|
Re: سمارت انتي- مطلوب حضورك الآن لامر جلل (Re: سارة علي)
|
ربنا يرحمه و يغفر ليهو يا سارة و كل سنة و إنتي طيبة بالنسبة للآيباد الأفضل إنكـ تعملي لي سيد الايباد حساب جديد علي الهوتميل أو تستخدمي إيميلو و تعملي ليهو حساب براهو عشان كل ما ح يحتاج ينزل برنامج ح يحتاج للباسويرد و بي كده ح تديهو الباسويرد حقتكـ و ح تكوني قاعده في الهواء يله هو من السودان بالطريقة الرسمية ما بيقدر ينزل اي برامج اذا هو زول شفت و بيعرف كويس في طرق ممكن ينزل بيها بإستخدام VPN او ما شابهها اذا كان زول مبتديء أحسن تنزلي ليهو برامج بالطريقة الفوق يعني تعملي ليهو حساب جديد و باسويرد حقو هو براهو بإيميلو أو تعملي ليهو إيميل جديد و اذا كنتي إنتي خبيرة ممكن تعملي ليهو جيل بريكـ لأنه السيديا ما مقفولة في السودان ( ما ضروري اذا ما بتعرفي ) في السودان حالياً في ناس كتار شديد بيشتغل البرامج في الايفون بمبالغ رمزية و اذا إحتجتي لي زول في السودان ممكن أرسل ليكـ رقمو في الخاص يساعدكـ
| |
|
|
|
|
|
|
Re: سمارت انتي- مطلوب حضورك الآن لامر جلل (Re: سارة علي)
|
سلامات يا سارةQuote: دايرة ارسل ايباد للسودان..لازم انزل ليهم التطبيقات من هنا؟؟ ولا ممكن هم ينزلوها من السودان بحسابي بتاع الاي تون؟؟ يعني اديهم الاكاونت والباسويرد |
والله المصايب دي ما بفهم فيها لكن شلاقة بس بقول ليك مادام مرسلاهو السودان أصلك ما تخافي عليهو ( أى الآيباد ) أو ما تخافي عليهم ( أى ناس السودان ) وحياتك ديل ح يحيروا الخواجة الصنعو في زات نفسو إتوكلي على الله ورسليهو وهم ح يتصرفوا زى الترتيب
________________
ولو ما نفع معاهم خليهم يعملوا ليهو فورورد لينا بي جاي وما ح نتعبك في أيتها تطبيقات
_________________
سمارت ( هى ) الزوول مريم بت الحسين
لسع نايمين ؟؟؟
| |
|
|
|
|
|
|
Re: سمارت انتي- مطلوب حضورك الآن لامر جلل (Re: عاطف عمر)
|
يا عاطف عمر ناس ناحية انو ناس السودان شيليقين فهم شليقين
Quote: ولو ما نفع معاهم خليهم يعملوا ليهو فورورد لينا بي جاي وما ح نتعبك في أيتها تطبيقات
|
معليش الاقتباس الفوق دا جاني مقطع شكلو عامل كدا ###### شكلو مقص بكري اشتغل فيه :) اكتبوا بالانجليزي :)
| |
|
|
|
|
|
|
Re: سمارت انتي- مطلوب حضورك الآن لامر جلل (Re: فيصل نوبي)
|
سلامات يا سارة ..
طبعا انا مريت بتجارب مريرة مع هذا الايباد في السودان .. لكن الحمد لله الان الامور كلها سلكت ..
- بخصوص مداخلة الاخ فيصل نوبي حول انشاء حساب مجاني التي اوردها اخيرا ستفشل في السودان لانه سيطلب منك اسم الدولة وبمجرد وضع اسم السودان فستبدأ اللولوة . - انا شخصيا استخدمت حساب في امريكا ويمكن تغذيته من السودان بالقفت كارد ويمكن تنزيل التطبيقات بالقروش من حساب القفت كارد ولكن المجانية مافي ليها طريقة . - هنالك محلات في السودان تقوم بتنزيل التطبيقات مقابل مبلغ 100 جنيه لكنهم لا يخيرونك في التطبيقات فلديهم باكج كامل جاهز وررر يكبو ليك في الجهاز وتدفعي وتمشي . - أنجح وأفضل طريقة وجدتها هي الجيلبريك والسيديا. - أنصحك بتنزيل التطبيقات في امريكا وارسال الجهاز ready والزول العايز يستخدموا يعمل اشتراك مع سوداني لانها افضل من زين حسب تجربتي .
