|
Re: تعديل قانون النظام العام ..عشان البشير يرقص براحتو ..( ممكن فيديو) (Re: Abureesh)
|
Quote: شكـرا سيادة العميـد
خطوة موفقة فى الإتجاه الصحيح
وبدل القول ان معارضى القانون لم يفهموه كنت اتوقع القول ان منفذى القانون هم الذين لم يفهموه لأنك قلت ان مواضيع الزى اساسا ما واردة فى القانون، حين منسوبوكم اخذوا النساء بالزى. |
انا ما فهمت؛ سيادة العميد منفصلة عن سيادة الدولة ولا شنو؟
التشريع وسن القوانين لديه سلطة تشريعية ... وسيادة العميد لا علاقة له بالسلطة التشريعية من قريب أو من بعيد ... ما شأنه هو بتعديل أو إلغاء قانون النظام العام؟ هو جزء من السلطة التنفيذية ... تنزل له القوانين من أعلى (من ممثلي الشعب) وعليه التنفيذ دون حرفنة وشفتنة ... زماااان نصحنا رئاسة الجمهورية باستخدام صلاحياتها الدستورية لتعليق مواد في الجنائي 1991 (من ضمنها 152) زول جاب خبرنا مافي ... قلنا احتمال يكون عندهم حل ... لأنو مشروع القانون الجنائي الصاغوهو ناس المجتمع المدني قاعد قدامهم ليهو سنتين ما دايرين يناقشوهو ... عشان الشرطة تسن ليهم التعديلات؟
والله البلد دي بقت زي طشت الموية ... تخاف ينكشح يمين؛ ينقلب ليك شمال ...
العميد دا مفروض يشوف شغلو وبس ... كمان داير ينظّر مع المثقفين ... امال قرا كلية الشرطة في شنو؟
والله يا السودان البقى الشرطي فيك هو مثقف البلد ومشرّع قوانينها ... ويقولوا ليك "إسقاط النظام" ...
هو وينو النظام ... شغلهم دا جوباك ودغمسة ساااااااي ...
... المهم ....
|
|
|
|
|
|