الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: رسالة شوق ... الفنان وليد جوبا (Re: omer osman)
|
وليد جوبا ... صوت راقي ومتمكن ويملك القدرة على التطريب فيهو شيء من سامي المغربي
لم تسلط عليه الاضواء والاعلام المرئي بشكل كافي لكن له وجود ...
وحضور جيد جداً من خلال العديد من المناسبات الاجتماعية .....
من الجميل ان يكون له انتاجه الخاص بمثل هذه الجودة وهو لايزال في بداية الطريق ....
| |
|
|
|
|
|
|
Re: رسالة شوق ... الفنان وليد جوبا (Re: omer osman)
|
Quote: وليد جوبا ... صوت راقي ومتمكن ويملك القدرة على التطريب |
للامانه وليد جوبا راجل فنان و يحترم فنه .... زاملته خلال فتره الجامعه وبزغ نجمه حينها .... لعل انحسار الاعلام وبعض من الكسل ... حجبا كل هذه الطاقهز
مشكور يا جنابو
| |
|
|
|
|
|
|
Re: رسالة شوق ... الفنان وليد جوبا (Re: خالد عبد الحليم سعيد)
|
Quote: للامانه وليد جوبا راجل فنان و يحترم فنه .... زاملته خلال فتره الجامعه وبزغ نجمه حينها .... لعل انحسار الاعلام وبعض من الكسل ... حجبا كل هذه الطاقهز
مشكور يا جنابو |
شكراً ياخالد على التأكيد على موهبة وقدرات وليد ...
الشلليات والواسطات تفتح وتتيح اجهزة الاعلام لفنانين كتار اقل قدرات من وليد ..
وده سبب في ضياع كثير من المواهب لعدم منحهم الفرصة الكافية ...
| |
|
|
|
|
|
|
Re: رسالة شوق ... الفنان وليد جوبا (Re: omer osman)
|
صباح الخير يا جنابو وإن شاء الله دايماً تكون وجميع من حولك بألف خير
ياخ الراجل ده فنان لامن يخليك تعرف حاجه زاتو ... والغريب أن هذه أول مره استمع له .. لكن بصراحه أجمل بكثير من الغثاء الذي يملأ الساحه ...
شكراً عمر على منحنا كل هذا الجمال ...
مع خالص حبي وتقديري ؛؛؛
| |
|
|
|
|
|
|
Re: رسالة شوق ... الفنان وليد جوبا (Re: إدريس محمد إبراهيم)
|
Quote: صباح الخير يا جنابو وإن شاء الله دايماً تكون وجميع من حولك بألف خير
ياخ الراجل ده فنان لامن يخليك تعرف حاجه زاتو ... والغريب أن هذه أول مره استمع له .. لكن بصراحه أجمل بكثير من الغثاء الذي يملأ الساحه ...
شكراً عمر على منحنا كل هذا الجمال ...
مع خالص حبي وتقديري ؛؛؛ |
شكراً ادريس ......
مثلك تماماً من أول مرة استمعت لوليد في حفل زواج اقتنعت بموهبته وجمال صوته
واعتقد انه من الصعوبة بمكان ان يشدك صوت من الوهلة الأولي ما لم يكن يستحق
خصوصاً في مثل هذه الاغنية التى ربما لم تسمعها من قبل ...
| |
|
|
|
|
|
|
Re: رسالة شوق ... الفنان وليد جوبا (Re: omer osman)
|
يا عمر ياخي والله شكراً على الإطراب أطربني وليد ، ودلعني دلع الدلع، أول مرة أسمعو ، وأسمع بيهو.. صوتو نضيف، هادي، مريح، طروب، مليان، رويان تريان وشبعان.. زول متحكم في صوتو وبيعرف يتعامل معاو كويس.. صوتو ( باص ) ونوع صوتو ده قليل في الساحة ياخ ده زول صوتو بيحسسك بسكينة غريبة، كأنو ما في مشاكل في الدنيا دي يملاك بشحنة تفاؤل عجيبة!! وإنت بتسمعه ، مرة يوديك لبهاء الدين أب شلة ، ومرة لصالح الضي، ومرة لي كم فنان كده من جيل الستينات، وفي الآخر تكتشف إنك بتسمع ليك في زول عندو حقو براهو إسمو وليد وبيقول ( أنا هنا )..
بالله مش حرام البلد تتملي بالفارات الجهجهو إضنيننا، وزي ناس وليد ديل قاعدين!!
شكراً عاشر ياعمر ..
---- فردتي عمر القصاص، ما بيدخل في رهان خاسر أبداً..
| |
|
|
|
|
|
|
Re: رسالة شوق ... الفنان وليد جوبا (Re: Salah Abdulla)
|
Quote: ياخ ده زول صوتو بيحسسك بسكينة غريبة، كأنو ما في مشاكل في الدنيا دي يملاك بشحنة تفاؤل عجيبة!! |
تعرف ياصلاح لمن تقعد مع الزول ده بديك نفس الاحساس
زول هاديء هدوء مرييييح ........
