تسريبات ويكيليكس: فوز عرمان في الإنتخابات كان الفرصة الأخيرة

Quote: [اختنا الحصيفة ندى علي ... Quote: فان ذلك ما كان ليؤدى الى فوز مرشحها فى الانتخابات الرئاسية للأسف، و ربما أدى ذلك لاندلاع حرب كما حدث فى انتخابات جنوب كردفان. دا كلام ياسر عرمان تاني يوم الصباح ... المناقض لكلامو امبارح بالليل ... يعني نحن نعيش حالات حرب اهلية ومشروع حضاري واتفاق سلام شامل (....) ومشروع السودان الجديد ودستور انتقالي وانتخابات ... ونجي نقول الكلام دا؟ الكلام دا ممكن يتقال لو كان الجنوب دولة منفصلة ... لاكين المؤتمر الوطني اسهامو اقل من غيرو في تزييف الإرادة الشعبية في نتيجة الإنتخابات الفاتت ... الأحزاب من 2003 لغاية - بعد التأجيلات المتكررة - 2010 سبعة سنين وهم ما عايزين يستعدوا للإنتخابات ... لأنهم مباريين سراب "إسقاط النظام" (قايلين روحهم بيشتغلوا ضد مصالح الشعب؛ بينما الشعب بيشتغل لى مصالحهم) ... والزيّف إرادة الشعب عدم جدية الأحزاب في الإنخراط في التحوّل الديموقراطي ... هسى بعد استقلال دولة جنوب السودان الحسابات اتغيّرت ... وهم لسة متركسين في سراب "إسقاط النظام" ... وتلت الفترة الرئاسي مرّ وباقي تلتين وهم لسة ما بيتعاملوا مع التحوّل الديموقراطي باعتبارو مصلحة شعبية ... بيفتكروا انو رضوخ لإرادة المؤتمر الوطني ... وبيتأففوا من الحوار مع النظام ومن المشاركة في النظام ومن سيرة النظام ... كأنهم قاعدين في القمر ... وهم ولسة ما بدوا أي شغل جادّي لى انتخابات 2015 ... العالم من حولهم ماشي في اتجاه ازمات اقتصادية وسياسية ممكن تأدي لحرب عالمية تالتة ... وهم ولا هنا زاتو ... بالم في "إسقاط النظام" ... كأنو ممكن يحصل ... ]