| |
|
|
|
|
|
|
Re: سمارت انتي- مطلوب حضورك الآن لامر جلل (Re: معتصم محمد صالح)
|
يا معتصم سلامات
Quote: - بخصوص مداخلة الاخ فيصل نوبي حول انشاء حساب مجاني التي اوردها اخيرا ستفشل في السودان لانه سيطلب منك اسم الدولة وبمجرد وضع اسم السودان فستبدأ اللولوة . |
الحساب ممكن يعملو ليكـ زول في أي دولة بره و يديكـ اليوزر نيم و الباسويرد و ممكن تنزل بيهو اي برنامج مجاني بدون ما تكلف الزول قروش القفت كارد. و بدون اي لولوة كمان اما اذا عايز تستخدم الحساب في السودان في طريقة سهلة جداً للآيفون و الايباد تنزل حاجة إسمها HOTSPOT SHIELD و ده بيديكـ حاجة إسمها vpn بتغش ناس آبل و توريهم إنكـ بره السودان و تنزل اي برنامج عادي بس إنت قول عايز شرح للقصة دي و إنت ما بتعرفها. السيديا عندو مصيبة كبيرة جداً إنه الايفون او الآيباد بتاعكـ بيكون قاعد في السهلة و ممكن تكون إنت مخترق و ما عارف روحكـ و في حال إنكـ عندكـ معلومات مهمة مخزنة في جهازكـ أنصحكـ بعدم إستخدام السيديا نهائياً.
| |
|
|
|
|
|
|
Re: سمارت انتي- مطلوب حضورك الآن لامر جلل (Re: حذيفه ابراهيم الكباشي)
|
Quote: عايز شرح للقصة دي و إنا ما بعرفها.
|
اها ده اول شئ ..
تاني شئ يا عمك والله قصة الكمبيوتر عموما والابلات ( منتجات ابل ) فكرتنا فيها محدودة وقدر حوجتنا ليها ..
ونشهد لك انك اول من تطرق لموضوع الايفون هنا وفي مناطق اخرى لذلك من الطبيعي ان تكون لديك خبرات وتجارب متراكمة لعدة سنوات .. لذلك انتظر منك كل عون وتوجيه فيما يتصل بالايباد وبداية قصة الهوست دي لانو لو عايز تنزل اي حاجة طوالي يجيك ايرور 1009
تحياتي
| |
|
|
|
|
|
|
Re: سمارت انتي- مطلوب حضورك الآن لامر جلل (Re: معتصم محمد صالح)
|
سلامات يا معتصم الموضوع ده بيفتح معاكـ اي حاجة و أعلنها هنا أمام الله عز و جل أنني غير مسؤل عمن يستخدمه فيما لا يرضي الله
الطريقة كالآتي : تمشي لي Setting general network VPN add VPN configuration IPSec و تدخل المعلومات التالية :
Select the IPSec tab/pane Description: HotspotShield Server: 68.68.107.101 Account: n5tfrq Password: n5tfrq Use Certificate: OFF Group Name: hss Secret: hss
__ و بي كده تشتغل في اي وقت علي الآي تيون من اي مكان مقفول ولا ما مقفول _ أكرر أي شخص يستخدم ما ذكر أعلاه فيما لا يرضي الله ؛ أشهد الله أنني بريء من ذنبه.
| |
|
|
|
|
|
|
Re: سمارت انتي- مطلوب حضورك الآن لامر جلل (Re: فيصل نوبي)
|
شكرا يا عمك ..
البتاع ده بمرقنا من الايرور 1009 ؟ لانو عندي الشفع في البيت عندهم العاب كمية عايزين يعملوا ليها ابديت وعايزين ينزلو اولاد الزرافة وما قادرين ..
المهم ..
عملت القلتو كلوو وبرضو الايرور بجي .. هل في خطوة تانية ؟ خطوات ؟
يعني تحت مكان البروكسي نعملوا off او manual او Auto ?