Quote: بالله مش حرام البلد تتملي بالفارات الجهجهو إضنيننا، وزي ناس وليد ديل قاعدين!! |
والمال عند بخيله والسيف عند ########ه ..... كلها اوضاع مقلوبة يا ابوصلاح .........
وياوليد شهادة صلاح دي ماهينة امسك فيها قوي دي شهادة زول فنان وبعرف الفن .......
| |
|
|
|
|
|
|
Re: رسالة شوق ... الفنان وليد جوبا (Re: Elmosley)
|
شكرا جنابو ..
وليد جوبا احد تلامذتي في مجال الغناء والفن عموما ,, في مدرسة الخرطوم الثانوية الجديدة أسست مع اخرون جمعية الموسيقى والمسرح وكنت مسئول عن الشقين الموسيقى والمسرح .. في تلك الأيام كان وليد جوبا عضوا في شق المسرح .. وكان بحق وحقيقة ممثلا جيدا وقديرا ويقوم بتمثيل كل الأدوار الصعبة في الفرقة ..
ولكني بعد فترة أكتشفت فيه مقدرته على الغناء .. ولكني قررت أن يظل في فصيل المسرح لحوجتنا له في ذلك الوقت .. وبعد ان تخرجنا جميعا من مدرسة الخرطوم الثانوية الجديدة .. أسست خارجها فرقة فنية تحت اسم (فرقة المرافي للموسيقى والمسرح) .. واستطعنا بما لنا من علاقات في الساحة في ذلك الوقت من إقامة عدد من العروض المسرحية والموسيقية في الكثير من المسارح وخاصة مسارح المدارس الثانوية ومسارح الأندية بل وعدد من الحفلات الخاصة والمناسبات الاجتماعية ..
وبعد ان حققت الفرقة هذه النجاحات طلبت من وليد الانتقال من فصيل المسرح لفصسيل الفرقة الغنائية .. وقد ووجهت بمعارضة شديدة من قبل أفراد الفرقة الذين أعترضوا على إنضمام وليد لفصيل الموسيقى ولكن بعد عدة نقاشات وضغوط من جانبي استطعت فرض وليد على اعضاء الفرقة الغنائية لثقتي في امكانياته وفعلا أستطاع إثبات قدراته في جميع بروفات الفرقة وعروضها بعد ذلك .. وما انتشاره السريع بعد ذلك وتثبيت بصماته في الساحة حاليا الا بمثابة دليل على توقعاتي له في ذلك الوقت ..
تحياتي لك وتحياتي لي وليد ...
| |
|
|
|
|
|
|
Re: رسالة شوق ... الفنان وليد جوبا (Re: ناذر محمد الخليفة)
|
Quote: وليد جوبا احد تلامذتي في مجال الغناء والفن عموما ,, في مدرسة الخرطوم الثانوية الجديدة أسست مع اخرون جمعية الموسيقى والمسرح وكنت مسئول عن الشقين الموسيقى والمسرح .. في تلك الأيام كان وليد جوبا عضوا في شق المسرح .. وكان بحق وحقيقة ممثلا جيدا وقديرا ويقوم بتمثيل كل الأدوار الصعبة في الفرقة .. |
والله ياناذر ده تلميذ تفتخر بيهو جداً ... وده برضوا دليل على جودة الاستاذ ...
كويس جداً انو مدرستي الخرطوم الجديدة خرجت موهبتين رائعتين خالد الصحافة (دفعتي) ووليد جوبا ....
Quote: أسست خارجها فرقة فنية تحت اسم (فرقة المرافي للموسيقى والمسرح) .. واستطعنا بما لنا من علاقات في الساحة في ذلك الوقت من إقامة عدد من العروض المسرحية والموسيقية في الكثير من المسارح وخاصة مسارح المدارس الثانوية ومسارح الأندية بل وعدد من الحفلات الخاصة والمناسبات الاجتماعية .. |
ياريت ياناذر لو واصلت في الفرقة دي يمكن كان نظفر بعقد الجلاد تو .....
الف شكر على الاضافات دي واول ما اقابل وليد ح ابلغو تحياتك ......
| |
|
|
|
|
|
|
Re: رسالة شوق ... الفنان وليد جوبا (Re: Elmosley)
|
Quote: You made my day
سلاااااااااااااام ياوليد ابني الله يريحك شكرا ياعمر |
استاذنا الموصلي تحياتي .......
بعد كده الواحد ممكن يقشر عااااادي يقول نزلت اغنية في سودانيزاونلاين
وعجبت الموصلي زاتووووو
وياريت نشوف عمل مشترك بينك وبين الأخ وليد ......
| |
|
|
|
|
|
|
|