قد ينطبق هذا الكلام على لحوم الخنزير ولكن لحوم الابقار والضان والمعز تزيد من نسبة امتصاص الحديد حيث انه يوجد بشكل مستخلب طبيعي cheleated ومن المعروف ان الحديد من اصعب اعناصرامتصا فيحلة وجوده بشكل غيررمخلب لا تشكيكا في الدراسة ولكن الانعام سخرت لنغذية الانسان لذا فهي مبرأة من الاخطارالا بما كسبت ايدي الناس
03-14-2012, 09:37 AM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
Quote: قد ينطبق هذا الكلام على لحوم الخنزير ولكن لحوم الابقار والضان والمعز تزيد من نسبة امتصاص الحديد حيث انه يوجد بشكل مستخلب طبيعي cheleated ومن المعروف ان الحديد من اصعب اعناصرامتصا فيحلة وجوده بشكل غيررمخلب لا تشكيكا في الدراسة ولكن الانعام سخرت لنغذية الانسان لذا فهي مبرأة من الاخطارالا بما كسبت ايدي الناس
شكرا يا أشرف ويا د. محمد، أنا أعتمد رأي صديقي محمد حسن لأمر في نفسي، بالله يا محمد العلما ديل عايزننا نخلي ملاح الشرموط والتقليَّه بالكسره التوتال؟ ياخ قطعة استيك نجيضه مع خضار هي كل ما نحتاجه في أي مائدة لا غير. لمَّة أهل أو أصحاب في كانون شيَّه أو حلَّه (القطر قام) وباغة شربوت حائز على شهادة الإيزو 2012 دي بعدها شن بندور؟ أشرف أقول ليك قوله؟ خلي ناس هارفارد ديل يشيلوا 60% من العمر ويخلوا لينا حاجاتنا..
03-14-2012, 09:42 AM
فايزودالقاضي
فايزودالقاضي
تاريخ التسجيل: 11-27-2007
مجموع المشاركات: 10091
Quote: شكرا يا أشرف ويا د. محمد، أنا أعتمد رأي صديقي محمد حسن لأمر في نفسي، بالله يا محمد العلما ديل عايزننا نخلي ملاح الشرموط والتقليَّه بالكسره التوتال؟ ياخ قطعة استيك نجيضه مع خضار هي كل ما نحتاجه في أي مائدة لا غير. لمَّة أهل أو أصحاب في كانون شيَّه أو حلَّه (القطر قام) وباغة شربوت حائز على شهادة الإيزو 2012 دي بعدها شن بندور؟ أشرف أقول ليك قوله؟ خلي ناس هارفارد ديل يشيلوا 60% من العمر ويخلوا لينا حاجاتنا..
أستاذ محمد المرتضى ـ والله عندنا ناس لو الموت دا وقف ليه في خشم الباب ـ شيتو دي ما بقيف منها
أخوي أشرف ربنا يديك العافية لكن مرات بشعر إنو تركبيتنا نحن السودانيين ديل بتختلف ، والتجارب البعملوها العلماء على الأوروبين والأمريكان ، ما ظنيتها تتطبق علينا
والله لو اللحمة بتقصر العمر ، في ناس كانو زمان ودعوا ـ ياخ ديل الواحد يذبح العتود أو الحمل الليلة بكرة بالنهار ما تلقى منو كوارع ، وليهم سنين شغالين كدا
طبعا يامولانا المرتضى انت طلعت زول سادومازوخي ساكت بعضمة قلمك الكتبت بيهو كلامك الفوق ده الفعل السادي عندك يتجلي في ممارسة اكل الشرموط والاستمتاع بذلك رغم ان ضحية هذا الفعل هو اخيك الحيوان الذي راح ضحية لشهواتك السادية كما يتجلي الفعل السادومازوخي في اكلك للشية حيث يظهر السادو في عملية طخن اللحم واستمتاعك بذك اما الفعل المازوخي فيتجلي في الم الاسنان لانها معدة لاكل النبات وليس اللحوم لذلك أنصحك بمراجعة اقرب طبيب نفسي عاجلا وكان مامصدقني خش اللحم والسادومازوخية (توجد صورة + ممنوع لاقل من 18 سنة)
03-14-2012, 06:23 PM
ASHRAF MUSTAFA
ASHRAF MUSTAFA
تاريخ التسجيل: 08-04-2008
مجموع المشاركات: 11543
Quote: أخوي أشرف ربنا يديك العافية لكن مرات بشعر إنو تركبيتنا نحن السودانيين ديل بتختلف ، والتجارب البعملوها العلماء على الأوروبين والأمريكان ، ما ظنيتها تتطبق علينا
والله لو اللحمة بتقصر العمر ، في ناس كانو زمان ودعوا ـ ياخ ديل الواحد يذبح العتود أو الحمل الليلة بكرة بالنهار ما تلقى منو كوارع ، وليهم سنين شغالين كدا
