|
|
 اخيرا الواحد حاسي انه بقي مغترب
|
زمان لما الواحد كان مواطن سوداني كامل الاهلية وعايش في السودان زيه وزي بقية خلق الله كان عندي استاندر للصفات الملازمة المغتربين السودانين في الخليج والسعودية واي مغترب امرره علي الاستاندر دا من خلال تصرفاته وصفاته كان بينجح نجاح منقطع النظير , اهم الصفات الكنت بشوفها في المغتربين كانت " نضامين باحترافية وكانه مسألة الصمت او الاستماع من العيوب الكانوا بحاولوا يتخلصوا منها " دي اول صفة كانت بتميز السوداني المغترب , الصفة التانية وهي اي مغترب عنده حوالي خمسة الي سبعة نكات وكانه كان بيوزعوها عليهم في المطار , نفس النكات في كل زيارة للسودان تلقي المغترب بيتحين الفرص عشان يردد فرمالاته من النكات ودي ما المشكلة المشكلة انه النكات في مجملها " بيض جدا " الا انه بيحكيها ويضحك عليها بضمير و بصوت عالي اكتر من الذين تم القاء النكتة عليهم ولكن دائما هناك من يجامل وهو طبع جبلنا عليه , الصفة التالتة وهي تكرار الكلام , يعني لو المغترب داير يشرح ليك اي حاجة تلقاهو بيقول الكلام ويقعد يكرره وكانه بيلقن في تيس يشيل ويعيد في الكلام المفهوم من البداية ولو المستمع ما عنده طولة بال عادي ممكن يجيهو شلل اطفال من كثرة تكرار المغترب لكلامه , الصفة الرابعة وهي عملية المقارنة ما بين هنا وهناااك وخاصة في اسعار شراء الحاجات او قيمتها بعملة البلد الجاي منها المغترب , وادمانه لمقولة دي والله هناك بي كذا ريال بس والحاقها بالجملة الشهيرة والله البلد بقت غالية ما بتتهبش , مما يخلق انطباع عريض بانه المغتربين ديل ناس جبارين وجلود رسمي , اللازمة الخامسة والمهمة انه نوعية كلام المغترب والفاظه التي يستخدمها هي الفاظ وكلمات عفي عنها الزمان وتجاوزها القاموس السوداني المتجدد بسرعة الصاروخ , يعني اول ما تسمع مغترب بينضم بينضم بينضم وهو عادة ما لايسكت كما اسلفان يجيك احساس طوالي بانك بتحضر برنامج من الامس , يعني المغترب تلقاهو معلق في نوعية الكلام الكان متداول لحين اغترابه لذا عند الاستماع للمغترب تحن عليهو وتقرب تواسيه بقولك " يا حليلك يا تتي " وكثير من الصفات واللوازم التي تصاحب اي مغترب وفي البوست متسع لذكرها .
اها انا من اغتربت في البلد دي قبل حداشر سنة وانا حريص كل الحرص في عدم التحاق اي صفة من هذه الصفات بي , ولكن بمرور الايام والسنوات بدات اكتشف انه اخوكم اتصيع وبقي زيه وزي اي مغترب ماسورة , قبل كم يوم كدا كنت بتونس فجاة اكتشفت ليك نفسي اني ما سكت من قعدت شغال انضم اضنم لحدي ما حنكي وجعني وما عندي رغبة في السكوت اطلاقا وما قاعد اسمع زاتو غير كلامي , بالنسبة للنكت دي الواحد ما استلم الكوتة حقتو لسع لكن للامانة الادبية وحدها بتجبرني اقول انه كل ما اكون مع اخوي الكاشف " احمد التجاني " يحكي لي في فرمالاته من النكت تلقاني بضحك بعمق ومسؤلية وكاني بسمع النكتة منه لرابع مرة فقط بالرغم من اني توقفت عن حساب المرات التي حكي لي فيها نفس النكتة ^_^ وعلي يقين اني ساضحك مرات اخري في نفس النكت المحكية بضمير واصرار , اما بخصوص عمليات المقارانات فالواحد اكتشف انه المقارنة ما نابعة من جلدنة ولا جبر ولكن لانه المغترب بيكون عمل الممكن والما ممكن وباع الوراهو والقدامه عشان يمشي السودان عشان كدا الواحد مضطر يحسب ويقارن , يعني بصراحة في دي المغتربين معزورين ومجبر اخاك لا جلدة ^_^ , اما الالفاظ القديمة والحنك البايت فكلكم نظر مرة اخوكم بتونس مع اولاد اخته جو من السودان فجاة نط ود اختي الشليق وقال لي والله يا خالو اديتني احساس انه طالع من خشمك غبار يا خالو حنكك دا خلوهو زمان , لكن اخوكم ما كشافة بس ظليت بتونس معاهو لحدي ما حسيت بانه عملت ابديت كويس يؤهلني للنضمي سنتين منظورات .
