|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: omer osman)
|
والله يا جنابك دى سعال محيرنا شديد لكن المهم انتو زمان مش عندكم فرع اسمه المباحث الجنائية بيراجكم القاضى لغاية ما تلقوا ليكم شعرة ولا ضفر كدة اشان تفحصهوه وبعدين تحدد هوية القاتل ؟ انحن برضك دايرن نحدد هويتنا باعتبارنا ما سودانيين وارضنا صادرها واحد اسمع اسامة بقرار من البشير وراجين الكشف الطبى دى ال دى ان اايه D N A وبعدين نشوف اخرتها اشان اذا صح النسب مع الجماعة المليانيين بترول ديل .. بنقول سلام يا البشير وخليلنا ليك انت المنقة وربى الجوافة فى الواطة والله ليك من واطأة الشوايقة لاننا بنديهم صك تنازل نهائى من الواطه دى وكمان اختنا الكبيرة تراجى بقول ليها ودعتك لى ما مامون الوداعة .. تتهنى بالسودان وواصلى كفاح ضد عصابتى نافع وعلى عثمان وبنعمل معاكم علاقات كويسة خاصة ان الاجتماعى يعضدد الدبلوماسى وبالتالى السياسيى ونحن هاك يا دبى جاءك زول عليكم الله ارطردونا سريع بس المهم الناس ديك يقبلوا وانا غيتو ببيع ما بحوزتى واشترى لى "صقر جديان" اشان اتذكركم بيه وشوية غزلان من صحراء سانى بالمناصير السودانية وبنساهم فى ترتيق اوصر الاخوة والمحبة بين الشعبين الشقيقين اخ اخ اخ بس الجماعة يقبلوا
| |
|
|
|
|
|
|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: فايزودالقاضي)
|
Quote: بالتأكيد في علاقة ، خاصة وانها من قبايل قضاعة العربية اليمنية التى دخلت السودان والكثير من الدول الاخرى كذلك .. وعندنا قبايل جهينة وكذلك البلي وغيرهم ممن دخلوا السودان من اليمن عبر الحبشة وعبر مصر ..
|
شكراً فايز على الافادة وحقيقة الرابط الجبتو ده فيهو كلام كويس جداً
شوف الزول ده قال شنو :
Quote: السلام عليكم ورحمه الله وبركاته أنا اخوكم محمد حبيب بشير من السودان من قبيله المناصير في شمال السودان ونحن اهل بداوه ورعاه ابل ونحن نسبنا كماذكره العلامه الحقيل القاضي السعودي النسابه في كتابه (كنز الانساب ومنتهي الاداب)قبل قرن من الزمان والذي يعتبر عمده في انساب القبائل العربيه فالرجاء اخوتي الرجوع الي صفحه 168 واقرأ عن مناصير السودان وبطونهم الخمسه الوهبا والكباته ومنهم الاخ الكباني والكجباب والخبراء والسليمانيه والذين انتمي ا ليهم وقد علمت ان اخواننا في الامارات يشبهوننا في عاداتهم وتقاليدهم حتي وسم الابل واحد وطريقه القنص واحده وسباق الابل واحد واستغرب جهل اخواننا بنا لهذا الحد
|
| |
|
|
|
|
|
|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: فايزودالقاضي)
|
Quote: خد الرابط ده وشوف واحد سوداني كتب عن نسبه ده في موقعهم لكن اخوانا العرب المناصير الاماراتين ماقادرين يتقبلوا ويستوعبوا حقيقة انه ممكن يكون في منصورى في السودان ..عنصرية عجيبة خلاص ... |
الادهي هو استمرارية المدعو كباني في التلصق .... الجماعة ختوها ليهو وااااضحة انو ما عندنا معاكم علاقة ... وهو شابكون ارجعو للمراجع وووووو حنك التاريخ البيش داك
استغفر الله ... اري ان علي كل قبيلة سودانية الاعتزاز باصولها السودانية ... السودانية فقط ! غير كدا ببقي تلصق ساااكت
--------------------- manubia
| |
|
|
|
|
|
|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: مازن فيصل هلال)
|
Quote: الادهي هو استمرارية المدعو كباني في التلصق .... الجماعة ختوها ليهو وااااضحة انو ما عندنا معاكم علاقة ... وهو شابكون ارجعو للمراجع وووووو حنك التاريخ البيش داك
استغفر الله ... اري ان علي كل قبيلة سودانية الاعتزاز باصولها السودانية ... السودانية فقط ! غير كدا ببقي تلصق ساااكت
|
والله يامازن انا غايتو ما شفتها تلصق والاخوة الامارتيين نفسهم كانوا مهذبين في ردودهم وطالبوه بالدليل والمراجع ....
اها اقول ليك كلام والله العظيم كان معانا ضابط إمارتي اسمو ...... الشبلي
يعني من قبيلة الشبول قال لي بنفسه نحن عندنا جزء من قبيلتنا موجود في السودان
وصراحة ما عارف اذا كانت معلومته دي صحيحة ام لا ........
| |
|
|
|
|
|
|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: omer osman)
|
تسلم يا جنابو
المناصير اسم متفق لعدد من القبائل مختلفة الأصول
وهذا ما يسمونه في علم الأنساب بـ
اتفاق النسبة مع اختلاف النسب، أو مؤتلف النسبة، وافتراق النسب
ففي سلطنة عمان ومنطقة الرابع الخالي في السعودية مثلاً: يوجد المناصير، وهم قبيلة هوازنية عدنانية المرجع: 1/ معجم قبائل العرب 2/ إسعاف الأعيان في أنساب أهل عمان/ سالم السيابي _________________________________
ويوجد المناصير من قبيلة شمر الطائية القحطانية المرجع: عشائر العراق- عباس العزاوي _________________________________
والمتاصير: اسم لفرع قبيلي ينتمي لقبيلة عتيبة الهوازنية العدنانية، وهم من أهل السيل الكبير (ميقات قرن المنازل) المرجع: معجم قبائل المملكة العربية السعودية/ حمد الجاسر _________________________________
أما مناصير السودان..
