|
|
 Re: فيما يخص مشاركة الاتحادي .. كِلا الاخوين مظراط (Re: خدر)
|
تحياتى يا استاذ خدر , يا راجل يا فنان
عارف الموضوع برمته , محتاج نخلصه من انفعالات اللحظة , عشان نعاين ليهو بعين واقعية
الأنقاذ , ميتة اكلينيكيا باعتبارها فكرة , من زمن بعيد
وكل علامات الموت ده , قاعدة تتواتر فى ىالظهور , بشكل مستمر
لاحظ انى قلت انها ميتة كفكرة
حيث انها (كنظام ) , ما تزال ماسكة ومتشبثة باسباب الحياة , ولكن بمخالب اصطناعية
المخالب الأصطناعية دى , بتاكل وتتغذى من مصادر عديدة , المجال ليس مجالا لذكرها وتفصيلها
ولكنى محتاج اقول ان عدم اكتمال فكرة ( الأجتثاث من الجذور ) , لدى المعارضين وكياناتهم
وعدم اكتمال اسبابها الموضوعية , هى من اهم هذه المصادر يا خدر
عشان كده , ولغايىة ما تكتمل الأسباب دى , فان اى تطور مستحدث
اما انه يصب فى الأتجاه ده او داك
واعنى بذلك , اما ان التطور المعين , بيدى الأنقاذ والمؤتمر الوطنى , روافد مخلبية جديدة تؤخر اسباب التغيير المطلوب الموضوعية
او كمان تشكل ليهم عامل هدم داخلى , يسرع من تكوين اسباب التغيير الموضوعية
اها , الأتحادى الديمقراطى , اكيد انه لاعب اساسى ومؤثر فى ميدان اللعب ده
اذا شارك , عاوزينو يعلن عن اهداف مشاركته , وكمان آليات انجاز اهدافه دى
ونفس الأمر كمان اذا ما شارك
وفى الحالتين كل الناس عارفة الهدف الصحيح
اللى هو استعادة الديمقراطية المسلوبة , ومساءلة من تسببوا فى وأدها
واللى عاوزين المشاركة , اذا ورونا انها طريق تحقيق الأهداف دى , نحن ذااااتنا نشارك معاهم
اما اذا كانت المشاركة , على اساس نظرية الأقتسام , واستبدال مشارك قديم (حدثت معه المفاصلة اللى هى عكس المشاركة )
بمجرد مشارك جديد يطول ليهم عمر (موتهم السريرى ده )
يبقى برضو مافى مانع
فده بيكون مجرد تجميع للأشباه , فى سلة واحدة
وما احوجنا الى عملية مثل هذه تفرز الكيمان الملخبطة دى يا حبيب
|
|
  
|
|
|
|
منصور عبد الرازق
فيس بوك
تويتر
انستقرام
يوتيوب
بنتيريست