ويديك العافية انت كمان القال ليك منو الناس ما ودعت؟ امال الحاصل في السودان ده تقول عليه شنو؟؟ اي نعم نحنا عندنا مناعة لاكل الويكات والفسيخ والدوم لكن قصيرين عمر شديد بالنسبة للخواجات كدي جيب ليك حبوبة سودانية وحبوبة امريكية تلقى الامريكية وهي في نفس سن السودانية كأنها ابنتها صاح ولا ما غلط؟؟
03-14-2012, 04:55 PM
د.محمد حسن
د.محمد حسن
تاريخ التسجيل: 09-06-2006
مجموع المشاركات: 15194
Quote: [لمَّة أهل أو أصحاب في كانون شيَّه أو حلَّه (القطر قام) وباغة شربوت حائز على شهادة الإيزو 2012 دي بعدها شن بندور؟
عملت في التسعينات الاولى 91 فيمدينة كسلا.. وما ادراك ما كسلا ( بكل امانة لما يجيبو سيرة كسلا يصاب اخونا عادل مختاربحالة بين الجذب والصرع) وكنت منسق اقليمي للام المتحدة وجاءنا خبيرفي زيارة عمل امندت اسبوعين مستر ماشينقا من كينيا وكانت طبيعة العمل نفقد السلاخانات فكان نبدأ زيارتنا من الثانية صباح وحتى السادسة والنصف صباحا نرجع بعدها لسوقكسلا .. ونتوجه لمطعم معين متخصص في السلاة والقراروما ان ندخلختي يوجه صاخب المطعم طتقم من الجرسونات لطاولتنا .. ليس لان الخبير خواجة لوني ولكن لان هذا الكيني متعه الله سبخانه ونعالى بشهية لواء ردع من الوية الانقاذ فبطلب كمية من اللحمة الحمراء خرافية وصاحب المحل مبسوط عشان الخواجة اللوني بدفع بالدولار واهم حاجة بعد كمية اللحوم التي تكفي عدة اسر في معسكر وادي شريفي للاجئين الاثيوبين عمك ماشينغا بيقفلها بيقزازتين حليب قال لي ديل حباسات !!!!! قمت سالتو قلت ليه يا قريبي انت بتاكل كتيركدة ليه ؟ قال لي يا بن العم تاني ما باكل الا بعدين في الليل هههههههههههههههههههههههههههههههههههههه اها جنس ده لو كلام الخواجات الحمرصاح كان انقرض قبالما يجينا كسلا
اما فيما يختص بالشية والمقتبس اعلاه لو اكلت العبورفي سوق الناقة بتقول لي ناس الخواجة طظ كبيرة
03-14-2012, 06:21 PM
ASHRAF MUSTAFA
ASHRAF MUSTAFA
تاريخ التسجيل: 08-04-2008
مجموع المشاركات: 11543
Quote: شكرا يا أشرف ويا د. محمد، أنا أعتمد رأي صديقي محمد حسن لأمر في نفسي، بالله يا محمد العلما ديل عايزننا نخلي ملاح الشرموط والتقليَّه بالكسره التوتال؟ ياخ قطعة استيك نجيضه مع خضار هي كل ما نحتاجه في أي مائدة لا غير. لمَّة أهل أو أصحاب في كانون شيَّه أو حلَّه (القطر قام) وباغة شربوت حائز على شهادة الإيزو 2012 دي بعدها شن بندور؟ أشرف أقول ليك قوله؟ خلي ناس هارفارد ديل يشيلوا 60% من العمر ويخلوا لينا حاجاتنا..
لكن يا بوحميد ما كان بس تجبر بخاطري ولو بشويش انا جيت جاري جبت الخبر قلت الناس توقف اللحمة تقوم تقول ما بتخليها؟ ياخ انشاء الله نقص منها كيلو واحد بس في اليوم...
03-14-2012, 06:22 PM
ASHRAF MUSTAFA
ASHRAF MUSTAFA
تاريخ التسجيل: 08-04-2008
مجموع المشاركات: 11543
Quote: قد ينطبق هذا الكلام على لحوم الخنزير ولكن لحوم الابقار والضان والمعز تزيد من نسبة امتصاص الحديد حيث انه يوجد بشكل مستخلب طبيعي cheleated ومن المعروف ان الحديد من اصعب اعناصرامتصا فيحلة وجوده بشكل غيررمخلب لا تشكيكا في الدراسة ولكن الانعام سخرت لنغذية الانسان لذا فهي مبرأة من الاخطارالا بما كسبت ايدي الناس
لكن يا محمد اللحوم الحمراء دي ما معروفة من زمان انها خطرة على القلب والوزن والصحة بصورة عامة امكن تناول القليل جدآ هو المفيد اما الاكثار فيعني الانتحار بالبطيئ؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة