|
Re: الانسحاب من نهائي كأس السودان فضيحة أخري لمجلس جمال الوالي (Re: طلحة عبدالله)
|
سلام يا طلحة يا صفوة
طبعاً أنا رائي في المجلس بتاع المريخ زي رايك دا و اكعب لكن قرار الانسحاب دا انا معاهو بالكااامل لانو الموضوع ما قصة انسحاب من مبارة معلنة مسبقاً ولا اي حاجة من عينة البمرروا فيها ناس الهلال و اعلامهم ، القصة و النقة في اعلان المبارة دي تمت من تاريخ اعلانه بشهر و ما يثبت الكلام دا موجود ومتوفر و إي و احد عايز يلقاهو بيلقاهو المشكلة انو في تاريخه داك لما المريخ اعترض اهل الاتحاد (النام) قعدوا يراوغوا ويماطلوا في تسليم رد على اسئلة المريخ وكل مرة يدخلو بحمد ويطلعو بخوجلي لحدي ما جاء قرارهم المتأمر دا عشان كدا كان رد المريخ ببيان عاصف و أعلان للأنسحاب ودا قرار صائب مليون في المية .
المجلس دا معركتنا معاهو طويلة و حتستمر حتى نسقطه بالاجماع بس نقطة الانسحاب دي نقطة صح يا طلحة .
وهاك دي مداخلة لاخونا الصفوة نادر الفضلي في بوست الصفوة منتصر و أنا مؤامن علي كلام نادر و متفق معاهو :-
Quote: حقو تسال نفسك لماذا لجنة البرمجة برئاسة مجدى شمس الدين قامت بهذه البرمجة الشاذة كاسرة للقاعدة فى أن تكون مباراة كأس السودان خاتمة الموسم؟ خاصة أن البطولة الرئيسية (الدورى الممتاز) متبقية لها عدة مباريات !! ستجدها برمجة ملغومة من السذاجة الوثوق بها وما تضمره من تأمر لإنقاذ الموسم للهلال. لن يكتفوا بتحكيم معدوم الضمير ليكفل الإنتصار للهلال بالمباراة، بل لضمان تصفية مفاتيح لعب المريخ ليتعثر فى بقية مباريات الدورى الممتاز .
إدارة المريخ إعترضت على هذه البرمجة منذ أن أعلنت، فكان اللف والدوران من رئيس الإتحاد الذى إرتضى أن يكون طرطوراً يتلاعب به مجدى شمس الدين ولجنة منافسته. وجاء ردهم متأخراً برفض الطلب. فالبرمجة الملغومة الموجهة، والمساعدات المضمونة من الوطنى الكبير بجهاز التحكيم صلاح أحمد محمد صالح ، هو كل ما تبقى لهم من وسيلة لمواصلة توجيه البطولات لمن لا يستحق. نأمل أن تظل إدارة المريخ فى موقفها بضرورة تصحيح البرمجة، هى صحوة وإن كانت متأخرة سنين عدداً، فقد أشارت لأزمة الكرة السودانية المتمثلة فى إتحاد الفساد وحكام الفساد. والإتحاد السجمان كما تقول لا سبيل لمناهضته بدون تلميس واقعه المخزى بمواجهته فى برمجته الفاسدة. عالم تخاف ما تختشى.
وحريقة فى الكاس والممتاز وإتحاد الكورة والكورة ذاتها التى يقودها من سقطوا أخلاقيا بفساد ذممهم، وعدم أمانتهم فى تنفيذ واجبات وظائفهم.
قلتها وأقولها مراراً لن ينصلح حال كرة القدم بالسودان ما دام يجثم على سدت قيادته إتحاد فاسد .. وتحكيم فاسد!
شكراً يا نادر الفضلي يا صفوة يا راكز
يا منتصر كنت فاكرك متابع وعارف انو ناس المريخ ما سكتو ساعة اعلان المبارة دي وانو الإدارة اتبعت خطوات الاعتراض المنطقية حسب العُرف لكن الاتحاد كعادته اتجرجر و راوغ و ما بته في المسألة دي الا قبل ساعات عشان كدا إدارة المريخ ما كان عندها إي رد فعل غير البيان دا .
الكلام بتاع ليه ساكتين شهر دا كلام رشاشات ساااكت و الرشاشات ديل عمرهم ما حيورونا نعمل شنو ولا ما نعمل شنو . نحن اصحاب المريخ و نحن من نملك قرار المريخ و بيدنا فقط نصرف امورنا عشان كدا بقول ليك انا مع قرار المؤسسة قلباً وقالب . و عايزك انت و ود الموج و بقية الصفوة تراجعوا موقفكم دا و مافيش حاجة اسمه لازم نلعب ولازم شنو دي !!! انت فاكر الموضوع انسحاب ساكت وبس !!!.
هذا مع المحبة التى تعلمها . |
|
|
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 10:04 AM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 10:13 AM |
Re: الانسحاب من نهائي كأس السودان فضيحة أخري لمجلس جمال الوالي | nazar hussien | 10-31-11, 10:15 AM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 10:38 AM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 11:10 AM |
Re: الانسحاب من نهائي كأس السودان فضيحة أخري لمجلس جمال الوالي | nazar hussien | 10-31-11, 11:17 AM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 11:24 AM |
Re: الانسحاب من نهائي كأس السودان فضيحة أخري لمجلس جمال الوالي | صديق الموج | 10-31-11, 11:29 AM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 11:49 AM |
Re: الانسحاب من نهائي كأس السودان فضيحة أخري لمجلس جمال الوالي | سفيان بشير نابرى | 10-31-11, 11:31 AM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 11:38 AM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 12:06 PM |
Re: الانسحاب من نهائي كأس السودان فضيحة أخري لمجلس جمال الوالي | سفيان بشير نابرى | 10-31-11, 12:19 PM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 03:38 PM |
Re: الانسحاب من نهائي كأس السودان فضيحة أخري لمجلس جمال الوالي | طارق الكوتش | 10-31-11, 03:57 PM |
Re: الانسحاب من نهائي كأس السودان فضيحة أخري لمجلس جمال الوالي | منتصرمحمد زكى | 10-31-11, 04:15 PM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 04:53 PM |
Re: الانسحاب من نهائي كأس السودان فضيحة أخري لمجلس جمال الوالي | طلحة عبدالله | 10-31-11, 04:55 PM |
|
|
|