|
|
 Re: ايلولة المستشفيات الاتحادية بالخرطوم الي اشراف وزارة الصحة الولائي (Re: محمد قرشي عباس)
|
محمد قرشي يا صديق والله جيتك هنا مهمة شديد
واقول ليك حاجة
زمان الواحد بقول الحكومة ناخد المواضيع دي معاه كسر رقبة لكن صراحة خطورة موضوع المستشفيات الاتحادية وتحويلها الي الولائية بخلينا
نقعد بهداوة ونقول ليهم عليكم الله خلوها في محلها ....
لانو ببساطة ومن اخر كده فشلت وزارة الصحة ولاية الخرطوم في انها تخلي المستشفيات الصغيرة التابعة ليها تعمل بشكل جيد او تقلل الضغط علي المستشفيات الاتحادية
ودا فشل في الية ادارية لحجم العمل في المستشفيات الاتحادية ولاهمية انها تكون تحت ظل اداري قصير مع اعلي سلطات البلد ومهما حاول العاملين في وزارة الصحة الولائية انهم
يقولوا انهم بقدروا فما ح يحصل ..
للاسف الشديد فشل كبير كان في مستشفي ام درمان عند وقوعها تحت اشراف وزارة الصحة الولائية ..تدني ما رصد من ميزانية من حوالي 120 مليون الي 40 مليون اذا صحت الارقام
وهكذا سيكون الحال بالنسبة لباقي المستشفيات
ح تتراكم الحكاية وتودي الي تدهور كبير في خدمات اصلا متدهورة والمواطن المغلوب علي امره هو من سيدفع الثمن ...
صراحة اعجبني حماس استاذنا محمد عبدالرازق ولو في طريقة نجيب الحلقة التي تمت في الشروق ...
لكن كعادة اجهزة الكيزان الاعلامية ...
تم تقطيع كثير من المداخلات من اعضاء اللجنة ...
نتمني عوودتك تاني للموضوع ونحاول هنا نوضح ايه اهمية الامر بالنسبة للمواطن اكتر من لجنة الاطباء وانو دورنا اننا نحاول نسلط الضو علي الحتة دي
|
|
 
|
|
|
|
|
| |
الفاتح سليمان
فيس بوك
تويتر
انستقرام
يوتيوب
بنتيريست