|
Re: أوصيكم ب ( 6 ) عادات يجب تجنبها بعد الزواج - من خبير متمرس طبعا (Re: الطيب شيقوق)
|
الابن عبد الكريم
تسلم يا الحبيب على كلماتك الطيبة
Quote: غايتو أنا العازب ده....بشكرك علي النصائح العطرة دي. ولحين اليوم داك...ح أبقي أتمرن علي قول الحلو وأبلع المر. |
طالما عازب حقو تنتظر ولا تحكم على المرأة السودانية الا بعد تشم الجرتق
Quote: ودمت انت الصحة والعافية وإن شاء الله ديمة عامرة مع أم العيال. |
تسلم يا ابني وربنا يقسم ليك المرأة السودانية البتسعدك
| |
|
|
|
|
|
|
Re: أوصيكم ب ( 6 ) عادات يجب تجنبها بعد الزواج - من خبير متمرس طبعا (Re: عبدالكريم عبدالله)
|
يا سامر ( غاندي) الف مرحب بيك ياخ وتحياتنا لكل السودانيين المعاكم في كوستاريكا ديل كووولهم أكيد كيس التمباك عندهم بيكون بعشرة دولارات وكيلو حطب الطلح 20 دولار .
Quote: يا اخوي الطيب ود شيقوق في الثلاث عقود ما كنت تذكر لاخوانا ديل من اهم استقرار الحياة الزوجيه المشاركة في الواجبات المنزليه ( غسيل العدة ولم الهدوم من الحبل ) وتشارك ليك بطبيخ حله انشاء كل اسبوعين وتعمل القهوه انشاء الله مرة في الشهر . |
لا فض فوك يا غاندي اخوى بس افتكر الشغلانية دى تختلف بإختلاف مهن وثقافات الناس والنمط المعيشي لكل شريحة . يعني عندنا نحن ناس الضهاري لما تشمى الزراعة ومعاك ام الاولاد بتكون عزيتا عز تمام اكان لدى عودتك من الزراعة غشيت ليك شدرة يابسة وقمت كسرتها بفرارك وحزمتها حزمتين ورفعتها في الحمار وركبت ام اولادك عليهو وبقيت تابعها من خلف وكمان لو بقيت مديها سنيدة بيدك من الوقعة تكون بالغت عدييييييل كدا .
وجاييك تاني
| |
|
|
|
|
|
|
Re: أوصيكم ب ( 6 ) عادات يجب تجنبها بعد الزواج - من خبير متمرس طبعا (Re: الطيب شيقوق)
|
Quote: يعني عندنا نحن ناس الضهاري لما تشمى الزراعة ومعاك ام الاولاد بتكون عزيتا عز تمام اكان لدى عودتك من الزراعة غشيت ليك شدرة يابسة وقمت كسرتها بفرارك وحزمتها حزمتين ورفعتها في الحمار وركبت ام اولادك عليهو وبقيت تابعها من خلف وكمان لو بقيت مديها سنيدة بيدك من الوقعة تكون بالغت عدييييييل كدا |
يا شيقابوسطيك حلو بالحيل .... الحياة تمشي سمعا و طاعه وساهله الحياة الزوجية الموضوع كلو يتلخص فى Yes honey :) ولا تكون زي عمك تنقو و تلعب دفااااااااااااع طوالي :)
عمك تنقو ابو قلبا حار في نص الليل ادى قرار قال للعازة بكل إصرار اطلبي طلباتك إن شاء الله كتار لمن تصبح باذن ستار انفذ ليك كل طلباتك من اكبر حاجة لي مسمار في صباح الباكر مع الابكار طنش عمك بقى مكار قال للعازة كلام الليل يمحاه نهار
| |
|
|
|
|
|
|
Re: أوصيكم ب ( 6 ) عادات يجب تجنبها بعد الزواج - من خبير متمرس طبعا (Re: محمد المرتضى حامد)
|
اخي ود بيكاب
Quote: يا شيقابوسطيك حلو بالحيل .... الحياة تمشي سمعا و طاعه وساهله الحياة الزوجية الموضوع كلو يتلخص فى Yes honey :) ولا تكون زي عمك تنقو و تلعب دفااااااااااااع طوالي :)
عمك تنقو ابو قلبا حار في نص الليل ادى قرار قال للعازة بكل إصرار اطلبي طلباتك إن شاء الله كتار لمن تصبح باذن ستار انفذ ليك كل طلباتك من اكبر حاجة لي مسمار في صباح الباكر مع الابكار طنش عمك بقى مكار قال للعازة كلام |
تسلم يا حلو واب قلبا حلو واب لسانا سكر
| |
|
|
|
|
|
|
Re: أوصيكم ب ( 6 ) عادات يجب تجنبها بعد الزواج - من خبير متمرس طبعا (Re: د.محمد بابكر)
|
Quote: معذرة اخى الطيب والرحمه والمغفره للاخ الجزولى ..علاقتى بالدندر هى علاقه باصدقاء ربما عرفت بعضهم كالاخ عمر مجذوب وقد زاملك فيما اعتقد فى كل مراحل الدراسه ايضا اعرف الكثيرين من اسرة عبوش وعلى راسهم د.عبدالرحمن عبوش واخرين ..معذره مره اخرى وتحياتى.. |
عفوا يا دكتور فقد مضت سنون كثر وتباعدت المسافات على ما اعتقد
نعم الاخ عمر مجذوب كان زميلي في كل مراحل المدرسة المتوسطة او الثانوية العامة واعتقد رباطابي الاصل اتت به للدندر ظروف عمل والده الذى عمل لفترة طويلة في محطة السكة حديد بالدندر .
ويبقى السؤال هل كنت مقيما بالدندر ام اتيتها عابرا وتعرفت بهولاء ؟
| |
|
|
|
|
|
|
Re: أوصيكم ب ( 6 ) عادات يجب تجنبها بعد الزواج - من خبير متمرس طبعا (Re: الطيب شيقوق)
|
لم اتشرف بزيارة الدندر لكن المنافى هى التى جمعتنى بمن ذكرت وفى جلسه مع عمر ذكرت له ما كان من موضوع البوست وضحكنا كثيرا خصوصا ان الرجل يحتفظ بذكريات حميمه حول الدندر واهلها .. وحكى لى كيف انكم فى البردانه تتزوجون مبكرا ولا اخفى عليك اننى لمحت فى عيونه علامات ندم لانه فعلها متاخرا..يعنى مادرجة (اولاد المرحوم لكن متاخر برضه) وبالمناسبه عمر ابوبنيات وهو متزوج من زميلتنا فى المنبر الدكتوره سناء الصباغ نلتقى تقريبا بشكل شبه يومى فى الختام تقبل تحياتى وتحياته...
| |
|
|
|
|
|
|
|