|
Re: خلافات التحرير والعدالة مع الحكومة واستحالة تعيين بحر قردة وزيرا (Re: هاشم نوريت)
|
لا اتوقع تساهل الحكومة والبشير شخصيا مع ابوقردة وقبوله باخوي واخوك...
البشير في زيارته لتشاد في سبتمبر العام الماضي قال لدبي حرفيا : ناسك ديل (يقصد ابوقردة وعبدالله بندا وجربو الذين ذهبوا الي لاهاي)
قاصديني انا عديل، مشوا المحكمة واتحدوني والموضوع دا بالنسبة لي خط احمر، دا استهداف لشخصي.....الناس ديل لو دايرين الحكم ممكن ينتظروا
لغايت ما انا افوت او يجو بالانتخابات لكن هم مشوا اتحدوني قدام العالم بعدما انا قلت انو ما بسلم زول للمحكمة و مافي سوداني يتعامل معاها.
ويا دبي يا اخوي انا داير منك كلمة واحدة: انت داير تكون مع اهلك ولا داير تشيلني انا؟ ابتسم دبي ابتسامة من ظفر (بالكوتة) وقال ليهو لا يا بشير انا بشيلك انت. بحر ابو قردا ذهب الي الخرطوم وهو يعلم هذا الامر جيدا، ذهب وفق اتفاق الدوحة الذي يراه هو مجديا-رغم عدم اتفاقنا معه في ذلك الا اننا نشهد له بانه ليس من شاكله الرجال الذين يرضخون لابتزاز هؤلاء الاوغاد.. كون الحكومة ترفضه بسبب ذهابه الي الجنائية، وتحاول شراءه وابتزازه دون غيره هو امر يحسب له لا عليه، وامر يشرفه...
شخصيا اتوقع ان تتم هذه التعيينات مع استثناء ابو قردا مع احتفاظه بمنصب الامين العام للحركة.... انا اري العكس من ان المنصب الحكومي سينتقص منه ويضعفه ويشوهه اكثر خاصة اذا اخذنا في الاعتبار بان اتفاق الدوحة نفسه اتفاق هش لا يلبي تطلعات اهل دارفور في القضايا المتصلة بالصراع.
البشير وجماعته بيفتكروا موضوع الجنائية دا لعب عيال وسلعة للمساومات وشراء الذمم لكنهم اغبياء ومخطئين. غدا سيرونه رأي العين، والكلام ليك يا ابو ريالة المنطط عينييك.
|
|
|
|
|
|
|
|
|