلت لهذا الراي..و بقيت إنت و قله لا تريدون ان تروا وجه الحقيقه.... وتعتقدون أن إنتقاد حكومه الجنوب يدعم حكومه الشمال.. يا لضحاله الرؤيا و قله البصيره.. إن سرتم علي هذا الدرب ستفقدو بعض من الاسلحه التي ممكن تشهروها في وجه الكيزان.. يعني مثلا أنت بالذات و بما لك من علاقه بجنوب السودان لن تستطيع بعد صمتك في إباده المورلي ان تتكلم عن أي إباده جماعيه أو تصفيه عرقيه.. و بعضا من مثقفي و حكام الجنوب لن يضيعو فرصه للفشل و إستخدام المساكين في صراعاتهم و لا تهمهم أرواحهم... يا سيد دينق أنا تعلمت من تجاربي ان الخطأ خطا.. بغض النظر الي أي إتجاه تهب الرياح في تلك اللحظه... غيرك هنا من المناضلين يملا المنبر كلاما عن حلايب و يسكت عن أبيي و الفشقه !!! هل تعتقد أن شخصا بهذه الانتقائيه يضعف ام يقوي مواقف الكيزان
|
|
|
|
|
|
|
|
|