لكن الخلاصة اجمالا كدا الواحد ممكن بكل ارتياح يتقبل تهانيكم وتبريكاتكم علي انه اصبح مغترب كامل النصاب والصفات وبقي عضو كامل الفعالية في جمعية " تتي "
|
|
  
|
|
|
|
|
| العنوان |
الكاتب |
Date |
| اخيرا الواحد حاسي انه بقي مغترب | اساسي | 10-26-11, 12:30 PM |
| Re: اخيرا الواحد حاسي انه بقي مغترب | وليد محمد المبارك | 10-26-11, 12:42 PM |
| Re: اخيرا الواحد حاسي انه بقي مغترب | بشير أحمد | 10-26-11, 12:48 PM |
| Re: اخيرا الواحد حاسي انه بقي مغترب | حيدر حسن ميرغني | 10-26-11, 12:51 PM |
| Re: اخيرا الواحد حاسي انه بقي مغترب | محمد إبراهيم علي | 10-26-11, 01:00 PM |
| Re: اخيرا الواحد حاسي انه بقي مغترب | أبوعبيدة محمد الأمين | 10-26-11, 12:53 PM |
| Re: اخيرا الواحد حاسي انه بقي مغترب | طارق جبريل | 10-26-11, 01:06 PM |
 Re: اخيرا الواحد حاسي انه بقي مغترب | قيقراوي | 10-26-11, 01:17 PM |
| Re: اخيرا الواحد حاسي انه بقي مغترب | ماجد حسون | 10-26-11, 01:14 PM |
 Re: اخيرا الواحد حاسي انه بقي مغترب | عبدالله ود البوش | 10-26-11, 01:27 PM |
| Re: اخيرا الواحد حاسي انه بقي مغترب | عمر الفاروق | 10-26-11, 02:02 PM |
| Re: اخيرا الواحد حاسي انه بقي مغترب | احمد التجانى احمد | 10-26-11, 02:25 PM |
| Re: اخيرا الواحد حاسي انه بقي مغترب | عمر الفاروق | 10-26-11, 02:40 PM |
| Re: اخيرا الواحد حاسي انه بقي مغترب | حيدر حسن ميرغني | 10-26-11, 02:58 PM |
| Re: اخيرا الواحد حاسي انه بقي مغترب | البحيراوي | 10-26-11, 03:31 PM |
| Re: اخيرا الواحد حاسي انه بقي مغترب | ABUHUSSEIN | 10-26-11, 03:42 PM |
| Re: اخيرا الواحد حاسي انه بقي مغترب | ABUHUSSEIN | 10-26-11, 03:45 PM |
| Re: اخيرا الواحد حاسي انه بقي مغترب | Elawad | 10-26-11, 04:05 PM |
| Re: اخيرا الواحد حاسي انه بقي مغترب | عمر الفاروق | 10-26-11, 04:46 PM |
| Re: اخيرا الواحد حاسي انه بقي مغترب | محمد الطيب يوسف | 10-26-11, 06:12 PM |
| Re: اخيرا الواحد حاسي انه بقي مغترب | ismeil abbas | 10-26-11, 05:00 PM |
| Re: اخيرا الواحد حاسي انه بقي مغترب | Mahmoud Mustafa Mahmoud | 10-26-11, 09:05 PM |
| Re: اخيرا الواحد حاسي انه بقي مغترب | احمد التجانى احمد | 10-27-11, 05:57 AM |
| Re: اخيرا الواحد حاسي انه بقي مغترب | ibrahim alnimma | 10-27-11, 06:21 AM |
| Re: اخيرا الواحد حاسي انه بقي مغترب | خالد عبد الله محمود | 10-27-11, 09:15 AM |
| Re: اخيرا الواحد حاسي انه بقي مغترب | khaleel | 10-27-11, 06:33 AM |
| Re: اخيرا الواحد حاسي انه بقي مغترب | Mahmoud Mustafa Mahmoud | 10-27-11, 07:40 AM |
| Re: اخيرا الواحد حاسي انه بقي مغترب | قيقراوي | 10-27-11, 08:50 AM |
| Re: اخيرا الواحد حاسي انه بقي مغترب | محمد البشرى الخضر | 10-27-11, 04:47 PM |
| Re: اخيرا الواحد حاسي انه بقي مغترب | احمد التجانى احمد | 10-28-11, 01:49 PM |
| Re: اخيرا الواحد حاسي انه بقي مغترب | جمال الباقر | 10-28-11, 03:20 PM |
| Re: اخيرا الواحد حاسي انه بقي مغترب | jini | 10-28-11, 04:20 PM |
| Re: اخيرا الواحد حاسي انه بقي مغترب | يوسف محمد يوسف | 10-28-11, 06:04 PM |
| Re: اخيرا الواحد حاسي انه بقي مغترب | اساسي | 10-28-11, 07:17 PM |
| Re: اخيرا الواحد حاسي انه بقي مغترب | اساسي | 10-28-11, 07:28 PM |
|
| |
اساسي
فيس بوك
تويتر
انستقرام
يوتيوب
بنتيريست