|
|
 Re: لا للضحك على الدقون يجب فصل عبدالرحمن الصادق من الحزب (Re: نيازي مصطفى)
|
محمد عادل ونيازي ومن لف لفهما :)
انتو بتحرثوا في البحر بالمناسبة، حزب شنو ومكتب سياسي بتاع شنو، انتو حا تغشوا رقبتكم ؟؟
عبد الرحمن الصادق يتمتع بعضوية ما هو أعلى وأهم من الحزب ومن أجهزته ومكتبه السياسي
ألا وهو بيت الصادق المهدي..
يمكن لعبد الرحمن الصادق بسهولة أن يستقيل من الحزب ومن أجهزته، لكن هذا لا يعني أي شيء في ظل كونه أحد أعضاء بيت الصادق المهدي
وفي ظل هذا الوضع برضو سيظل له نفوذه ودوره في حزب الأمة شاء من شاء وأبى من أبى من أتباع الحزب وعضويته، ودي حقيقة حقو الناس تبقى موضوعية وما تجادل فيها كتير..
فإما أن يستقيل عبد الرحمن الصادق من عضوية بيت الصادق المهدي، وده مستحيل طبعاً :)
وإما أن يتم تحطيم أو تحجيم نفوذ هذا البيت بما فيه نفوذ الصادق المهدي نفسه، وده ممكن يكون متاح
لكن كلام يستقيل من المكتب السياسي وعضوية الحزب وشنو ما عارف، والله ده أنا شايفو كلام فارغ ساكت، والكثيرين يعلمون هذه الحقيقة
والله لو تولى عبد الرحمن الصادق جهاز أمن الإنقاذ، وأشرف على كل عمليات القمع والسحل للمواطنين السودانيين ونهب وسرقة أموال الناس المساكين ومقدرات البلاد فيسظل ولكونه فقط ابن الصادق المهدي محتفظاً بدوره ونفوذه داخل حزب الأمة الذي يفوق كل الآخرين من غير آل الصادق
المكتب السياسي شنو يا محمد، أطعنوا في الفيل، والفيل هو الصادق المهدي، وهو الذي يجب أن يتنحى ويستريح لأنو دوره السياسي انتهى ومن زمان
|
|
 
|
|
|
|
|
| |
Elhadi
فيس بوك
تويتر
انستقرام
يوتيوب
بنتيريست