بنات الجلابـــــــــــــــــــــــــــــــــــــــــــة فى عهد الأنقاذ

Quote: و يا كبر أنت لا يخفى عليك اعتزاز اخونا بريمة بهويته العربية (أنا ما عندى اى اعتراض عليهو طالما دا البمثلوا و البعبر عن ذاتو شريطة أنو يكون متناغم مع و اقعه الاجتماعي ككل و ما يكون نشاز او معضلة تسبب اشكالات لبقية الهُويات ) في ذات الوقت لا يخفى عليك ازمة الوعي السائد في العقل العربي و نزعاته المثيلوجية الدينية الخلتو ببساطة شديدة طول عمرو يقعد في مقابلة وااااحده هي :- الشرق في مقابل الغرب الفاسق المنحل الشئ الخلاهو متوهط الدائمة و ما قادر يتقدم خطوة لى قدام . اها يا كبر كلامى الفوق عن العقل العربي و نزعاته الميثيلوجية و تمثلاتها كلها قادنى و انا بقرأ في البوست دا بذات فهمى الفوق دا اضبط ازمة الجنس و الخطاب المفخخ القدموا بريمة دون يقصد لكن كان ظاهر و الكلام دا مش عشان أنا نفسى كعبه ولا عشان عايز افهموا غلط لا ابدا ببساطة لانو كتيرين زي وزيك و زي أسامة و قيقا راوي و ناس بقت كتييييييرة شديد من الجنسين بقوا واقعه ليهم ازمة الوعي داخل العقل العربي لا بل بقوا عاااادى بمعرفتهم و وعيهم المكتسب بحاولوا ينقلبوا عليها و انها ما تبقى المحرك الرئيسى بتاعهم . اها ياكبر و قريييت البوست و اتقدمته فيهو و جاء بريمة ببساطة طبز طبزتو العدييييله دى و وضح انو ما كان في تفكيروا بعيد عن ازمة الجنس خصوصاً لما قال كلام الدكتور بتاع ال10 الف حالة اجهاض داك و اهو اثبت انو فهمى الكويس لل(قروي) بتاع السماحة التربوية و النضافة النفسية اتصادمت تمام مع ازمة خطاب الهُوية العربية زايد الصدمة مع عالم جديد و مغاير في كل مكنيزماته اسموا الخرطوم الذى هو قمة التقدم و الرقي .