والـ VPN ذاتو نخليهو off ولا نعملو On ؟
| |
|
|
|
|
|
|
Re: سمارت انتي- مطلوب حضورك الآن لامر جلل (Re: معتصم محمد صالح)
|
تمام يا فيصل ومعتصم ..... وشكرا لستي ساره .... فعلا لما اكون في البلد الجهاز بيرفض اي اب ديت .... ولما ارجع يشتغل عادي ..... غايتو جنس غايتو ..... كدي زيد الشرح وبالتفاصيل الممله .... لاني انا من زمن الخلوه واللوح و التلغراف والتلكس ..... محبتي واحترامي
| |
|
|
|
|
|
|
Re: سمارت انتي- مطلوب حضورك الآن لامر جلل (Re: فيصل نوبي)
|
في حاجة مهمة يا اخت سارة ما تدي حسابك لاي زول يستخدمو لسبب بسيط وهو انو في حاجة جديدة عملتها ابل في نظام ايوز 5 وهي خدمة السحابة icloud خدمة السحابة دي اي جهاز تابع لايبل يخش بحسابك يقدر ينزل اي حاجة انتي نزلتيها في حسابك الاصلي حتى الصور والايميلات والملاحظات
وده بمثابة تحذير للناس البستخدموا حساب واحد لاجهزة متعددة وللناس البستعينوا باصحاب المحلات في تنزيل البرامج لانو الحساب بكون عاملو صاحب المحل والايميل حقو ويقدر يسحب من كل الناس النزل ليهم برامج تخيلي كل صورك ومتعلقاتك الشخصية تتاح للآخرين هكذا
| |
|
|
|
|
|
|
Re: سمارت انتي- مطلوب حضورك الآن لامر جلل (Re: سارة علي)
|
عاد يا فيصل نوبى.....يا ود ام فيصل نوبى...تتعلى ما تدلى. ربنا يديك العافية و يوفقك و يخلى ليك اولادك و امهم و تشوفوا اولاد اولادهم. قول امين.* بالجد شكرا يا نوبى. _______________________________ * اسمارت فى شكل حبوبة
سارة....فتحت البورد و كان ح يجينى هارت اتاك.....انا قلت الامر الجلل ده بيكون انو بكرى ابو بكر حن على و عمل لى مكتبة
Quote: ويا اسمارت جيتك ما لازماني بعد دا فيصل والمعاه ما قصرو... :) :) |
اصلا يا فرده انا ما كنت ح افيدك بشىء....كنت ح اجى اسلم عليك (و اتساغل حبة) و بعدها امشي اشحد فيصل نوبى يجى يشرح لينا. و بالمناسبة كمان يا سارة ناس السودان ما يحنكوك و يقولوا ليك ما عندهم قفت كارد من ابل. موجودة فى محلات كتيرة....بس تمنها اغلى شوية. يعنى الكرت الى فيه 25 دولار بيتباع ب 35 دولار فى الخرطوم. الحاجه التانية....الاسعار فى السودان ما اكتر كتير من امريكا او دبى....الفرق حوالى 100 دولار بس.
نوبى...فى زول قال لى انه لو نزلت التطبيق ده VPN Express http://itunes.apple.com/us/app/vpn-express/id375584677?mt=8 مفروض تقدر تنزل اى تطبيق عاوزه فى السودان!!!! احتمال ده يكون ذى الكلام اللى انت قلته هنا
Quote: الطريقة كالآتي : تمشي لي Setting general network VPN add VPN configuration IPSec و تدخل المعلومات التالية :
Select the IPSec tab/pane Description: HotspotShield Server: 68.68.107.101 Account: n5tfrq Password: n5tfrq Use Certificate: OFF Group Name: hss Secret: hss |
| |
|
|
|
|
|
|
Re: سمارت انتي- مطلوب حضورك الآن لامر جلل (Re: smart_ana2001)
|
و يا جماعة (عليكم الله) ....تعملوا ذى ما تعملوا.....بس ما تنزلوا تطبيقات مسروقة (صاحبها خاتيها بقروش لكنها مسروقة و بتزل مجانا). خاصة ان ناس السودان بقى ما عندهم عذر.....كروت ابل متوفرة فى السوق و طرق التحايل على الحظر على السودان موجودة.
| |
|
|
|
|
|
|
Re: سمارت انتي- مطلوب حضورك الآن لامر جلل (Re: smart_ana2001)
|
لازم نعيد كلام فيصل نوبى ده....عشان الناس تسمعوا كويس...
Quote: السيديا عندو مصيبة كبيرة جداً إنه الايفون او الآيباد بتاعكـ بيكون قاعد في السهلة و ممكن تكون إنت مخترق و ما عارف روحكـ و في حال إنكـ عندكـ معلومات مهمة مخزنة في جهازكـ أنصحكـ بعدم إستخدام السيديا نهائياً. |
عمر الفاروق...مالك علينا يا اخى???
يا سارة....انا زولة (مش حمل بهدلة) بنوم بدرى و بصحى متاخرة....بوستك ده لقيتو و انا فى العربية ماشه على الشغل. ما تشيلى حسي ساى يا اخى
| |
|
|
|
|
|
|
|