فالشائع وسطهم أنهم من الكواهلة (الأسدية العدنانية) وهم من كاهل بن أسد بن خزيمة العدنانية
تحياتي
| |
|
|
|
|
|
|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: فايزودالقاضي)
|
Quote: ...لكن اخوانا العرب المناصير الاماراتين ماقادرين يتقبلوا ويستوعبوا حقيقة انه ممكن يكون في منصورى في السودان .... |
قبل إكتشاف النفط في الجزيرة العربية وتحسن أوضاع العباد، هل كان هناك قبول؟
هل كان للأنثربولوجيا والديموغرافيا تأثير في خلق (أللا قبول) بقدر ما تركت من بصمات على الذين وفدوا لأفريقيا وأختلطوا وتعايشوا مع أهلها؟
مجرد سؤال يبحث في اسباب عدم القبول الحالي الممتد من بداية الهجرات؟؟
وهل نتفائل بعودة الحميمية بين أبناء العمومة يوماً ما (بعد نضوب النفط مثلاً)، هل سيعود للأسباب الأخرى (ديموغرافيا وأنثربولوجيا وإلخ) تاثيرها مثلما يفعل الإقتصاد اليوم؟؟
| |
|
|
|
|
|
|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: عبد الواحد أبراهيم)
|
اخونا مازن
Quote: الادهي هو استمرارية المدعو كباني في التلصق .... الجماعة ختوها ليهو وااااضحة انو ما عندنا معاكم علاقة ... وهو شابكون ارجعو للمراجع وووووو حنك التاريخ البيش داك
استغفر الله ... اري ان علي كل قبيلة سودانية الاعتزاز باصولها السودانية ... السودانية فقط ! غير كدا ببقي تلصق ساااكت |
الزول دى يا سيدى مافى زول نصبه يتحدث عنا كل القبيلة ودى رايه نحترمه ومن حقة خاصة اذا اعتمد على طرائق علمية معمول بها فى نبش التاريخ السكانى . ونحن ما حصل قلنا اننا جزء من منطقة او مجموعة بشرية اخرى والبلد فيها ناس بيقولوا انهم ابناء الله خلى الزول يقول ما يشاء وعليك ان تطالبه بالتدليل على صحة رايه وموقفه بالادلة. ونحن جزء من السودان فقط الممسكين بالسلطة رأوا غير ذلك والدليل ما قاله الرئيس بخصوص الكهرباء والخدمات .. واضح انها كتيرة علينا ونحن مواطنيين درجة تانية اما نحن فلم نختا ر لنا جزور او نقول الرسول قريبنا ولا الله ود اعمنا.
| |
|
|
|
|
|
|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: على جويلى)
|
Quote: خلال اقامتنا بالرياض تعرفت على شيخ كبير فى السن يدعى محمد الشايقى ولديه املاك بالرياض ومزارع بمسقط راسه بمنطقة الزلفى شمال الرياض وكان يقول لى نحن نعلم ان بالسودان قبيلة اسمها الشوايقه مثلنا تماما ... |
أخي جويلي
ومحلات الشايقي المشهورة بإصلاح المفاتيح ومكائن الخياطة التي يكاد لا يخلو منها حي بالرياض، هل لها علاقة بالشايقية في السودان (وهم الأصل من حيث العدد).
Quote: وأرى أن السوق السعودي والخليجي سوق كبير والعائلات التجارية والمشهورة في صناعة معينة بشكل عام تفيد بعضها البعض بشكل عام مثل عائلة الشايقي اشتهرت بمحلات المفاتيح..... http://www.meggren.net/wordpress/?p=472 |
| |
|
|
|
|
|
|
Re: هل ثمة علاقة بين قبيلة (المناصير) و (قبيلة المناصير) الاماراتية .. (Re: الطيب عبد الرحيم خلف الله)
|
Quote: خلال اقامتنا بالرياض تعرفت على شيخ كبير فى السن يدعى محمد الشايقى ولديه املاك بالرياض ومزارع بمسقط راسه بمنطقة الزلفى شمال الرياض وكان يقول لى نحن نعلم ان بالسودان قبيلة اسمها الشوايقه مثلنا تماما ...
أخي جويلي
ومحلات الشايقي المشهورة بإصلاح المفاتيح ومكائن الخياطة التي يكاد لا يخلو منها حي بالرياض، هل لها علاقة بالشايقية في السودان (وهم الأصل من حيث العدد). |
Quote: أخي جويلي
ومحلات الشايقي المشهورة بإصلاح المفاتيح ومكائن الخياطة التي يكاد لا يخلو منها حي بالرياض، هل لها علاقة بالشايقية في السودان (وهم الأصل من حيث العدد). |
الإخوة جويلي والطيب عبدالرحيم
الشوايقة في السودان ليس لهم أي علاقة مع عائلة الشايقي في السعودية
فعائلة الشايقي السعودية ينتمون إلى قبيلة الدواسر
هناك عائلة في الكويت تسمى بـ الشايجي
وأتوقع أنهم قد يكونون فرعاً للسعوديين، ولكن كعادة القاطنين على الخليج، يجعلون (القاف) (جيماً) في النطق
فمثلاً.. يقول أهل نجد: الدليقان (وهو اسم عائلة)
ويقول أهل الشرقية: الدليجان
وهما اسم لعائلة واحدة من عنزة الوائلية العدنانية، غير أنهم تفرقوا في السكن
تحياتي
| |
|
|
|
|
|
|
|