|
Re: الطيب مصطفي يفتح النار علي المؤتمر الوطنى (Re: سعد مدني)
|
العزيز/ سعد مدني
قلت لي بنك السودان ما جايب خبر القروض البقدموها للشركات الوهمية
أنا أجيك من النقطة دي ذاتها
أبسط الإجراءات المصرفية فيما يخص حركة النقد المربوطة بالواردات والصادرات بنك السودان لا يعيرها إهتماماً
وبعد داك بيكتب تقاريره من وين ما عارف!
أضرب ليك مثال بسيط والمكضبني ممكن يثبت ذلك ببيان بالعمل ويجري أي عملية إستيراد من الخارج بخطوات الضمان البنكي أو ما يسمى خطاب الإعتماد
المعروف في أي بلد في العالم عند إجراء أي عملية إستيراد عن طريق خطابات الإعتماد تأتي مستندات تلك المعاملة إلى البنك المركزي ثم تحال إلى البنك التجاري أياً كان إسمه البركة أو النيلين أو الخرطوم أو غير ذلك
الأوراق دي بتمر بالبنك المركزي ليه؟
الأوراق بتمر بالبنك المركزي عشان البنك المركزي يسجل البيانات الخاصة بعملية الإستيراد وبتسجيل وقيد كافة عمليات الإستيراد تكون لدى البنك المركزي كافة تفاصيل بيانات العملات التي وجهت للإستيراد
وبذلك في نهاية العام يكون لديه تحديد دقيق للأموال التي صرفت في الإستيراد وكذلك نوع السلع المستوردة
وأعتقد أن أي شخص يعرف تماماً ما أهمية هذه البيانات في إصدار السياسات المالية
وتتم نفس الإجراءات بالنسبة للصادارات أيضاً
طبعاً أنا بتكلم عن بلد تكون فيها عمليات الإستيراد والتصدير بالقنوات الرسمية مش من تحت مجاري الصرف الصحي
لكن يا عزيزي
بنك السودان لا يعير تلك المستندات أي أهمية بل يستغرب المسؤول في البنك عن ورود مثل هذه المستندات ويقول بالحرف الواحد الأوراق دي جايانا ليه مش المفروض تمشي للبنك الفلاني اللي تم فتح خطاب الإعتماد فيه؟
تخيل وتأمل !!
الموضوع دا حصل معاي أنا شخصياً
وقلت للتاجر المستورد الإجراء دا متبع في العالم كله وضرورته هي كذا وكذا كما ذكرت سابقاً
فقال لي سوف أذهب لبنك السودان وأديك المسؤول إتكلم معاهو لأنهم قالوا هم ما عندهم شغلة بالأوراق دي والبنك الخارجي الذي أرسل الأوراق غلطان كان يرسلها للبنك المحلي في السودان والذي إسمه (×) مباشرةً دون أن يمررها عن طريق بنك السودان
تكلمت مع الموظف المسؤول ذو المنصب الرفيع وقلت ليهو يعني إنتوا أوراق الإعتماد دي ما بتهمكم خالص؟
قال لي بالحرف الواحد : دي نحنا ما عندنا بيها علاقة المعاملة خاصة ببنك (×) والمفروض كان يرسلوها لبنك (×) مباشرة وما يكتبوا عن طريق بنك السودان
قلت ليه أسمعني أشرح ليك دي إسمها شنو بالبلدي:
أولاً أي بنك خارجي عشان يكون في السليم لازم يمرر أوراق الإعتماد الصادرة من أي بنك تجاري يريد التعامل معه عن طريق البنك المركزي لكي يضمن أن هذه العملية تسير وفقاً للنظام وإذا حدث وأن طلع البنك المصدر لهذا الإعتماد مضروب أو حصل ليهو عجز يكون البنك المركزي عارف
الحاجة التانية إنتوا كبنك مركزي بيانات الواردات والصادرات بتجيبوها من وين لو ما كان لديكم سلطة السيطرة على حركة المستندات وتسجيل بياناتها أولاً بأول
يعني آخر السنة حتجي تقول حجم الإستيراد كدا وحجم التصدير كدا إستناداً على أي معلومات وبيانات ؟
لقيت صاحبك ما عارف الكلام دا ذاته هو أساس وظيفته الخاتينو فيها
ولم يستطيع أن يجيب وإكتفى بأن هذه ليست شغلتنا !!
تأمل وتعجب كيفما تشاء
.
|
|
|
|
|
|
|
العنوان |
الكاتب |
Date |
الطيب مصطفي يفتح النار علي المؤتمر الوطنى | سعد مدني | 12-14-11, 10:14 AM |
Re: الطيب مصطفي يفتح النار علي المؤتمر الوطنى | سعد مدني | 12-14-11, 10:19 AM |
Re: الطيب مصطفي يفتح النار علي المؤتمر الوطنى | سعد مدني | 12-14-11, 10:24 AM |
Re: الطيب مصطفي يفتح النار علي المؤتمر الوطنى | أيمن الطيب | 12-14-11, 10:34 AM |
Re: الطيب مصطفي يفتح النار علي المؤتمر الوطنى | سعد مدني | 12-14-11, 04:36 PM |
Re: الطيب مصطفي يفتح النار علي المؤتمر الوطنى | سعد مدني | 12-16-11, 12:27 PM |
Re: الطيب مصطفي يفتح النار علي المؤتمر الوطنى | سعد مدني | 12-24-11, 11:22 AM |
Re: الطيب مصطفي يفتح النار علي المؤتمر الوطنى | شرف الدين آدم إسماعيل | 12-24-11, 11:40 AM |
Re: الطيب مصطفي يفتح النار علي المؤتمر الوطنى | Alshafea Ibrahim | 12-24-11, 12:19 PM |
Re: الطيب مصطفي يفتح النار علي المؤتمر الوطنى | صديق الموج | 12-24-11, 11:56 AM |
Re: الطيب مصطفي يفتح النار علي المؤتمر الوطنى | محمد النيل | 12-24-11, 12:34 PM |
Re: الطيب مصطفي يفتح النار علي المؤتمر الوطنى | سعد مدني | 12-24-11, 12:53 PM |
Re: الطيب مصطفي يفتح النار علي المؤتمر الوطنى | سعد مدني | 12-24-11, 12:45 PM |
Re: الطيب مصطفي يفتح النار علي المؤتمر الوطنى | عمران حسن صالح | 12-24-11, 01:12 PM |
Re: الطيب مصطفي يفتح النار علي المؤتمر الوطنى | Asim Fageary | 12-24-11, 01:31 PM |
Re: الطيب مصطفي يفتح النار علي المؤتمر الوطنى | سعد مدني | 12-24-11, 04:44 PM |
|
|
|